ਕਪਾਹ ਆਮਦ ਵਧਣ ਦੇ ਬਾਵਜੂਦ ਰੂੰ ਬਾਜ਼ਾਰ ’ਚ ਤੇਜ਼ੀ ਦਾ ਰੁਝੇਵਾਂ

ਜੈਤੋ (ਪਰਾਸ਼ਰ) - ਦੇਸ਼ ਦੇ ਵੱਖ-ਵੱਖ ਕਪਾਹ ਫਸਲ ਸੂਬਿਆਂ ਦੀਆਂ ਮੰਡੀਆਂ ’ਚ ਨਵੇਂ ਕਪਾਹ ਦੀ ਆਮਦ ’ਚ ਲਗਾਤਾਰ ਵਾਧਾ ਹੋ ਰਿਹਾ ਹੈ। ਸੂਤਰਾਂ ਅਨੁਸਾਰ ਦੇਸ਼ ’ਚ ਹੁਣ ਤੱਕ ਲੱਗਭੱਗ 5 ਲੱਖ ਗੰਢ ਦੀ ਆਮਦ ਮੰਡੀਆਂ ’ਚ ਪਹੁੰਚ ਗਈ ਹੈ।

ਅੱਜਕਲ ਰੋਜ਼ਾਨਾ ਮੰਡੀਆਂ ’ਚ 60000-62000 ਗੰਢ ਦੀ ਆਮਦ ਪਹੁੰਚ ਗਈ ਹੈ, ਜਿਸ ’ਚ ਉੱਤਰੀ ਖੇਤਰੀ ਸੂਬਿਆਂ ਪੰਜਾਬ, ਹਰਿਆਣਾ ਅਤੇ ਰਾਜਸਥਾਨ ਸ਼ਾਮਲ ਹਨ। ਇਨ੍ਹਾਂ ’ਚ 25000 ਗੰਢ ਤੋਂ ਜ਼ਿਆਦਾ ਦੀ ਆਮਦ ਸ਼ਾਮਲ ਹੈ । ਦੇਸ਼ ’ਚ ਅਗਲੇ ਦਿਨਾਂ ’ਚ ਇਹ ਆਮਦ ਹੋਰ ਤੇਜ਼ੀ ਨਾਲ ਵਧੇਗੀ ਕਿਉਂਕਿ ਕੱਪੜਾ ਮੰਤਰਾਲਾ ਦੇ ਅਦਾਰੇ ਭਾਰਤੀ ਕਪਾਹ ਨਿਗਮ ਲਿਮਟਿਡ (ਸੀ. ਸੀ. ਆਈ.) ਵੱਲੋਂ ਹਰਿਆਣਾ, ਰਾਜਸਥਾਨ ਅਤੇ ਪੰਜਾਬ ’ਚ ਕਿਸਾਨਾਂ ਦਾ ਵ੍ਹਾਈਟ ਗੋਲਡ ਹੇਠਲੇ ਸਮਰਥਨ ਮੁੱਲ ’ਤੇ ਖਰੀਦਿਆ ਜਾ ਰਿਹਾ ਹੈ।

ਸੀ. ਸੀ. ਆਈ. ਸੂਤਰਾਂ ਅਨੁਸਾਰ ਚਾਲੂ ਨਵੇਂ ਕਪਾਹ ਸੀਜ਼ਨ ਸਾਲ 2020-21 ਦੌਰਾਨ ਭਾਰਤੀ ਕਪਾਹ ਨਿਗਮ ਲਿਮਟਿਡ ਪਿਛਲੇ ਸਾਲ ਦੇ ਮੁਕਾਬਲੇ 20 ਲੱਖ ਗੰਢ ਦਾ ਵ੍ਹਾਈਟ ਗੋਲਡ ਜ਼ਿਆਦਾ ਕਿਸਾਨਾਂ ਵੱਲੋਂ ਸਿੱਧਾ ਖਰੀਦਣ ਜਾ ਰਿਹਾ ਹੈ। ਇਸ ਸਾਲ ਨਿਗਮ ਦੇਸ਼ ’ਚ 1.25 ਕਰੋਡ਼ ਗੰਢ ਦਾ ਵ੍ਹਾਈਟ ਗੋਲਡ ਖਰੀਦੇਗਾ, ਜਦੋਂਕਿ ਪਿਛਲੇ ਸਾਲ ਨਿਗਮ ਨੇ 1,05,14,000 ਗੰਢ ਦਾ ਵ੍ਹਾਈਟ ਗੋਲਡ ਹੇਠਲਾ ਸਮਰਥਨ ਮੁੱਲ ’ਤੇ ਖਰੀਦਿਆ ਸੀ।

ਸੂਤਰਾਂ ਅਨੁਸਾਰ ਕਾਟਨ ਐਡਵਾਈਜ਼ਰੀ ਬੋਰਡ (ਸੀ. ਏ. ਬੀ.) ਦਾ ਅਨੁਮਾਨ ਹੈ ਕਿ ਦੇਸ਼ ’ਚ ਚਾਲੂ ਕਪਾਹ ਸੀਜ਼ਨ ਦੌਰਾਨ 3.60 ਕਰੋਡ਼ ਗੰਢ ਦਾ ਵ੍ਹਾਈਟ ਗੋਲਡ ਉਤਪਾਦਨ ਹੋਵੇਗਾ, ਜਦੋਂਕਿ ਪਿਛਲੇ ਸਾਲ ਇਹ ਉਤਪਾਦਨ 3.57 ਕਰੋਡ਼ ਗੰਢ ਦਾ ਰਿਹਾ। ਨਿੱਜੀ ਵਪਾਰੀਆਂ ਵੱਲੋਂ ਦੇਸ਼ ’ਚ ਇਸ ਵਾਰ 4 ਤੋਂ 4.25 ਕਰੋਡ਼ ਗੰਢ ਉਤਪਾਦਨ ਦੇ ਕਿਆਸ ਲਾਏ ਜਾ ਰਹੇ ਹਨ ਪਰ ਇਹ ਅਨੁਮਾਨ ਰੂੰ ਤੇਜੜੀਆਂ ਦੇ ਗਲੇ ਹੇਠਾਂ ਕਦੇ ਵੀ ਨਹੀਂ ਉੱਤਰ ਰਿਹਾ ਹੈ।

ਪਿਛਲੇ ਸਾਲ ਤੇਜੜੀਆਂ ਨੇ ਲੱਖਾਂ ਗੰਢ ਰੂੰ ਦਾ ਸਟਾਕ ਜਮ੍ਹਾ ਕਰ ਲਿਆ ਕਿਉਂਕਿ ਉਨ੍ਹਾਂ ਨੂੰ ਵੱਡੀ ਉਮੀਦ ਸੀ ਕਿ ਰੂੰ ’ਚ ਮੋਟੀ ਤੇਜ਼ੀ ਹੱਥ ਲੱਗੇਗੀ ਪਰ ਹੋਇਆ ਇਸ ਦੇ ਉਲਟ ਜਿਸ ਦੇ ਨਾਲ ਸਟਾਕ ਰੱਖਣ ਨਾਲ ਵੱਡੀ ਆਰਥਿਕ ਸੱਟ ਪਹੁੰਚੀ ਹੈ। ਦੇਸ਼ ’ਚ ਕਪਾਹ ਆਮਦ ਵਧਣ ਦੇ ਬਾਵਜੂਦ ਭਾਰਤੀ ਰੂੰ ਬਾਜ਼ਾਰ ’ਚ ਤੇਜ਼ੀ ਦਾ ਰੁਝੇਵਾਂ ਚੱਲ ਪਿਆ ਹੈ।

ਇਹ ਵੀ ਪੜ੍ਹੋ: ਖ਼ੁਸ਼ਖ਼ਬਰੀ! ਦੀਵਾਲੀ ਤੋਂ ਪਹਿਲਾਂ ਕੇਂਦਰੀ ਮੁਲਾਜ਼ਮਾਂ ਤੇ ਸੂਬਿਆਂ ਨੂੰ ਸਰਕਾਰ ਦਾ ਵੱਡਾ ਤੋਹਫ਼ਾ

ਬਾਜ਼ਾਰ ’ਚ ਪਿਛਲੇ ਹਫਤੇ ਦੇ ਮੁਕਾਬਲੇ 90-100 ਰੁਪਏ ਪ੍ਰਤੀ ਮਣ ਦੀ ਤੇਜ਼ੀ ਆ ਚੁੱਕੀ ਹੈ। ਇਸ ਤੇਜ਼ੀ ਨੇ ਇਕ ਵਾਰ ਤਾਂ ਰੂੰ ਬਾਜ਼ਾਰ ਦੇ ਮੰਦੜੀਆਂ ਦੇ ਚਿਹਰੇ ’ਤੇ ਮੁਸਕਾਨ ਘੱਟ ਕਰ ਦਿੱਤੀ ਹੈ ਪਰ ਮੰਦੜੀਆਂ ਦਾ ਕਹਿਣਾ ਹੈ ਕਿ ਇਹ ਰੂੰ ਦੀ ਤੇਜ਼ੀ ਟੈਂਪਰੇਰੀ ਬਣੀ ਹੈ ਅਤੇ ਇਹ ਕੀਮਤਾਂ ਬਹੁਤ ਜਲਦ ਵਾਪਸ ਆਉਣਗੇ ਕਿਉਂਕਿ ਬਾਜ਼ਾਰ ’ਚ ਜ਼ਿਆਦਾਤਰ ਵੱਡੇ ਘਰਾਣਿਆਂ ਨੇ ਰੂੰ ਖਰੀਦਦਾਰੀ ਤੋਂ ਚੁੱਪੀ ਸਾਧ ਰੱਖੀ ਹੈ। ਕੁੱਝ ਇਕ ਕਤਾਈ ਮਿੱਲਰਾਂ ਦੀ ਖਰੀਦ ਸ਼ੁਰੂ ਹੈ।

ਉੱਧਰ, ਰੂੰ ਤੇਜੜੀਆਂ ਦਾ ਮੰਨਣਾ ਹੈ ਕਿ ਜਦੋਂ ਬਾਜ਼ਾਰ ’ਚ ਕੁੱਝ ਇਕ ਕਤਾਈ ਮਿੱਲਾਂ ਦੀ ਡਿਮਾਂਡ ਨਾਲ ਬਾਜ਼ਾਰ ’ਚ ਤੇਜ਼ੀ ਦਾ ਰੁਝੇਵਾਂ ਚੱਲ ਪਿਆ ਹੈ। ਜੇਕਰ ਬਾਜ਼ਾਰ ’ਚ ਹੋਰ ਕਤਾਈ ਮਿੱਲਾਂ ਦੀ ਡਿਮਾਂਡ ਆ ਗਈ ਤਾਂ ਰੂੰ ’ਚ ਚੰਗੀ ਤੇਜ਼ੀ ਬਣਨਗੀਆਂ। ਜ਼ਿਆਦਾਤਰ ਰੂੰ ਕਾਰੋਬਾਰੀਆਂ ਦਾ ਮੰਨਣਾ ਹੈ ਕਿ ਰੂੰ ਬਾਜ਼ਾਰ ’ਚ ਤੇਜ਼ੀ-ਮੰਦੀ ਦਾ ਰੁਖ ਗ੍ਰਹਿ ਚਾਲ ਨਾਲ ਬਣਦਾ ਹੈ। ਤੇਜ਼ੀ ਦਾ ਰੁਖ ਚੱਲਣ ਨਾਲ ਰੂੰ ਬਿਕਵਾਲ ਕਾਫੀ ਘੱਟ ਨਜ਼ਰ ਆਇਆ।

ਇਹ ਵੀ ਪੜ੍ਹੋ: ਇੰਝ ਖ਼ਰੀਦ ਸਕਦੇ ਹੋ ਸਸਤਾ ਸੋਨਾ, ਸਰਕਾਰ ਦੇ ਰਹੀ ਹੈ ਮੌਕਾ, ਜਾਣੋ ਕਿਵੇਂ

ਯਾਰਨ ਦੀ ਡਿਮਾਂਡ ਨਾਲ ਕੱਤਾਈ ਮਿੱਲਰਾਂ ਦੇ ਖਿੜੇ ਚਿਹਰੇ

ਭਾਰਤੀ ਟੈਕਸਟਾਈਲਜ਼ ਉਦਯੋਗ ਅਤੇ ਕਤਾਈ ਮਿੱਲਾਂ ’ਚ ਪਿਛਲੇ ਕਈ ਹਫਤਿਆਂ ਤੋਂ ਖੁਸ਼ਹਾਲੀ ਪਰਤ ਆਈ ਹੈ। ਕੋਰੋਨਾ ਮਹਾਮਾਰੀ ਨੇ ਭਾਰਤੀ ਟੈਕਸਟਾਈਲਜ਼ ਸਮੂਹ ਉਦਯੋਗ ਨੂੰ ਆਰਥਿਕ ਤੰਗੀ ’ਚ ਧਕੇਲ ਦਿੱਤਾ ਸੀ ਅਤੇ ਉਨ੍ਹਾਂ ਦਾ ਕਾਰੋਬਾਰ ਬੰਦ ਦੇ ਕੰਡੇ ਪੁੱਜਣ ਨਾਲ ਨਿਰਾਸ਼ਾ ਝਲਕਣ ਲੱਗੀ, ਜਿਸ ਨਾਲ ਆਰਥਿਕ ਤੰਗੀ ਦਾ ਆਉਣਾ ਕੁਦਰਤੀ ਗੱਲ ਹੈ।

ਅੱਜਕੱਲ ਟੈਕਸਟਾਈਲਜ਼ ਉਦਯੋਗ ਅਤੇ ਕਤਾਈ ਮਿੱਲਰ ਮੰਦੀ ਦੇ ਦੌਰ ’ਚੋਂ ਨਿਕਲ ਕੇ ਮੁਨਾਫੇ ’ਚ ਦਾਖਲ ਹੋ ਗਏ ਹਨ। ਯਾਰਨ ਦੀ ਵਿਦੇਸ਼ੀ ਅਤੇ ਡੋਮੈਸਟਿਕ ਡਿਮਾਂਡ ਲਗਾਤਾਰ ਬਣੀ ਹੋਈ ਹੈ। ਭਾਰਤੀ ਟੈਕਸਟਾਈਲਜ਼ ਉਦਯੋਗ ਅਤੇ ਕਤਾਈ ਮਿੱਲਾਂ ਨੂੰ ਮੁੱਖ ਕਮਾਈ ਵਿਦੇਸ਼ਾਂ ’ਚ ਯਾਰਨ ਭੇਜਣ ’ਤੇ ਹੀ ਹੁੰਦੀ ਹੈ।

ਜ਼ਿਆਦਾਤਰ ਕਪਾਹ ਜਿਣਰਾਂ ਨੇ ਕਾਰਖਾਨੇ ਸੀ. ਸੀ. ਆਈ. ਨੂੰ ਸੌਂਪੇ

ਪੰਜਾਬ, ਹਰਿਆਣਾ ਅਤੇ ਰਾਜਸਥਾਨ ’ਚ ਜ਼ਿਆਦਾਤਰ ਕਪਾਹ ਜਿਣਰਾਂ ਨੇ ਆਪਣੇ ਰੂੰ ਕਾਰਖਾਨੇ ਸੀ. ਸੀ. ਆਈ. ਨੂੰ ਠੇਕੇ (ਬਿਲਾਈ) ’ਤੇ ਸੌਂਪ ਦਿੱਤੇ ਹਨ। ਜਿਣਰਾਂ ਦਾ ਕਹਿਣਾ ਹੈ ਕਿ ਉਹ ਬਾਜ਼ਾਰ ’ਚ ਸੀ. ਸੀ. ਆਈ. ਦੇ ਮੁਕਾਬਲੇ ਨਰਮਾ ਨਹੀਂ ਖਰੀਦ ਸਕਦੇ ਕਿਉਂਕਿ ਨਰਮੇ ਦਾ ਹੇਠਲਾ ਸਮਰਥਨ ਮੁੱਲ ਹਾਜ਼ਰ ਰੂੰ ਭਾਅ ਤੋਂ ਬਹੁਤ ਜ਼ਿਆਦਾ ਹੈ ਅਤੇ ਰੂੰ ਬਾਜ਼ਾਰ ’ਚ ਭਾਅ ਬਹੁਤ ਘੱਟ ਹੈ। ਪਿਛਲੇ ਸਾਲ ਦੇ ਮੁਕਾਬਲੇ ਇਸ ਵਾਰ ਰੂੰ ਕੁਆਲਿਟੀ ਕਮਜ਼ੋਰ ਹੈ, ਜਿਸ ਵਜ੍ਹਾ ਨਾਲ ਗੁਜਰਾਤ ਅਤੇ ਪੱਛਮ ਬੰਗਾਲ ਆਦਿ ਸੂਬਿਆਂ ਵੱਲੋਂ ਡਿਮਾਂਡ ਨਹੀਂ ਆ ਰਹੀ ਹੈ। ਇਸ ਵਾਰ ਰੂੰ ਦੀ ਲੰਬਾਈ ਦੀ ਵੱਡੀ ਪ੍ਰੋਬਲਮ ਨਜ਼ਰ ਆ ਰਹੀ ਹੈ।

ਇਹ ਵੀ ਪੜ੍ਹੋ: ਜਾਪਾਨ ਨੂੰ ਪਿੱਛੇ ਛੱਡ ਕੇ 2050 ਤੱਕ ਤੀਜੀ ਸਭ ਤੋਂ ਵੱਡੀ ਅਰਥਵਿਵਸਥਾ ਬਣ ਜਾਵੇਗਾ ਭਾਰਤ

ਯੂ. ਏ. ਈ. ਨੂੰ ਲੈ ਕੇ ਭਾਰਤੀ ਲੋਕਾਂ ਲਈ ਵੱਡੀ ਖ਼ੁਸ਼ਖ਼ਬਰੀ, ਮਿਲੀ ਇਹ ਛੋਟ