ਨਵੀਂ ਦਿੱਲੀ : ਆਯੂਸ਼ ਸ਼ਰਮਾ ਨੇ 2014 'ਚ ਸਲਮਾਨ ਖ਼ਾਨ ਦੀ ਭੈਣ ਅਰਪਿਤਾ ਖ਼ਾਨ ਨਾਲ ਵਿਆਹ ਕੀਤਾ ਸੀ। ਆਯੂਸ਼ ਅਤੇ ਅਰਪਿਤਾ ਦੇ ਦੋ ਬੱਚੇ ਹਨ, ਜਿਨ੍ਹਾਂ 'ਤੇ ਮਾਮਾ ਸਲਮਾਨ ਆਪਣੀ ਜਾਨ ਲੁਟਾਉਂਦੇ ਹਨ। ਹਾਲ ਹੀ 'ਚ ਦਿੱਤੇ ਇੰਟਰਵਿਊ 'ਚ ਆਯੂਸ਼ ਨੇ ਖੁਲਾਸਾ ਕੀਤਾ ਹੈ ਕਿ ਕਿਵੇਂ ਸਲਮਾਨ ਨੇ ਉਨ੍ਹਾਂ ਤੋਂ ਪ੍ਰਭਾਵਿਤ ਹੋ ਕੇ ਉਨ੍ਹਾਂ ਦਾ ਵਿਆਹ ਆਪਣੀ ਭੈਣ ਨਾਲ ਕਰਵਾਇਆ। ਆਯੂਸ਼ ਸ਼ਰਮਾ ਸਿਆਸੀ ਪਰਿਵਾਰ ਤੋਂ ਆਉਂਦੇ ਹਨ। ਉਸ ਦੇ ਪਿਤਾ ਅਨਿਲ ਸ਼ਰਮਾ ਹਿਮਾਚਲ ਪ੍ਰਦੇਸ਼ ਦੇ ਮੰਤਰੀ ਅਤੇ ਵਪਾਰੀ ਹਨ। ਆਯੂਸ਼ ਅਭਿਨੇਤਾ ਬਣਨ ਲਈ ਮੁੰਬਈ ਆਏ ਸਨ ਤੇ ਫਿਰ ਉਨ੍ਹਾਂ ਦੀ ਮੁਲਾਕਾਤ ਅਰਪਿਤਾ ਨਾਲ ਹੋਈ। ਆਯੂਸ਼ ਅਰਪਿਤਾ ਨੂੰ ਡੇਟ ਕਰਨ ਦੇ ਕੁਝ ਮਹੀਨਿਆਂ ਬਾਅਦ ਹੀ ਸਲਮਾਨ ਨੂੰ ਮਿਲੇ ਸਨ ਅਤੇ 'ਰੁਸਲਾਨ' ਅਭਿਨੇਤਾ ਨੇ ਖੁਲਾਸਾ ਕੀਤਾ ਹੈ ਕਿ ਉਨ੍ਹਾਂ ਦੀ ਪਹਿਲੀ ਮੁਲਾਕਾਤ ਕਿਵੇਂ ਹੋਈ ਅਤੇ ਭਾਈਜਾਨ ਆਪਣੀ ਭੈਣ ਦੇ ਵਿਆਹ ਲਈ ਕਿਵੇਂ ਸਹਿਮਤ ਹੋਏ।
ਅਰਪਿਤਾ ਨੂੰ ਡੇਟ ਕਰਨ 'ਤੇ ਬੋਲੇ ਆਯੂਸ਼ ਸ਼ਰਮਾ
ਭਾਰਤੀ ਸਿੰਘ ਅਤੇ ਹਰਸ਼ ਲਿੰਬਾਚੀਆ ਦੇ ਚੈਟ ਸ਼ੋਅ 'ਚ ਆਯੂਸ਼ ਸ਼ਰਮਾ ਨੇ ਅਰਪਿਤਾ ਨੂੰ ਡੇਟ ਕਰਨ ਤੋਂ ਬਾਅਦ ਪਹਿਲੀ ਵਾਰ ਸਲਮਾਨ ਖ਼ਾਨ ਨੂੰ ਮਿਲਣ ਦੀ ਕਹਾਣੀ ਸਾਂਝੀ ਕੀਤੀ। ਉਨ੍ਹਾਂ ਕਿਹਾ ਕਿ ਪਹਿਲਾਂ ਤਾਂ ਉਹ ਸੱਲੂ ਮੀਆਂ ਨੂੰ ਮਿਲਣ 'ਚ ਝਿਜਕ ਮਹਿਸੂਸ ਕਰ ਰਹੇ ਸਨ। ਉਸ ਨੇ ਦੱਸਿਆ ਕਿ ਇੱਕ ਵਾਰ ਜਦੋਂ ਉਹ ਅਰਪਿਤਾ ਨੂੰ ਘਰ ਛੱਡਣ ਗਿਆ ਤਾਂ ਭਾਈਜਾਨ ਦੀ ਭੈਣ ਨੇ ਉਸ ਨੂੰ ਘਰ ਆਉਣ ਦਾ ਸੱਦਾ ਦਿੱਤਾ।
ਆਯੂਸ਼ ਨੂੰ ਦੇਖ ਕੇ ਹੈਰਾਨ ਰਹਿ ਗਏ ਸਨ ਸਲਮਾਨ
ਜਦੋਂ ਆਯੂਸ਼ ਸ਼ਰਮਾ ਗਲੈਕਸੀ ਅਪਾਰਟਮੈਂਟ 'ਚ ਆਏ ਤਾਂ ਰਾਤ ਦੇ 1 ਵਜੇ ਸਨ ਤੇ ਉਨ੍ਹਾਂ ਦੇ ਘਰ ਦੇ ਸਾਰੇ ਲੋਕ ਟੀਵੀ ਦੇਖ ਰਹੇ ਸਨ ਅਤੇ ਖਾਣਾ ਖਾ ਰਹੇ ਸਨ। ਸਲਮਾਨ ਨਾਲ ਆਪਣੀ ਪਹਿਲੀ ਮੁਲਾਕਾਤ ਨੂੰ ਯਾਦ ਕਰਦੇ ਹੋਏ ਆਯੂਸ਼ ਨੇ ਕਿਹਾ, "ਉਹ ਘਰ 'ਚ ਆਏ ਤੇ ਮੈਂ ਉਨ੍ਹਾਂ ਦੇ ਪਿੱਛੇ ਖੜ੍ਹਾ ਸੀ। ਮੈਂ ਸੋਚਿਆ ਕਿ ਪਿਆਰ ਕੀਤਾ ਤਾਂ ਡਰਨਾ ਕਿਉਂ। ਉਹ ਮੁੜੇ ਅਤੇ ਮੈਂ ਤੁਰੰਤ ਆਪਣੀ ਜਾਣ-ਪਛਾਣ ਦਿੱਤੀ, 'ਹਾਏ ਸਰ, ਮੈਂ ਆਯੂਸ਼ ਸ਼ਰਮਾ ਹਾਂ।' ਉਹ ਹੈਰਾਨ ਰਹੇ ਗਏ ਤੇ ਉਨ੍ਹਾਂ ਨੇ ਕਿਹਾ, 'ਮੈਂ ਸਲਮਾਨ ਖ਼ਾਨ ਹਾਂ ਅਤੇ ਫਿਰ ਮੈਂ ਚਲਾ ਗਿਆ।'
ਆਯੂਸ਼ ਦੀ ਇਸ ਗੱਲ ਨਾਲ ਪ੍ਰਭਾਵਿਤ ਹੋਏ ਸਨ ਸਲਮਾਨ
ਆਯੂਸ਼ ਸ਼ਰਮਾ ਨੇ ਅੱਗੇ ਦੱਸਿਆ ਕਿ ਉਨ੍ਹਾਂ ਦੀ ਪਹਿਲੀ ਮੁਲਾਕਾਤ ਤੋਂ ਅਗਲੇ ਦਿਨ ਉਨ੍ਹਾਂ ਨੂੰ ਅਰਪਿਤਾ ਦਾ ਫੋਨ ਆਇਆ ਅਤੇ ਦੱਸਿਆ ਕਿ ਭਰਾ ਸਲਮਾਨ ਉਸ ਨੂੰ ਮਿਲਣਾ ਚਾਹੁੰਦੇ ਹਨ। ਆਯੂਸ਼ ਨੇ ਦੱਸਿਆ ਕਿ ਜਦੋਂ ਭਾਈਜਾਨ ਨੇ ਉਨ੍ਹਾਂ ਨੂੰ ਉਨ੍ਹਾਂ ਦੇ ਭਵਿੱਖ ਦੀ ਯੋਜਨਾ ਬਾਰੇ ਪੁੱਛਿਆ ਤਾਂ ਉਨ੍ਹਾਂ ਨੇ ਤੁਰੰਤ ਕਿਹਾ ਕਿ ਉਨ੍ਹਾਂ ਨੂੰ ਐਕਟਿੰਗ ਨਹੀਂ ਆਉਂਦੀ। ਉਸ ਨੇ ਕਿਹਾ, "ਮੈਂ ਹੈਰਾਨ ਸੀ ਕਿ ਉਨ੍ਹਾਂ ਨੂੰ ਕਿਵੇਂ ਪਤਾ ਲੱਗਾ।"
ਫਿਰ ਜਦੋਂ ਸਲਮਾਨ ਨੇ ਆਯੂਸ਼ ਤੋਂ ਅਰਪਿਤਾ ਨਾਲ ਉਨ੍ਹਾਂ ਦੇ ਰਿਸ਼ਤੇ ਬਾਰੇ ਪੁੱਛਿਆ ਤਾਂ ਰੁਸਲਾਨ ਅਦਾਕਾਰ ਨੇ ਤੁਰੰਤ ਜਵਾਬ ਦਿੱਤਾ ਕਿ ਉਹ ਉਨ੍ਹਾਂ ਦੀ ਭੈਣ ਨਾਲ ਵਿਆਹ ਕਰਨਾ ਚਾਹੁੰਦੇ ਹਨ। ਉਸ ਨੇ ਕਿਹਾ, "ਸਲਮਾਨ ਨੇ ਮੇਰੀ ਕਮਾਈ ਬਾਰੇ ਪੁੱਛਿਆ। ਮੈਂ ਕਿਹਾ ਮੈਂ ਨਹੀਂ ਕਮਾਉਂਦਾ। ਮੇਰੇ ਪਿਤਾ ਪੈਸੇ ਭੇਜਦੇ ਹਨ ਅਤੇ ਮੈਂ ਉਸ ਨਾਲ ਗੁਜ਼ਾਰਾ ਕਰਦਾ ਹਾਂ। ਮੈਂ ਕਿਹਾ ਘਰ 'ਚ ਪੈਸਾ ਹੈ ਅਤੇ ਮੈਂ ਕਮਾਉਂਦਾ ਨਹੀਂ ਹਾਂ। ਉਨ੍ਹਾਂ ਨੇ ਮੇਰੇ ਵੱਲ ਦੇਖਿਆ ਅਤੇ ਕਿਹਾ, ਇਹ ਮੁੰਡਾ ਬਹੁਤ ਈਮਾਨਦਾਰ ਹੈ ਮੈਨੂੰ ਇਹ ਮੁੰਡਾ ਪਸੰਦ ਆਇਆ। ਵਿਆਹ ਪੱਕਾ।''
ਚਮਕੀਲੇ ਨੂੰ ਆਈ ਸੀ ਸ਼੍ਰੀਦੇਵੀ ਨਾਲ ਫ਼ਿਲਮ ਕਰਨ ਦੀ ਆਫ਼ਰ! ਇਸ ਕਾਰਨ ਕਰ ਦਿੱਤੀ ਸੀ ਨਾਂਹ
NEXT STORY 
