ਵੈੱਬ ਡੈਸਕ - ਵਾਸਤੂ ਸ਼ਾਸਤਰ ਸਾਡੇ ਜੀਵਨ 'ਚ ਇਕ ਬਹੁਤ ਹੀ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦਾ ਹੈ, ਕਿਉਂਕਿ ਘਰ ਦੇ ਹਰ ਕੋਨੇ 'ਚ ਰੱਖੀਆਂ ਚੀਜ਼ਾਂ ਸਾਡੀ ਕਿਸਮਤ ਅਤੇ ਘਰ ਦੀ ਸ਼ਾਂਤੀ 'ਤੇ ਪ੍ਰਭਾਵ ਪਾਉਂਦੀਆਂ ਹਨ। ਵਾਸਤੂ ਅਨੁਸਾਰ, ਡਾਇਨਿੰਗ ਟੇਬਲ ਨੂੰ ਸਕਾਰਾਤਮਕ ਊਰਜਾ ਅਤੇ ਖੁਸ਼ਹਾਲੀ ਦਾ ਪ੍ਰਤੀਕ ਮੰਨਿਆ ਜਾਂਦਾ ਹੈ, ਕਿਉਂਕਿ ਇਹ ਉਹ ਜਗ੍ਹਾ ਹੈ ਜਿੱਥੇ ਪੂਰਾ ਪਰਿਵਾਰ ਇਕੱਠੇ ਬੈਠ ਕੇ ਭੋਜਨ ਕਰਦਾ ਹੈ ਪਰ ਅਕਸਰ ਅਸੀਂ ਅਣਜਾਣੇ 'ਚ ਕੁਝ ਅਜਿਹੀਆਂ ਚੀਜ਼ਾਂ ਟੇਬਲ 'ਤੇ ਰੱਖ ਦਿੰਦੇ ਹਾਂ ਜੋ ਘਰ ਦੀ ਬਰਕਤ ਨੂੰ ਖੋਹ ਸਕਦੀਆਂ ਹਨ।
ਵਾਸਤੂ ਮਾਹਿਰਾਂ ਅਨੁਸਾਰ, ਡਾਇਨਿੰਗ ਟੇਬਲ 'ਤੇ ਇਹ 4 ਚੀਜ਼ਾਂ ਕਦੇ ਨਹੀਂ ਰੱਖਣੀਆਂ ਚਾਹੀਦੀਆਂ :-
ਨਮਕਦਾਨੀ
- ਵਾਸਤੂ ਅਨੁਸਾਰ ਡਾਇਨਿੰਗ ਟੇਬਲ 'ਤੇ ਭੁੱਲ ਕੇ ਵੀ ਨਮਕਦਾਨੀ ਨਹੀਂ ਰੱਖਣੀ ਚਾਹੀਦੀ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਇਸ ਨਾਲ ਜੀਵਨ 'ਚ ਪੈਸੇ ਦੀ ਕਮੀ ਆਉਣੀ ਸ਼ੁਰੂ ਹੋ ਜਾਂਦੀ ਹੈ ਅਤੇ ਪਰਿਵਾਰ 'ਚ ਆਪਸੀ ਕਲੇਸ਼ ਵਧਦਾ ਹੈ।
ਟੁੱਟੇ ਜਾਂ ਚਿੱਪ ਲੱਗੇ ਬਰਤਨ
- ਟੇਬਲ 'ਤੇ ਟੁੱਟੇ ਹੋਏ ਬਰਤਨ ਰੱਖਣਾ ਨਕਾਰਾਤਮਕਤਾ ਫੈਲਾਉਂਦਾ ਹੈ। ਇਹ ਨਾ ਸਿਰਫ਼ ਦੇਖਣ 'ਚ ਖ਼ਰਾਬ ਲੱਗਦੇ ਹਨ, ਸਗੋਂ ਘਰ 'ਚ ਵਾਸਤੂ ਦੋਸ਼ ਵੀ ਪੈਦਾ ਕਰਦੇ ਹਨ।
ਇਲੈਕਟ੍ਰਾਨਿਕ ਗੈਜੇਟਸ ਅਤੇ ਬਿੱਲ
- ਅੱਜ-ਕੱਲ੍ਹ ਲੋਕ ਖਾਣਾ ਖਾਂਦੇ ਸਮੇਂ ਮੋਬਾਈਲ ਜਾਂ ਲੈਪਟਾਪ ਦੀ ਵਰਤੋਂ ਕਰਦੇ ਹਨ ਪਰ ਵਾਸਤੂ ਅਨੁਸਾਰ ਇਹ ਗ਼ਲਤ ਹੈ। ਟੇਬਲ 'ਤੇ ਮੋਬਾਈਲ, ਲੈਪਟਾਪ ਜਾਂ ਪੁਰਾਣੇ ਬਿੱਲ ਰੱਖਣ ਨਾਲ ਆਰਥਿਕ ਤੰਗੀ ਹੁੰਦੀ ਹੈ ਅਤੇ ਮਨ ਹਮੇਸ਼ਾ ਪਰੇਸ਼ਾਨ ਰਹਿੰਦਾ ਹੈ।
ਪਰਸ ਜਾਂ ਵਾਲਿਟ
- ਡਾਇਨਿੰਗ ਟੇਬਲ 'ਤੇ ਕਦੇ ਵੀ ਆਪਣਾ ਪਰਸ ਜਾਂ ਵਾਲਿਟ ਨਹੀਂ ਰੱਖਣਾ ਚਾਹੀਦਾ। ਅਜਿਹਾ ਕਰਨਾ ਪੈਸੇ ਦਾ ਅਪਮਾਨ ਮੰਨਿਆ ਜਾਂਦਾ ਹੈ ਅਤੇ ਇਸ ਦਾ ਘਰ ਦੇ ਮਾਹੌਲ ਅਤੇ ਊਰਜਾ ਦੇ ਸੰਤੁਲਨ 'ਤੇ ਬਹੁਤ ਮਾੜਾ ਅਸਰ ਪੈਂਦਾ ਹੈ।
ਜੇਕਰ ਤੁਸੀਂ ਚਾਹੁੰਦੇ ਹੋ ਕਿ ਤੁਹਾਡੇ ਘਰ 'ਚ ਸੁੱਖ, ਸਮ੍ਰਿਧੀ ਅਤੇ ਬਰਕਤ ਬਣੀ ਰਹੇ, ਤਾਂ ਅੱਜ ਹੀ ਆਪਣੇ ਡਾਇਨਿੰਗ ਟੇਬਲ ਤੋਂ ਇਹਨਾਂ ਚੀਜ਼ਾਂ ਨੂੰ ਹਟਾ ਦਿਓ।
100 ਸਾਲਾਂ ਬਾਅਦ ਅਕਸ਼ੈ ਤ੍ਰਿਤੀਆ 'ਤੇ ਬਣ ਰਿਹਾ 'ਮਹਾ-ਸੰਯੋਗ', ਇਨ੍ਹਾਂ 3 ਰਾਸ਼ੀਆਂ ਦੀਆਂ ਲੱਗਣਗੀਆਂ ਮੌਜਾਂ
NEXT STORY 
