ਐਂਟਰਟੇਨਮੈਂਟ ਡੈਸਕ : ਦੁਨੀਆ ਭਰ ਵਿੱਚ ਮਸ਼ਹੂਰ ਕੇ-ਪੌਪ ਸਟਾਰ ਹਿਊਨਾ ਲਾਈਵ ਪ੍ਰਦਰਸ਼ਨ ਦੌਰਾਨ ਅਚਾਨਕ ਸਟੇਜ 'ਤੇ ਬੇਹੋਸ਼ ਹੋ ਕੇ ਡਿੱਗ ਗਈ, ਜਿਸ ਦਾ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਇਸ ਘਟਨਾ ਨੇ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਨੂੰ ਚਿੰਤਾ ਵਿੱਚ ਪਾ ਦਿੱਤਾ ਹੈ।
33 ਸਾਲਾ ਸਿੰਗਰ ਹਿਊਨਾ ਮਕਾਊ ਦੇ ਵਾਟਰਬੌਂਬ 2025 ਫੈਸਟੀਵਲ ਵਿੱਚ ਪਰਫਾਰਮ ਕਰ ਰਹੀ ਸੀ। ਜਦੋਂ ਇਹ ਹਾਦਸਾ ਹੋਇਆ, ਹਿਊਨਾ ਆਪਣਾ ਹਿੱਟ ਗੀਤ ‘ਬਬਲ ਪੌਪ’ ਗਾ ਰਹੀ ਸੀ। ਇਹ ਘਟਨਾ ਕੈਮਰੇ ਵਿੱਚ ਕੈਦ ਹੋ ਗਈ। ਮੌਕੇ 'ਤੇ ਮੌਜੂਦ ਡਾਂਸਰਾਂ ਅਤੇ ਸੁਰੱਖਿਆ ਟੀਮ ਨੇ ਉਨ੍ਹਾਂ ਨੂੰ ਤੁਰੰਤ ਸੰਭਾਲਿਆ ਅਤੇ ਬੈਕਸਟੇਜ ਲੈ ਗਏ।
10 ਕਿਲੋ ਭਾਰ ਘਟਾਉਣਾ ਬਣਿਆ ਕਾਰਨ
ਮੀਡੀਆ ਰਿਪੋਰਟਾਂ ਅਨੁਸਾਰ ਹਿਊਨਾ ਦੀ ਸਿਹਤ ਵਿਗੜਨ ਦਾ ਕਾਰਨ ਇੱਕ ਮਹੀਨੇ ਵਿੱਚ ਲਗਭਗ 10 ਕਿਲੋ ਭਾਰ ਘਟਾਉਣਾ ਮੰਨਿਆ ਜਾ ਰਿਹਾ ਹੈ। ਗਰਭਵਤੀ ਹੋਣ ਦੀਆਂ ਅਫਵਾਹਾਂ ਤੋਂ ਪਰੇਸ਼ਾਨ ਹੋ ਕੇ ਸਿੰਗਰ ਨੇ 3 ਅਕਤੂਬਰ ਤੋਂ ਸਖ਼ਤ ਡਾਈਟ ਪਲਾਨ ਸ਼ੁਰੂ ਕੀਤਾ ਸੀ। ਉਨ੍ਹਾਂ ਨੇ 4 ਨਵੰਬਰ ਨੂੰ ਸੋਸ਼ਲ ਮੀਡੀਆ 'ਤੇ ਦੱਸਿਆ ਸੀ ਕਿ ਉਨ੍ਹਾਂ ਦਾ ਭਾਰ ਘੱਟ ਕੇ 49 ਕਿਲੋ ਹੋ ਗਿਆ ਹੈ।
'ਦ ਕੋਰੀਅਨ ਟਾਈਮਜ਼' ਦੇ ਅਨੁਸਾਰ, ਡਾਕਟਰਾਂ ਨੇ ਪੁਸ਼ਟੀ ਕੀਤੀ ਕਿ ਹਿਊਨਾ ਦੇ ਬੇਹੋਸ਼ ਹੋਣ ਦਾ ਕਾਰਨ ਵਾਸੋਵਾਗਲ ਸਿੰਕੋਪ ਸੀ। ਇਹ ਇੱਕ ਅਜਿਹੀ ਸਥਿਤੀ ਹੈ ਜਿੱਥੇ ਤਣਾਅ (ਸਟ੍ਰੈਸ), ਥਕਾਵਟ, ਡੀਹਾਈਡ੍ਰੇਸ਼ਨ ਜਾਂ ਬਹੁਤ ਜ਼ਿਆਦਾ ਡਾਈਟਿੰਗ ਕਾਰਨ ਦਿਲ ਦੀ ਧੜਕਣ ਅਤੇ ਬਲੱਡ ਪ੍ਰੈਸ਼ਰ ਅਚਾਨਕ ਹੇਠਾਂ ਆ ਜਾਂਦਾ ਹੈ, ਜਿਸ ਨਾਲ ਵਿਅਕਤੀ ਬੇਹੋਸ਼ ਹੋ ਜਾਂਦਾ ਹੈ। ਹਿਊਨਾ ਨੂੰ ਇਹ ਸਮੱਸਿਆ ਪਹਿਲੀ ਵਾਰ 2020 ਵਿੱਚ ਡਾਇਗਨੋਸ ਹੋਈ ਸੀ।
ਪ੍ਰਸ਼ੰਸਕਾਂ ਤੋਂ ਮੰਗੀ ਮਾਫੀ
ਘਟਨਾ ਤੋਂ ਬਾਅਦ ਹਿਊਨਾ ਨੇ ਇੰਸਟਾਗ੍ਰਾਮ 'ਤੇ ਇੱਕ ਭਾਵੁਕ ਸੰਦੇਸ਼ ਸਾਂਝਾ ਕਰਦੇ ਹੋਏ ਪ੍ਰਸ਼ੰਸਕਾਂ ਤੋਂ ਮਾਫੀ ਮੰਗੀ ਹੈ। ਉਨ੍ਹਾਂ ਲਿਖਿਆ, "ਮੈਂ ਇਸ ਘਟਨਾ ਨੂੰ ਲੈ ਕੇ ਸੱਚਮੁੱਚ ਬਹੁਤ ਸ਼ਰਮਿੰਦਾ ਹਾਂ... ਮੈਂ ਆਪਣੀ ਪੂਰੀ ਕੋਸ਼ਿਸ਼ ਕਰਨਾ ਚਾਹੁੰਦੀ ਸੀ, ਪਰ ਮੈਨੂੰ ਮੰਚ 'ਤੇ ਕੀ ਹੋਇਆ, ਕੁਝ ਯਾਦ ਨਹੀਂ। ਮੈਨੂੰ ਲੱਗਦਾ ਹੈ ਕਿ ਮੈਂ ਪੇਸ਼ੇਵਰ ਨਹੀਂ ਰਹੀ"।
ਉਨ੍ਹਾਂ ਨੇ ਮਕਾਊ ਦੇ ਪ੍ਰਸ਼ੰਸਕਾਂ ਅਤੇ ਆਪਣੇ ਏ-ਇੰਗਸ ਨੂੰ ਨਿਰਾਸ਼ ਕਰਨ ਦਾ ਅਫਸੋਸ ਜ਼ਾਹਰ ਕੀਤਾ। ਹਾਲਾਂਕਿ, ਉਨ੍ਹਾਂ ਨੇ ਪ੍ਰਸ਼ੰਸਕਾਂ ਨੂੰ ਭਰੋਸਾ ਦਿੱਤਾ ਕਿ "ਹੁਣ ਮੈਂ ਠੀਕ ਹਾਂ, ਕਿਰਪਾ ਕਰਕੇ ਚਿੰਤਾ ਨਾ ਕਰੋ। ਮੈਂ ਆਪਣੀ ਸਟੈਮਿਨਾ ਦੁਬਾਰਾ ਵਧਾਉਣ 'ਤੇ ਕੰਮ ਕਰ ਰਹੀ ਹਾਂ"। ਹਿਊਨਾ ਦੀ ਟੀਮ ਨੇ ਪੁਸ਼ਟੀ ਕੀਤੀ ਹੈ ਕਿ ਸਿੰਗਰ ਹੁਣ ਠੀਕ ਹਨ ਅਤੇ ਡਾਕਟਰੀ ਨਿਗਰਾਨੀ ਹੇਠ ਹਨ।
ਹਿਊਨਾ ਦੇ ਕਰੀਅਰ 'ਤੇ ਇੱਕ ਝਲਕ
ਜ਼ਿਕਰਯੋਗ ਹੈ ਕਿ ਹਿਊਨਾ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ 2007 ਵਿੱਚ ਵੰਡਰ ਗਰਲਜ਼ ਗਰੁੱਪ ਨਾਲ ਕੀਤੀ ਸੀ। 2009 ਵਿੱਚ, ਉਨ੍ਹਾਂ ਨੇ 4Minute ਗਰੁੱਪ ਨਾਲ ਵਾਪਸੀ ਕੀਤੀ ਅਤੇ "ਸੈਕਸੀ ਆਈਕਨ" ਵਜੋਂ ਪਛਾਣ ਬਣਾਈ। 2012 ਵਿੱਚ, ਉਨ੍ਹਾਂ ਨੇ ਸਾਈ ਦੇ ਸੁਪਰਹਿੱਟ ਗੀਤ ‘ਗੰਗਨਮ ਸਟਾਈਲ’ ਵਿੱਚ ਆਪਣੀ ਮੌਜੂਦਗੀ ਨਾਲ ਵਿਸ਼ਵਵਿਆਪੀ ਪ੍ਰਸਿੱਧੀ ਹਾਸਲ ਕੀਤੀ। ਹਾਲ ਹੀ ਵਿੱਚ ਹਿਊਨਾ ਨੇ ਸਿੰਗਰ ਯੋਂਗ ਜੂਨ-ਹਯੁੰਗ ਨਾਲ ਵਿਆਹ ਕਰਵਾਇਆ ਹੈ।
ਇੰਟਰਨੈਸ਼ਨਲ ਫਿਲਮ ਫੈਸਟੀਵਲ ਆਫ ਇੰਡੀਆ ’ਚ ਚਮਕੇਗੀ ਫਿਲਮ ‘ਵਧ 2’
NEXT STORY 
