ਜਲੰਧਰ (ਪੁਨੀਤ)-ਰੇਲ ਯਾਤਰੀਆਂ ਨੂੰ ਵੱਡੀ ਰਾਹਤ ਦਿੰਦੇ ਹੋਏ ਫਿਰੋਜ਼ਪੁਰ ਮੰਡਲ ਨੇ ਫਗਵਾੜਾ-ਨਵਾਂਸ਼ਹਿਰ-ਦੋਆਬਾ-ਰਾਹੋਂ-ਜੇਜੋਂ ਦੋਆਬਾ ਰੇਲ ਸੈਕਸ਼ਨ ’ਤੇ ਟਰੇਨ ਸੇਵਾ ਨੂੰ ਮੁੜ ਬਹਾਲ ਕਰਨ ਦਾ ਫ਼ੈਸਲਾ ਕੀਤਾ ਹੈ। ਇਹ ਸੇਵਾ ਅੱਜ ਤੋਂ ਸ਼ੁਰੂ ਹੋਈ, ਜਿਸ ਨਾਲ ਇਸ ਰੂਟ ’ਤੇ ਸਫ਼ਰ ਕਰਨ ਵਾਲੇ ਹਜ਼ਾਰਾਂ ਯਾਤਰੀਆਂ ਨੂੰ ਸਿੱਧਾ ਲਾਭ ਮਿਲੇਗਾ। ਲੰਮੇ ਸਮੇਂ ਤੋਂ ਇਸ ਰੇਲ ਸੈਕਸ਼ਨ ’ਤੇ ਟਰੇਨ ਸੇਵਾ ਬੰਦ ਹੋਣ ਕਾਰਨ ਲੋਕਾਂ ਨੂੰ ਕਾਫ਼ੀ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਸੀ। ਜਲੰਧਰ ਦੇ ਯਾਤਰੀ ਫਗਵਾੜਾ ਤੋਂ ਇਸ ਟਰੇਨ ਦਾ ਲਾਭ ਲੈ ਸਕਦੇ ਹਨ। ਜਲੰਧਰ ਦੇ ਕਈ ਨੌਕਰੀਪੇਸ਼ਾ ਲੋਕਾਂ ਦਾ ਕਹਿਣਾ ਹੈ ਕਿ ਉਹ ਫਗਵਾੜਾ ਤੋਂ ਇਸ ਟਰੇਨ ਰਾਹੀਂ ਆਪਣੇ ਕੰਮ ’ਤੇ ਜਾਂਦੇ ਸਨ ਅਤੇ ਟਰੇਨ ਬੰਦ ਹੋਣ ਕਾਰਨ ਬੱਸਾਂ ਵਿਚ ਭਾਰੀ ਦਿੱਕਤਾਂ ਪੇਸ਼ ਆ ਰਹੀਆਂ ਸਨ।
ਇਹ ਵੀ ਪੜ੍ਹੋ: ਜਲੰਧਰ 'ਚ ਵੱਡੀ ਘਟਨਾ! ਕਬਾੜ ਦੇ ਗੋਦਾਮ ਨੂੰ ਲੱਗੀ ਭਿਆਨਕ ਅੱਗ, ਦੂਰ-ਦੂਰ ਤੱਕ ਉੱਠੀਆਂ ਲਪਟਾਂ
ਰੇਲਵੇ ਵੱਲੋਂ ਜਾਰੀ ਜਾਣਕਾਰੀ ਅਨੁਸਾਰ ਟਰੇਨ ਨੰਬਰ 74954 ਅਤੇ 74951 ਨੂੰ ਸੋਧੀ ਹੋਈ ਸਮਾਂ-ਸਾਰਣੀ ਅਨੁਸਾਰ ਚਲਾਇਆ ਜਾਵੇਗਾ। ਇਹ ਟਰੇਨ ਹਫ਼ਤੇ 'ਚ ਪੰਜ ਦਿਨ ਚੱਲੇਗੀ ਅਤੇ ਵੀਰਵਾਰ ਅਤੇ ਐਤਵਾਰ ਨੂੰ ਇਹ ਸੇਵਾ ਉਪਲੱਬਧ ਨਹੀਂ ਹੋਵੇਗੀ। ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਯਾਤਰੀਆਂ ਦੀ ਸਹੂਲਤ ਅਤੇ ਮੰਗ ਨੂੰ ਧਿਆਨ ਵਿਚ ਰੱਖਦੇ ਹੋਏ ਇਹ ਫ਼ੈਸਲਾ ਲਿਆ ਗਿਆ ਹੈ।
ਸਮਾਂ-ਸਾਰਣੀ ਅਨੁਸਾਰ ਟਰੇਨ ਨੰਬਰ 74954 ਫਗਵਾੜਾ ਤੋਂ ਸਵੇਰੇ 10.20 ਵਜੇ ਰਵਾਨਾ ਹੋਇਆ ਕਰੇਗੀ ਅਤੇ ਦੁਪਹਿਰ 1.20 ਵਜੇ ਜੇਜੋਂ ਦੋਆਬਾ ਪਹੁੰਚੇਗੀ। ਉੱਥੇ ਹੀ ਵਾਪਸੀ ਵਿਚ ਟਰੇਨ ਨੰਬਰ 74951 ਜੇਜੋਂ ਦੋਆਬਾ ਤੋਂ ਦੁਪਹਿਰ 1.45 ਵਜੇ ਰਵਾਨਾ ਹੋ ਕੇ ਸ਼ਾਮ 5 ਵਜੇ ਫਗਵਾੜਾ ਪਹੁੰਚੇਗੀ। ਇਸ ਤਰ੍ਹਾਂ ਯਾਤਰੀਆਂ ਨੂੰ ਦਿਨ ਦੇ ਸਮੇਂ ਹੀ ਆਉਣ-ਜਾਣ ਦੀ ਸਹੂਲਤ ਮਿਲੇਗੀ, ਜਿਸ ਨਾਲ ਰੋਜ਼ਾਨਾ ਸਫ਼ਰ ਕਰਨ ਵਾਲੇ ਯਾਤਰੀਆਂ ਨੂੰ ਵਿਸ਼ੇਸ਼ ਲਾਭ ਮਿਲਣ ਦੀ ਉਮੀਦ ਹੈ।
ਇਹ ਵੀ ਪੜ੍ਹੋ: ਪੰਜਾਬੀ ਨੌਜਵਾਨ ਦੀ ਲਿਬਨਾਨ 'ਚ ਸ਼ੱਕੀ ਹਾਲਾਤ 'ਚ ਮੌਤ, 3 ਮਹੀਨੇ ਪਹਿਲਾਂ ਗਿਆ ਸੀ ਵਿਦੇਸ਼
ਰੇਲਵੇ ਦੇ ਅਧਿਕਾਰੀਆਂ ਮੁਤਾਬਕ ਇਸ ਰੇਲ ਸੇਵਾ ਦੇ ਬਹਾਲ ਹੋਣ ਨਾਲ ਰੋਜ਼ਾਨਾ ਸਫ਼ਰ ਕਰਨ ਵਾਲੇ ਲੋਕਾਂ ਨੂੰ ਕਾਫ਼ੀ ਰਾਹਤ ਮਿਲੇਗੀ। ਇਹ ਰੂਟ ਖ਼ਾਸ ਤੌਰ ’ਤੇ ਵਿਦਿਆਰਥੀਆਂ, ਨੌਕਰੀਪੇਸ਼ਾ ਲੋਕਾਂ ਅਤੇ ਛੋਟੇ ਵਪਾਰੀਆਂ ਲਈ ਮਹੱਤਵਪੂਰਨ ਮੰਨਿਆ ਜਾਂਦਾ ਹੈ, ਜੋ ਰੋਜ਼ਾਨਾ ਇਸ ਮਾਰਗ ’ਤੇ ਸਫ਼ਰ ਕਰਦੇ ਹਨ। ਰਸਤੇ ਵਿਚ ਇਹ ਟਰੇਨ ਕੁਲਥਮ ਅਬਦੁੱਲਾ ਸ਼ਾਹ, ਭੰਭੇਵਾ, ਮਾਲੂਪੋਤਾ, ਬੰਗਾ, ਖਟਕੜ ਝੰਡਾ ਜੀ, ਕਰੀਹਾ, ਨਵਾਂਸ਼ਹਿਰ ਦੋਆਬਾ, ਰਾਹੋਂ, ਗੜ੍ਹਸ਼ੰਕਰ, ਸਤਨੌਰ, ਬਡੇਸਰੋਂ, ਸੈਲਾ ਖੁਰਦ ਅਤੇ ਮਹਿੰਗਰੋਵਾਲ ਦੋਆਬਾ ਸਮੇਤ ਕਈ ਸਟੇਸ਼ਨਾਂ ’ਤੇ ਦੋਵੇਂ ਦਿਸ਼ਾਵਾਂ ਵਿਚ ਰੁਕੇਗੀ। ਇਸ ਨਾਲ ਛੋਟੇ ਸਟੇਸ਼ਨਾਂ ਅਤੇ ਪੇਂਡੂ ਖੇਤਰਾਂ ਨੂੰ ਵੀ ਰੇਲ ਸੰਪਰਕ (ਕੁਨੈਕਟੀਵਿਟੀ) ਦਾ ਲਾਭ ਮਿਲੇਗਾ।
ਭੀੜ ਕਾਰਨ ਲੰਮੀ ਵੇਟਿੰਗ ਬਣੀ ਪ੍ਰੇਸ਼ਾਨੀ
ਪਿਛਲੇ ਕੁਝ ਦਿਨਾਂ ਤੋਂ ਸਟੇਸ਼ਨ ’ਤੇ ਯਾਤਰੀਆਂ ਦਾ ਭਾਰੀ ਭੀੜ ਵੇਖਣ ਨੂੰ ਮਿਲ ਰਹੀ ਹੈ ਅਤੇ ਟਰੇਨਾਂ ਵਿਚ ਬੁਕਿੰਗ ਦੇ ਸਮੇਂ ਲੰਮੀ ਵੇਟਿੰਗ ਲਿਸਟ ਯਾਤਰੀਆਂ ਲਈ ਪ੍ਰੇਸ਼ਾਨੀ ਦਾ ਸਬੱਬ ਬਣ ਰਹੀ ਹੈ। ਲੰਮੇ ਰੂਟਾਂ ਸਮੇਤ ਧਾਰਮਿਕ ਸਥਾਨਾਂ ਦੀ ਯਾਤਰਾ ਕਰਨ ਵਾਲਿਆਂ ਦਾ ਕਹਿਣਾ ਹੈ ਕਿ ਕਈ ਹਫ਼ਤੇ ਬਾਅਦ ਦੀਆਂ ਟਰੇਨਾਂ ਵਿਚ ਵੀ ਵੇਟਿੰਗ ਚੱਲ ਰਹੀ ਹੈ।
ਇਹ ਵੀ ਪੜ੍ਹੋ: ਵੱਡਾ ਪ੍ਰਸ਼ਾਸਨਿਕ ਫੇਰਬਦਲ! ASI, ਹੈੱਡ ਕਾਂਸਟੇਬਲ ਸਣੇ 137 ਮੁਲਾਜ਼ਮਾਂ ਦੇ ਤਬਾਦਲੇ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਤਰਨਤਾਰਨ: ਸਰੋਵਰ 'ਚ ਛਲਾਂਗ ਮਾਰਣ ਵਾਲੇ ਵਿਅਕਤੀ ਦੀ ਲਾਸ਼ ਬਰਾਮਦ
NEXT STORY 
