ਮੁੰਬਈ (ਬਿਊਰੋ)– ਅਕਸ਼ੇ ਕੁਮਾਰ ਦੀ ਸਾਲ 2023 ਦੀ ਪਹਿਲੀ ਰਿਲੀਜ਼ ਫ਼ਿਲਮ ‘ਸੈਲਫੀ’ ਨੂੰ ਓਪਨਿੰਗ ਡੇਅ ’ਤੇ ਕਾਫੀ ਠੰਡਾ ਹੁੰਗਾਰਾ ਮਿਲਿਆ ਹੈ। ਫ਼ਿਲਮ ਦਾ ਬੇਸਬਰੀ ਨਾਲ ਇੰਤਜ਼ਾਰ ਸੀ ਪਰ ਰਿਲੀਜ਼ ਤੋਂ ਬਾਅਦ ‘ਸੈਲਫੀ’ ਨੂੰ ਦਰਸ਼ਕਾਂ ਵਲੋਂ ਪਸੰਦ ਨਹੀਂ ਕੀਤਾ ਗਿਆ ਤੇ ਫ਼ਿਲਮ ਦੀ ਓਪਨਿੰਗ ਡੇਅ ਕਲੈਕਸ਼ਨ ਵੀ ਬੇਹੱਦ ਘੱਟ ਰਹੀ ਹੈ। ਅਜਿਹੇ ’ਚ ਬਾਲੀਵੁੱਡ ਅਦਾਕਾਰਾ ਕੰਗਨਾ ਰਣੌਤ ਨੇ ਅਕਸ਼ੇ ਕੁਮਾਰ ਦੀ ‘ਸੈਲਫੀ’ ’ਤੇ ਨਿਸ਼ਾਨਾ ਵਿੰਨ੍ਹਦਿਆਂ ਇਸ ਨੂੰ ‘ਫਲਾਪ’ ਕਰਾਰ ਦਿੱਤਾ ਹੈ।
ਇਹ ਖ਼ਬਰ ਵੀ ਪੜ੍ਹੋ : ਅੰਮ੍ਰਿਤਪਾਲ ਸਿੰਘ ਨੂੰ ਕੰਗਨਾ ਰਣੌਤ ਦੀ ਖੁੱਲ੍ਹੀ ਚੁਣੌਤੀ, ਕਿਹਾ- ‘ਜੇ ਮੈਨੂੰ ਗੋਲੀ ਨਾ ਮਾਰੀ ਗਈ ਤਾਂ...’
ਦੱਸ ਦੇਈਏ ਕਿ ਕੰਗਨਾ ਰਣੌਤ ਨੇ ਆਪਣੇ ਇੰਸਟਾਗ੍ਰਾਮ ਹੈਂਡਲ ’ਤੇ ਫ਼ਿਲਮ ਨਿਰਮਾਤਾ ਕਰਨ ਜੌਹਰ ਦੀ ਸਹਿ-ਨਿਰਮਿਤ ਫ਼ਿਲਮ ‘ਸੈਲਫੀ’ ਨੂੰ ਲੈ ਕੇ ਕਾਫੀ ਟ੍ਰੋਲ ਕੀਤਾ ਹੈ। ਅਕਸ਼ੇ ਕੁਮਾਰ ਤੇ ਇਮਰਾਨ ਹਾਸ਼ਮੀ ਮੁੱਖ ਭੂਮਿਕਾਵਾਂ ਵਾਲੀ ਇਸ ਫ਼ਿਲਮ ਦਾ ਨਿਰਦੇਸ਼ਨ ‘ਗੁੱਡ ਨਿਊਜ਼’ ਫੇਮ ਰਾਜ ਮਹਿਤਾ ਨੇ ਕੀਤਾ ਹੈ। ਇਸ ਦੇ ਨਾਲ ਹੀ ‘ਸੈਲਫੀ’ ਦੀ ਬਾਕਸ ਆਫਿਸ ਰਿਪੋਰਟ ’ਚ ਕੰਗਨਾ ਦੀ ਤੁਲਨਾ ਅਕਸ਼ੇ ਨਾਲ ਕੀਤੀ ਗਈ ਸੀ। ਰਿਪੋਰਟ ’ਤੇ ਪ੍ਰਤੀਕਿਰਿਆ ਦਿੰਦਿਆਂ ਕੰਗਨਾ ਨੇ ਕਰਨ ਜੌਹਰ ਦਾ ਮਜ਼ਾਕ ਉਡਾਇਆ ਹੈ।
ਆਪਣੀ ਪਿਛਲੀ ਰਿਲੀਜ਼ ‘ਧਾਕੜ’ ਦੇ ਪਹਿਲੇ ਦਿਨ ਦੇ ਕਾਰੋਬਾਰ ਦੀ ‘ਸੈਲਫੀ’ ਨਾਲ ਅਸਿੱਧੇ ਤੌਰ ’ਤੇ ਤੁਲਨਾ ਕਰਦਿਆਂ ਕੰਗਨਾ ਨੇ ਲਿਖਿਆ, ‘‘ਕਰਨ ਜੌਹਰ ਦੀ ਫ਼ਿਲਮ ‘ਸੈਲਫੀ’ ਨੇ ਪਹਿਲੇ ਦਿਨ ਮੁਸ਼ਕਿਲ ਨਾਲ 10 ਲੱਖ ਦੀ ਕਮਾਈ ਕੀਤੀ ਹੈ, ਮੈਂ ਇਕ ਵੀ ਵਪਾਰੀ ਜਾਂ ਮੀਡੀਆ ਵਿਅਕਤੀ ਨੂੰ ਨਹੀਂ ਦੱਸ ਸਕਦੀ। ਇਸ ਬਾਰੇ ਗੱਲ ਨਾ ਕਰੋ, ਮਜ਼ਾਕ ਬਣਾਉਣਾ ਜਾਂ ਧੱਕੇਸ਼ਾਹੀ ਕਰਨਾ ਭੁੱਲ ਜਾਓ ਜਿਸ ਤਰ੍ਹਾਂ ਉਹ ਮੈਨੂੰ ਪ੍ਰੇਸ਼ਾਨ ਕਰਦੇ ਹਨ।’’
ਆਪਣੀ ਅਗਲੀ ਪੋਸਟ ’ਚ ਕੰਗਨਾ ਨੇ ਇਕ ਆਰਟੀਕਲ ਦੁਬਾਰਾ ਸ਼ੇਅਰ ਕੀਤਾ ਹੈ। ਇਸ ਲੇਖ ਦਾ ਸਿਰਲੇਖ ਸੀ, ‘‘ਕੰਗਨਾ ਰਣੌਤ ਦਾ ਪੁਰਸ਼ ਸੰਸਕਰਣ।’’ ਇਸ ਨੂੰ ਲੈ ਕੇ ਅਦਾਕਾਰਾ ਨੇ ਲਿਖਿਆ, ‘‘ਮੈਂ ‘ਸੈਲਫੀ’ ਫਲਾਪ ਬਾਰੇ ਖ਼ਬਰਾਂ ਦੀ ਭਾਲ ਕਰ ਰਹੀ ਸੀ, ਇਸ ਲਈ ਮੈਨੂੰ ਜੋ ਕੁਝ ਮਿਲਿਆ ਉਹ ਮੇਰੇ ਬਾਰੇ ਸੀ, ਇਹ ਵੀ ਮੇਰੀ ਗਲਤੀ ਸੀ। ਵਾਹ ਭਾਈ ਕਰਨ ਜੌਹਰ ਵਾਹ ਵਧਾਈਆਂ।’’
ਕੰਗਨਾ ਨੇ ਅੱਗੇ ਲਿਖਿਆ, ‘‘ਸੈਲਫੀ’ ਦੀ ਅਸਫਲਤਾ ਲਈ ਮੈਨੂੰ ਤੇ ਅਕਸ਼ੇ ਸਰ ਨੂੰ ਜ਼ਿੰਮੇਵਾਰ ਠਹਿਰਾਉਣ ਨਾਲ ਲੇਖ ਭਰੇ ਹੋਏ ਹਨ, ਕਰਨ ਜੌਹਰ ਦਾ ਨਾਮ ਕਿਤੇ ਵੀ ਨਹੀਂ ਹੈ। ਇਸ ਤਰ੍ਹਾਂ ਮਾਫੀਆ ਖ਼ਬਰਾਂ ਨਾਲ ਛੇੜਛਾੜ ਕਰਦਾ ਹੈ ਤੇ ਆਪਣੇ ਬਿਰਤਾਂਤ ਦੇ ਅਨੁਕੂਲ ਧਾਰਨਾਵਾਂ ਦਾ ਖ਼ੂਨ ਵਹਾਉਂਦਾ ਹੈ।’’
ਦੱਸ ਦੇਈਏ ਕਿ ‘ਸੈਲਫੀ’ ਮਲਿਆਲਮ ਫ਼ਿਲਮ ‘ਡਰਾਈਵਿੰਗ ਲਾਇਸੰਸ’ ਦਾ ਅਧਿਕਾਰਤ ਹਿੰਦੀ ਰੀਮੇਕ ਹੈ। ਮੂਲ ਫ਼ਿਲਮ ’ਚ ਪ੍ਰਿਥਵੀਰਾਜ ਤੇ ਸੂਰਜ ਵੈਂਜਾਰਾਮੂਡੂ ਸਨ। ਦੋਵਾਂ ਦੀਆਂ ਭੂਮਿਕਾਵਾਂ ਨੂੰ ਅਕਸ਼ੇ ਕੁਮਾਰ ਤੇ ਇਮਰਾਨ ਹਾਸ਼ਮੀ ਨੇ ਇਕ ਸੁਪਰਸਟਾਰ ਤੇ ਇਕ ਸਿਪਾਹੀ ਦੇ ਰੂਪ ’ਚ ਦੁਹਰਾਇਆ ਹੈ। ਫ਼ਿਲਮ ’ਚ ਨੁਸਰਤ ਭਰੂਚਾ ਤੇ ਡਾਇਨਾ ਪੇਂਟੀ ਵੀ ਹਨ। ਇਹ ਕਰਨ ਜੌਹਰ ਦੇ ਧਰਮਾ ਪ੍ਰੋਡਕਸ਼ਨ ਵਲੋਂ ਮੈਜਿਕ ਫਰੇਮਜ਼, ਪ੍ਰਿਥਵੀਰਾਜ ਪ੍ਰੋਡਕਸ਼ਨ, ਕੇਪ ਆਫ ਗੁੱਡ ਫ਼ਿਲਮਜ਼ ਤੇ ਸਟਾਰ ਸਟੂਡੀਓਜ਼ ਦੇ ਸਹਿਯੋਗ ਨਾਲ ਤਿਆਰ ਕੀਤਾ ਗਿਆ ਹੈ। ‘ਸੈਲਫੀ’ ਦੇ ਓਪਨਿੰਗ ਡੇਅ ਕਲੈਕਸ਼ਨ ਦੀ ਗੱਲ ਕਰੀਏ ਤਾਂ ਫ਼ਿਲਮ ਨੇ ਬਹੁਤ ਘੱਟ ਕਮਾਈ ਕੀਤੀ ਹੈ। ਫਿਲਮ ਦੇ ਸ਼ੁਰੂਆਤੀ ਅੰਕੜਿਆਂ ਮੁਤਾਬਕ 'ਸੈਲਫੀ' ਆਪਣੀ ਰਿਲੀਜ਼ ਦੇ ਪਹਿਲੇ ਦਿਨ ਸਿਰਫ 3 ਕਰੋੜ ਦਾ ਕਾਰੋਬਾਰ ਕਰ ਸਕੀ ਹੈ। ਫ਼ਿਲਮ ਦੀ ਪਹਿਲੇ ਦਿਨ ਦੀ ਕਮਾਈ ਨੂੰ ਦੇਖਦਿਆਂ ਅਕਸ਼ੇ ਦੀ ਇਸ ਫ਼ਿਲਮ ਨੂੰ ਫਲਾਪ ਵੀ ਕਿਹਾ ਜਾ ਰਿਹਾ ਹੈ।
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
ਪਹਿਲੇ ਦਿਨ ਅਕਸ਼ੇ-ਇਮਰਾਨ ਦੀ ਫ਼ਿਲਮ ਨੂੰ ਮਿਲੀ ਹੈਰਾਨੀਜਨਕ ਓਪਨਿੰਗ, ਬੇਹੱਦ ਘੱਟ ਰਹੀ ਕਮਾਈ
NEXT STORY 
