ਮੁੰਬਈ (ਏਜੰਸੀ)- ਐੱਸ.ਆਰ.ਕੇ. ਮਿਊਜ਼ਿਕ ਪ੍ਰਾਈਵੇਟ ਲਿਮਟਿਡ ਦੇ ਬੈਨਰ ਹੇਠ ਬਣੀ ਸੁਪਰਸਟਾਰ ਖੇਸਾਰੀ ਲਾਲ ਯਾਦਵ ਅਤੇ ਟੈਲੀਵਿਜ਼ਨ ਅਦਾਕਾਰਾ ਰਤੀ ਪਾਂਡੇ ਅਭਿਨੀਤ ਬਹੁਤ ਉਡੀਕੀ ਜਾ ਰਹੀ ਫਿਲਮ ਰਿਸ਼ਤੇ 14 ਮਾਰਚ ਨੂੰ ਪੂਰੇ ਭਾਰਤ ਵਿੱਚ ਰਿਲੀਜ਼ ਹੋਣ ਲਈ ਤਿਆਰ ਹੈ। ਫਿਲਮ ਰਿਸ਼ਤੇ ਦੇ ਨਿਰਮਾਤਾ ਸ਼ਰਮੀਲਾ ਆਰ. ਸਿੰਘ ਅਤੇ ਰੋਸ਼ਨ ਸਿੰਘ ਨੇ ਦੱਸਿਆ ਕਿ 'ਰਿਸ਼ਤੇ' ਨੂੰ ਵੱਡੇ ਪੱਧਰ 'ਤੇ ਰਿਲੀਜ਼ ਕੀਤਾ ਜਾਵੇਗਾ ਤਾਂ ਜੋ ਨਾ ਸਿਰਫ਼ ਭੋਜਪੁਰੀ ਦਰਸ਼ਕ ਬਲਕਿ ਹਿੰਦੀ ਭਾਸ਼ੀ ਦਰਸ਼ਕ ਵੀ ਇਸਦਾ ਆਨੰਦ ਲੈ ਸਕਣ। ਇਹ ਫਿਲਮ ਸਿਨੇਪੋਲਿਸ ਵਰਗੇ ਮਲਟੀਪਲੈਕਸਾਂ ਦੇ ਨਾਲ-ਨਾਲ ਸਿੰਗਲ ਸਕ੍ਰੀਨ ਥੀਏਟਰਾਂ ਵਿੱਚ ਵੀ ਰਿਲੀਜ਼ ਹੋਵੇਗੀ। ਰੋਸ਼ਨ ਸਿੰਘ ਨੇ ਕਿਹਾ, “ਐੱਸ.ਆਰ.ਕੇ. ਮਿਊਜ਼ਿਕ ਪ੍ਰਾਈਵੇਟ ਲਿਮੀਟਡ ਨੇ ਹਮੇਸ਼ਾ ਦਰਸ਼ਕਾਂ ਨੂੰ ਸਭ ਤੋਂ ਵਧੀਆ ਸਿਨੇਮਾ ਦੇਣ ਦੀ ਕੋਸ਼ਿਸ਼ ਕੀਤੀ ਹੈ। ਪਿਛਲੀਆਂ ਫਿਲਮਾਂ ਵਾਂਗ, ਇਸ ਵਾਰ ਵੀ ਅਸੀਂ ਕੁਆਲਟੀ ਕੰਟੈਂਟ 'ਤੇ ਜ਼ੋਰ ਦਿੱਤਾ ਹੈ।
'ਰਿਸ਼ਤੇ' ਸਿਰਫ਼ ਇੱਕ ਫਿਲਮ ਨਹੀਂ ਹੈ, ਸਗੋਂ ਰਿਸ਼ਤਿਆਂ ਦੀ ਡੂੰਘਾਈ ਨੂੰ ਦਰਸਾਉਂਦੀ ਇੱਕ ਸੰਵੇਦਨਸ਼ੀਲ ਕਹਾਣੀ ਹੈ ਜੋ ਸਾਰੇ ਦਰਸ਼ਕਾਂ ਨੂੰ ਜੋੜੇਗੀ। ਇਹ ਫ਼ਿਲਮ ਦਰਸ਼ਕਾਂ ਨੂੰ ਰਿਸ਼ਤਿਆਂ ਦੀ ਮਹੱਤਤਾ ਨੂੰ ਇੱਕ ਵੱਖਰੇ ਤਰੀਕੇ ਨਾਲ ਮਹਿਸੂਸ ਕਰਵਾਏਗੀ। ਧਿਆਨ ਦੇਣ ਯੋਗ ਹੈ ਕਿ ਫਿਲਮ ਰਿਸ਼ਤੇ ਵਿੱਚ ਖੇਸਾਰੀ ਲਾਲ ਯਾਦਵ ਅਤੇ ਰਤੀ ਪਾਂਡੇ ਤੋਂ ਇਲਾਵਾ ਕਈ ਦਮਦਾਰ ਕਲਾਕਾਰ ਮੁੱਖ ਭੂਮਿਕਾਵਾਂ ਵਿੱਚ ਹਨ। ਇਨ੍ਹਾਂ ਵਿੱਚ ਆਕਾਂਕਸ਼ਾ ਪੁਰੀ, ਵਿਨੋਦ ਮਿਸ਼ਰਾ, ਸਮਰਥ ਚਤੁਰਵੇਦੀ, ਸੁਜਾਨ ਸਿੰਘ, ਸੰਜੀਵ ਮਿਸ਼ਰਾ, ਯੁਗੰਤ ਪਾਂਡੇ, ਮਾਇਆ ਯਾਦਵ, ਨਿਸ਼ਾ ਝਾਅ, ਰੰਭਾ ਸਾਹਨੀ, ਜਯਾ ਪਾਂਡੇ, ਪ੍ਰਿਯਾਂਸ਼ੂ ਸਿੰਘ, ਵਿਜੇ ਲਕਸ਼ਮੀ ਸਿੰਘ, ਦਿਲੀਪ ਯਾਦਵ ਅਤੇ ਸੋਨੂੰ ਪਾਂਡੇ ਸ਼ਾਮਲ ਹਨ। ਫਿਲਮ ਦਾ ਸੰਗੀਤ ਭੋਜਪੁਰੀ ਇੰਡਸਟਰੀ ਦੇ ਚੋਟੀ ਦੇ ਸੰਗੀਤਕਾਰਾਂ ਨੇ ਤਿਆਰ ਕੀਤਾ ਹੈ। ਫਿਲਮ ਦੇ ਸੰਗੀਤਕਾਰ ਓਮ ਝਾਅ, ਛੋਟੇ ਬਾਬਾ ਅਤੇ ਕ੍ਰਿਸ਼ਨਾ ਬੇਦਰਦੀ ਹਨ। ਫਿਲਮ ਦੇ ਡੀਓਪੀ (ਕੈਮਰਾ ਡਾਇਰੈਕਟਰ) ਬਾਸੂ ਹਨ।
ਬਾਲੀਵੱਡ 'ਚ ਧੱਕ ਪਾਉਣ ਲਈ ਤਿਆਰ ਸੋਨਮ ਬਾਜਵਾ, ਇਨ੍ਹਾਂ 3 ਫਿਲਮਾਂ 'ਚ ਆਏਗੀ ਨਜ਼ਰ
NEXT STORY 
