ਜਲੰਧਰ (ਬਿਊਰੋ) - ਪੰਜਾਬੀ ਗਾਇਕਾ ਕੌਰ ਬੀ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਹਾਲ ਹੀ 'ਚ ਇੱਕ ਵੀਡੀਓ ਸਾਂਝੀ ਕੀਤੀ ਹੈ। ਇਸ ਵੀਡੀਓ ‘ਚ ਉਨ੍ਹਾਂ ਨੇ ਆਪਣੀ ਜ਼ਿੰਦਗੀ ਦਾ ਤਜ਼ਰਬਾ ਸਾਂਝਾ ਕੀਤਾ ਹੈ। ਉਨ੍ਹਾਂ ਨੇ ਇਸ ਵੀਡੀਓ ਨੂੰ ਸਾਂਝੀ ਕਰਦਿਆਂ ਲਿਖਿਆ ਕਿ ‘ਕਿੰਨਾ ਕੁਝ ਬਦਲ ਗਿਆ ਵੇਖਦਿਆਂ ਹੀ ਵੇਖਦਿਆਂ, ਅੱਜ ਜਦੋਂ ਇਸ ਤੂਤ ਦੇ ਥੱਲੇ ਪਏ ਤਾਂ ਉਹੀ ਟਾਈਮ ਦੁਬਾਰਾ ਯਾਦ ਆ ਗਿਆ। ਕੋਈ ਸਮਾਂ ਸੀ ਜਦੋਂ ਗਰੀਬੀ ਵੀ ਵੇਖੀ ਅਮੀਰੀ ਵੀ ਵੇਖੀ। ਉਦੋਂ ਨਾ ਕੋਈ ਏ.ਸੀ. ਸੀ ਅਤੇ ਨਾਂ ਕੁਝ ਹੋਰ ਪਰ ਇਹ ਤੂਤ ਓਵੇਂ ਦਾ ਓਵੇਂ ਹੀ ਖੜਿਆ ਹੈ। ਜਿਹੜਾ ਸਮਾਂ ਮੈਂ ਵੇਖਿਆ ਉਹ ਮੇਰੇ ਘਰ ਦਿਆਂ ਨੂੰ ਪਤਾ ਜਾਂ ਫਿਰ ਸਿਰਫ਼ ਮੈਨੂੰ। ਖੁਸ਼ ਵੀ ਆਂ ਤੇ ਥੋੜੀ ਇਮੋਸ਼ਨਲ ਵੀ। ਕਦੇ-ਕਦੇ ਕਿੰਨਾ ਕੁਝ ਪਾ ਲਿਆ ਅਤੇ ਕਿੰਨਾ ਕੁਝ ਗੁਆ ਲਿਆ। ਸ਼ਾਇਦ ਇਸੇ ਦਾ ਨਾਮ ਜ਼ਿੰਦਗੀ ਆ।
ਚੰਗੇ ਮਾੜੇ ਲੋਕ ਬਹੁਤ ਮਿਲੇ, ਜੋ ਦਿਲ ਤੋਂ ਸੀ ਅੱਜ ਵੀ ਨਾਲ ਨੇ ਅਤੇ ਜੋ ਦਿਮਾਗ ਤੋਂ ਸੀ ਉਨ੍ਹਾਂ ਨੂੰ ਰੱਬ ਆਪੇ ਹੀ ਦੂਰ ਕਰ ਦਿੰਦਾ। ਰੱਬ ਜੋ ਵੀ ਕਰਦਾ ਅੱਗੇ-ਅੱਗੇ ਪਤਾ ਲੱਗਦਾ ਕਿ ਸਭ ਚੰਗੇ ਲਈ, ਕੋਈ ਵੀ ਗੱਲ ਕਹਿ ਦੇਣੀ ਸੌਖੀ ਆ ਉਹਦੇ ਪਿੱਛੇ ਬੜੇ ਟਾਈਮ ਵੇਖੇ ਹੁੰਦੇ ਮਿਹਨਤ ਕਰਨ ਵਾਲੇ ਹਰ ਕਿਸੇ ਲਈ, ਇਸ ਲਈ ਦਿਲੋਂ ਪਿਆਰ ਆਉਂਦਾ ਸਭ ਲਈ। ਸਭ ਕੁਝ ਆ ਹੁਣ ਪਰ ਤੁਸੀਂ ਨਹੀਂ ਓ ਵੱਡੇ ਡੈਡੀ, ਮਿਸ ਯੂ ਐਵਰੀ ਡੇ। ਪਲੀਜ਼ ਸਾਰੇ ਆਪਣੇ ਘਰ ਦਿਆਂ ਦੀ ਇੱਜ਼ਤ ਕਰਿਆ ਕਰੋ ਤੇ ਮਿਹਨਤ ਦਿਲੋਂ, ਫ਼ਿਰ ਕੋਈ ਵੀ ਸੁਫ਼ਨਾ ਪੂਰਾ ਕਰਨਾ ਔਖਾ ਨਹੀਂ।'
ਕੁਝ ਦਿਨ ਪਹਿਲਾ ਕੌਰ ਬੀ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਇੱਕ ਖ਼ਾਸ ਤਸਵੀਰ ਸਾਂਝੀ ਕੀਤੀ ਸੀ। ਇਸ ਤਸਵੀਰ ਨੂੰ ਸਾਂਝਾ ਕਰਦੇ ਹੋਏ ਉਨ੍ਹਾਂ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਲਿਖਿਆ ਸੀ 'ਸੱਚੀਆਂ ਰੂਹਾਂ ਦਾ ਪਿਆਰ ਤੇ ਸਾਥ ਹਮੇਸ਼ਾ ਤੁਹਾਡੇ ਨਾਲ ਰਹਿੰਦਾ ਹੈ ਰਿਪ ਬਾਪੂ ਜੀ।' ਇਸ ਤਸਵੀਰ ਨੂੰ ਸਾਂਝਾ ਕਰਦੇ ਹੋਏ ਕੌਰ ਬੀ ਨੇ ਜ਼ਿਆਦਾ ਖ਼ੁਲਾਸਾ ਤਾਂ ਨਹੀਂ ਕੀਤਾ ਕਿ ਇਹ ਬਜ਼ੁਰਗ ਕੌਣ ਹਨ ਪਰ ਉਹ ਇਹ ਪੋਸਟ ਸਾਂਝੀ ਕਰਦਿਆਂ ਇਮੋਸ਼ਨਲ ਜ਼ਰੂਰ ਹੋ ਗਏ।
ਕੌਰ ਬੀ ਦੇ ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਨੇ ਕਈ ਹਿੱਟ ਗੀਤ ਪੰਜਾਬੀ ਸੰਗੀਤ ਜਗਤ ਦੀ ਝੋਲੀ ਪਾਏ ਹਨ। ਹਾਲ ਹੀ 'ਚ ਦਿਲਜੀਤ ਦੋਸਾਂਝ ਨਾਲ ਉਨ੍ਹਾਂ ਦਾ ਗੀਤ ਆਇਆ ਸੀ, ਜਿਸ ਨੂੰ ਕਿ ਬਹੁਤ ਹੀ ਜ਼ਿਆਦਾ ਪਸੰਦ ਕੀਤਾ ਗਿਆ ਸੀ। ਉਨ੍ਹਾਂ ਦੇ ਕਰੀਅਰ ਦੀ ਗੱਲ ਕੀਤੀ ਜਾਵੇ ਤਾਂ ਬਚਪਨ ਤੋਂ ਹੀ ਉਹ ਗਾਉਣ ਦਾ ਸ਼ੌਂਕ ਰੱਖਦੇ ਸਨ। ਉਨ੍ਹਾਂ ਨੇ ਗਾਇਕੀ ਦੇ ਖੇਤਰ 'ਚ ਆਉਣ ਲਈ ਕਦੇ ਵੀ ਕਿਸੇ ਨੂੰ ਗੁਰੂ ਨਹੀਂ ਧਾਰਿਆ।
ਬੇਅਰ ਗ੍ਰਿਲਸ ਦੇ ਨਾਲ 'ਖ਼ਤਰਨਾਕ ਐਡਵੇਂਚਰ' ਕਰਦੇ ਨਜ਼ਰ ਆਏ ਅਕਸ਼ੇ ਕੁਮਾਰ (ਵੀਡੀਓ)
NEXT STORY 
