ਬੇਗੋਵਾਲ, (ਬਬਲਾ)- ਪੁਲਸ ਨੇ ਤੇਜ਼ਧਾਰ ਹਥਿਆਰਾਂ ਅਤੇ ਨਸ਼ੇ ਵਾਲੇ ਪਦਾਰਥਾਂ ਸਮੇਤ 3 ਵਿਅਕਤੀਆਂ ਨੂੰ ਕਾਬੂ ਕੀਤਾ ਹੈ। ਜਾਣਕਾਰੀ ਅਨੁਸਾਰ ਥਾਣਾ ਮੁਖੀ ਇੰਸ. ਸ਼ਿਵਕੰਵਲ ਸਿੰਘ ਦੀਆਂ ਹਦਾਇਤਾਂ 'ਤੇ ਐੱਸ. ਆਈ. ਸ਼ਵਿੰਦਰਜੀਤ ਸਿੰਘ ਨੇ ਸਮੇਤ ਪੁਲਸ ਪਾਰਟੀ ਅੱਡਾ ਸਤਿਗੁਰੂ ਰਾਖਾ ਵਿਖੇ ਨਾਕਾਬੰਦੀ ਕੀਤੀ ਹੋਈ। ਇਸ ਦੌਰਾਨ ਮੁਖਬਰ ਖਾਸ ਨੇ ਇਤਲਾਹ ਦਿੱਤੀ ਕਿ ਸੁਰਿੰਦਰ ਸਿੰਘ ਉਰਫ ਬਾਬਾ ਪੁੱਤਰ ਪਿਆਰਾ ਸਿੰਘ ਵਾਸੀ ਨੰਗਲ ਲੁਬਾਣਾ, ਮੁਕਲ ਪੁੱਤਰ ਅਸ਼ੋਕ ਕੁਮਾਰ ਵਾਸੀ ਬੇਗੋਵਾਲ ਵਰਿੰਦਰ ਸਿੰਘ ਪੁੱਤਰ ਸਰੂਪ ਸਿੰਘ ਵਾਸੀ ਜੱਬੋਵਾਲ, ਸੁਖਜਿੰਦਰ ਸਿੰਘ ਪੁੱਤਰ ਕੁਲਦੀਪ ਸਿੰਘ ਵਾਸੀ ਅਵਾਣ ਭੀਖੇਸ਼ਾਹ, ਵਿਜੇ ਪੁੱਤਰ ਬੱਬੀ ਵਾਸੀ ਅਵਾਣ ਭੀਖੇਸ਼ਾਹ ਤੇ ਤਿੰਨ ਹੋਰ ਨਾਮਲੂਮ ਵਿਅਕਤੀ ਨਵੀਂ ਦਾਣਾ ਮੰਡੀ ਬੇਗੋਵਾਲ 'ਚ ਬੈਠੇ ਹਨ ਜਿਨ੍ਹਾਂ ਕੋਲ ਮਾਰੂ ਹਥਿਆਰ ਹਨ ਤੇ ਜਿਨ੍ਹਾਂ ਦਾ ਮੇਨ ਮੁਖੀ ਸੁਰਿੰਦਰ ਸਿੰਘ ਉਰਫ ਬਾਬਾ ਨੌਜਵਾਨਾਂ ਨੂੰ ਗਲਤ ਰਸਤੇ 'ਤੇ ਪਾਉਂਦਾ ਹੈ ਤੇ ਉਨ੍ਹਾਂ ਕੋਲੋਂ ਲੁੱਟਾਂ-ਖੋਹਾਂ ਕਰਾਉਂਦਾ ਅਤੇ ਨਸ਼ੇ ਦਾ ਕੰਮ ਕਰਾਉਂਦਾ ਹੈ। ਜੋ ਅਜ ਵੀ ਉਥੇ ਬੈਠੇ ਲੁੱਟਾਂ ਖੋਹਾਂ ਦੀਆਂ ਯੋਜਨਾਵਾਂ ਬਣਾ ਰਹੇ ਹਨ।
ਇਸ ਦੌਰਾਨ ਪੁਲਸ ਨੇ ਜਦੋਂ ਉਕਤ ਜਗ੍ਹਾ 'ਤੇ ਰੇਡ ਮਾਰੀ ਤਾਂ ਮੌਕੇ ਤੋਂ ਮੁਕਲ ਪੁੱਤਰ ਅਸ਼ੋਕ ਕੁਮਾਰ ਵਾਸੀ ਬੇਗੋਵਾਲ, ਵਰਿੰਦਰ ਸਿੰਘ ਉਰਫ ਮੰਗਲ ਪੁੱਤਰ ਸਰੂਪ ਸਿੰਘ ਵਾਸੀ ਜੱਬੋਵਾਲ ਨੂੰ ਕਾਬੂ ਕਰ ਲਿਆ, ਜਿਸ 'ਤੇ ਮੁਕਲ ਕੋਲੋਂ ਇਕ ਦੇਸੀ ਨਾਜਾਇਜ਼ ਪਿਸਟਲ ਸਮੇਤ 3 ਜਿਉਂਦਾ ਕਾਰਤੂਸ ਤੇ 255 ਗਰਾਮ ਨਸ਼ੀਲਾ ਪਾਊਡਰ ਤੇ ਵਰਿੰਦਰ ਸਿੰਘ ਉਰਫ ਮੰਗਲ ਕੋਲੋਂ ਲੋਹੇ ਦਾ ਖੰਡਾ ਅਤੇ 166 ਗ੍ਰਾਮ ਨਸ਼ੀਲਾ ਪਾਊਡਰ ਬਰਾਮਦ ਕੀਤਾ। ਐੱਸ. ਐੱਚ. ਓ. ਸ਼ਿਵਕੰਵਲ ਸਿੰਘ ਨੇ ਦੱਸਿਆ ਕਿ ਵਰਿੰਦਰ ਸਿੰਘ ਉਰਫ ਮੰਗਲ ਵਾਸੀ ਜੱਬੋਵਾਲ ਪਹਿਲਾਂ ਹੀ ਵੱਖ ਵੱਖ ਮੁਕੱਦਮਿਆਂ ਵਿਚ ਪੀ. ਓ. ਸੀ ਤੇ ਮੁੱਕਲ ਵੀ ਕਈ ਕੇਸਾਂ 'ਚ ਲੋੜੀਂਦਾ ਸੀ। ਉਨ੍ਹਾਂ ਦੱਸਿਆ ਕਿ ਸੁਰਿੰਦਰ ਸਿੰਘ ਉਰਫ ਬਾਬਾ ਤੇ ਸੁਖਜਿੰਦਰ ਸਿੰਘ ਉਰਫ ਸ਼ੈਂਟੀ, ਵਿਜੇ ਪੁੱਤਰ ਬੱਬੀ ਵਾਸੀ ਅਵਾਣ ਭੀਖੇਸ਼ਾਹ ਤੇ ਤਿੰਨ ਹੋਰ ਅਣਪਛਾਤੇ ਹਨੇਰੇ ਦਾ ਫਾਇਦਾ ਉਠਾਉਂਦੇ ਮੌਕੇ ਤੋਂ ਭੱਜ ਗਏ ਸਨ। ਉਨ੍ਹਾਂ ਖਿਲਾਫ ਵੀ ਮਾਮਲਾ ਦਰਜ ਕਰ ਲਿਆ ਹੈ। ਇਸੇ ਤਰ੍ਹਾਂ ਏ. ਐੱਸ. ਆਈ. ਹਰਪਾਲ ਸਿੰਘ ਨੇ ਸਮੇਤ ਪੁਲਸ ਪਾਰਟੀ ਅੱਡਾ ਸਰੂਪਵਾਲ ਵਿਖੇ ਸੁਖਬੀਰ ਸਿੰਘ ਉਰਫ ਪਟਵਾਰੀ ਪੁੱਤਰ ਤੇਜਿੰਦਰ ਸਿੰਘ ਵਾਸੀ ਘੁੱਗਰਾਨਾ ਥਾਣਾ ਜੋਧਾਂ, ਜ਼ਿਲਾ ਲੁਧਿਆਣਾ ਨੂੰ ਗੱਡੀ ਸਮੇਤ 300 ਗ੍ਰਾਮ ਚੂਰਾ ਪੋਸਤ ਬਰਾਮਦ ਕੀਤਾ ਗਿਆ। ਜਿਸ ਖਿਲਾਫ ਮਾਮਲਾ ਦਰਜ ਕਰ ਕੇ ਅਦਾਲਤ ਪੇਸ਼ ਕਰਨ 'ਤੇ 3 ਦਿਨ ਦਾ ਰਿਮਾਂਡ ਹਾਸਲ ਕੀਤਾ ਹੈ।
ਮਾਈਨਿੰਗ ਮਾਫੀਆ ਵਿਰੁੱਧ ਸਰਚ ਆਪ੍ਰੇਸ਼ਨ ਝੂਠ ਦਾ ਪੁਲੰਦਾ : ਮਜੀਠੀਆ
NEXT STORY 
