ਮੁੰਬਈ (ਏਜੰਸੀ) : "ਗਲੋਰੀ" ਦੇ ਨਿਰਮਾਤਾਵਾਂ ਨੇ ਹਾਲ ਹੀ ਵਿੱਚ ਪੁਲਕਿਤ ਸਮਰਾਟ ਦਾ ਇੱਕ ਦਮਦਾਰ ਨਵਾਂ ਪੋਸਟਰ ਜਾਰੀ ਕੀਤਾ ਹੈ। ਹਾਲ ਹੀ ਵਿੱਚ ਮੇਕਰਸ ਵੱਲੋਂ ਰਿਲੀਜ਼ ਕੀਤੇ ਗਏ ਸੀਰੀਜ਼ ਦੇ ਨਵੇਂ ਪੋਸਟਰ ਨੇ ਸੋਸ਼ਲ ਮੀਡੀਆ 'ਤੇ ਤਹਿਲਕਾ ਮਚਾ ਦਿੱਤਾ ਹੈ। ਇਸ ਪੋਸਟਰ ਵਿੱਚ ਪੁਲਕਿਤ ਇੱਕ ਪੇਸ਼ੇਵਰ ਬਾਕਸਰ ਦੇ ਰੂਪ ਵਿੱਚ ਨਜ਼ਰ ਆ ਰਹੇ ਹਨ, ਜਿਸ ਨੇ ਖੇਡ ਜਗਤ ਦੇ ਦਿੱਗਜਾਂ ਦਾ ਧਿਆਨ ਵੀ ਆਪਣੇ ਵੱਲ ਖਿੱਚਿਆ ਹੈ।
ਪੁਲਕਿਤ ਸਮਰਾਟ ਦਾ ਇਹ 'ਇੰਟੈਂਸ' ਲੁੱਕ ਸਿਰਫ਼ ਫ਼ਿਲਮੀ ਪਰਦੇ ਤੱਕ ਹੀ ਸੀਮਤ ਨਹੀਂ ਰਿਹਾ, ਸਗੋਂ ਅਸਲੀ ਬਾਕਸਰਾਂ ਅਤੇ ਖੇਡ ਜਗਤ ਦੀਆਂ ਹਸਤੀਆਂ ਵਿੱਚ ਵੀ ਚਰਚਾ ਦਾ ਵਿਸ਼ਾ ਬਣ ਗਿਆ ਹੈ। ਕਈ ਪੇਸ਼ੇਵਰ ਬਾਕਸਰਾਂ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਇਸ ਪੋਸਟਰ ਨੂੰ ਸਾਂਝਾ ਕਰਦਿਆਂ ਪੁਲਕਿਤ ਦੀ ਸਰੀਰਕ ਤਬਦੀਲੀ (Physical Transformation) ਅਤੇ ਮਿਹਨਤ ਦੀ ਰੱਜ ਕੇ ਸ਼ਲਾਘਾ ਕੀਤੀ ਹੈ।
ਕਿਰਦਾਰ ਲਈ ਕੀਤੀ ਸਖ਼ਤ ਮਿਹਨਤ
ਆਪਣੀ ਵੱਖਰੀ ਅਦਾਕਾਰੀ ਲਈ ਜਾਣੇ ਜਾਣ ਵਾਲੇ ਪੁਲਕਿਤ ਸਮਰਾਟ ਪਹਿਲੀ ਵਾਰ ਪਰਦੇ 'ਤੇ ਇੱਕ ਮੁੱਕੇਬਾਜ਼ ਦੀ ਭੂਮਿਕਾ ਨਿਭਾ ਰਹੇ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਕਿਰਦਾਰ ਨੂੰ ਪਰਦੇ 'ਤੇ ਅਸਲੀ ਦਿਖਾਉਣ ਲਈ ਪੁਲਕਿਤ ਨੇ ਮਹੀਨਿਆਂ ਤੱਕ ਬਾਕਸਿੰਗ ਦੀ ਸਖ਼ਤ ਟ੍ਰੇਨਿੰਗ ਲਈ ਹੈ ਅਤੇ ਆਪਣੀ ਫਿਟਨੈੱਸ 'ਤੇ ਬਹੁਤ ਕੰਮ ਕੀਤਾ ਹੈ। ਇਹ ਸੀਰੀਜ਼ ਉਨ੍ਹਾਂ ਦੇ ਕਰੀਅਰ ਲਈ ਇੱਕ ਵੱਡਾ ਮੋੜ ਸਾਬਤ ਹੋ ਸਕਦੀ ਹੈ।
ਇੰਤਜ਼ਾਰ ਹੋਇਆ ਖਤਮ ! ਮਰਹੂਮ ਗਾਇਕ ਰਾਜਵੀਰ ਜਵੰਦਾ ਦੇ ਨਵੇਂ ਗੀਤ 'ਬਾਬਲ ਦੇ ਦੇਸ' ਦਾ ਪੋਸਟਰ ਰਿਲੀਜ਼
NEXT STORY 
