ਨਵੀਂ ਦਿੱਲੀ - ਹਿੰਦੂ ਧਰਮ ਵਿਚ ਵੀ ਪੂਰਨਮਾਸ਼ੀ ਦੇ ਦਿਨ ਦਾ ਵਿਸ਼ੇਸ਼ ਮਹੱਤਵ ਦੱਸਿਆ ਗਿਆ ਹੈ। ਇਸ ਤੋਂ ਇਲਾਵਾ ਚੱਲ ਰਿਹਾ ਮਾਰਗਸ਼ੀਰਸ਼ ਮਹੀਨਾ ਵੀ ਬਹੁਤ ਮਹੱਤਵਪੂਰਨ ਮੰਨਿਆ ਜਾਂਦਾ ਹੈ। ਇਹ ਮਹੀਨਾ ਸ਼੍ਰੀ ਕ੍ਰਿਸ਼ਨ ਨੂੰ ਸਮਰਪਿਤ ਹੈ। ਇਸ ਵਾਰ ਮਾਰਗਸ਼ੀਰਸ਼ਾ ਪੂਰਨਿਮਾ 26 ਦਸੰਬਰ ਯਾਨੀ ਕੱਲ੍ਹ ਮਨਾਈ ਜਾਵੇਗੀ। ਪੌਰਾਣਿਕ ਮਾਨਤਾਵਾਂ ਅਨੁਸਾਰ ਮਾਰਗਸ਼ੀਰਸ਼ਾ ਦੇ ਮਹੀਨੇ ਤੋਂ ਸਤਯੁਗ ਦੀ ਸ਼ੁਰੂਆਤ ਹੋਈ ਸੀ, ਇਸ ਲਈ ਇਸ ਦੌਰਾਨ ਇਸ਼ਨਾਨ, ਦਾਨ ਅਤੇ ਤਪੱਸਿਆ ਬਹੁਤ ਲਾਭਕਾਰੀ ਮੰਨੀ ਜਾਂਦੀ ਹੈ।
ਇਹ ਵੀ ਪੜ੍ਹੋ : ਪਾਕਿਸਤਾਨ ਵੱਲੋਂ ਸਿੱਖਾਂ ਦੀ ਆਸਥਾ ਦੇ ਨਾਂ 'ਤੇ ਵੱਡੀ ਲੁੱਟ, ਵਿਦੇਸ਼ੀ ਸਿੱਖਾਂ 'ਚ ਭਾਰੀ ਰੋਸ
ਪੂਰਨਮਾਸ਼ੀ ਦਾ ਸ਼ੁੱਭ ਮਹੂਰਤ
ਹਿੰਦੂ ਕੈਲੰਡਰ ਅਨੁਸਾਰ ਮਾਰਗਸ਼ੀਰਸ਼ ਮਹੀਨੇ ਦੇ ਸ਼ੁਕਲ ਪੱਖ ਦੀ ਪੂਰਨਮਾਸ਼ੀ ਤਰੀਕ ਨੂੰ ਮਾਰਗਸ਼ੀਰਸ਼ਾ ਪੂਰਨਿਮਾ ਕਿਹਾ ਜਾਂਦਾ ਹੈ। ਇਸ ਵਾਰ ਸਾਲ ਦੀ ਆਖਰੀ ਪੂਰਨਮਾਸ਼ੀ 26 ਦਸੰਬਰ ਨੂੰ ਮਨਾਈ ਜਾਵੇਗੀ। ਇਸ ਵਾਰ ਪੂਰਨਿਮਾ ਦੀ ਤਾਰੀਖ 26 ਦਸੰਬਰ ਨੂੰ ਸਵੇਰੇ 05:46 ਵਜੇ ਸ਼ੁਰੂ ਹੋਵੇਗੀ ਅਤੇ ਇਹ 27 ਦਸੰਬਰ ਨੂੰ ਭਾਵ ਅਗਲੇ ਦਿਨ ਸਵੇਰੇ 06:02 ਵਜੇ ਸਮਾਪਤ ਹੋਵੇਗੀ।
ਇਸ ਦਿਨ ਪੂਜਾ ਕਿਵੇਂ ਕਰੀਏ?
ਮਾਰਗਸ਼ੀਰਸ਼ ਪੂਰਨਮਾਸ਼ੀ ਵਾਲੇ ਦਿਨ ਜਲਦੀ ਉੱਠ ਕੇ ਇਸ਼ਨਾਨ ਕਰੋ। ਇਸ ਤੋਂ ਬਾਅਦ ਇਸ ਦਿਨ ਘਰ ਦੀ ਸਫਾਈ ਕਰੋ, ਘਰ ਦੇ ਮੁੱਖ ਦੁਆਰ 'ਤੇ ਬੰਧਨਵਰ ਲਗਾਓ ਅਤੇ ਰੰਗੋਲੀ ਬਣਾਓ। ਪੂਜਾ ਸਥਾਨ 'ਤੇ ਗੰਗਾ ਜਲ ਦਾ ਛਿੜਕਾਅ ਕਰੋ ਅਤੇ ਹੋ ਸਕੇ ਤਾਂ ਇੱਥੇ ਗਾਂ ਦਾ ਗੋਬਰ ਲਗਾਓ। ਇਸ ਤੋਂ ਬਾਅਦ ਤੁਲਸੀ ਨੂੰ ਕੱਚਾ ਪਾਣੀ ਚੜ੍ਹਾਓ। ਗੰਗਾ ਜਲ ਅਤੇ ਕੱਚਾ ਦੁੱਧ ਮਿਲਾ ਕੇ ਭਗਵਾਨ ਵਿਸ਼ਨੂੰ, ਭਗਵਾਨ ਗਣੇਸ਼ ਅਤੇ ਮਾਂ ਲਕਸ਼ਮੀ ਨੂੰ ਚੜ੍ਹਾਓ। ਫਿਰ ਭਗਵਾਨ ਨੂੰ ਅਬੀਰ, ਗੁਲਾਲ, ਚੰਦਨ, ਅਕਸ਼ਤ, ਫੁੱਲ, ਮੌਲੀ ਅਤੇ ਤੁਲਸੀ ਦੇ ਪੱਤੇ ਚੜ੍ਹਾਓ। ਸਤਿਆਨਾਰਾਇਣ ਦੀ ਕਥਾ ਪੜ੍ਹੋ।
ਇਹ ਵੀ ਪੜ੍ਹੋ : ਦੁਬਈ ਦੇ ਲੁਲੁ ਗਰੁੱਪ ਨੇ ਪੰਜਾਬ ਤੋਂ ਸ਼ੁਰੂ ਕੀਤੀ ਕਿੰਨੂ ਦੀ ਖਰੀਦ, 1500 ਟਨ ਦਾ ਰੱਖਿਆ ਟੀਚਾ
ਪੂਰਨਮਾਸ਼ੀ ਦਾ ਵਿਸ਼ੇਸ਼ ਮਹੱਤਵ
ਪੌਰਾਣਿਕ ਮਾਨਤਾਵਾਂ ਅਨੁਸਾਰ ਸ਼ਰਧਾਲੂ ਮਾਰਗਸ਼ੀਰਸ਼ਾ ਪੂਰਨਿਮਾ 'ਤੇ ਵਰਤ ਅਤੇ ਪੂਜਾ ਕਰਕੇ ਭਗਵਾਨ ਵਿਸ਼ਨੂੰ ਦਾ ਆਸ਼ੀਰਵਾਦ ਪ੍ਰਾਪਤ ਕਰਦੇ ਹਨ। ਇਸ ਦਿਨ ਕਿਸੇ ਪਵਿੱਤਰ ਨਦੀ, ਝੀਲ ਜਾਂ ਤਾਲਾਬ ਵਿੱਚ ਤੁਲਸੀ ਦੀ ਜੜ੍ਹ ਦੀ ਮਿੱਟੀ ਨਾਲ ਇਸ਼ਨਾਨ ਕਰੋ। ਮਾਨਤਾਵਾਂ ਅਨੁਸਾਰ, ਇਸ ਦਿਨ ਕੀਤਾ ਦਾਨ ਹੋਰ ਪੂਰਨਿਮਾ ਦੇ ਦਿਨਾਂ ਨਾਲੋਂ 32 ਗੁਣਾ ਫਲ ਦਿੰਦਾ ਹੈ। ਇਸ ਲਈ ਇਸ ਪੂਰਨਿਮਾ ਨੂੰ ਬੱਤੀ ਪੂਰਨਿਮਾ ਵੀ ਕਿਹਾ ਜਾਂਦਾ ਹੈ।
ਇਸ ਦਿਨ ਨਾ ਕਰੋ ਅਜਿਹੀਆਂ ਗਲਤੀਆਂ
ਪੂਰਨਮਾਸ਼ੀ ਵਾਲੇ ਦਿਨ, ਸਵੇਰੇ ਜਲਦੀ ਉੱਠੋ ਅਤੇ ਸੂਰਜ ਚੜ੍ਹਨ ਤੋਂ ਪਹਿਲਾਂ ਇਸ਼ਨਾਨ ਕਰੋ।
ਇਸ ਦਿਨ ਜੇਕਰ ਸੰਭਵ ਹੋਵੇ ਤਾਂ ਕਿਸੇ ਪਵਿੱਤਰ ਸਥਾਨ 'ਤੇ ਜਾ ਕੇ ਇਸ਼ਨਾਨ ਕਰੋ।
ਜੇਕਰ ਤੁਸੀਂ ਪੂਰਨਮਾਸ਼ੀ 'ਤੇ ਵਰਤ ਰੱਖਦੇ ਹੋ ਤਾਂ ਇਸ ਨੂੰ ਸ਼ਰਧਾ ਅਤੇ ਸਵੱਛਤਾ ਨਾਲ ਕਰੋ।
ਇਸ ਦਿਨ ਪਿਆਜ਼, ਲਸਣ, ਮੀਟ, ਮੱਛੀ, ਸ਼ਰਾਬ ਆਦਿ ਦਾ ਸੇਵਨ ਨਾ ਕਰੋ।
ਜੇਕਰ ਤੁਸੀਂ ਵਰਤ ਰੱਖ ਰਹੇ ਹੋ, ਤਾਂ ਦੁਪਹਿਰ ਨੂੰ ਭੁੱਲ ਕੇ ਵੀ ਨਾ ਸੋਵੋ।
ਕਿਸੇ ਯੋਗ ਬ੍ਰਾਹਮਣ ਨੂੰ ਭੋਜਨ ਅਤੇ ਹੋਰ ਚੀਜ਼ਾਂ ਦਾਨ ਕਰੋ।
ਇਹ ਵੀ ਪੜ੍ਹੋ : 6 ਸਾਲ ਤੋਂ ਨੰਗੇ ਪੈਰ ਸੀ ਇਹ ਭਾਜਪਾ ਦਾ ਅਹੁਦੇਦਾਰ, ਸ਼ਿਵਰਾਜ ਦੀ ਮੌਜੂਦਗੀ 'ਚ ਪੈਰਾਂ 'ਚ ਪਹਿਨੀ ਜੁੱਤੀ
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਮੰਗਲਵਾਰ ਨੂੰ ਕਰੋ ਹਨੂੰਮਾਨ ਜੀ ਦੀ ਪੂਜਾ, ਪਰੇਸ਼ਾਨੀਆਂ ਖ਼ਤਮ ਹੋਣ ਦੇ ਨਾਲ-ਨਾਲ ਘਰ ਆਵੇਗਾ ਧਨ
NEXT STORY 
