ਮੁੰਬਈ- ਕੋਰੋਨਾ ਵਾਇਰਸ ਦੇ ਮਾਮਲਿਆਂ 'ਚ ਕਾਫ਼ੀ ਕਮੀ ਆ ਗਈ ਹੈ ਪਰ ਹਾਲੇ ਵੀ ਇਸ ਦਾ ਖਤਰਾ ਪੂਰੀ ਤਰ੍ਹਾਂ ਨਾਲ ਘੱਟ ਨਹੀਂ ਹੋਇਆ ਹੈ। ਸਾਬਕਾ ਮਿਸ ਯੂਨੀਵਰਸ ਲਾਰਾ ਦੱਤਾ ਕੋਰੋਨਾ ਪਾਜ਼ੇਟਿਵ ਪਾਈ ਗਈ ਹੈ। ਬੀ.ਐੱਮ.ਸੀ.ਨੇ ਅਦਾਕਾਰਾ ਦੇ ਘਰ ਨੂੰ ਸੀਲ ਕਰ ਦਿੱਤਾ ਹੈ। ਹਾਲਾਂਕਿ ਲਾਰਾ ਨੇ ਹਾਲੇ ਤੱਕ ਆਪਣੀ ਸਿਹਤ ਦੇ ਬਾਰੇ 'ਚ ਕੋਈ ਅਪਡੇਟ ਨਹੀਂ ਦਿੱਤਾ ਹੈ।
ਰਿਪੋਰਟ ਮੁਤਾਬਕ ਲਾਰਾ ਦੇ ਕੋਰੋਨਾ ਦੀ ਚਪੇਟ ਆਉਣ ਤੋਂ ਬਾਅਦ ਬੀ.ਐੱਮ.ਸੀ. ਨੇ ਅਦਾਕਾਰਾ ਦਾ ਘਰ ਸੀਲ ਕਰ ਦਿੱਤਾ ਹੈ। ਬੀ.ਐੱਮ.ਸੀ. ਨੇ ਲਾਰਾ ਦੇ ਘਰ ਦੇ ਬਾਹਰ ਮਾਈਕ੍ਰੋ ਕੰਟੇਨਮੈਂਟ ਜੋਨ ਦਾ ਪੋਸਟਰ ਲਗਾ ਦਿੱਤਾ ਹੈ। ਆਪਣੇ ਪਰਿਵਾਰ 'ਚ ਸਿਰਫ ਲਾਰਾ ਹੀ ਕੋਰੋਨਾ ਦੀ ਚਪੇਟ 'ਚ ਆਈ ਹੈ। ਹਾਲਾਂਕਿ ਅਜੇ ਅਦਾਕਾਰਾ ਨੇ ਇਸ ਖ਼ਬਰ ਦੀ ਪੁਸ਼ਟੀ ਨਹੀਂ ਕੀਤੀ ਹੈ। ਇਸ ਖ਼ਬਰ ਨੂੰ ਸੁਣਨ ਤੋਂ ਬਾਅਦ ਪ੍ਰਸ਼ੰਸਕ ਕਾਫ਼ੀ ਚਿੰਤਾ 'ਚ ਹਨ ਅਤੇ ਅਦਾਕਾਰਾ ਦੇ ਜਲਦ ਠੀਕ ਹੋਣ ਦੀ ਦੁਆ ਕਰ ਰਹੇ ਹਨ।
ਕੰਮ ਦੀ ਗੱਲ ਕਰੀਏ ਤਾਂ ਲਾਰਾ ਆਖਿਰੀ ਵਾਰ ਫਿਲਮ 'ਬੈੱਲ ਬੋਟਮ' 'ਚ ਨਜ਼ਰ ਆਈ ਸੀ। ਫਿਲਮ 'ਚ ਅਦਾਕਾਰਾ ਦੇ ਨਾਲ ਅਕਸ਼ੈ ਕੁਮਾਰ, ਵਾਣੀ ਕਪੂਰ ਅਤੇ ਹੁਮਾ ਕੁਰੈਸ਼ੀ ਨਜ਼ਰ ਆਏ ਸਨ। ਇਸ ਤੋਂ ਇਲਾਵਾ ਅਦਾਕਾਰਾ 'ਹਿਚਕਸ ਐਂਡ ਹੁਕਅਪਸ', 'ਹੰਡ੍ਰੇਡ' ਅਤੇ 'ਕੌਣ ਬਣੇਗਾ ਸ਼ਿਖਰਵਤੀ' ਵਰਗੇ ਓ.ਟੀ.ਟੀ ਪ੍ਰੋਜੈਕਟਸ 'ਚ ਨਜ਼ਰ ਆਈ ਹੈ।
ਕੱਲ ਹੋਵੇਗਾ ‘ਕੇ. ਜੀ. ਐੱਫ. ਚੈਪਟਰ 2’ ਦਾ ਟਰੇਲਰ ਰਿਲੀਜ਼, ਈਵੈਂਟ ਨੂੰ ਹੋਸਟ ਕਰਨਗੇ ਕਰਨ ਜੌਹਰ
NEXT STORY 
