ਮੁੰਬਈ - ਸਟਾਕ ਮਾਰਕੀਟ ਵਿੱਚ ਦੀਵਾਲੀ ਹਫ਼ਤੇ ਦੀ ਸ਼ੁਰੂਆਤ ਸ਼ਾਨਦਾਰ ਰਹੀ। ਲਗਾਤਾਰ 5 ਦਿਨਾਂ ਦੀ ਗਿਰਾਵਟ ਤੋਂ ਬਾਅਦ ਅੱਜ (28 ਅਕਤੂਬਰ) ਬਾਜ਼ਾਰ ਨੇ ਸ਼ਾਨਦਾਰ ਵਾਪਸੀ ਕੀਤੀ। ਬੀਐਸਈ ਸੈਂਸੈਕਸ 1,000 ਤੱਕ ਛਾਲ ਮਾਰ ਗਿਆ। ਨਿਫਟੀ ਵੀ ਵਧ ਕੇ 24,400 ਦੇ ਪਾਰ ਪਹੁੰਚ ਗਿਆ। ਇਸ ਕਾਰਨ ਨਿਵੇਸ਼ਕਾਂ ਦੀ ਦੌਲਤ 'ਚ ਇਕ ਦਿਨ 'ਚ ਕਰੀਬ 4.5 ਲੱਖ ਕਰੋੜ ਰੁਪਏ ਦਾ ਵਾਧਾ ਹੋਇਆ ਹੈ। ਸਭ ਤੋਂ ਜ਼ਿਆਦਾ ਵਾਧਾ ਵਿੱਤੀ, ਰਿਐਲਟੀ ਅਤੇ ਆਇਲ ਐਂਡ ਗੈਸ ਸ਼ੇਅਰਾਂ 'ਚ ਦੇਖਣ ਨੂੰ ਮਿਲਿਆ।
ਇਹ ਵੀ ਪੜ੍ਹੋ : ਕਾਜੂ ਹੋਇਆ 400 ਰੁਪਏ ਮਹਿੰਗਾ, ਹੋਰ ਸੁੱਕੇ ਮੇਵਿਆਂ ਦੇ ਵੀ ਵਧੇ ਭਾਅ, ਜਾਣੋ ਕਦੋਂ ਮਿਲੇਗੀ ਰਾਹਤ
ਆਓ ਜਾਣਦੇ ਹਾਂ ਸ਼ੇਅਰ ਬਾਜ਼ਾਰ 'ਚ ਤੇਜ਼ੀ ਦੇ 5 ਮੁੱਖ ਕਾਰਨ...
'ਬਾਇ ਦਿ ਡਿਪ' ਯਾਨੀ ਨਿਵੇਸ਼ਕ ਨੇ ਗਿਰਾਵਟ 'ਤੇ ਖਰੀਦਾਰੀ ਕੀਤੀ
ਮਿਡ ਅਤੇ ਸਮਾਲਕੈਪ ਸਪੇਸ ਵਿੱਚ ਹਾਲੀਆ ਗਿਰਾਵਟ ਨੇ ਸੂਚਕਾਂਕ ਨੂੰ ਉਹਨਾਂ ਦੇ ਉੱਚੇ ਪੱਧਰ ਤੋਂ ਕ੍ਰਮਵਾਰ 9.8% ਅਤੇ 9.3% ਹੇਠਾਂ ਆ ਚੁੱਕੇ ਸਨ। ਅਜਿਹੇ 'ਚ ਕੁਝ ਨਿਵੇਸ਼ਕਾਂ ਨੇ ਇਸ ਗਿਰਾਵਟ ਨੂੰ ਖਰੀਦਦਾਰੀ ਦੇ ਮੌਕੇ ਵਜੋਂ ਦੇਖਿਆ। ਹਾਲਾਂਕਿ, ਤਕਨੀਕੀ ਮਾਹਰ ਸ਼ੁਰੂਆਤੀ ਸਿੱਟੇ ਕੱਢਣ ਤੋਂ ਬਚਣ ਦੀ ਸਲਾਹ ਦੇ ਰਹੇ ਹਨ।
ਵਿਆਪਕ ਬਾਜ਼ਾਰ ਵੀ ਉਛਾਲ ਰਿਹਾ
ਸੋਮਵਾਰ ਦੇ ਕਾਰੋਬਾਰ 'ਚ ਸਕਾਰਾਤਮਕ ਭਾਵਨਾ ਸਿਰਫ ਵੱਡੇ ਸ਼ੇਅਰਾਂ ਤੱਕ ਸੀਮਤ ਨਹੀਂ ਸੀ। ਨਿਫਟੀ ਮਿਡਕੈਪ ਅਤੇ ਨਿਫਟੀ ਸਮਾਲਕੈਪ ਇੰਡੈਕਸ ਨੇ ਵੀ ਕ੍ਰਮਵਾਰ 0.81 ਫ਼ੀਸਦੀ ਅਤੇ 1.31 ਫ਼ੀਸਦੀ ਦਾ ਵਾਧਾ ਦੇਖਿਆ।
ਇਹ ਵੀ ਪੜ੍ਹੋ : McDonalds ਦੇ Burger ’ਚ E. coli ਬੈਕਟੀਰੀਅਲ ਇਨਫੈਕਸ਼ਨ ਦਾ ਖ਼ਤਰਾ, ਜਾਰੀ ਹੋਈ ਐਡਵਾਇਜ਼ਰੀ
ਮੱਧ ਪੂਰਬ ਤਣਾਅ ਵਿੱਚ ਕਮੀ
ਈਰਾਨ 'ਤੇ ਇਜ਼ਰਾਈਲ ਦੇ ਸੀਮਤ ਹਮਲੇ ਤੋਂ ਬਾਅਦ ਨਿਵੇਸ਼ਕਾਂ ਦੀਆਂ ਚਿੰਤਾਵਾਂ ਘੱਟ ਗਈਆਂ ਹਨ, ਜਿਸ ਕਾਰਨ ਬਾਜ਼ਾਰ ਦੀ ਧਾਰਨਾ ਥੋੜ੍ਹਾ ਸੁਧਰੀ ਹੈ। ਮਿਸਰ ਦੇ ਰਾਸ਼ਟਰਪਤੀ ਅਬਦੇਲ ਫਤਾਹ ਅਲ-ਸੀਸੀ ਨੇ ਗਾਜ਼ਾ ਵਿੱਚ ਦੋ ਦਿਨਾਂ ਦੀ ਜੰਗਬੰਦੀ ਅਤੇ ਕੁਝ ਬੰਧਕਾਂ ਦੀ ਅਦਲਾ-ਬਦਲੀ ਦਾ ਪ੍ਰਸਤਾਵ ਦਿੱਤਾ ਹੈ, ਜਿਸ ਨਾਲ ਇਜ਼ਰਾਈਲ ਅਤੇ ਹਮਾਸ ਵਿਚਕਾਰ ਜੰਗਬੰਦੀ ਦੀ ਸੰਭਾਵਨਾ ਵਧ ਗਈ ਹੈ।
ਕੱਚੇ ਤੇਲ ਦੀਆਂ ਕੀਮਤਾਂ 'ਚ ਸਥਿਰਤਾ
ਕੌਮਾਂਤਰੀ ਬਾਜ਼ਾਰ 'ਚ ਕੱਚੇ ਤੇਲ ਦੀਆਂ ਕੀਮਤਾਂ 'ਚ ਸਥਿਰਤਾ ਆਈ ਹੈ। ਇਜ਼ਰਾਇਲੀ ਹਮਲੇ ਤੋਂ ਬਾਅਦ ਵੀ ਈਰਾਨ ਦੀਆਂ ਤੇਲ ਸਹੂਲਤਾਂ 'ਤੇ ਕੋਈ ਅਸਰ ਨਹੀਂ ਪਿਆ, ਜਿਸ ਕਾਰਨ ਕੀਮਤਾਂ 74.38 ਡਾਲਰ ਪ੍ਰਤੀ ਬੈਰਲ 'ਤੇ ਆ ਗਈਆਂ। ਈਰਾਨ-ਇਜ਼ਰਾਈਲ ਤਣਾਅ ਦਰਮਿਆਨ ਇਸ ਮਹੀਨੇ ਦੀ ਸ਼ੁਰੂਆਤ 'ਚ ਬ੍ਰੈਂਟ ਕਰੂਡ ਦੀ ਕੀਮਤ 'ਚ 8 ਫੀਸਦੀ ਦਾ ਵਾਧਾ ਦੇਖਣ ਨੂੰ ਮਿਲਿਆ ਸੀ ਪਰ ਹੁਣ ਕੁਝ ਦਿਨਾਂ ਤੋਂ ਇਸ 'ਚ ਖੜੋਤ ਹੈ।
ICICI ਬੈਂਕ ਦੇ ਚੰਗੇ ਨਤੀਜੇ
ਆਈਸੀਆਈਸੀਆਈ ਬੈਂਕ ਦੇ ਮਜ਼ਬੂਤ ਤਿਮਾਹੀ ਨਤੀਜਿਆਂ ਤੋਂ ਅੱਜ ਸੈਂਸੈਕਸ ਅਤੇ ਨਿਫਟੀ ਨੂੰ ਵੀ ਸਮਰਥਨ ਮਿਲਿਆ। ICICI ਬੈਂਕ ਨੇ ਕਿਹਾ ਕਿ ਸਤੰਬਰ ਤਿਮਾਹੀ 'ਚ ਉਸ ਦਾ ਸ਼ੁੱਧ ਲਾਭ ਸਾਲਾਨਾ ਆਧਾਰ 'ਤੇ 14.5 ਫੀਸਦੀ ਵਧ ਕੇ 11,746 ਕਰੋੜ ਰੁਪਏ ਹੋ ਗਿਆ ਹੈ। ਇਸ ਤੋਂ ਬਾਅਦ ਬੈਂਕ ਦੇ ਸ਼ੇਅਰਾਂ 'ਚ 4 ਫੀਸਦੀ ਤੋਂ ਜ਼ਿਆਦਾ ਦਾ ਵਾਧਾ ਦੇਖਿਆ ਗਿਆ। ਨਾਲ ਹੀ, ਬੰਧਨ ਬੈਂਕ ਦੇ ਸ਼ੇਅਰਾਂ ਵਿੱਚ 9 ਪ੍ਰਤੀਸ਼ਤ ਤੋਂ ਵੱਧ ਦਾ ਵਾਧਾ ਹੋਇਆ, ਜਿਸ ਨੇ ਨਿਫਟੀ ਪ੍ਰਾਈਵੇਟ ਬੈਂਕ ਸੂਚਕਾਂਕ ਨੂੰ ਲਗਭਗ ਇੱਕ ਪ੍ਰਤੀਸ਼ਤ ਤੱਕ ਚੁੱਕਣ ਵਿੱਚ ਯੋਗਦਾਨ ਪਾਇਆ।
ਇਹ ਵੀ ਪੜ੍ਹੋ : ਤਿਉਹਾਰੀ ਸੀਜ਼ਨ ’ਚ ਵਿਗੜਿਆ ਲੋਕਾਂ ਦਾ ਬਜਟ, ਖੁਰਾਕੀ ਤੇਲਾਂ ਦੇ ਮੁੱਲ ’ਚ 37 ਫੀਸਦੀ ਦਾ ਵਾਧਾ
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਕਾਰ ਖ਼ਰੀਦਣ ਦਾ ਸੁਨਹਿਰੀ ਮੌਕਾ! ਦੀਵਾਲੀ 'ਤੇ ਕੰਪਨੀਆਂ ਦੇ ਰਹੀਆਂ ਹਨ ਲੱਖਾਂ ਰੁਪਏ ਦਾ ਡਿਸਕਾਊਂਟ
NEXT STORY 
