ਐਂਟਰਟੇਨਮੈਂਟ ਡੈਸਕ– ਸਾਲ 2023 ਅਕਸ਼ੇ ਕੁਮਾਰ ਲਈ ਬੇਹੱਦ ਮਾੜਾ ਰਿਹਾ ਹੈ। ਪਿਛਲੇ ਸਾਲ ਅਕਸ਼ੇ ਕੁਮਾਰ ਦੀਆਂ 3 ਫ਼ਿਲਮਾਂ ਰਿਲੀਜ਼ ਹੋਈਆਂ, ਜਿਨ੍ਹਾਂ ’ਚ ‘ਸੈਲਫੀ’, ‘ਓ. ਐੱਮ. ਜੀ. 2’ ਤੇ ‘ਮਿਸ਼ਨ ਰਾਣੀਗੰਜ’ ਸ਼ਾਮਲ ਹਨ।
ਹਾਲਾਂਕਿ ‘ਓ. ਐੱਮ. ਜੀ. 2’ ’ਚ ਅਕਸ਼ੇ ਦਾ ਸਿਰਫ਼ ਇਕ ਐਕਸਟੈਂਡਿਡ ਕੈਮਿਓ ਸੀ, ਜਿਸ ’ਚ ਪੰਕਜ ਤ੍ਰਿਪਾਠੀ ਤੇ ਯਾਮੀ ਗੌਤਮ ਨੇ ਮੁੱਖ ਭੂਮਿਕਾ ਨਿਭਾਈ ਸੀ। ਇਹ ਫ਼ਿਲਮ ਬਾਕਸ ਆਫਿਸ ’ਤੇ ਠੀਕ-ਠਾਕ ਕਮਾਈ ਕਰਨ ’ਚ ਸਫ਼ਲ ਰਹੀ ਪਰ ‘ਸੈਲਫੀ’ ਤੇ ‘ਮਿਸ਼ਨ ਰਾਣੀਗੰਜ’ ਬਾਕਸ ਆਫਿਸ ’ਤੇ ਮੂਧੇ ਮੂੰਹ ਡਿੱਗ ਪਈਆਂ।
ਉਥੇ ਸਾਲ 2024 ’ਚ ਅਕਸ਼ੇ ਕੁਮਾਰ ਦੀਆਂ ਇਕ ਜਾਂ ਦੋ ਨਹੀਂ, ਸਗੋਂ 8 ਫ਼ਿਲਮਾਂ ਰਿਲੀਜ਼ ਹੋਣ ਜਾ ਰਹੀਆਂ ਹਨ। ਆਓ ਜਾਣਦੇ ਹਾਂ ਇਨ੍ਹਾਂ ਫ਼ਿਲਮਾਂ ਬਾਰੇ–
ਇਹ ਖ਼ਬਰ ਵੀ ਪੜ੍ਹੋ : ਧਮਾਕੇਦਾਰ ਰਹੇਗਾ ਜਨਵਰੀ, 12 ਜਨਵਰੀ ਨੂੰ 6 ਫ਼ਿਲਮਾਂ ਇਕ-ਦੂਜੇ ਨਾਲ ਲੈਣਗੀਆਂ ਟੱਕਰ
1. ਵੇਦਤ ਮਰਾਠੇ ਵੀਰ ਦੌੜਲੇ ਸਾਤ
ਇਹ ਇਕ ਮਰਾਠੀ ਫ਼ਿਲਮ ਹੈ, ਜਿਸ ’ਚ ਅਕਸ਼ੇ ਕੁਮਾਰ ਛੱਤਰਪਤੀ ਸ਼ਿਵਾਜੀ ਮਹਾਰਾਜ ਦੀ ਭੂਮਿਕਾ ਨਿਭਾਅ ਰਹੇ ਹਨ। ਹਾਲਾਂਕਿ ਜਦੋਂ ਅਕਸ਼ੇ ਕੁਮਾਰ ਦੀ ਇਸ ਫ਼ਿਲਮ ਤੋਂ ਫਰਸਟ ਲੁੱਕ ਰਿਲੀਜ਼ ਕੀਤੀ ਗਈ ਤਾਂ ਲੋਕਾਂ ਨੂੰ ਇਹ ਬਿਲਕੁਲ ਵੀ ਪਸੰਦ ਨਹੀਂ ਆਈ। ਇਸ ਫ਼ਿਲਮ ’ਚ ਵੀ ਅਕਸ਼ੇ ਕੁਮਾਰ ਦਾ ਐਕਸਟੈਂਡਿਡ ਕੈਮਿਓ ਹੋਵੇਗਾ।
2. ‘ਸੂਰਾਰਾਏ ਪੋਤਰੂ’ ਦੀ ਰੀਮੇਕ
ਅਕਸ਼ੇ ਕੁਮਾਰ ਮਸ਼ਹੂਰ ਅਦਾਕਾਰ ਸੂਰਿਆ ਦੀ ਫ਼ਿਲਮ ‘ਸੂਰਾਰਾਏ ਪੋਤਰੂ’ ਦੀ ਰੀਮੇਕ ਬਣਾ ਰਹੇ ਹਨ। ਇਹ ਇਕ ਅਜਿਹੇ ਵਿਅਕਤੀ ਦੀ ਕਹਾਣੀ ਹੈ, ਜੋ ਜ਼ਿੰਦਗੀ ਦੀਆਂ ਮੁਸ਼ਕਿਲਾਂ ਨਾਲ ਲੜਦਾ ਹੈ ਪਰ ਆਪਣੀ ਇਕ ਏਅਰਲਾਈਨ ਸਰਵਿਸ ਖੋਲ੍ਹਣਾ ਚਾਹੁੰਦਾ ਹੈ।
3. ਬੜੇ ਮੀਆ ਛੋਟੇ ਮੀਆ
ਇਹ ਇਕ ਐਕਸ਼ਨ ਫ਼ਿਲਮ ਹੈ, ਜਿਸ ਨੂੰ ਅਲੀ ਅੱਬਾਸ ਜ਼ਫਰ ਡਾਇਰੈਕਟ ਕਰ ਰਹੇ ਹਨ। ਫ਼ਿਲਮ ’ਚ ਅਕਸ਼ੇ ਕੁਮਾਰ ਨਾਲ ਟਾਈਗਰ ਸ਼ਰਾਫ ਵੀ ਮੁੱਖ ਭੂਮਿਕਾ ਨਿਭਾਅ ਰਹੇ ਹਨ।
4. ਸਕਾਈ ਫੋਰਸ
ਅਕਸ਼ੇ ਨੂੰ ਦੇਸ਼ ਭਗਤੀ ਵਾਲੀਆਂ ਫ਼ਿਲਮਾਂ ਬਣਾਉਣ ਲਈ ਜਾਣਿਆ ਜਾਂਦਾ ਹੈ ਤੇ ਇਸ ਸਾਲ ਵੀ ਉਨ੍ਹਾਂ ਦੀ ਦੇਸ਼ ਭਗਤੀ ਵਾਲੀ ਇਕ ਫ਼ਿਲਮ ‘ਸਕਾਈ ਫੋਰਸ’ ਨਾਂ ਤੋਂ ਰਿਲੀਜ਼ ਹੋਵੇਗੀ। ਇਹ ਫ਼ਿਲਮ ਭਾਰਤ ਦੀ ਪਹਿਲੀ ਤੇ ਸਭ ਤੋਂ ਖ਼ਤਰਨਾਕ ਏਅਰ ਸਟ੍ਰਾਈਕ ’ਤੇ ਆਧਾਰਿਤ ਹੈ।
5. ਦਿ ਅਨਟੋਲਡ ਸਟੋਰੀ ਆਫ ਸੀ. ਸੰਕਰਨ ਨਾਇਰ
ਅਕਸ਼ੇ ਕੁਮਾਰ ਦੀ ਇਹ ਫ਼ਿਲਮ ਵਕੀਲ ਤੇ ਕਾਂਗਰਸ ਦੇ ਸਾਬਕਾ ਪ੍ਰਧਾਨ ਸੀ. ਸੰਕਰਨ ਨਾਇਰ ਦੀ ਜ਼ਿੰਦਗੀ ’ਤੇ ਆਧਾਰਿਤ ਹੈ। ਇਸ ਫ਼ਿਲਮ ਨੂੰ ਕਰਨ ਸਿੰਘ ਤਿਆਗੀ ਡਾਇਰੈਕਟ ਕਰ ਰਹੇ ਹਨ।
6. ਸਿੰਘਮ ਅਗੇਨ
ਭਾਵੇਂ ਇਸ ਫ਼ਿਲਮ ’ਚ ਅਜੇ ਦੇਵਗਨ ਮੁੱਖ ਭੂਮਿਕਾ ’ਚ ਹਨ ਪਰ ਇਸ ’ਚ ਅਕਸ਼ੇ ਕੁਮਾਰ ਡੀ. ਐੱਸ. ਪੀ. ਵੀਰ ਸੂਰਿਆਵੰਸ਼ੀ ਦਾ ਕਿਰਦਾਰ ਨਿਭਾਉਂਦੇ ਨਜ਼ਰ ਆਉਣਗੇ। ਸਾਲ ਦੀਆਂ ਵੱਡੀਆਂ ਫ਼ਿਲਮਾਂ ’ਚ ‘ਸਿਘਮ ਅਗੇਨ’ ਸ਼ਾਮਲ ਹੈ।
7. ਵੈਲਕਮ ਟੂ ਦਿ ਜੰਗਲ
ਇਹ ‘ਵੈਲਕਮ’ ਫਰੈਂਚਾਇਜ਼ੀ ਦੀ ਤੀਜੀ ਫ਼ਿਲਮ ਹੈ। ਇਸ ਫ਼ਿਲਮ ਦੀ ਸਟਾਰ ਕਾਸਟ ਬੇਹੱਦ ਵੱਡੀ ਹੈ। ਇਹ ਇਕ ਕਾਮੇਡੀ ਫ਼ਿਲਮ ਹੈ, ਜਿਸ ਦੀ ਕਹਾਣੀ ਫਰਹਾਦ ਸਾਮਜੀ ਨੇ ਲਿਖੀ ਹੈ ਤੇ ਡਾਇਰੈਕਟ ਅਹਿਮਦ ਖ਼ਾਨ ਕਰ ਰਹੇ ਹਨ।
8. ਹੇਰਾ ਫੇਰੀ 3
ਅਕਸ਼ੇ ਕੁਮਾਰ ਦੀ ਸਾਲ 2024 ਦੀ ਆਖਰੀ ਫ਼ਿਲਮ ‘ਹੇਰਾ ਫੇਰੀ 3’ ਹੋਵੇਗੀ। ਇਸ ਫ਼ਿਲਮ ’ਚ ਅਕਸ਼ੇ ਆਪਣੇ ਮਸ਼ਹੂਰ ਰਾਜੂ ਦੇ ਕਿਰਦਾਰ ਨੂੰ ਨਿਭਾਉਂਦੇ ਨਜ਼ਰ ਆਉਣਗੇ। ਇਸ ਫ਼ਿਲਮ ਦਾ ਪ੍ਰਸ਼ੰਸਕਾਂ ਵਲੋਂ ਬੇਸਬਰੀ ਨਾਲ ਇੰਤਜ਼ਾਰ ਕੀਤਾ ਜਾ ਰਿਹਾ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ– ਅਕਸ਼ੇ ਦੀਆਂ ਇਨ੍ਹਾਂ ਫ਼ਿਲਮਾਂ ’ਚੋਂ ਤੁਹਾਨੂੰ ਕਿਸ ਫ਼ਿਲਮ ਦਾ ਬੇਸਬਰੀ ਨਾਲ ਇੰਤਜ਼ਾਰ ਹੈ? ਕੁਮੈਂਟ ਕਰਕੇ ਜ਼ਰੂਰ ਦੱਸੋ।
ਕੈਨੇਡਾ ਛੱਡਦੇ ਹੀ ਕਰਨ ਔਜਲਾ ਹੋ ਗਿਆ ਸੀ ਦੀਵਾਲੀਆ! ਦੁਬਈ 'ਚ ਪਹੁੰਚ ਕਿਹਾ- ਹੁਣ ਮੇਰੇ ਪੱਲੇ ਕੁੱਝ ਨਹੀਂ...
NEXT STORY 
