ਮੁੰਬਈ- ਬਾਲੀਵੁੱਡ ਦੇ ਗਲਿਆਰਿਆਂ ਤੋਂ ਇੱਕ ਹੈਰਾਨ ਕਰਨ ਵਾਲੀ ਖ਼ਬਰ ਸਾਹਮਣੇ ਆ ਰਹੀ ਹੈ। ਨਵਾਂ ਸਾਲ ਫਿਲਮੀ ਦੁਨੀਆ ਦੇ ਕਈ ਜੋੜਿਆਂ ਲਈ ਚੰਗਾ ਸਾਬਤ ਨਹੀਂ ਹੋ ਰਿਹਾ। ਖ਼ਬਰ ਹੈ ਕਿ ਬਾਲੀਵੁੱਡ ਦਾ ਸਭ ਤੋਂ ਚਰਚਿਤ ਅਤੇ ਸੋਹਣਾ ਜੋੜਾ ਖੁਸ਼ੀ ਕਪੂਰ ਅਤੇ ਵੇਦਾਂਗ ਰੈਨਾ ਹੁਣ ਅਲੱਗ ਹੋ ਗਏ ਹਨ। ਪਿਛਲੇ 2 ਸਾਲਾਂ ਤੋਂ ਇੱਕ-ਦੂਜੇ ਨੂੰ ਡੇਟ ਕਰ ਰਹੇ ਇਸ ਜੋੜੇ ਦੇ ਬ੍ਰੇਕਅੱਪ ਦੀ ਖ਼ਬਰ ਨੇ ਸੋਸ਼ਲ ਮੀਡੀਆ 'ਤੇ ਤਹਿਲਕਾ ਮਚਾ ਦਿੱਤਾ ਹੈ।
'ਦ ਆਰਚੀਜ਼' ਦੇ ਸੈੱਟ 'ਤੇ ਸ਼ੁਰੂ ਹੋਈ ਸੀ ਪ੍ਰੇਮ ਕਹਾਣੀ
ਬੋਨੀ ਕਪੂਰ ਅਤੇ ਸਵਰਗੀ ਸ਼੍ਰੀਦੇਵੀ ਦੀ ਛੋਟੀ ਬੇਟੀ ਖੁਸ਼ੀ ਕਪੂਰ ਅਤੇ ਅਦਾਕਾਰ ਵੇਦਾਂਗ ਰੈਨਾ ਦੀ ਦੋਸਤੀ ਜੋਯਾ ਅਖ਼ਤਰ ਦੀ ਫਿਲਮ 'ਦ ਆਰਚੀਜ਼' (The Archies) ਦੀ ਸ਼ੂਟਿੰਗ ਦੌਰਾਨ ਸ਼ੁਰੂ ਹੋਈ ਸੀ। ਇਸ ਫਿਲਮ ਤੋਂ ਬਾਅਦ ਦੋਵਾਂ ਨੂੰ ਅਕਸਰ ਕਈ ਮੌਕਿਆਂ 'ਤੇ ਇਕੱਠੇ ਦੇਖਿਆ ਜਾਂਦਾ ਸੀ। ਚਾਹੇ ਅਨੰਤ ਅੰਬਾਨੀ ਤੇ ਰਾਧਿਕਾ ਮਰਚੈਂਟ ਦਾ ਵਿਆਹ ਹੋਵੇ ਜਾਂ ਜਾਮਨਗਰ ਦੀਆਂ ਪਾਰਟੀਆਂ, ਇਹ ਜੋੜਾ ਹਮੇਸ਼ਾ ਕੈਮਰਿਆਂ ਦੀ ਖਿੱਚ ਦਾ ਕੇਂਦਰ ਬਣਿਆ ਰਹਿੰਦਾ ਸੀ।
ਪਰਿਵਾਰਕ ਮੈਂਬਰ ਵਾਂਗ ਸੀ ਰਿਸ਼ਤਾ
ਵੇਦਾਂਗ ਰੈਨਾ ਦੀ ਨਜ਼ਦੀਕੀ ਕਪੂਰ ਖਾਨਦਾਨ ਨਾਲ ਇੰਨੀ ਜ਼ਿਆਦਾ ਸੀ ਕਿ ਉਹ ਖੁਸ਼ੀ ਕਪੂਰ ਦੇ ਹਰ ਫੈਮਿਲੀ ਫੰਕਸ਼ਨ ਵਿੱਚ ਨਜ਼ਰ ਆਉਂਦੇ ਸਨ। ਪਿਛਲੇ ਸਾਲ ਉਨ੍ਹਾਂ ਨੇ ਕ੍ਰਿਸਮਸ ਵੀ ਦੋਸਤਾਂ ਨਾਲ ਮੈਚਿੰਗ ਪਹਿਰਾਵੇ ਵਿੱਚ ਮਨਾਇਆ ਸੀ। ਹਾਲਾਂਕਿ, ਦੋਵਾਂ ਨੇ ਕਦੇ ਵੀ ਆਪਣੇ ਰਿਸ਼ਤੇ ਨੂੰ ਅਧਿਕਾਰਤ ਤੌਰ 'ਤੇ ਕਬੂਲ ਨਹੀਂ ਕੀਤਾ ਸੀ, ਪਰ ਉਨ੍ਹਾਂ ਦੀਆਂ ਤਸਵੀਰਾਂ ਸਭ ਕੁਝ ਬਿਆਨ ਕਰਦੀਆਂ ਸਨ।
ਕੀ ਹੈ ਬ੍ਰੇਕਅੱਪ ਦੀ ਵਜ੍ਹਾ?
ਵਿੱਕੀ ਲਾਲਵਾਨੀ ਦੀ ਇੱਕ ਐਕਸਕਲੂਸਿਵ ਰਿਪੋਰਟ ਅਨੁਸਾਰ ਇੱਕ ਭਰੋਸੇਯੋਗ ਸੂਤਰ ਨੇ ਪੁਸ਼ਟੀ ਕੀਤੀ ਹੈ ਕਿ ਖੁਸ਼ੀ ਅਤੇ ਵੇਦਾਂਗ ਦਾ ਰਿਸ਼ਤਾ ਹੁਣ ਖਤਮ ਹੋ ਗਿਆ ਹੈ। ਹਾਲਾਂਕਿ ਬ੍ਰੇਕਅੱਪ ਦੇ ਅਸਲ ਕਾਰਨਾਂ ਦਾ ਅਜੇ ਤੱਕ ਖੁਲਾਸਾ ਨਹੀਂ ਹੋਇਆ ਹੈ, ਪਰ ਕਿਹਾ ਜਾ ਰਿਹਾ ਹੈ ਕਿ ਇਹ ਸਭ ਕੁਝ ਹਾਲ ਹੀ ਵਿੱਚ ਵਾਪਰਿਆ ਹੈ।
ਵਰਕ ਫਰੰਟ 'ਤੇ ਰੁੱਝੀ ਖੁਸ਼ੀ
ਖੁਸ਼ੀ ਕਪੂਰ ਨੇ 2023 ਵਿੱਚ ਆਪਣਾ ਡੈਬਿਊ ਕੀਤਾ ਸੀ ਅਤੇ ਹਾਲ ਹੀ ਵਿੱਚ ਉਹ ਫਿਲਮ 'ਲਵਯਾਪਾ' ਵਿੱਚ ਆਮਿਰ ਖਾਨ ਦੇ ਬੇਟੇ ਜੁਨੈਦ ਖਾਨ ਨਾਲ ਨਜ਼ਰ ਆਈ ਸੀ। ਦੂਜੇ ਪਾਸੇ ਵੇਦਾਂਗ ਨੇ ਪੁਰਾਣੇ ਇੰਟਰਵਿਊਜ਼ ਵਿੱਚ ਹਮੇਸ਼ਾ ਖੁਸ਼ੀ ਨਾਲ ਆਪਣੇ ਬਾਂਡ ਨੂੰ 'ਸੱਚਾ ਅਤੇ ਸਹਿਜ' ਦੱਸਿਆ ਸੀ। ਇਸ ਜੋੜੇ ਦੇ ਟੁੱਟਣ ਦੀ ਖ਼ਬਰ ਨੇ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਨੂੰ ਕਾਫ਼ੀ ਨਿਰਾਸ਼ ਕਰ ਦਿੱਤਾ ਹੈ।
'ਬਾਰਡਰ 2' ਦਾ ਰੋਮਾਂਟਿਕ ਗੀਤ 'ਇਸ਼ਕ ਦਾ ਚਿਹਰਾ' ਹੋਇਆ ਰਿਲੀਜ਼, ਦਿਲਜੀਤ ਦੀ ਆਵਾਜ਼ ਨੇ ਜਿੱਤਿਆ ਪ੍ਰਸ਼ੰਸਕਾਂ ਦਾ ਦਿਲ
NEXT STORY 
