ਮੁੰਬਈ (ਬਿਊਰੋ)– ਭਾਰਤ ਤੇ ਕੈਨੇਡਾ ਵਿਚਾਲੇ ਤਣਾਅ ਦਾ ਮਾਹੌਲ ਹੈ। ਇਸ ਦੌਰਾਨ ਕੈਨੇਡੀਅਨ ਮੂਲ ਦੇ ਪੰਜਾਬੀ ਗਾਇਕ ਸ਼ੁੱਭ ਦੀ ਵੀ ਕਾਫੀ ਚਰਚਾ ਹੋਈ। ਕੁਝ ਸਮਾਂ ਪਹਿਲਾਂ ਸ਼ੁੱਭ ਨੇ ਭਾਰਤ ਦਾ ਵਿਵਾਦਿਤ ਨਕਸ਼ਾ ਸੋਸ਼ਲ ਮੀਡੀਆ ’ਤੇ ਸ਼ੇਅਰ ਕੀਤਾ ਸੀ, ਜਿਸ ਤੋਂ ਬਾਅਦ ਉਸ ’ਤੇ ਖਾਲਿਸਤਾਨੀ ਸਮਰਥਕ ਹੋਣ ਦਾ ਦੋਸ਼ ਲੱਗ ਰਿਹਾ ਹੈ।
ਜਿਸ ਕਾਰਨ ਹੁਣ ਸ਼ੁੱਭ ਦਾ ਭਾਰਤ ਦੌਰਾ ਵੀ ਰੱਦ ਕਰ ਦਿੱਤਾ ਗਿਆ ਹੈ। ਇਸ ਦੌਰਾਨ ਮਸ਼ਹੂਰ ਗਾਇਕ ਤੇ ਰੈਪਰ ਡੀਨੋ ਜੇਮਸ ਨੇ ਸ਼ੁੱਭ ਦੇ ਸਮਰਥਨ ’ਚ ਸੋਸ਼ਲ ਮੀਡੀਆ ’ਤੇ ਇਕ ਖ਼ਾਸ ਪੋਸਟ ਸ਼ੇਅਰ ਕੀਤੀ ਪਰ ਕੁਝ ਹੀ ਮਿੰਟਾਂ ’ਚ ਡੀਨੋ ਨੇ ਇਸ ਪੋਸਟ ਨੂੰ ਡਿਲੀਟ ਕਰਕੇ ਪਲਟਵਾਰ ਕਰ ਦਿੱਤਾ।
ਇਹ ਖ਼ਬਰ ਵੀ ਪੜ੍ਹੋ : ਇੰਤਜ਼ਾਰ ਖ਼ਤਮ! ਇਸ ਦਿਨ ਰਿਲੀਜ਼ ਹੋਵੇਗੀ ਦਿਲਜੀਤ ਦੋਸਾਂਝ ਦੀ ਐਲਬਮ Ghost
ਡੀਨੋ ਜੇਮਸ ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਹੈਂਡਲ ’ਤੇ ਸ਼ੁੱਭ ਬਾਰੇ ਇਕ ਕਹਾਣੀ ਸਾਂਝੀ ਕੀਤੀ। ਇਸ ਇੰਸਟਾ ਸਟੋਰੀ ’ਚ ਡੀਨੋ ਜੇਮਸ ਨੇ ਲਿਖਿਆ, ‘‘ਸ਼ੁੱਭ ਇਕ ਮਹਾਨ ਕਲਾਕਾਰ ਹੈ, ਇਹ ਮੰਦਭਾਗਾ ਹੈ ਕਿ ਭਾਰਤ ’ਚ ਉਸ ਦਾ ਸ਼ੋਅ ਰੱਦ ਕਰ ਦਿੱਤਾ ਗਿਆ ਹੈ। ਇਸ ਨਾਲ ਕੋਈ ਫਰਕ ਨਹੀਂ ਪੈਂਦਾ, ਜੇਕਰ ਤੁਹਾਡਾ ਸ਼ੋਅ ਦੁਬਾਰਾ ਹੁੰਦਾ ਹੈ ਤਾਂ ਮੈਂ ਯਕੀਨੀ ਤੌਰ ’ਤੇ ਲਾਈਨ ਦੇ ਸਾਹਮਣੇ ਖੜ੍ਹਾ ਹੋਵਾਂਗਾ।’’
ਸ਼ੁੱਭ ਦੇ ਪੱਖ ’ਚ ਡੀਨੋ ਜੇਮਸ ਦੀ ਇਹ ਪੋਸਟ ਪ੍ਰਸ਼ੰਸਕਾਂ ਨੂੰ ਪਸੰਦ ਨਹੀਂ ਆਈ ਤੇ ਡੀਨੋ ਨੂੰ ਸੋਸ਼ਲ ਮੀਡੀਆ ’ਤੇ ਭਾਰੀ ਟ੍ਰੋਲਿੰਗ ਦਾ ਸਾਹਮਣਾ ਕਰਨਾ ਪਿਆ। ਕੁਝ ਸਮੇਂ ਬਾਅਦ ਡੀਨੋ ਜੇਮਸ ਨੇ ਇਸ ਪੋਸਟ ਨੂੰ ਡਿਲੀਟ ਕਰ ਦਿੱਤਾ ਤੇ ਇਕ ਤਾਜ਼ਾ ਇੰਸਟਾ ਸਟੋਰੀ ਤੇ ਵੀਡੀਓ ਸਾਂਝੀ ਕੀਤੀ।
ਵੀਡੀਓ ’ਚ ਡੀਨੋ ਜੇਮਸ ਨੇ ਕਿਹਾ, ‘‘ਮੈਂ ਸਵੇਰੇ ਜੋ ਪੋਸਟ ਕੀਤੀ, ਉਸ ਦਾ ਮਕਸਦ ਸਿਰਫ ਕਲਾਕਾਰ ਤੋਂ ਕਲਾਕਾਰ ਤੱਕ ਸੀ, ਮੈਨੂੰ ਇਸ ਦੇ ਪਿੱਛੇ ਕੀ ਹੋਇਆ ਤੇ ਪਿਛਲੇ 2 ਦਿਨਾਂ ’ਚ ਕੀ ਹੋਇਆ, ਇਸ ਬਾਰੇ ਮੈਨੂੰ ਕੋਈ ਜਾਣਕਾਰੀ ਨਹੀਂ ਸੀ। ਮੈਂ ਇਸ ਮਾਮਲੇ ਲਈ ਦਿਲੋਂ ਮੁਆਫ਼ੀ ਮੰਗਦਾ ਹਾਂ। ਮੈਂ ਭਾਰਤ ਵਿਰੋਧੀ ਨਹੀਂ ਹਾਂ ਤੇ ਨਾ ਹੀ ਦੇਸ਼ ਵਿਰੁੱਧ ਕਿਸੇ ਦਾ ਸਮਰਥਨ ਕਰਦਾ ਹਾਂ। ਭਾਰਤ ਮੇਰੀ ਮਾਤ ਭੂਮੀ ਹੈ ਤੇ ਮੈਨੂੰ ਇਸ ਦੇਸ਼ ਤੋਂ ਸਭ ਕੁਝ ਮਿਲਿਆ ਹੈ, ਜਿਸ ਕਾਰਨ ਮੈਂ ਅੱਜ ਇਥੇ ਹਾਂ।’’
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
ਕਾਰਤਿਕ ਆਰੀਅਨ ਨਾਲ ਹੋਇਆ ਹਾਦਸਾ! ਅਦਾਕਾਰ ਦੀ ਪੋਸਟ ਵੇਖ ਫੈਨਜ਼ ਹੋਏ ਪਰੇਸ਼ਾਨ
NEXT STORY 
