ਮੁੰਬਈ-ਬੀ-ਟਾਊਨ 'ਚ ਸਾਲ 2021 ਦੇ ਆਖਿਰ ਤੋਂ ਹੀ ਵਿਆਹਾਂ ਦਾ ਸੀਜ਼ਨ ਚੱਲ ਰਿਹਾ ਹੈ। ਉਧਰ ਹੁਣ ਲੱਗਦਾ ਹੈ ਕਿ ਸਾਲ 2022 ਦੇ 'ਚ ਵੀ ਬਾਲੀਵੁੱਡ 'ਚ ਵਿਆਹਾਂ ਦਾ ਜਸ਼ਨ ਦੇਖਣ ਨੂੰ ਮਿਲੇਗਾ। ਕੈਟਰੀਨਾ ਕੈਫ-ਵਿੱਕੀ ਕੌਸ਼ਲ ਅਤੇ ਆਲੀਆ ਭੱਟ ਅਤੇ ਰਣਬੀਰ ਕਪੂਰ ਤੋਂ ਬਾਅਦ ਹੁਣ ਇਕ ਵਾਰ ਫਿਰ ਬੀ-ਟਾਊਨ ਇੰਡਸਟਰੀ 'ਚ ਫਿਰ ਸ਼ਹਿਨਾਈ ਵੱਜੇਗੀ। ਇਕ ਹੋਰ ਫੇਮਸ ਜੋੜਾ ਜਲਦ ਹੀ ਸੱਤ ਫੇਰੇ ਲੈਣ ਵਾਲਾ ਹੈ।
ਅਸੀਂ ਗੱਲ ਕਰ ਰਹੇ ਹਨ ਅਦਾਕਾਰ ਸੁਨੀਲ ਸ਼ੈੱਟੀ ਦੀ ਧੀ ਅਥਿਆ ਸ਼ੈੱਟੀ ਅਤੇ ਇੰਡੀਅਨ ਕ੍ਰਿਕਟਰ ਕੇ.ਐੱਲ. ਰਾਹੁਲ ਦੀ। ਜੀ ਹਾਂ, ਅਥਿਆ ਅਤੇ ਕੇ.ਐੱਲ ਰਾਹੁਲ ਜਲਦ ਹੀ ਆਪਣੇ ਰਿਸ਼ਤੇ ਨੂੰ ਨਵਾਂ ਨਾਂ ਦੇਣ ਵਾਲੇ ਹਨ। ਜੋੜਾ ਕਦੋਂ ਅਤੇ ਕਿਸ ਰੀਤੀ ਰਿਵਾਜ਼ 'ਚ ਵਿਆਹ ਕਰੇਗਾ ਇਸ ਰਿਪੋਰਟ 'ਚ ਅਸੀਂ ਤੁਹਾਨੂੰ ਇਸ ਬਾਰੇ 'ਚ ਦੱਸਣ ਜਾ ਰਹੇ ਹਾਂ...
ਅਥਿਆ ਸ਼ੈੱਟੀ ਅਤੇ ਰਾਹੁਲ ਇਸ ਸਾਲ ਵਿਆਹ ਕਰਨਗੇ। ਇਕ ਇੰਗਲਿਸ਼ ਰਿਪੋਰਟ ਮੁਤਾਬਕ ਜੋੜੇ ਦਾ ਵਿਆਹ ਸਾਊਥ ਇੰਡੀਅਨ ਰੀਤੀ-ਰਿਵਾਜ਼ ਨਾਲ ਹੋਵੇਗਾ। ਸ਼ੈੱਟੀ ਪਰਿਵਾਰ ਦੇ ਕਰੀਬੀ ਸੂਤਰਾਂ ਤੋਂ ਪਤਾ ਚੱਲਿਆ ਕਿ ਵਿਆਹ ਦੀਆਂ ਤਿਆਰੀਆਂ ਸ਼ੁਰੂ ਹੋ ਗਈਆਂ ਹਨ। ਦੋਵਾਂ ਦੇ ਹੀ ਮਾਤਾ-ਪਿਤਾ ਇਸ ਗੱਲ ਤੋਂ ਬਹੁਤ ਖੁਸ਼ ਹਨ। ਇਸ ਸਾਲ ਦੇ ਅੰਤ ਤੱਕ ਅਥਿਆ ਅਤੇ ਰਾਹੁਲ ਪਤੀ-ਪਤਨੀ ਬਣਨ ਲਈ ਪੂਰੀ ਤਰ੍ਹਾਂ ਤਿਆਰ ਹਨ।
ਸੁਨੀਲ ਸ਼ੈੱਟੀ ਦਾ ਜਨਮ ਮੈਂਗਲੋਰ ਦੇ ਤੁਲੁ-ਭਾਸ਼ੀ ਪਰਿਵਾਰ 'ਚ ਹੋਇਆ ਸੀ। ਉਹ ਸਾਊਥ ਇੰਡੀਅਨ ਹਨ। ਉਨ੍ਹਾਂ ਦਾ ਹੋਣ ਵਾਲਾ ਜਵਾਈ ਵੀ ਮੈਂਗਲੋਰ ਤੋਂ ਹੀ ਹੈ। ਅਜਿਹੇ 'ਚ ਵਿਆਹ ਪੂਰੀ ਤਰ੍ਹਾਂ ਨਾਲ ਸਾਊਥ ਇੰਡੀਅਨ ਰੀਤੀ-ਰਿਵਾਜ਼ਾ ਨਾਲ ਹੀ ਹੋਵੇਗਾ। ਹਾਲਾਂਕਿ ਸੁਨੀਲ ਸ਼ੈੱਟੀ ਨੇ ਧੀ ਦੇ ਵਿਆਹ ਨੂੰ ਲੈ ਕੇ ਕੋਈ ਆਫਿਸ਼ੀਅਲੀ ਅਨਾਊਂਸਮੈਂਟ ਨਹੀਂ ਕੀਤੀ ਹੈ।
ਅਥਿਆ ਅਤੇ ਕੇ.ਐੱਲ.ਰਾਹੁਲ ਸਾਲਾਂ ਤੋਂ ਇਕ-ਦੂਜੇ ਨੂੰ ਡੇਟ ਕਰ ਰਹੇ ਹਨ। ਰਾਹੁਲ ਅਤੇ ਅਥਿਆ ਦੀ ਪਹਿਲੀ ਮੁਲਾਕਾਤ ਦੀ ਗੱਲ ਕਰੀਏ ਤਾਂ ਦੋਵੇਂ ਇਕ ਕਾਮਨ ਫ੍ਰੈਂਡ ਰਾਹੀਂ ਮਿਲੇ ਸਨ। ਜਦੋਂ ਦੋਵਾਂ ਨੇ ਸੋਸ਼ਲ ਮੀਡੀਆ 'ਤੇ ਇਕ-ਦੂਜੇ ਦੇ ਬਰਥਡੇਅ 'ਤੇ ਵਿਸ਼ ਕੀਤਾ, ਤਾਂ ਉਨ੍ਹਾਂ ਦੇ ਰਿਲੇਸ਼ਨਸ਼ਿਪ ਨੂੰ ਲੈ ਕੇ ਖਬਰਾਂ ਉੱਡਣ ਲੱਗੀਆਂ। ਦੋਵੇਂ ਸੋਸ਼ਲ ਮੀਡੀਆ 'ਤੇ ਰੋਮਾਂਟਿਕ ਤਸਵੀਰਾਂ ਸਾਂਝੀਆਂ ਕਰ ਆਪਣੇ ਪਿਆਰ ਦਾ ਖੁੱਲ੍ਹੇਆਮ ਇਜ਼ਹਾਰ ਕਰਦੇ ਹਨ। ਅਥਿਆ ਨੂੰ ਕ੍ਰਿਕਟ ਮੈਚਾਂ 'ਚ ਹਮੇਸ਼ਾ ਰਾਹੁਲ ਨੂੰ ਸਪੋਰਟ ਕਰਦੇ ਦੇਖਿਆ ਜਾਂਦਾ ਹੈ।
ਖਲੀ ਦੀ ਹਾਈਟ ਦੇਖ ਘਬਰਾਏ ਅਨੁਪਮ, ਫਿਰ ਲਗਾਇਆ ਅਜਿਹਾ ਜੁਗਾੜ ਕਿ ਹੋ ਗਏ ਰੈਸਲਰ ਤੋਂ ਵੀ ਲੰਬੇ (ਤਸਵੀਰਾਂ)
NEXT STORY 
