ਜਲੰਧਰ (ਬਿਊਰੋ)– ‘ਬਿੱਗ ਬੌਸ 13’ ਦੇ ਜੇਤੂ ਸਿਧਾਰਥ ਸ਼ੁਕਲਾ ਇਨ੍ਹੀਂ ਦਿਨੀਂ ਪੰਜਾਬ ’ਚ ਮਸਤੀ ਕਰਦੇ ਨਜ਼ਰ ਆ ਰਹੇ ਹਨ। ਸਿਧਾਰਥ ਸ਼ੁਕਲਾ ਸ਼ਹਿਨਾਜ਼ ਕੌਰ ਗਿੱਲ ਨਾਲ ਹਾਲ ਹੀ ’ਚ ਚੰਡੀਗੜ੍ਹ ਏਅਰਪੋਰਟ ’ਤੇ ਦੇਖੇ ਗਏ ਸਨ। ਪੰਜਾਬ ’ਚ ਸ਼ੂਟਿੰਗ ਤੇ ਕੰਮ ਦੇ ਸਿਲਸਿਲੇ ’ਚ ਪੁੱਜੇ ਸਿਧਾਰਥ ਦੀਆਂ ਸੋਸ਼ਲ ਮੀਡੀਆ ’ਤੇ ਕਈ ਵੀਡੀਓਜ਼ ਸਾਹਮਣੇ ਆ ਰਹੀਆਂ ਹਨ, ਜਿਨ੍ਹਾਂ ’ਚ ਉਹ ਖੂਬ ਮਸਤੀ ਕਰਦੇ ਦਿਖਾਈ ਦੇ ਰਹੇ ਹਨ।
ਸਿਧਾਰਥ ਨੇ ਇੰਸਟਾਗ੍ਰਾਮ ’ਤੇ ਜੋ ਪਹਿਲੀ ਪੋਸਟ ਸ਼ੇਅਰ ਕੀਤੀ ਹੈ, ਉਸ ’ਚ ਉਹ ਪੰਜਾਬ ਦੇ ਖੇਤਾਂ ’ਚ ਖੜ੍ਹੇ ਹਨ ਤੇ ਕੈਪਸ਼ਨ ’ਚ ਲਿਖਦੇ ਹਨ, ‘Turning fields into reels... #Punjab.’
ਉਥੇ ਦੂਜੀ ਪੋਸਟ ’ਚ ਸਿਧਾਰਥ ਨੇ ਇਕ ਵੀਡੀਓ ਸ਼ੇਅਰ ਕੀਤੀ ਹੈ, ਜਿਸ ’ਚ ਉਹ ਗੱਡਾ ਚਲਾ ਰਹੇ ਹਨ। ਵੀਡੀਓ ਦੇ ਪਿੱਛੇ ਸਵਰਗੀ ਕੁਲਦੀਪ ਮਾਣਕ ਦਾ ਗੀਤ ‘ਪੁੱਤ ਜੱਟਾਂ ਦਾ’ ਸੁਣਾਈ ਦੇ ਰਿਹਾ ਹੈ ਤੇ ਇਸ ਵੀਡੀਓ ਨਾਲ ਸਿਧਾਰਥ ਨੇ ਲਿਖਿਆ, ‘#desistyle #punjabilife #sidharthshukla 💪🏻👌🏻.’
ਪੰਜਾਬ ’ਚ ਸ਼ਹਿਨਾਜ਼ ਨਾਲ ਸਿਧਾਰਥ ਆਏ ਹੋਣ ਤੇ ਉਸ ਨਾਲ ਕੁਝ ਪੋਸਟ ਨਾ ਕਰਨ, ਇਹ ਕਿਵੇਂ ਹੋ ਸਕਦਾ ਹੈ। ਸਿਧਾਰਥ ਨੇ ਸ਼ਹਿਨਾਜ਼ ਨਾਲ ਵੀ ਇਕ ਵੀਡੀਓ ਸ਼ੇਅਰ ਕੀਤੀ ਹੈ, ਜਿਸ ’ਚ ਉਨ੍ਹਾਂ ਨਾਲ ਟੋਨੀ ਕੱਕੜ ਵੀ ਨਜ਼ਰ ਆ ਰਿਹਾ ਹੈ। ਟੋਨੀ ਕੱਕੜ ਦੇ ਗੀਤ ’ਤੇ ਸਿਧਾਰਥ ਤੇ ਸ਼ਹਿਨਾਜ਼ ਖੂਬ ਮਸਤੀ ਕਰਦੇ ਨਜ਼ਰ ਆ ਰਹੇ ਹਨ।
ਇਨ੍ਹਾਂ ਤਸਵੀਰਾਂ ਤੇ ਵੀਡੀਓਜ਼ ਨੂੰ ਦੇਖ ਕੇ ਇਹ ਕਿਆਸ ਲਗਾਈ ਜਾ ਰਹੀ ਹੈ ਕਿ ਸ਼ਹਿਨਾਜ਼ ਤੇ ਸਿਧਾਰਥ ਟੋਨੀ ਕੱਕੜ ਦੇ ਅਗਲੇ ਗੀਤ ’ਚ ਇਕੱਠੇ ਨਜ਼ਰ ਆਉਣ ਵਾਲੇ ਹਨ। ਜਿਸ ਦੀ ਸ਼ੂਟਿੰਗ ਉਹ ਪੰਜਾਬ ’ਚ ਕਰ ਰਹੇ ਹਨ।
ਮਸ਼ਹੂਰ ਬਾਲੀਵੁੱਡ ਅਦਾਕਾਰ ਦੇ ਘਰ ਐੱਨ. ਸੀ. ਬੀ. ਦੀ ਰੇਡ, ਹਿਰਾਸਤ ’ਚ ਲਿਆ ਡਰਾਇਵਰ
NEXT STORY 
