ਨਵੀਂ ਦਿੱਲੀ — ਵੇਦਾਂਤਾ ਰਿਸੋਰਸਿਸ ਨੇ ਕਿਹਾ ਹੈ ਕਿ ਉਸਨੇ ਭਾਰਤ ਪੈਟਰੋਲੀਅਮ ਕਾਰਪੋਰੇਸ਼ਨ ਲਿਮਟਿਡ(ਬੀਪੀਸੀਐਲ) 'ਚ ਹਿੱਸੇਦਾਰੀ ਖਰੀਦਣ ਲਈ ਈ.ਓ.ਆਈ. ਸੌਂਪ ਦਿੱਤੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਕਈ ਵਿਦੇਸ਼ੀ ਕੰਪਨੀਆਂ ਵੀ ਬੀਪੀਸੀਐਲ ਵਿਚ ਹਿੱਸੇਦਾਰੀ ਖਰੀਦਣ ਦੀ ਦੌੜ ਵਿਚ ਸ਼ਾਮਲ ਹਨ। ਇਸ ਕੇਸ ਵਿਚ ਸ਼ਾਮਲ ਕੁਝ ਲੋਕਾਂ ਦੇ ਅਨੁਸਾਰ 3 ਕੰਪਨੀਆਂ ਨੇ ਇਸ ਹਿੱਸੇਦਾਰੀ ਖਰੀਦਣ ਵਿਚ ਦਿਲਚਸਪੀ ਦਿਖਾਈ ਹੈ। ਵੇਦਾਂਤਾ ਰਿਸੋਰਸਿਸ ਦੇ ਚੇਅਰਮੈਨ ਅਨਿਲ ਅਗਰਵਾਲ ਨੇ ਕਿਹਾ ਕਿ ਉਨ੍ਹਾਂ ਦਾ ਸਮੂਹ ਬੀਪੀਸੀਐਲ ਦੀ ਬੋਲੀ ਦਾ ਜਾਇਜ਼ਾ ਲਵੇਗਾ। ਹੋਰ ਦੋ ਬੋਲੀਕਾਰ ਕੌਣ ਹਨ, ਇਹ ਅਜੇ ਸਪਸ਼ਟ ਨਹੀਂ ਹੈ। ਜ਼ਿਕਰਯੋਗ ਹੈ ਕਿ ਵੇਦਾਂਤਾ ਨੇ ਵਾਜਪਾਈ ਸਰਕਾਰ ਸਮੇਂ 2002 ਵਿੱਚ ਹਿੰਦੁਸਤਾਨ ਜ਼ਿੰਕ ਲਿਮਟਿਡ ਨੂੰ ਵੀ ਖਰੀਦਿਆ ਸੀ। ਉਸ ਸਮੇਂ ਸਰਕਾਰ ਨੇ ਫਿਰ ਹਿੰਦੁਸਤਾਨ ਜ਼ਿੰਕ ਲਿਮਟਿਡ ਵਿਚ 45 ਪ੍ਰਤੀਸ਼ਤ ਦੀ ਹਿੱਸੇਦਾਰੀ 769 ਕਰੋੜ ਰੁਪਏ ਵਿਚ ਵੇਚੀ ਸੀ।
ਰਿਲਾਇੰਸ-ਅਰਾਮਕੋ ਨੇ ਬਣਾਈ ਦੂਰੀ
ਬਹੁਤ ਸਾਰੀਆਂ ਵੱਡੀਆਂ ਕੰਪਨੀਆਂ ਵੀ ਬੀ.ਪੀ.ਸੀ.ਐਲ. ਵਿੱਚ ਹਿੱਸੇਦਾਰੀ ਖਰੀਦਣ ਤੋਂ ਆਪਣੇ ਆਪ ਨੂੰ ਦੂਰ ਕਰ ਗਈਆਂ ਹਨ। ਇਨ੍ਹਾਂ ਕੰਪਨੀਆਂ ਵਿਚ ਰੂਸ ਦੀ ਰੋਜਨੇਫਟ, ਸਾਊਦੀ ਅਰਾਮਕੋ, ਰਿਲਾਇੰਸ ਇੰਡਸਟਰੀਜ਼ ਅਤੇ ਅਬੂ ਧਾਬੀ ਨੈਸ਼ਨਲ ਆਇਲ ਕਾਰਪੋਰੇਸ਼ਨ ਵਰਗੀਆਂ ਵੱਡੀਆਂ ਕੰਪਨੀਆਂ ਸ਼ਾਮਲ ਹਨ। ਪਹਿਲਾਂ ਇਹ ਉਮੀਦ ਕੀਤੀ ਜਾ ਰਹੀ ਸੀ ਕਿ ਰਿਲਾਇੰਸ ਇੰਡਸਟਰੀਜ਼ ਬੀ.ਪੀ.ਸੀ.ਐਲ. ਵਿਚ ਹਿੱਸੇਦਾਰੀ ਲੈ ਸਕਦੀ ਹੈ, ਪਰ ਬਾਅਦ ਵਿਚ ਪਤਾ ਲੱਗਿਆ ਕਿ ਕੰਪਨੀ ਨੇ ਆਪਣੇ ਆਪ ਨੂੰ ਸੌਦੇ ਤੋਂ ਬਾਹਰ ਕਰ ਲਿਆ ਹੈ। ਜ਼ਿਕਰਯੋਗ ਹੈ ਕਿ ਇਸ ਸੌਦੇ ਲਈ ਬਿਨੈ ਕਰਨ ਦੀ ਆਖ਼ਰੀ ਤਰੀਕ ਸੋਮਵਾਰ, 16 ਨਵੰਬਰ ਸੀ।
ਇਹ ਵੀ ਪੜ੍ਹੋ : Apple ਕੰਪਨੀ ਨੂੰ ਗਾਹਕਾਂ ਨਾਲ ਚਲਾਕੀ ਕਰਨੀ ਪਈ ਭਾਰੀ, ਕੰਪਨੀ 'ਤੇ ਲੱਗਾ 45.54 ਅਰਬ ਦਾ ਜੁਰਮਾਨਾ
ਇਨ੍ਹਾਂ ਦੋਵਾਂ ਕੰਪਨੀਆਂ ਦੇ ਨਾਮ ਆ ਰਹੇ ਹਨ ਸਾਹਮਣੇ
ਬ੍ਰਿਟੇਨ ਦੇ ਬੀ.ਪੀ. ਪੀ.ਐਲ.ਸੀ. ਅਤੇ ਫਰਾਂਸ ਦੀ ਟੋਟਲ ਦੀ ਵੀ ਭਾਰਤ ਦੇ ਈਂਧਣ ਬਾਜ਼ਾਰ ਵਿਚ ਦਾਖਲ ਹੋਣ ਦੀ ਯੋਜਨਾ ਹੈ। ਪਰ ਦੋਵਾਂ ਨੇ ਪਹਿਲਾਂ ਬੀ.ਪੀ.ਸੀ.ਐਲ. ਲਈ ਦਿਲਚਸਪੀ ਤੋਂ ਇਨਕਾਰ ਕਰ ਦਿੱਤਾ ਸੀ। ਉਹ ਅਜਿਹੇ ਸਮੇਂ ਤੇਲ ਨੂੰ ਸੋਧਣ ਵਾਲੀਆਂ ਜਾਇਦਾਦਾਂ ਨਹੀਂ ਲੈਣਾ ਚਾਹੁੰਦੇ ਜਦੋਂ ਵਿਸ਼ਵ ਇਨ੍ਹਾਂ ਤਰਲ ਪਦਾਰਥਾਂ ਨਾਲੋਂ ਹੋਰ ਬਾਲਣਾਂ ਨੂੰ ਤਰਜੀਹ ਦੇ ਰਿਹਾ ਹੈ। ਸੂਤਰਾਂ ਨੇ ਕਿਹਾ ਕਿ ਸੌਦੇ ਦੇ ਸਲਾਹਕਾਰ ਹੁਣ ਬੋਲੀਕਾਰਾਂ ਦੇ ਦਿਲਚਸਪੀ ਪੱਤਰ ਦਾ ਮੁਲਾਂਕਣ ਕਰਨਗੇ ਅਤੇ ਪਤਾ ਲਗਾਉਣਗੇ ਕਿ ਉਹ ਯੋਗਤਾ ਦੇ ਮਾਪਦੰਡਾਂ ਨੂੰ ਪੂਰਾ ਕਰਦੇ ਹਨ ਜਾਂ ਨਹੀਂ। ਪ੍ਰਕਿਰਿਆ ਵਿਚ ਦੋ ਤੋਂ ਤਿੰਨ ਹਫ਼ਤੇ ਲੱਗ ਸਕਦੇ ਹਨ।
ਇਹ ਵੀ ਪੜ੍ਹੋ : 'ਇਕ ਜ਼ਿਲ੍ਹਾ, ਇਕ ਉਤਪਾਦ' ਯੋਜਨਾ ਕੀ ਹੈ? ਜਾਣੋ ਇਸ ਦੇ ਜ਼ਰੀਏ ਕਿਵੇਂ ਮਿਲਣਗੀਆਂ ਲੱਖਾਂ ਲੋਕਾਂ ਨੂੰ ਨੌਕਰੀਆਂ
ਬੀ.ਪੀ.ਸੀ.ਐਲ. ਦੇ ਸ਼ੇਅਰ ਡਿੱਗੇ, ਵੇਦਾਂਤਾ ਦੇ ਵਧੇ
ਬੁੱਧਵਾਰ ਨੂੰ ਵੇਦਾਂਤਾ ਦੇ ਸ਼ੇਅਰ 108.85 ਰੁਪਏ ਦੇ ਪੱਧਰ 'ਤੇ ਬੰਦ ਹੋਏ ਸਨ ਜਿਹੜੇ 1.4 ਫੀਸਦੀ ਦੀ ਤੇਜ਼ੀ ਦੇ ਨਾਲ ਸਨ। ਦੂਜੇ ਪਾਸੇ ਬੀ.ਪੀ.ਸੀ.ਐਲ. ਦੇ ਸ਼ੇਅਰ 2.85% ਦੀ ਗਿਰਾਵਟ ਦੇ ਨਾਲ 383.20 ਰੁਪਏ ਦੇ ਪੱਧਰ 'ਤੇ ਬੰਦ ਹੋਏ ਸਨ। ਪਿਛਲੇ ਸਾਲ ਨਵੰਬਰ ਵਿਚ ਰਣਨੀਤਕ ਵਿਕਰੀ ਨੂੰ ਮਨਜ਼ੂਰੀ ਮਿਲਣ ਤੋਂ ਬਾਅਦ ਬੀਪੀਸੀਐਲ ਦੇ ਸ਼ੇਅਰਾਂ ਦੀ ਕੀਮਤ ਇਕ ਤਿਮਾਹੀ ਤੱਕ ਘੱਟ ਗਈ ਹੈ। ਮੋਦੀ ਸਰਕਾਰ ਬੀਪੀਸੀਐਲ ਵਿਚ 53 ਪ੍ਰਤੀਸ਼ਤ ਦੀ ਹਿੱਸੇਦਾਰੀ ਵੇਚਣ ਦੀ ਤਿਆਰੀ ਕਰ ਰਹੀ ਹੈ। ਸਰਕਾਰ ਨੂੰ ਇਸ ਸੌਦੇ ਤੋਂ ਤਕਰੀਬਨ 2.1 ਲੱਖ ਕਰੋੜ ਰੁਪਏ ਮਿਲਣ ਦੀ ਉਮੀਦ ਹੈ।
ਇਹ ਵੀ ਪੜ੍ਹੋ : 3 ਸਾਲਾਂ 'ਚ ਪਹਿਲੀ ਵਾਰ ਉੱਚ ਪੱਧਰ 'ਤੇ ਪਹੁੰਚਿਆ Bitcoin, Paypal ਦੇਵੇਗਾ ਕਰੰਸੀ ਖਰੀਦਣ ਦਾ ਮੌਕਾ
3 ਸਾਲਾਂ 'ਚ ਪਹਿਲੀ ਵਾਰ ਉੱਚ ਪੱਧਰ 'ਤੇ ਪਹੁੰਚਿਆ Bitcoin, Paypal ਦੇਵੇਗਾ ਕਰੰਸੀ ਖਰੀਦਣ ਦਾ ਮੌਕਾ
NEXT STORY 
