ਜਲੰਧਰ (ਬਿਊਰੋ)– ਅਦਾਕਾਰਾ ਗੌਹਰ ਖਾਨ 25 ਦਸੰਬਰ ਨੂੰ ਕ੍ਰਿਸਮਸ ਵਾਲੇ ਦਿਨ ਆਪਣੇ ਬੁਆਏਫਰੈਂਡ ਜ਼ੈਦ ਦਰਬਾਰ ਨਾਲ ਵਿਆਹ ਦੇ ਬੰਧਨ ’ਚ ਬੱਝਣ ਜਾ ਰਹੀ ਹੈ। ਦੋਵਾਂ ਨੇ ਕੁਝ ਖੂਬਸੂਰਤ ਤਸਵੀਰਾਂ ਸਾਂਝੀਆਂ ਕਰਦਿਆਂ ਆਪਣੇ ਨਿਕਾਹ ਦੀ ਤਾਰੀਖ਼ ਦਾ ਐਲਾਨ ਸੋਸ਼ਲ ਮੀਡੀਆ ’ਤੇ ਕੀਤਾ ਹੈ। ਕੋਰੋਨਾ ਕਾਲ ’ਚ ਹੋਣ ਜਾ ਰਹੇ ਇਸ ਨਿਕਾਹ ’ਚ ਬਹੁਤ ਸੀਮਤ ਲੋਕ ਸ਼ਰੀਕ ਹੋਣਗੇ, ਜਿਨ੍ਹਾਂ ’ਚ ਪਰਿਵਾਰ ਦੇ ਮੁੱਖ ਲੋਕ ਤੇ ਕੁਝ ਨਜ਼ਦੀਕੀ ਦੋਸਤ ਹੋਣਗੇ।
ਗੌਹਰ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ’ਤੇ ਜੋ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ, ਉਨ੍ਹਾਂ ’ਚ ਉਹ ਰੈੱਡ ਤੇ ਗੋਲਡਨ ਕਲਰ ਦਾ ਡਿਜ਼ਾਈਨਰ ਲਹਿੰਗਾ ਪਹਿਨੀ ਨਜ਼ਰ ਆ ਰਹੀ ਹੈ। ਜ਼ੈਦ ਨੇ ਕੁੜਤਾ-ਪਜਾਮਾ ਪਹਿਨਿਆ ਹੈ, ਜਿਸ ਨਾਲ ਉਸ ਨੇ ਖੂਬਸੂਰਤ ਹਾਫ ਜੈਕੇਟ ਪਹਿਨੀ ਹੈ।
ਦੋਵੇਂ ਤਸਵੀਰਾਂ ’ਚ ਬੇਹੱਦ ਖੂਬਸੂਰਤ ਲੱਗ ਰਹੇ ਹਨ ਤੇ ਇਨ੍ਹਾਂ ਤਸਵੀਰਾਂ ਨਾਲ ਇਕ ਨੋਟ ਜਾਰੀ ਕਰਕੇ ਗੌਹਰ ਨੇ ਲਿਖਿਆ, ‘ਸਾਲ 2020 ਸਿਰਫ ਸਾਧਾਰਨ ਸਾਲ ਦੇ ਬਿਨਾਂ ਕੁਝ ਨਹੀਂ ਰਿਹਾ ਹੈ ਤੇ ਇਸ ’ਚ ਸਾਡੀ ਪ੍ਰੇਮ ਕਹਾਣੀ ਅਸਾਧਾਰਨ ਤੋਂ ਇਲਾਵਾ ਸਭ ਕੁਝ ਰਹੀ।’
ਗੌਹਰ ਨੇ ਲਿਖਿਆ, ‘ਸਾਨੂੰ ਇਹ ਐਲਾਨ ਕਰਦਿਆਂ ਕਾਫੀ ਖੁਸ਼ੀ ਹੋ ਰਹੀ ਹੈ ਕਿ ਅਸੀਂ ਵਿਆਹ ਦੇ ਬੰਧਨ ’ਚ ਬੱਝ ਕੇ ਹਮੇਸ਼ਾ ਲਈ ਇਕ ਬਹੁਤ ਖੂਬਸੂਰਤ ਸਫਰ ’ਤੇ ਜਾ ਰਹੇ ਹਾਂ। ਮੌਜੂਦਾ ਹਾਲਾਤ ਨੂੰ ਧਿਆਨ ’ਚ ਰੱਖਦਿਆਂ ਅਸੀਂ ਇਸ ਵੱਡੇ ਦਿਨ ਨੂੰ ਸਿਰਫ ਆਪਣੇ ਪਰਿਵਾਰ ਨਾਲ ਇਕ ਛੋਟੇ ਜਿਹੇ ਜਸ਼ਨ ਦੇ ਤੌਰ ’ਤੇ ਮਨਾਵਾਂਗੇ।’
ਗੌਹਰ ਨੇ ਅੱਗੇ ਲਿਖਿਆ, ‘ਸਾਨੂੰ ਤੁਹਾਡੇ ਸਾਰਿਆਂ ਦਾ ਆਸ਼ੀਰਵਾਦ ਤੇ ਪਿਆਰ ਚਾਹੀਦਾ ਹੈ। ਤੁਹਾਡੇ ਲਗਾਤਾਰ ਮਿਲਦੇ ਰਹੇ ਸਮਰਥਨ ਤੇ ਲਗਾਤਾਰ ਮਿਲ ਰਹੀਆਂ ਸ਼ੁਭਕਾਮਨਾਵਾਂ ਲਈ ਅਸੀਂ ਸ਼ੁਕਰਗੁਜ਼ਾਰ ਹਾਂ।’
ਗੌਹਰ ਨੇ ਆਪਣੀ ਪੋਸਟ ਦੀ ਆਖਰੀ ਲਾਈਨ ’ਚ ਲਿਖਿਆ ਕਿ ਅਸੀਂ ਚਾਹੁੰਦੇ ਹਾਂ ਕਿ ਹਰ ਕਿਸੇ ਨੂੰ ਆਪਣਾ ਜੀਵਨਸਾਥੀ ਮਿਲੇ, ਨਾਲ ਹੀ ਉਹ ਵਜ੍ਹਾ ਵੀ ਮਿਲੇ ਕਿ ਕਿਸ ਤਰ੍ਹਾਂ ਉਸ ਨੂੰ ਹਾਸਲ ਕੀਤਾ ਜਾਵੇ।
‘ਬੌਸ ਬੇਬੀ’ ਗੁਰਬਾਜ਼ ਗਰੇਵਾਲ ਦੀ ਨਵੀਂ ਤਸਵੀਰ ਹੋਈ ਸੋਸ਼ਲ ਮੀਡੀਆ ’ਤੇ ਵਾਇਰਲ
NEXT STORY