ਮੁੰਬਈ (ਬਿਊਰੋ)– ਹਾਲੀਵੁੱਡ ਅਦਾਕਾਰੀ ਤੇ ਅਮਰੀਕਨ ਟੀ. ਵੀ. ਪਰਸਨੈਲਿਟੀ ਨਿਕੋਲ ਰਿਚੀ ਹਾਲ ਹੀ ’ਚ ਸੋਸ਼ਲ ਮੀਡੀਆ ’ਤੇ ਕਾਫੀ ਵਾਇਰਲ ਹੋ ਗਈ ਹੈ। ਵਜ੍ਹਾ ਉਸ ਦੀ ਕੋਈ ਫ਼ਿਲਮ ਜਾਂ ਬੋਲਡ ਤਸਵੀਰ ਨਹੀਂ, ਸਗੋਂ ਕੁਝ ਅਜਿਹਾ ਸੀ, ਜਿਸ ਨੂੰ ਦੇਖ ਕੇ ਲੋਕ ਹੈਰਾਨ ਰਹਿ ਗਏ। ਦਰਅਸਲ ਨਿਕੋਲ ਰਿਚੀ ਨੇ ਹਾਲ ਹੀ ’ਚ ਆਪਣਾ 40ਵਾਂ ਜਨਮਦਿਨ ਮਨਾਇਆ ਹੈ। ਇਸ ਦੌਰਾਨ ਉਸ ਨਾਲ ਇਕ ਅਜੀਬੋ-ਗਰੀਬ ਘਟਨਾ ਵਾਪਰੀ, ਜਿਸ ਦੀ ਵੀਡੀਓ ਸੋਸ਼ਲ ਮੀਡੀਆ ’ਤੇ ਕਾਫੀ ਵਾਇਰਲ ਹੋ ਰਹੀ ਹੈ।
ਇਹ ਖ਼ਬਰ ਵੀ ਪੜ੍ਹੋ : 'ਬਿੱਗ ਬੌਸ ਓਟੀਟੀ' ਦੇ ਇਨ੍ਹਾਂ 3 ਮੁਕਾਬਲੇਬਾਜ਼ਾਂ ਸਣੇ ਇਹ 5 ਕਲਾਕਾਰ 'ਬਿੱਗ ਬੌਸ 15' 'ਚ ਆਉਣਗੇ ਨਜ਼ਰ, ਵੇਖੋ ਪੂਰੀ ਲਿਸਟ
ਹੋਇਆ ਇਹ ਕਿ ਨਿਕੋਲ ਆਪਣੇ 40ਵੇਂ ਜਨਮਦਿਨ ’ਤੇ ਕੇਕ ਕੱਟ ਰਹੀ ਸੀ। ਇਸ ਦੌਰਾਨ ਜਦੋਂ ਉਹ ਕੇਕ ਕੱਟਣ ਲਈ ਹੇਠਾਂ ਝੁਕੀ ਤਾਂ ਕੇਕ ’ਚ ਲੱਗੀਆਂ ਮੋਮਬੱਤੀਆਂ ਨਾਲ ਉਸ ਦੇ ਵਾਲਾਂ ਨੂੰ ਅੱਗ ਲੱਗ ਗਈ। ਇਸ ਤੋਂ ਪਹਿਲਾਂ ਕਿ ਨਿਕੋਲ ਕੁਝ ਸਮਝ ਪਾਉਂਦੀ, ਅੱਗ ਵੱਧ ਗਈ ਤੇ ਉਸ ਦੇ ਚਿਹਰੇ ਤਕ ਪਹੁੰਚ ਗਈ। ਘਟਨਾ ਵੇਲੇ ਨਿਕੋਲ ਦੇ ਵਾਲ ਖੁੱਲ੍ਹੇ ਸਨ, ਜਿਸ ਕਾਰਨ ਇਹ ਹਾਦਸਾ ਵਾਪਰਿਆ।
ਨਿਕੋਲ ਨੂੰ ਇੰਝ ਵੇਖ ਕੇ ਪ੍ਰਸ਼ੰਸਕ ਬਹੁਤ ਪ੍ਰੇਸ਼ਾਨ ਹਨ ਤੇ ਵੀਡੀਓ ’ਤੇ ਆਪਣੀ ਪ੍ਰਤੀਕਿਰਿਆ ਦੇ ਰਹੇ ਹਨ। ਕੁਝ ਉਸ ਨੂੰ ‘ਜਲਦੀ ਠੀਕ ਹੋਵੋ’ ਤੇ ਕੁਝ ਹੋਰ ਲਿਖ ਰਹੇ ਹਨ। ਨਿਕੋਲ ਆਪਣਾ ਜਨਮਦਿਨ ਬਹੁਤ ਹੀ ਸਾਦੇ ਢੰਗ ਨਾਲ ਮਨਾ ਰਹੀ ਸੀ, ਜਦੋਂ ਇਹ ਹਾਦਸਾ ਵਾਪਰਿਆ। ਅਦਾਕਾਰਾ ਨੇ ਸੋਸ਼ਲ ਮੀਡੀਆ ’ਤੇ ਆਪਣੇ ਬਰਥਡੇ ਸੈਲੀਬ੍ਰੇਸ਼ਨ ਦੀ ਵੀਡੀਓ ਵੀ ਸਾਂਝੀ ਕੀਤੀ ਸੀ ਪਰ ਇਸ ਦੌਰਾਨ ਇਕ ਵੱਡਾ ਹਾਦਸਾ ਵਾਪਰ ਗਿਆ ਤੇ ਉਸ ਦੇ ਵਾਲਾਂ ਨੂੰ ਅੱਗ ਲੱਗ ਗਈ। ਨਿਕੋਲ ਦੀ ਇਹ ਵੀਡੀਓ ਕਾਫੀ ਵਾਇਰਲ ਹੋ ਰਹੀ ਹੈ।
ਮੀਡੀਆ ਰਿਪੋਰਟਾਂ ਅਨੁਸਾਰ ਇਹ ਰਾਹਤ ਦੀ ਗੱਲ ਹੈ ਕਿ ਇਸ ਹਾਦਸੇ ’ਚ ਨਿਕੋਲ ਰਿਚੀ ਨੂੰ ਕੁਝ ਨਹੀਂ ਹੋਇਆ ਤੇ ਉਹ ਪੂਰੀ ਤਰ੍ਹਾਂ ਨਾਲ ਸੁਰੱਖਿਅਤ ਹੈ। ਇਸ ਵੀਡੀਓ ਨੂੰ ਦੇਖਣ ਤੋਂ ਬਾਅਦ ਉਸ ਦੇ ਬਹੁਤ ਸਾਰੇ ਪ੍ਰਸ਼ੰਸਕ ਤੇ ਦੋਸਤ ਟਿੱਪਣੀ ਕਰ ਰਹੇ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਨਿਕੋਲ ਰਿਚੀ ਰਿਐਲਿਟੀ ਸੀਰੀਜ਼ ‘ਦਿ ਸਿੰਪਲ ਲਾਈਫ’ ਨਾਲ ਪੂਰੀ ਦੁਨੀਆ ’ਚ ਮਸ਼ਹੂਰ ਹੋਈ, ਇਹ ਸੀਰੀਜ਼ 2003 ਤੋਂ 2007 ਤੱਕ ਚੱਲੀ।
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
'ਬਿੱਗ ਬੌਸ ਓਟੀਟੀ' ਦੇ ਇਨ੍ਹਾਂ 3 ਮੁਕਾਬਲੇਬਾਜ਼ਾਂ ਸਣੇ ਇਹ 5 ਕਲਾਕਾਰ 'ਬਿੱਗ ਬੌਸ 15' 'ਚ ਆਉਣਗੇ ਨਜ਼ਰ, ਵੇਖੋ ਪੂਰੀ ਲਿਸਟ
NEXT STORY 
