ਮੁੰਬਈ (ਬਿਊਰੋ) – ਬਾਲੀਵੁੱਡ ਸਿਤਾਰਿਆਂ ਦੇ ਵਿਆਹ ਅਤੇ ਤਲਾਕ ਅਕਸਰ ਚਰਚਾ 'ਚ ਰਹਿੰਦੇ ਹਨ। ਦਿਲਚਸਪ ਗੱਲ ਇਹ ਹੈ ਕਿ ਇਨ੍ਹਾਂ ਸਿਤਾਰਿਆਂ ਦੀ ਐਲਿਮਨੀ ਵੀ ਘੱਟ ਚਰਚਾ 'ਚ ਨਹੀਂ ਰਹਿੰਦੀ। ਕਈ ਸਿਤਾਰੇ ਅਜਿਹੇ ਹੁੰਦੇ ਹਨ, ਜਿੰਨ੍ਹਾਂ ਨੂੰ ਤਲਾਕ ਦੇ ਬਦਲੇ ਭਾਰੀ ਰਕਮ ਚੁਕਾਉਣੀ ਪੈਂਦੀ ਹੈ ਤੇ ਕਈਆਂ ਨੂੰ ਤਲਾਕ ਮਿਲਣ 'ਤੇ ਮੋਟੀ ਰਕਮ ਏਲਿਮਨੀ ਦੇ ਤੌਰ 'ਤੇ ਮਿਲਦੀ ਹੈ।
ਰਿਤਿਕ ਰੌਸ਼ਨ ਤੇ ਸੂਜੈਨ ਖ਼ਾਨ :
ਰਿਤਿਕ ਤੇ ਸੁਜੈਨ ਖ਼ਾਨ ਦਾ 14 ਸਾਲ ਪੁਰਾਣਾ ਵਿਆਹ 2014 'ਚ ਟੁੱਟਿਆ ਸੀ। ਇਸ ਦੌਰਾਨ ਮੀਡੀਆ ਰਿਪੋਰਟਾਂ ਮੁਤਾਬਕ ਸੂਜੈਨ ਖ਼ਾਨ ਨੇ ਰਿਤਿਕ ਤੋਂ 400 ਕਰੋੜ ਰੁਪਏ ਐਲਿਮਨੀ ਮੰਗੀ ਸੀ। ਦੋਵਾਂ ਵਿਚ 380 ਕਰੋੜ ਰੁਪਏ 'ਚ ਗੱਲ ਤੈਅ ਹੋਣ ਤੋਂ ਬਾਅਦ ਹੀ ਤਲਾਕ ਫਾਇਨਲ ਹੋਇਆ ਸੀ।
ਸੈਫ ਅਲੀ ਖ਼ਾਨ ਤੇ ਅੰਮ੍ਰਿਤਾ ਸਿੰਘ :
ਸੈਫ-ਅੰਮ੍ਰਿਤਾ ਨੇ 2004 'ਚ ਤਲਾਕ ਲੈ ਲਿਆ ਸੀ। ਸੈਫ ਨੇ ਅੰਮ੍ਰਿਤਾ ਨੂੰ ਪੰਜ ਕਰੋੜ ਰੁਪਏ ਦੀ ਏਲਿਮਨੀ ਦਿੱਤੀ ਸੀ। ਅੰਮ੍ਰਿਤਾ ਤੋਂ ਤਲਾਕ ਮਗਰੋਂ ਸੈਫ ਨੇ 2012 'ਚ ਕਰੀਨਾ ਕਪੂਰ ਨਾਲ ਵਿਆਹ ਕਰਵਾ ਲਿਆ ਸੀ।
ਕ੍ਰਿਸ਼ਮਾ ਕਪੂਰ ਤੇ ਸੰਜੇ ਕਪੂਰ :
2016 'ਚ ਕ੍ਰਿਸ਼ਮਾ ਨੇ ਬਿਜ਼ਨਸਮੈਨ ਸੰਜੇ ਕਪੂਰ ਤੋਂ ਤਲਾਕ ਲੈ ਲਿਆ ਸੀ। ਇਸ ਦੌਰਾਨ ਉਨ੍ਹਾਂ ਨੂੰ ਸੰਜੇ ਨੇ ਦੋਵਾਂ ਬੱਚਿਆਂ ਦੇ ਨਾਂ 14 ਕਰੋੜ ਦੇ ਬੌਂਡ ਖਰੀਦ ਕੇ ਦਿੱਤੇ ਸਨ। ਇਸ ਤੋਂ ਇਲਾਵਾ ਕ੍ਰਿਸ਼ਮਾ ਨੂੰ ਸੰਜੇ ਦੇ ਪਿਤਾ ਦਾ ਘਰ ਵੀ ਦਿੱਤਾ ਗਿਆ ਸੀ।
ਸੰਜੇ ਦੱਤ ਤੇ ਰਿਆ ਪਿੱਲਾਈ :
ਸੰਜੇ ਦੱਤ ਨੇ 1998 'ਚ ਆਪਣੀ ਦੂਜੀ ਪਤਨੀ ਰਿਆ ਨੂੰ ਤਲਾਕ ਦਿੱਤਾ ਸੀ। ਤਲਾਕ ਤੋਂ ਬਾਅਦ ਤਕ ਉਹ ਰਿਆ ਦੇ ਖਰਚ ਚੁੱਕ ਰਿਹਾ ਸੀ। ਇਸ ਤੋਂ ਇਲਾਵਾ ਉਨ੍ਹਾਂ ਰਿਆ ਨੂੰ ਸੀ-ਫੇਸਿੰਗ ਅਪਾਰਟਮੈਂਟ ਤੇ ਲਗਜ਼ਰੀ ਕਾਰ ਵੀ ਦਿੱਤੀ ਸੀ।
ਫਰਹਾਨ ਖ਼ਾਨ ਤੇ ਅਧੁਨਾ ਭਵਾਨੀ :
ਫਰਹਾਨ ਖ਼ਾਨ ਤੇ ਅਧੁਨਾ ਦਾ ਤਲਾਕ 2016 'ਚ ਹੋਇਆ ਸੀ। ਫਰਹਾਨ ਖ਼ਾਨ ਨੂੰ ਮੰਥਲੀ ਏਲਿਮਨੀ ਦੀ ਬਜਾਇ ਇਕ ਮੁਸ਼ਤ ਏਲਿਮਨੀ ਦਿੱਤੀ ਸੀ। ਹਾਲਾਂਕਿ ਇਹ ਖੁਲਾਸਾ ਨਹੀਂ ਹੋਇਆ ਸੀ ਕਿ ਰਕਮ ਕਿੰਨੀ ਸੀ। ਰਿਪੋਰਟਾਂ ਮੁਤਾਬਕ ਫਰਹਾਨ ਨੇ ਏਲਿਮਨੀ ਨਾਲ 10,000 ਸਕੁਏਅਰ ਫੁੱਟ ਦਾ ਬੰਗਲਾ ਵਿਪਾਸ਼ਨਾ ਵੀ ਅਧੁਨਾ ਨੂੰ ਦੇ ਦਿੱਤਾ ਸੀ।
ਨੋਟ - ਇਸ ਖ਼ਬਰ ਸਬੰਧੀ ਤੁਹਾਡੀ ਕੀ ਹੈ ਰਾਏ? ਕੁਮੈਂਟ ਬਾਕਸ ’ਚ ਜ਼ਰੂਰ ਦੱਸੋ।
6 ਮਹੀਨਿਆਂ ਬਾਅਦ ਭਾਰਤ ਪਰਤੀ ਸੰਨੀ ਲਿਓਨ, ਖਿੱਚ ਦਾ ਕੇਂਦਰ ਬਣੀਆਂ ਇਹ ਵਾਇਰਲ ਤਸਵੀਰਾਂ
NEXT STORY 
