ਐਂਟਰਟੇਨਮੈਂਟ ਡੈਸਕ- ਮਸ਼ਹੂਰ ਕਾਮੇਡੀਅਨ ਸੁਨੀਲ ਪਾਲ ਨੂੰ ਹਾਲ ਹੀ ਵਿੱਚ ਕਾਮੇਡੀ ਸਟਾਰ ਕਪਿਲ ਸ਼ਰਮਾ ਦੀ ਫਿਲਮ 'ਕਿਸ ਕਿਸਕੋ ਪਿਆਰ ਕਰੂੰ 2' ਦੀ ਸਕ੍ਰੀਨਿੰਗ ਦੌਰਾਨ ਦੇਖ ਕੇ ਸਭ ਹੈਰਾਨ ਰਹਿ ਗਏ। ਇੱਕ ਸਮਾਂ ਸੀ ਜਦੋਂ ਰਾਜੂ ਸ੍ਰੀਵਾਸਤਵ ਅਤੇ ਅਹਿਸਾਨ ਕੁਰੈਸ਼ੀ ਵਰਗੇ ਕਾਮੇਡੀਅਨਾਂ ਦੇ ਨਾਲ ਸੁਨੀਲ ਪਾਲ ਦੀ ਕਾਮੇਡੀ ਨੂੰ ਵੀ ਬਹੁਤ ਪਸੰਦ ਕੀਤਾ ਜਾਂਦਾ ਸੀ ਅਤੇ ਉਨ੍ਹਾਂ ਨੇ ਖੂਬ ਨਾਮ ਅਤੇ ਸ਼ੌਹਰਤ ਕਮਾਈ ਸੀ। ਪਰ ਫਿਲਮ ਦੇ ਪ੍ਰੀਮੀਅਰ ਦੌਰਾਨ ਉਨ੍ਹਾਂ ਦੀ ਹਾਲਤ ਦੇਖ ਕੇ ਹਰ ਕੋਈ ਦੰਗ ਰਹਿ ਗਿਆ। ਸੁਨੀਲ ਪਾਲ ਨੇ ਇਸ ਮੌਕੇ 'ਤੇ ਪੈਰਾਂ ਵਿੱਚ ਚੱਪਲਾਂ, ਸਾਧਾਰਨ ਪੈਂਟ-ਕਮੀਜ਼ ਅਤੇ ਸਿਰ 'ਤੇ ਇੱਕ ਪੁਰਾਣੀ ਜਿਹੀ ਟੋਪੀ ਪਾਈ ਹੋਈ ਸੀ। ਇਸ ਤੋਂ ਇਲਾਵਾ, ਉਨ੍ਹਾਂ ਦਾ ਭਾਰ ਵੀ ਪਹਿਲਾਂ ਨਾਲੋਂ ਕਾਫੀ ਘੱਟ ਨਜ਼ਰ ਆਇਆ ਅਤੇ ਉਨ੍ਹਾਂ ਦੇ ਚਿਹਰੇ 'ਤੇ ਮਾਯੂਸੀ ਸਾਫ਼ ਦਿਖਾਈ ਦੇ ਰਹੀ ਸੀ।
ਇਹ ਵੀ ਪੜ੍ਹੋ: Year Ender 2025: ਇਨ੍ਹਾਂ ਮਹਾਨ ਕਲਾਕਾਰਾਂ ਦੀ 2025 'ਚ ਕੈਂਸਰ ਨਾਲ ਹੋਈ ਮੌਤ, ਜਾਣੋ ਇਸਦੇ ਸ਼ੁਰੂਆਤੀ ਲੱਛਣ
ਪ੍ਰਸ਼ੰਸਕਾਂ ਨੇ ਜ਼ਾਹਰ ਕੀਤੀ ਚਿੰਤਾ
ਸੁਨੀਲ ਪਾਲ ਨੂੰ ਇਸ ਹਾਲਤ ਵਿੱਚ ਦੇਖ ਕੇ ਸੋਸ਼ਲ ਮੀਡੀਆ 'ਤੇ ਤਰ੍ਹਾਂ-ਤਰ੍ਹਾਂ ਦੀਆਂ ਗੱਲਾਂ ਹੋਣ ਲੱਗੀਆਂ। ਕਈ ਪ੍ਰਸ਼ੰਸਕਾਂ ਨੇ ਇਸ ਗੱਲ 'ਤੇ ਚਿੰਤਾ ਪ੍ਰਗਟਾਈ ਕਿ ਫਿਲਮ ਅਤੇ ਟੀਵੀ ਇੰਡਸਟਰੀ ਵਿੱਚ ਇੰਨਾ ਕੰਮ ਕਰਨ ਦੇ ਬਾਵਜੂਦ ਉਨ੍ਹਾਂ ਦੀ ਅੱਜ ਇਹ ਹਾਲਤ ਹੈ ਕਿ ਉਹ ਕਿਸੇ ਪ੍ਰੀਮੀਅਰ 'ਤੇ ਚੱਪਲਾਂ ਅਤੇ ਸਾਧਾਰਨ ਕੱਪੜੇ ਪਾ ਕੇ ਆਏ ਹਨ। ਹਾਲਾਂਕਿ, ਕੁਝ ਹੋਰ ਲੋਕਾਂ ਨੇ ਇਸ ਹਾਲਤ ਨੂੰ ਪਬਲੀਸਿਟੀ ਸਟੰਟ ਵੀ ਕਿਹਾ, ਜਿਸ ਕਾਰਨ ਸੋਸ਼ਲ ਮੀਡੀਆ 'ਤੇ ਬਹਿਸ ਵੀ ਛਿੜ ਗਈ।
ਇਹ ਵੀ ਪੜ੍ਹੋ: ਵੱਡੀ ਖਬਰ; ਇਨ੍ਹਾਂ 6 ਦੇਸ਼ਾਂ 'ਚ ਬੈਨ ਹੋਈ ਰਣਵੀਰ ਸਿੰਘ ਦੀ ਫਿਲਮ 'ਧੁਰੰਦਰ', ਜਾਣੋ ਵਜ੍ਹਾ
ਕਰੀਅਰ ਦਾ ਪਿਛੋਕੜ
ਸੁਨੀਲ ਪਾਲ ਨੂੰ ਸਾਲ 2005 ਵਿੱਚ 'ਦਿ ਗ੍ਰੇਟ ਇੰਡੀਅਨ ਲਾਫਟਰ ਚੈਲੇਂਜ 1' ਦਾ ਜੇਤੂ ਬਣਨ ਤੋਂ ਬਾਅਦ ਵੱਡੀ ਪਛਾਣ ਮਿਲੀ ਸੀ। ਉਨ੍ਹਾਂ ਨੇ 2007 ਵਿੱਚ 'ਬੌਂਬੇ ਟੂ ਗੋਆ' ਨਾਲ ਬਾਲੀਵੁੱਡ ਵਿੱਚ ਡੈਬਿਊ ਕੀਤਾ ਅਤੇ 'ਹਮ ਤੁਮ', 'ਫਿਰ ਹੇਰਾ ਫੇਰੀ' ਵਰਗੀਆਂ ਫਿਲਮਾਂ ਵਿੱਚ ਵੀ ਛੋਟੇ ਕਿਰਦਾਰ ਨਿਭਾਏ। ਪਰ ਰਿਪੋਰਟਾਂ ਅਨੁਸਾਰ, ਸੁਨੀਲ ਪਾਲ 2010 ਤੋਂ ਟੀਵੀ ਤੋਂ ਅਤੇ 2018 ਤੋਂ ਫਿਲਮਾਂ ਤੋਂ ਦੂਰ ਹਨ, ਜਿਸ ਕਾਰਨ ਪਿਛਲੇ ਕਰੀਬ 15 ਸਾਲਾਂ ਤੋਂ ਉਨ੍ਹਾਂ ਕੋਲ ਕੋਈ ਕੰਮ ਨਹੀਂ ਹੈ।
ਇਹ ਵੀ ਪੜ੍ਹੋ: ਹੁਣ ਆਸਾਨੀ ਨਾਲ ਨਹੀਂ ਮਿਲੇਗੀ US ਦੀ ਨਾਗਰਿਕਤਾ ! ਜੇ ਕੀਤੀ ਇਹ ਗਲਤੀ ਤਾਂ ਤੁਰੰਤ ਰੱਦ ਹੋਵੇਗਾ ਵੀਜ਼ਾ
ਮਹਾਕੁੰਭ ਵਾਇਰਲ ਗਰਲ ਮੋਨਾਲੀਸਾ ਦੀ ਬਦਲੀ ਹਾਲਤ; ਚਿਹਰੇ ਤੋਂ ਗ਼ਾਇਬ ਦਿਸੀ ਪੁਰਾਣੀ ਚਮਕ, ਅੱਖਾਂ 'ਚ ਦਿਸਿਆ ਦਰਦ
NEXT STORY 
