ਮੁੰਬਈ (ਏਜੰਸੀ) - ਮਸ਼ਹੂਰ ਅਦਾਕਾਰ ਗੌਰਵ ਖੰਨਾ ਰਿਐਲਿਟੀ ਸ਼ੋਅ ਬਿੱਗ ਬੌਸ 19 ਦੇ ਜੇਤੂ ਬਣ ਗਏ ਹਨ। ਸਲਮਾਨ ਖਾਨ ਦੁਆਰਾ ਹੋਸਟ ਕੀਤੇ ਗਏ ਬਿੱਗ ਬੌਸ 19 ਦਾ ਗ੍ਰੈਂਡ ਫਿਨਾਲੇ ਐਤਵਾਰ ਰਾਤ ਨੂੰ ਸਮਾਪਤ ਹੋਇਆ। ਗੌਰਵ ਖੰਨਾ ਨੂੰ ਬਿੱਗ ਬੌਸ 19 ਦਾ ਜੇਤੂ ਐਲਾਨਿਆ ਗਿਆ, ਜਦੋਂ ਕਿ ਫਰਹਾਨਾ ਭੱਟ ਦੂਜੇ ਸਥਾਨ 'ਤੇ ਰਹੀ, ਅਤੇ ਪ੍ਰਨੀਤ ਮੋਰੇ ਤੀਜੇ ਸਥਾਨ 'ਤੇ ਰਹੇ। ਗੌਰਵ ਖੰਨਾ ਨੂੰ ਜੇਤੂ ਟਰਾਫੀ ਦੇ ਨਾਲ 50 ਲੱਖ ਰੁਪਏ ਦੀ ਇਨਾਮੀ ਰਾਸ਼ੀ ਵੀ ਪ੍ਰਾਪਤ ਹੋਈ ਹੈ। ਚੋਟੀ ਦੇ 5 ਫਾਈਨਲਿਸਟਾਂ ਵਿੱਚ ਪ੍ਰਤੀਯੋਗੀ ਤਾਨਿਆ ਮਿੱਤਲ, ਅਮਾਲ ਮੱਲਿਕ ਅਤੇ ਪ੍ਰਣਿਤ ਮੋਰੇ ਵੀ ਸ਼ਾਮਲ ਸਨ।
ਆਮ ਵਿਅਕਤੀ ਦੀ ਜਿੱਤ
ਜਿੱਤ ਤੋਂ ਤੁਰੰਤ ਬਾਅਦ, ਗੌਰਵ ਖੰਨਾ ਨੇ ਮੀਡੀਆ ਨਾਲ ਗੱਲਬਾਤ ਕੀਤੀ ਅਤੇ ਆਪਣੀ ਜਿੱਤ ਨੂੰ ਆਪਣੇ ਪ੍ਰਸ਼ੰਸਕਾਂ ਨੂੰ ਸਮਰਪਿਤ ਕੀਤਾ। ਉਨ੍ਹਾਂ ਨੇ ਕਿਹਾ, "ਮੈਂ ਇਸ ਸਫ਼ਰ ਨੂੰ ਆਪਣੇ ਪ੍ਰਸ਼ੰਸਕਾਂ ਨੂੰ ਸਮਰਪਿਤ ਕਰਨਾ ਚਾਹੁੰਦਾ ਹਾਂ। ਇਹ ਉਨ੍ਹਾਂ ਤੋਂ ਬਿਨਾਂ ਸੰਭਵ ਨਹੀਂ ਸੀ"। 'ਅਨੁਪਮਾ' ਸਟਾਰ ਨੇ ਅੱਗੇ ਕਿਹਾ ਕਿ ਉਹ ਇਸ ਜਿੱਤ ਨੂੰ ਹਰ ਉਸ ਆਮ ਵਿਅਕਤੀ ਨੂੰ ਸਮਰਪਿਤ ਕਰਦੇ ਹਨ ਜੋ ਸਵੇਰੇ ਕੰਮ 'ਤੇ ਜਾਂਦਾ ਹੈ ਅਤੇ ਸਖ਼ਤ ਮਿਹਨਤ ਕਰਦਾ ਹੈ। ਉਨ੍ਹਾਂ ਇਸ ਜਿੱਤ ਨੂੰ ਇੱਕ ਸਾਧਾਰਨ ਵਿਅਕਤੀ ਦੀ ਜਿੱਤ ਦੱਸਿਆ, ਜਿਸ ਨੂੰ ਬਹੁਤ ਸਾਰੇ ਸਵਾਲ ਕੀਤੇ ਗਏ ਅਤੇ ਤਾਅਨੇ ਦਿੱਤੇ ਗਏ।
ਜਿੱਤ ਦਾ ਅਸੂਲ
ਸ਼ੋਅ ਵਿੱਚ ਆਪਣੀ ਕਾਰਗੁਜ਼ਾਰੀ ਬਾਰੇ ਗੱਲ ਕਰਦਿਆਂ, ਗੌਰਵ ਨੇ ਸਾਂਝਾ ਕੀਤਾ ਕਿ ਉਹ ਹਿੰਸਾ ਜਾਂ ਹਮਲਾਵਰਤਾ ਵਿੱਚ ਸ਼ਾਮਲ ਹੋਏ ਬਿਨਾਂ ਸ਼ੋਅ ਜਿੱਤਣਾ ਚਾਹੁੰਦੇ ਸਨ। ਉਨ੍ਹਾਂ ਕਿਹਾ, "ਮੈਂ ਇਹ ਸਭ ਕੀਤੇ ਬਿਨਾਂ, ਆਪਣੀਆਂ ਸ਼ਰਤਾਂ 'ਤੇ ਖੜ੍ਹਾ ਹੋਣਾ ਚਾਹੁੰਦਾ ਸੀ"। ਖੰਨਾ ਨੇ ਜ਼ੋਰ ਦੇ ਕੇ ਕਿਹਾ ਕਿ ਉਹ ਸਿਰਫ਼ ਉਦੋਂ ਹੀ ਬੋਲਣਾ ਚਾਹੁੰਦੇ ਸਨ ਜਦੋਂ ਉਨ੍ਹਾਂ ਦਾ ਬੋਲਣਾ ਜ਼ਰੂਰੀ ਸੀ, ਨਾ ਕਿ ਭੜਕਾਹਟ 'ਤੇ।
ਉਨ੍ਹਾਂ ਨੇ ਦੱਸਿਆ ਕਿ ਉਹ ਮੰਨਦੇ ਹਨ ਕਿ ਉਨ੍ਹਾਂ ਦਾ ਦਰਸ਼ਕਾਂ ਨਾਲ ਜੁੜਨਾ ਹੀ ਉਨ੍ਹਾਂ ਦੀ ਜਿੱਤ ਦਾ ਕਾਰਨ ਬਣਿਆ। ਉਨ੍ਹਾਂ ਕਿਹਾ, "ਟੀ.ਵੀ. ਨਾਲ ਜੁੜੇ ਕਈ ਲੋਕ ਪਹਿਲਾਂ ਵੀ ਸ਼ੋਅ ਵਿਚ ਆਏ ਹਨ, ਪਰ ਜਿੱਤ ਨਹੀਂ ਸਕੇ। ਇਸ ਲਈ ਮੇਰਾ ਮੰਨਣਾ ਹੈ ਕਿ ਮੈਂ ਲੋਕਾਂ ਨਾਲ ਜੁੜਿਆ ਹੋਇਆ ਹਾਂ। ਇਸ ਲਈ, ਮੈਂ ਜਿੱਤਿਆ"। ਉਨ੍ਹਾਂ ਲਈ ਕਿਸੇ ਵੀ ਪੇਸ਼ੇ ਵਿੱਚ ਹੋਣ ਨਾਲੋਂ ਇਹ ਜ਼ਿਆਦਾ ਜ਼ਰੂਰੀ ਹੈ ਕਿ ਤੁਸੀਂ ਆਪਣੇ ਦਰਸ਼ਕਾਂ ਨਾਲ ਜੁੜੋ।
ਸਲਮਾਨ ਨਾਲ ਸਟੇਜ ਸਾਂਝੀ ਕਰਨ ਨੂੰ ਲੈ ਕੇ ਪਵਨ ਸਿੰਘ ਨੂੰ ਮਿਲੀ ਧਮਕੀ, ਭੋਜਪੁਰੀ ਸਟਾਰ ਨੇ ਦਰਜ ਕਰਾਈ ਸ਼ਿਕਾਇਤ
NEXT STORY 
