ਜਲੰਧਰ(ਬਿਊਰੋ)- ਟੀ.ਵੀ ਸ਼ੋਅ ਦੇ ਮਸ਼ਹੂਰ ਕਲਾਕਾਰ ਬਲਰਾਜ ਸਿਆਲ ਨੇ ਬੀਤੀ ਦਿਨੀਂ ਵਿਆਹ ਕਰਵਾ ਲਿਆ ਹੈ। ਕਾਮੇਡੀਅਨ ਤੇ ਟੀ ਵੀ ਅਦਾਕਾਰ ਬਲਰਾਜ ਸਿਆਲ ਦਾ ਵਿਆਹ ਗਾਇਕਾ ਦੀਪਤੀ ਤੁੱਲੀ ਨਾਲ ਹੋਇਆ ਹੈ।ਕੋਰੋਨਾ ਦੇ ਚਲਦਿਆਂ ਇਸ ਵਿਆਹ 'ਚ ਕੋਈ ਵੱਡਾ ਕਲਾਕਾਰ ਸ਼ਾਮਲ ਨਹੀਂ ਹੋਇਆ ।ਸਿਰਫ ਪਰਿਵਾਰਿਕ ਮੈਂਬਰਾਂ ਵੱਲੋਂ ਹੀ ਬਲਰਾਜ ਸਿਆਲ ਤੇ ਉਨ੍ਹਾਂ ਦੀ ਪਤਨੀ ਨੂੰ ਅਸ਼ੀਰਵਾਦ ਦਿੱਤਾ ਗਿਆ।
ਦੱਸ ਦਈਏ ਕਿ ਬਲਰਾਜ ਪੰਜਾਬੀ ਫ਼ਿਲਮਾਂ ਦੇ ਡਾਇਲਾਗ ਰਾਇਟਰ, ਅਦਾਕਾਰ ਤੇ ਕਾਮੇਡੀਅਨ ਵੀ ਰਹਿ ਚੁੱਕੇ ਹਨ। ਬਲਰਾਜ ਸਿਆਲ 'ਖਤਰੋਂ ਕੇ ਖਿਲਾਡੀ' ਤੇ 'ਮੁਝਸੇ ਸ਼ਾਦੀ ਕਰੋਗੇ' ਸ਼ੋਅ 'ਚ ਵੀ ਨਜ਼ਰ ਆ ਚੁੱਕੇ ਹਨ।ਬਲਰਾਜ ਸਿਆਲ ਦਾ ਕਹਿਣਾ ਹੈ ਕਿ ਲਾਕਡਾਊਨ ਕਾਰਨ ਉਨ੍ਹਾਂ ਨੇ ਵਿਆਹ 'ਚ ਸਿਰਫ 30 ਲੋਕਾਂ ਨੂੰ ਹੀ ਬੁਲਾਇਆ ਹੈ। ਲਾਕਡਾਊਨ ਖਤਮ ਹੋਣ ਤੋ ਬਾਅਦ ਬਲਰਾਜ ਇਕ ਵੱਡੀ ਰਿਸ਼ੈਪਸ਼ਨ ਪਾਰਟੀ ਕਰਨਗੇ।
ਸਤਨਾਮ ਖੱਟੜਾ ਦੇ ਸ਼ਰਧਾਂਜਲੀ ਸਮਾਗਮ 'ਚ ਕਈ ਅੱਖਾਂ ਹੋਇਆਂ ਨਮ (ਵੀਡੀਓ)
NEXT STORY 
