ਮੁੰਬਈ – ਭਾਰਤੀ ਫਿਲਮ ਇੰਡਸਟਰੀ ਦੀ ਪ੍ਰਤਿਭਾਸ਼ਾਲੀ ਅਦਾਕਾਰਾ ਅਤੇ ਨਿਰਦੇਸ਼ਕ ਤਨਿਸ਼ਠਾ ਚਟਰਜੀ ਨੇ ਹਾਲ ਹੀ ਵਿੱਚ ਇਕ ਇੰਟਰਵਿਊ ਵਿੱਚ ਖੁਲਾਸਾ ਕੀਤਾ ਕਿ ਉਹ ਸਟੇਜ 4 ਬ੍ਰੈਸਟ ਕੈਂਸਰ ਨਾਲ ਜੂਝ ਰਹੀ ਹੈ। ਇਸ ਖ਼ਬਰ ਨੇ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਵਿੱਚ ਡੂੰਘੀ ਚਿੰਤਾ ਅਤੇ ਦੁੱਖ ਦੀ ਲਹਿਰ ਦੌੜਾ ਦਿੱਤੀ ਹੈ।
ਇਹ ਵੀ ਪੜ੍ਹੋ: ਜਨਮਦਿਨ ਮੌਕੇ ਸਿੱਧੂ ਮੂਸੇਵਾਲਾ ਦੇ 3 ਨਵੇਂ ਗਾਣੇ ਰਿਲੀਜ਼, ਕੁੱਝ ਹੀ ਮਿੰਟਾਂ 'ਚ ਹੋਏ ਲੱਖਾਂ ਵਿਊਜ਼
ਤਨਿਸ਼ਠਾ ਨੇ ਇਕ ਨਿਊਜ਼ ਚੈਨਲ ਨਾਲ ਗੱਲਬਾਤ ਕਰਦਿਆਂ ਦੱਸਿਆ ਕਿ 4 ਮਹੀਨੇ ਪਹਿਲਾਂ ਉਨ੍ਹਾਂ ਨੂੰ ਆਪਣੇ ਕੈਂਸਰ ਬਾਰੇ ਪਤਾ ਲੱਗਿਆ। ਉਨ੍ਹਾਂ ਕਿਹਾ, "ਪਿਛਲੇ ਸਾਲ ਹੀ ਮੈਂ ਕੈਂਸਰ ਕਰਕੇ ਆਪਣੇ ਪਿਤਾ ਨੂੰ ਗੁਆ ਬੈਠੀ ਸੀ। ਅਜੇ ਮੈਂ ਉਸ ਦੁੱਖ 'ਚੋਂ ਉਭਰੀ ਨਹੀਂ ਸੀ ਕਿ ਆਪਣੀ ਬੀਮਾਰੀ ਬਾਰੇ ਪਤਾ ਲੱਗਾ।"
ਇਹ ਵੀ ਪੜ੍ਹੋ: ਮਸ਼ਹੂਰ ਯੂ-ਟਿਊਬਰ ਨੇ ਸੜਕ 'ਤੇ ਖੁੱਲ੍ਹੇਆਮ ਛਬੀਲ ਵਾਂਗ ਵੰਡੀ ਸ਼ਰਾਬ, ਪੁਲਸ ਨੇ ਕੀਤਾ ਗ੍ਰਿਫਤਾਰ
ਤਨਿਸ਼ਠਾ ਨੇ ਕਿਹਾ, ਮੇਰੀ ਜ਼ਿੰਦਗੀ ਵਿਚ ਸਭ ਕੁੱਝ ਬਿਖਰ ਗਿਆ ਹੈ, ਪਰ ਮੈਂ ਹੌਂਸਲਾ ਨਹੀਂ ਹਾਰੀ ਹਾਂ। ਲੋਕ ਤੁਹਾਡੀ ਪਰਵਾਹ ਕਰਦੇ ਹਨ। ਇਹ ਪਹਿਲੀ ਵਾਰ ਹੈ ਜਦੋਂ ਮੈਂ ਸਟਰਾਂਗ ਬਣ ਕੇ ਥੱਕ ਚੁੱਕੀ ਹਾਂ। ਪਿਛਲੇ ਸਾਲ ਮੈਂ ਆਪਣੇ ਪਿਤਾ ਨੂੰ ਕੈਂਸਰ ਕਾਰਨ ਗੁਆ ਦਿੱਤਾ ਸੀ। ਮੈਂ ਉਨ੍ਹਾਂ ਦੀ ਮੌਤ ਦਾ ਸੋਗ ਵੀ ਨਹੀਂ ਮਨਾ ਸਕੀ। ਕਿਉਂਕਿ ਮੈਂ ਆਪਣੀ 70 ਸਾਲ ਦੀ ਮਾਂ ਅਤੇ 9 ਸਾਲ ਦੀ ਧੀ ਨੂੰ ਸੰਭਾਲਣਾ ਸੀ। ਮੈਨੂੰ ਉਨ੍ਹਾਂ ਲਈ ਸਟਰਾਂਗ ਬਣਨਾ ਪਿਆ। ਜਿਸ ਦਿਨ ਮੈਨੂੰ ਸਟੇਜ 4 ਬ੍ਰੈਸਟ ਕੈਂਸਰ ਬਾਰੇ ਪਤਾ ਲੱਗਾ, ਮੈਂ ਸੋਚਿਆ ਕਿ ਇਹ ਮੇਰੇ ਨਾਲ ਕਿਉਂ ਹੋਇਆ। ਇਹ ਮੇਰੇ ਕਿਹੜੇ ਕਰਮ ਹਨ? ਮੈਂ ਤਬਾਹ ਹੋ ਗਈ ਸੀ।
ਇਹ ਵੀ ਪੜ੍ਹੋ: ਨਿੱਜੀ ਚੈਨਲ ਵਲੋਂ ਸਿੱਧੂ ਮੂਸੇਵਾਲਾ 'ਤੇ ਬਣੀ ਡਾਕੂਮੈਂਟਰੀ ਰਿਲੀਜ਼, ਪਰਿਵਾਰ ਨੇ ਕੀਤਾ ਸੀ ਸਖ਼ਤ ਵਿਰੋਧ
ਧੀ ਦੀ ਚਿੰਤਾ
ਤਨਿਸ਼ਠਾ ਨੇ ਆਪਣੇ ਇੰਟਰਵਿਊ ਵਿੱਚ ਸਭ ਤੋਂ ਵੱਧ ਚਿੰਤਾ ਆਪਣੀ ਧੀ ਲਈ ਜ਼ਾਹਰ ਕੀਤੀ। ਉਨ੍ਹਾਂ ਕਿਹਾ, ਮੈਨੂੰ ਆਪਣੇ ਲਈ ਨਹੀਂ, ਧੀ ਲਈ ਡਰ ਲੱਗ ਰਿਹਾ ਸੀ। ਮੈਂ ਆਪਣੀ ਧੀ ਨੂੰ ਆਪਣੀ ਭੈਣ ਕੋਲ ਅਮਰੀਕਾ ਭੇਜ ਦਿੱਤਾ ਹੈ। ਉਹ ਮੇਰੇ ਤੋਂ ਦੂਰ ਨਹੀਂ ਜਾਣਾ ਚਾਹੁੰਦੀ ਸੀ, ਪਰ ਮੈਂ ਨਹੀਂ ਚਾਹੁੰਦੀ ਕਿ ਉਸਦਾ ਬਚਪਨ ਮੇਰੇ ਦੁੱਖਾਂ ਹੇਠ ਆ ਜਾਏ। ਮੈਂ ਚਾਹੁੰਦੀ ਹਾਂ ਕਿ ਉਸਨੂੰ ਇਹ ਅਹਿਸਾਸ ਹੋਵੇ ਕਿ ਮਾਂ ਤੋਂ ਇਲਾਵਾ ਵੀ ਉਸਦੇ ਜੀਵਨ 'ਚ ਪਿਆਰ ਕਰਨ ਵਾਲੇ ਲੋਕ ਹਨ।
ਇਹ ਵੀ ਪੜ੍ਹੋ: ਬਿੱਗ ਬੌਸ ਨੂੰ ਮੈਂ TRP ਦਿਵਾਈ ਅਤੇ ਕਪਿਲ ਸ਼ਰਮਾ ਨੂੰ ਇੰਡੀਪੈਂਡੈਂਟ ਸ਼ੋਅ ਮੇਰੀ ਵਜ੍ਹਾ ਨਾਲ ਮਿਲਿਆ : ਨਵਜੋਤ ਸਿੱਧੂ
ਇੰਡਸਟਰੀ ਵੱਲੋਂ ਸਹਿਯੋਗ
ਜਦੋਂ ਤੋਂ ਇਹ ਖ਼ਬਰ ਸਾਹਮਣੀ ਆਈ ਹੈ, ਬਹੁਤ ਸਾਰੇ ਸਿਤਾਰਿਆਂ, ਫਿਲਮ ਨਿਰਦੇਸ਼ਕਾਂ, ਪ੍ਰੋਡਿਊਸਰਾਂ ਅਤੇ ਫੈਨਜ਼ ਨੇ ਸੋਸ਼ਲ ਮੀਡੀਆ 'ਤੇ ਉਨ੍ਹਾਂ ਦੀ ਸਿਹਤ ਲਈ ਦੁਆਵਾਂ ਤੇ ਭਾਵਨਾਤਮਕ ਸੰਦੇਸ਼ ਭੇਜੇ ਹਨ। ਕਈ ਸੈਲੇਬਸ ਨੇ ਉਨ੍ਹਾਂ ਦੀ ਹਿੰਮਤ ਦੀ ਤਾਰੀਫ਼ ਕਰਦਿਆਂ ਕਿਹਾ ਕਿ ਤਨਿਸ਼ਠਾ ਇਕ ਮਜ਼ਬੂਤ ਮਹਿਲਾ ਹੈ ਜੋ ਜ਼ਿੰਦਗੀ ਦੀ ਹਰ ਚੁਣੌਤੀ ਦਾ ਸਾਹਮਣਾ ਕਰਦੀ ਆਈ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਬਿੱਗ ਬੌਸ ਨੂੰ ਮੈਂ TRP ਦਿਵਾਈ ਅਤੇ ਕਪਿਲ ਸ਼ਰਮਾ ਨੂੰ ਇੰਡੀਪੈਂਡੈਂਟ ਸ਼ੋਅ ਮੇਰੀ ਵਜ੍ਹਾ ਨਾਲ ਮਿਲਿਆ : ਨਵਜੋਤ ਸਿੱਧੂ
NEXT STORY 
