ਇੰਟਰਨੈਸ਼ਨਲ ਡੈਸਕ- ਅਮਰੀਕਾ ਦੇ ਕੰਸਾਸ ਸੂਬੇ ਦੇ ਵਿਨਫੀਲਡ ਸ਼ਹਿਰ ਵਿਚ ਵਅਕਤੀ ਵਲੋਂ ਪਤਨੀ ਤੇ ਚਾਰ ਬੱਚਿਆਂ ਦਾ ਕਤਲ ਕਰਨ ਉਪਰੰਤ ਖੁਦਕੁਸ਼ੀ ਕਰ ਲਈ ਗਈ। ਪੁਲਸ ਮੁਤਾਬਕ 53 ਸਾਲਾ ਵਿਅਕਤੀ ਨੇ ਆਪਣੀ ਪਤਨੀ ਅਤੇ ਚਾਰ ਬੱਚਿਆਂ ਦਾ ਕਥਿਤ ਤੌਰ 'ਤੇ ਕਤਲ ਕਰਨ ਮਗਰੋਂ 911 'ਤੇ ਫੋਨ ਕੀਤਾ ਅਤੇ ਫਿਰ ਖੁਦਕੁਸ਼ੀ ਕਰ ਲਈ। ਵਿਨਫੀਲਡ ਪੁਲਸ ਮੁਤਾਬਕ ਰੋਨਾਲਡ ਐੱਚ ਵਿਲੀਅਮਜ਼ ਸੀਨੀਅਰ ਨੇ ਸਵੇਰੇ ਕਰੀਬ 8:50 ਵਜੇ ਐਮਰਜੈਂਸੀ ਵਿਭਾਗ ਨੂੰ ਫੋਨ ਕੀਤਾ ਅਤੇ ਦੱਸਿਆ ਕਿ ਉਸ ਨੇ ਆਪਣੇ ਪੂਰੇ ਪਰਿਵਾਰ ਦਾ ਕਤਲ ਕਰ ਦਿੱਤਾ ਹੈ ਅਤੇ ਹੁਣ ਉਹ ਖੁਦਕੁਸ਼ੀ ਕਰਨ ਜਾ ਰਿਹਾ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ- ਅਮਰੀਕੀ ਹਮਲਿਆਂ 'ਚ 153 ਨਾਗਰਿਕਾਂ ਦੀ ਮੌਤ ਦੀ ਪੁਸ਼ਟੀ
ਸੂਚਨਾ ਮਿਲਦੇ ਹੀ ਪੁਲਸ ਅਧਿਕਾਰੀ ਮੈਨਸਫੀਲਡ ਸਟ੍ਰੀਟ ਨੇੜੇ ਸਥਿਤ ਘਰ ਵਿਚ ਪਹੁੰਚੇ ਤਾਂ ਘਰ ਵੱਲ ਵਧਦਿਆਂ ਅੰਦਰੋਂ ਗੋਲੀ ਚੱਲਣ ਦੀ ਆਵਾਜ਼ ਸੁਣੀ। ਖੇਤਰੀ ਸਵੈਟ ਟੀਮ ਅਤੇ ਕਾਊਲੀ ਕਾਊਂਟੀ ਸ਼ੈਰਿਫ ਦਫਤਰ ਦੀ ਮਦਦ ਨਾਲ ਸਵੇਰੇ 10: 57 ਵਜੇ ਘਰ ਦਾ ਮੁਖ ਦਰਵਾਜ਼ਾ ਤੋੜਿਆ ਗਿਆ। ਅੰਦਰ ਦਾਖਲ ਹੋਣ 'ਤੇ ਅਧਿਕਾਰੀਆਂ ਨੂੰ ਪਰਿਵਾਰ ਦੇ ਸਾਰੇ 6 ਮੈਂਬਰ ਮ੍ਰਿਤਕ ਮਿਲੇ। ਮ੍ਰਿਤਕਾਂ ਦੀ ਪਛਾਣ ਕੈਲੀ ਐੱਲ ਜਾਰਜ (44) ਅਤੇ ਉਸ ਦੇ ਚਾਰ ਬੱਚਿਆਂ 9 ਸਾਲਾ ਕੈਰੋਲ ਏ ਵਿਲੀਅਮਜ਼, 7 ਸਾਲਾ ਰੋਨਾਲਡ ਐੱਚ ਵਿਲੀਅਮਜ਼ ਜੂਨੀਅਰ, 5 ਸਾਲਾ ਸਾਰਾਹ ਕੇ ਵਿਲੀਅਮਜ਼ ਅਤੇ 3 ਸਲਾ ਕੈਲੀ ਐੱਮ ਮੈਗੀ-ਵਿਲੀਅਮਜ਼ ਵਜੋਂ ਕੀਤੀ ਗਈ ਹੈ। ਕਥਿਤ ਹਮਲਾਵਰ ਰੋਨਾਲਡ ਵਿਲੀਅਮਜ਼ ਸੀਨੀਅਰ ਵੀ ਘਰ ਅੰਦਰ ਮ੍ਰਿਤਕ ਮਿਲਿਆ। ਪੁਲਸ ਮੁਖੀ ਰੌਬੀ ਡੀਲੌਂਗ ਨੇ ਦੱਸਿਆ ਕਿ ਪਿਛਲੇ ਕੁਝ ਹਫਤਿਆਂ ਦੌਰਾਨ ਵਿਲੀਅਮਜ਼ ਦੇ ਅਸਧਾਰਨ ਅਤੇ ਹਮਲਾਵਰ ਵਿਵਹਾਰ ਸਬੰਧੀ ਕੁਝ ਸ਼ਿਕਾਇਤਾਂ ਮਿਲੀਆਂ ਸਨ। ਸੂਬਾਈ ਰਿਕਾਰਡ ਮੁਤਾਬਕ ਵਿਲੀਅਮਜ਼ ਇਕ ਰਜਿਸਟਰਡ ਜਿਨਸੀ ਅਪਰਾਧੀ ਸੀ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਤਾਲਿਬਾਨ ਨੇ ਹਿਰਾਸਤ 'ਚ ਲਏ UN ਦੇ 2 ਮੈਂਬਰ
NEXT STORY 
