ਜਲੰਧਰ (ਵੈੱਬ ਡੈਸਕ) : ਪੰਜਾਬੀ ਪ੍ਰਸਿੱਧ ਗਾਇਕ ਤੇ ਅਦਾਕਾਰ ਜੱਸੀ ਗਿੱਲ ਨੇ ਆਪਣੇ ਕੈਨੇਡਾ ਵਾਲੇ ਘਰ 'ਚ ਨਵਾਂ ਸਟੂਡੀਓ ਤਿਆਰ ਕੀਤਾ ਹੈ। ਇਸ ਸਟੂਡੀਓ ਲਈ ਜੱਸੀ ਨੇ ਆਪਣੀ 'ਅਲਮਾਰੀ' ਦਾ ਇਸਤੇਮਾਲ ਕੀਤਾ ਹੈ। ਜੱਸੀ ਗਿੱਲ ਇਨ੍ਹੀਂ ਦਿਨੀਂ ਆਪਣੇ ਕੈਨੇਡਾ ਵਾਲੇ ਘਰ 'ਚ ਪਰਿਵਾਰ ਨਾਲ ਸਮਾਂ ਬਿਤਾ ਰਹੇ ਹਨ ਪਰ ਓਥੇ ਜੱਸੀ ਨੂੰ ਇਕ ਟੈਨਸ਼ਨ ਸੀ, ਕੀ ਉਨ੍ਹਾਂ ਦੇ ਗੀਤ ਰਿਕਾਰਡ ਨਹੀਂ ਹੋ ਰਹੇ, ਜਿਸ ਕਾਰਨ ਉਨ੍ਹਾਂ ਦਾ ਕੰਮ ਰੁਕ ਰਿਹਾ ਹੈ। ਹਾਲਾਂਕਿ ਹੁਣ ਜੱਸੀ ਗਿੱਲ ਨੇ ਆਪਣੇ ਗੀਤ ਰਿਕਾਰਡ ਕਰਨ ਲਈ ਆਪਣੇ ਘਰ 'ਚ ਹੀ ਸਟੂਡੀਓ ਤਿਆਰ ਕੀਤਾ ਹੈ। ਇਸ ਦੇ ਲਈ ਜੱਸੀ ਗਿੱਲ ਨੇ ਆਪਣੀ ਅਲਮਾਰੀ ਦਾ ਇਸਤੇਮਾਲ ਕੀਤਾ ਹੈ। ਆਪਣੀ ਅਲਮਾਰੀ 'ਚ ਜੱਸੀ ਨੇ ਕੰਪਿਊਟਰ, ਸਪੀਕਰ ਤੇ ਰਿਕਾਰਡਿੰਗ ਮਾਇਕ ਨੂੰ ਫਿੱਟ ਕਰ ਆਪਣਾ ਸਟੂਡੀਓ ਤਿਆਰ ਕੀਤਾ ਹੈ। ਜਿਸਦੇ ਲਈ ਮਿਊਜ਼ਿਕ ਡਾਇਰੈਕਟਰ 'ਐਵੀ ਸਰਾ' ਨੇ ਜੱਸੀ ਦੀ ਮਦਦ ਕੀਤੀ ਹੈ।
ਦੱਸ ਦਈਏ ਕਿ ਇਸ ਦੀ ਇੱਕ ਵੀਡੀਓ ਵੀ ਜੱਸੀ ਗਿੱਲ ਨੇ ਆਪਣੇ ਪ੍ਰਸ਼ੰਸਕਾਂ ਨਾਲ ਸਾਂਝੀ ਕੀਤੀ ਹੈ, ਜਿਸ 'ਚ ਉਹ ਆਪਣੇ ਨਵੇਂ ਸਟੂਡੀਓ ਦੀ ਝਲਕ ਦਿਖਾ ਰਹੇ ਹਨ। ਜੱਸੀ ਨੇ ਦੱਸਿਆ, ਕੀ ਸਾਊਂਡ ਪਰੂਫਿੰਗ ਕਰਕੇ ਉਨ੍ਹਾਂ ਨੇ ਅਲਮਾਰੀ 'ਚ ਆਪਣਾ ਇਹ ਸਟੂਡੀਓ ਤਿਆਰ ਕੀਤਾ ਹੈ। ਆਪਣੇ ਇਸ Closet ਸਟੂਡੀਓ 'ਚ ਜੱਸੀ ਗਿੱਲ ਨੇ ਇਕ ਗੀਤ ਵੀ ਰਿਕਾਰਡ ਕੀਤਾ ਹੈ।
ਜੱਸੀ ਨੇ ਵੀਡੀਓ 'ਚ ਦੱਸਿਆ, ਕੀ ਗੀਤ ਰਿਕਾਰਡ ਕਰਨਾ ਉਨ੍ਹਾਂ ਨੇ ਦੇਸੀ ਕਰਿਊ ਦੇ ਸਤਪਾਲ ਤੋਂ ਸਿੱਖਿਆ ਸੀ। ਜਦੋਂ ਸਾਲ 2009 ਤੇ 10 'ਚ ਉਹ ਸਤਪਾਲ ਤੋਂ ਗੀਤ ਬਣਵਾਉਣ ਲਈ ਜਾਂਦੇ ਸਨ। ਹੁਣ ਜੱਸੀ ਗਿੱਲ ਆਪਣੇ Closet ਸਟੂਡੀਓ ਤੋਂ ਰਿਕਾਰਡ ਕੀਤਾ ਪਹਿਲਾ ਗੀਤ ਵੀ ਜਲਦ ਹੀ ਰਿਲੀਜ਼ ਕਰਨਗੇ।
ਵਿਕਾਸ ਦੁਬੇ ਦੇ ਐਨਕਾਊਂਟਰ ਤੋਂ ਬਾਅਦ ਚਰਚਾ 'ਚ ਆਏ ਰੋਹਿਤ ਸ਼ੈੱਟੀ, ਜਾਣੋ ਕੀ ਹੈ ਪੂਰਾ ਮਾਮਲਾ
NEXT STORY