ਚੰਡੀਗੜ੍ਹ (ਬਿਊਰੋ)– ਸ਼ਹਿਨਾਜ਼ ਗਿੱਲ ਸੋਸ਼ਲ ਮੀਡੀਆ ’ਤੇ ਕਾਫੀ ਸਰਗਰਮ ਰਹਿੰਦੀ ਹੈ। ਸ਼ਹਿਨਾਜ਼ ਗਿੱਲ ਹਾਲ ਹੀ ’ਚ ਬਾਦਸ਼ਾਹ ਨਾਲ ਰਿਲੀਜ਼ ਹੋਏ ਆਪਣੇ ਗੀਤ ‘ਫਲਾਈ’ ਕਾਰਨ ਵੀ ਸੁਰਖ਼ੀਆਂ ’ਚ ਹੈ। ਸ਼ਹਿਨਾਜ਼ ਨੂੰ ਗੀਤ ’ਚ ਦੇਖ ਕੇ ਉਸ ਦੇ ਚਾਹੁਣ ਵਾਲੇ ਬੇਹੱਦ ਖੁਸ਼ ਨਜ਼ਰ ਆ ਰਹੇ ਹਨ।
ਹਾਲ ਹੀ ’ਚ ਸ਼ਹਿਨਾਜ਼ ਗਿੱਪੀ ਗਰੇਵਾਲ ਦੇ ਘਰ ਗਈ। ਇਸ ਦੌਰਾਨ ਸ਼ਹਿਨਾਜ਼ ਗਿੱਲ ਨੇ ਗਿੱਪੀ ਗਰੇਵਾਲ ਦੇ ਘਰੋਂ ਕੁਝ ਵੀਡੀਓਜ਼ ਗਿੱਪੀ ਦੇ ਬੇਟੇ ਗੁਰਬਾਜ਼ ਗਰੇਵਾਲ ਨਾਲ ਸਾਂਝੀਆਂ ਕੀਤੀਆਂ ਹਨ। ਸ਼ਹਿਨਾਜ਼ ਵਲੋਂ ਇਹ ਵੀਡੀਓਜ਼ ਇੰਸਟਾਗ੍ਰਾਮ ਸਟੋਰੀਜ਼ ’ਚ ਸਾਂਝੀਆਂ ਕੀਤੀਆਂ ਗਈਆਂ ਹਨ।
ਪਹਿਲੀ ਤਸਵੀਰ ਸ਼ਹਿਨਾਜ਼ ਨੇ ਗਿੱਪੀ ਗਰੇਵਾਲ, ਉਸ ਦੀ ਪਤਨੀ ਰਵਨੀਤ ਤੇ ਬੇਟੇ ਗੁਰਬਾਜ਼ ਨਾਲ ਸਾਂਝੀ ਕੀਤੀ ਹੈ, ਜਿਸ ਦੇ ਨਾਲ ਲਿਖਿਆ ਹੈ, ‘ਨਿੱਘੇ ਸੁਆਗਤ ਲਈ ਤੁਹਾਡਾ ਧੰਨਵਾਦ ਗਿੱਪੀ ਗਰੇਵਾਲ ਤੇ ਪਰਿਵਾਰ।’
ਦੂਜੀ ਸਟੋਰੀ ’ਚ ਸ਼ਹਿਨਾਜ਼ ਗੁਰਬਾਜ਼ ਨਾਲ ਮਸਤੀ ਕਰਦੀ ਨਜ਼ਰ ਆ ਰਹੀ ਹੈ ਤੇ ਇਹ ਕਹਿ ਰਹੀ ਹੈ ਕਿ ਉਹ ਕਿੰਨਾ ਸੋਹਣਾ ਹੈ। ਇਹ ਵੀਡੀਓਜ਼ ਦੇਖ ਕੇ ਸ਼ਹਿਨਾਜ਼ ਦੇ ਨਾਲ-ਨਾਲ ਗਿੱਪੀ ਦੇ ਚਾਹੁਣ ਵਾਲੇ ਵੀ ਕਾਫੀ ਖੁਸ਼ ਹਨ।
ਦੱਸਣਯੋਗ ਹੈ ਕਿ ਸ਼ਹਿਨਾਜ਼ ਕੌਰ ਗਿੱਲ ਛੇਤੀ ਹੀ ਫ਼ਿਲਮ ‘ਹੌਸਲਾ ਰੱਖ’ ’ਚ ਵੀ ਨਜ਼ਰ ਆਉਣ ਵਾਲੀ ਹੈ। ‘ਹੌਸਲਾ ਰੱਖ’ ਫ਼ਿਲਮ ’ਚ ਦਿਲਜੀਤ ਦੋਸਾਂਝ ਮੁੱਖ ਭੂਮਿਕਾ ਨਿਭਾਅ ਰਹੇ ਹਨ। ਸ਼ਹਿਨਾਜ਼ ਨੇ ‘ਹੌਸਲਾ ਰੱਖ’ ਦੀ ਟੀਮ ਨਾਲ ਹਾਲ ਹੀ ’ਚ ਇਕ ਤਸਵੀਰ ਇੰਸਟਾਗ੍ਰਾਮ ’ਤੇ ਸਾਂਝੀ ਕੀਤੀ ਸੀ।
ਨੋਟ– ਸ਼ਹਿਨਾਜ਼ ਗਿੱਲ ਨਾਲ ਗੁਰਬਾਜ਼ ਗਰੇਵਾਲ ਦੀਆਂ ਇਹ ਤਸਵੀਰਾਂ ਤੁਹਾਨੂੰ ਕਿਵੇਂ ਦੀਆਂ ਲੱਗੀਆਂ? ਕੁਮੈਂਟ ਕਰਕੇ ਜ਼ਰੂਰ ਦੱਸੋ।
ਆਲੀਆ ਭੱਟ ਤੇ ਸੰਜੇ ਲੀਲਾ ਭੰਸਾਲੀ ਦੀਆਂ ਵਧੀਆਂ ਮੁਸ਼ਕਿਲਾਂ, ਸੜਕਾਂ ’ਤੇ ਉਤਰੇ ‘ਕਮਾਠੀਪੁਰਾ’ ਦੇ ਲੋਕ
NEXT STORY 
