ਮੁੰਬਈ (ਬਿਊਰੋ) — ਮਸ਼ਹੂਰ ਸੰਗੀਤਕਾਰ ਉਦਿਤ ਨਾਰਾਇਣ ਦੇ ਪੁੱਤਰ ਤੇ 'ਇੰਡੀਅਨ ਆਈਡਲ' ਦੇ ਹੋਸਟ ਰਹਿ ਚੁੱਕੇ ਆਦਿਤਿਆ ਨਾਰਾਇਣ ਹੁਣ ਜਲਦ ਹੀ ਵਿਆਹ ਦੇ ਬੰਧਨ 'ਚ ਬੱਝਣ ਜਾ ਰਹੇ ਹਨ। ਇਸ ਤੋਂ ਪਹਿਲਾ ਆਦਿਤਿਆ ਨਾਰਾਇਣ ਦੇ ਵਿਆਹ ਨੂੰ ਲੈ ਕੇ ਕਈ ਤਰ੍ਹਾਂ ਦੀਆਂ ਗੱਲਾਂ ਸਾਹਮਣੇ ਆਈਆਂ ਸਨ ਪਰ ਹੁਣ ਉਨ੍ਹਾਂ ਨੇ ਆਪਣੀ ਹੋਣ ਵਾਲੀ ਦੁਲਹਨ (ਲਾੜੀ) ਨਾਲ ਆਪਣੀ ਪਹਿਲੀ ਤਸਵੀਰ ਸ਼ੇਅਰ ਕਰ ਦਿੱਤੀ ਹੈ। ਉਹ ਇਕ ਲੰਬੇ ਸਮੇਂ ਤੋਂ ਅਦਾਕਾਰਾ ਸ਼ਵੇਤਾ ਅਗਰਵਾਲ ਨੂੰ ਡੇਟ ਕਰ ਰਹੇ ਸਨ। ਉਥੇ ਹੀ ਆਦਿਤਿਆ ਨਾਰਾਇਣ ਪਹਿਲੀ ਤਸਵੀਰ ਸ਼ੇਅਰ ਕਰਨ ਦੇ ਨਾਲ ਹੀ ਵਿਆਹ ਦੀਆਂ ਤਿਆਰੀਆਂ ਲਈ ਸੋਸ਼ਲ ਮੀਡੀਆ ਤੋਂ ਬ੍ਰੇਕ ਲੈਣ ਦਾ ਵੀ ਐਲਾਨ ਕਰ ਦਿੱਤਾ ਹੈ। ਆਦਿਤਿਆ ਨਾਰਾਇਣ ਨੇ ਆਪਣੀ ਪ੍ਰੇਮਿਕਾ ਨਾਲ ਇਹ ਪਹਿਲੀ ਤਸਵੀਰ ਸਾਂਝੀ ਕੀਤੀ ਹੈ, ਜਿਸ 'ਚ ਦੋਵੇਂ ਹੀ ਵਿਆਹ ਦੀਆਂ ਤਿਆਰੀਆਂ ਤੋਂ ਬੇਹੱਦ ਖ਼ੁਸ਼ ਨਜ਼ਰ ਆ ਰਹੇ ਹਨ।
ਇਸ ਤਸਵੀਰ ਨੂੰ ਸ਼ੇਅਰ ਕਰਦਿਆਂ ਆਦਿਤਿਆ ਨੇ ਲਿਖਿਆ, 'ਅਸੀਂ ਵਿਆਹ ਕਰਵਾਉਣ ਜਾ ਰਹੇ ਹਾਂ। ਮੈਂ ਦੁਨੀਆ ਦਾ ਸਭ ਤੋਂ ਲੱਕੀ ਇਨਸਾਨ ਹਾਂ, ਜਿਸ ਨੂੰ 11 ਸਾਲ ਪਹਿਲਾਂ ਸ਼ਵੇਤਾ ਮਿਲੀ, ਮੇਰੀ ਸੋਲਮੇਟ ਤੇ ਹੁਣ ਫਾਇਨਲੀ ਦਸੰਬਰ 'ਚ ਵਿਆਹ ਕਰ ਰਹੇ ਹਾਂ। ਵਿਆਹ ਦੀਆਂ ਤਿਆਰੀਆਂ ਲਈ ਸੋਸ਼ਲ ਮੀਡੀਆ ਤੋਂ ਬ੍ਰੇਕ ਲੈ ਰਿਹਾ ਹਾਂ। ਤੁਹਾਨੂੰ ਦਸੰਬਰ 'ਚ ਮਿਲਾਂਗਾ।'
ਦੱਸਣਯੋਗ ਹੈ ਕਿ ਜਿਥੇ ਇਕ ਪਾਸੇ ਆਦਿਤਿਆ ਨਾਰਾਇਣ ਮਸ਼ਹੂਰ ਗਾਇਕ ਦੇ ਨਾਲ-ਨਾਲ ਸਿੰਗਿੰਗ ਰਿਐਲਿਟੀ ਸ਼ੋਅ ਦੇ ਹੋਸਟ ਵੀ ਹਨ। ਉਥੇ ਹੀ ਦੂਜੇ ਪਾਸੇ ਸ਼ਵੇਤਾ ਕਈ ਫ਼ਿਲਮਾਂ ਅਤੇ ਟੀ. ਵੀ. ਸੀਰੀਅਲਸ 'ਚ ਕੰਮ ਕਰ ਚੁੱਕੀ ਹੈ। ਉਹ ਫ਼ਿਲਮ 'ਸ਼ਾਪਿਤ' 'ਚ ਆਦਿਤਿਆ ਨਾਰਾਇਣ ਨਾਲ ਨਜ਼ਰ ਆਈ ਸੀ।
ਡਰੱਗ ਕਨੈਕਸ਼ਨ 'ਚ ਐੱਨ.ਸੀ.ਬੀ. ਦੀ ਜਾਂਚ ਜਾਰੀ, ਦੀਪਿਕਾ ਪਾਦੁਕੋਣ ਦੀ ਸਾਬਕਾ ਮੈਨੇਜਰ ਤੋਂ ਪੁੱਛਗਿੱਛ
NEXT STORY 
