ਮੁੰਬਈ (ਏਜੰਸੀ) : ਮਸ਼ਹੂਰ ਭਾਰਤੀ ਰੈਪਰ ਅਤੇ ਕੰਟੈਂਟ ਕ੍ਰਿਏਟਰ ਅਰਪਿਤ ਬਾਲਾ ਨੇ ਹੈਦਰਾਬਾਦ ਕੰਸਰਟ ਦੌਰਾਨ ਹੋਈ ਬਦਸਲੂਕੀ ਅਤੇ ਸਟੇਜ 'ਤੇ ਹੋਈ ਬਹਿਸ ਤੋਂ ਬਾਅਦ ਹੁਣ ਆਪਣੀ ਪ੍ਰਤੀਕਿਰਿਆ ਦਿੱਤੀ ਹੈ। ਦੱਸ ਦੇਈਏ ਕਿ ਸੋਸ਼ਲ ਮੀਡੀਆ 'ਤੇ ਇਕ ਵੀਡੀਓ ਕਾਫੀ ਵਾਇਰਲ ਹੋਈ ਸੀ, ਜਿਸ ਵਿਚ ਅਰਪਿਤ ਇਕ ਪ੍ਰਸ਼ੰਸਕ ਨਾਲ ਸਟੇਜ ਤੋਂ ਬਹਿਸ ਕਰਦੇ ਹੋਏ ਨਜ਼ਰ ਆ ਰਹੇ ਸਨ। ਹੁਣ ਗਾਇਕ ਨੇ ਇਸ ਘਟਨਾ ਪਿੱਛੇ ਦੀ ਅਸਲ ਵਜ੍ਹਾ ਦੱਸੀ ਹੈ।
ਕੀ ਸੀ ਪੂਰਾ ਮਾਮਲਾ?
ਇਹ ਘਟਨਾ 28 ਮਾਰਚ ਨੂੰ ਹੈਦਰਾਬਾਦ ਵਿੱਚ ਇੱਕ ਲਾਈਵ ਸ਼ੋਅ ਦੌਰਾਨ ਵਾਪਰੀ ਸੀ। ਜਦੋਂ ਅਰਪਿਤ ਸਟੇਜ 'ਤੇ ਪਰਫਾਰਮ ਕਰ ਰਹੇ ਸਨ, ਤਾਂ ਭੀੜ ਵਿੱਚੋਂ ਕਿਸੇ ਨੇ ਉਨ੍ਹਾਂ ਵੱਲ ਬੋਤਲ ਸੁੱਟੀ। ਵੀਡੀਓ ਵਿੱਚ ਦੇਖਿਆ ਗਿਆ ਕਿ ਅਰਪਿਤ ਨੇ ਗੁੱਸੇ ਵਿੱਚ ਆ ਕੇ ਪਹਿਲਾਂ ਉਸ ਨੌਜਵਾਨ ਵੱਲ ਥੁੱਕਿਆ ਅਤੇ ਫਿਰ ਬੋਤਲ ਵੀ ਵਾਪਸ ਵਗਾਹ ਮਾਰੀ। ਇੰਨਾ ਹੀ ਨਹੀਂ, ਉਨ੍ਹਾਂ ਨੇ ਸੁਰੱਖਿਆ ਕਰਮੀਆਂ ਨੂੰ ਹੁਕਮ ਦਿੱਤਾ ਕਿ ਉਸ ਨੌਜਵਾਨ ਨੂੰ ਤੁਰੰਤ ਕਲੱਬ ਤੋਂ ਬਾਹਰ ਕੱਢਿਆ ਜਾਵੇ।
ਅਰਪਿਤ ਬਾਲਾ ਦਾ ਪੱਖ: 'ਮੇਰੀ ਅੱਖ 'ਤੇ ਵੱਜੀ ਬੋਤਲ'
ਆਪਣੇ ਯੂਟਿਊਬ ਚੈਨਲ 'ਤੇ ਇਕ ਵੀਡੀਓ ਸਾਂਝੀ ਕਰਦਿਆਂ ਅਰਪਿਤ ਨੇ ਕਿਹਾ, "ਇਹ ਕੋਈ ਸਫ਼ਾਈ ਨਹੀਂ ਹੈ, ਪਰ ਮੈਂ ਚਾਹੁੰਦਾ ਹਾਂ ਕਿ ਤੁਸੀਂ ਮੇਰਾ ਪੱਖ ਵੀ ਦੇਖੋ। ਪਹਿਲੇ ਚਾਰ ਗੀਤਾਂ ਤੱਕ ਸਭ ਕੁਝ ਠੀਕ ਸੀ, ਪਰ ਅਚਾਨਕ ਇੱਕ ਬੋਤਲ ਆਈ ਅਤੇ ਸਿੱਧੀ ਮੇਰੀ ਅੱਖ 'ਤੇ ਲੱਗੀ। ਜਦੋਂ ਬੋਤਲ ਮੇਰੀ ਅੱਖ 'ਤੇ ਲੱਗੀ ਤਾਂ ਮੇਰਾ ਫਲੋ ਟੁੱਟ ਗਿਆ ਅਤੇ ਮੈਨੂੰ ਗੁੱਸਾ ਆ ਗਿਆ। ਕਹਿਣਾ ਸੌਖਾ ਹੈ ਕਿ ਮੈਨੂੰ ਵੱਡਾ ਦਿਲ ਦਿਖਾਉਣਾ ਚਾਹੀਦਾ ਸੀ, ਪਰ ਜਦੋਂ ਕੋਈ ਤੁਹਾਨੂੰ ਉਕਸਾ ਰਿਹਾ ਹੋਵੇ ਤਾਂ ਸ਼ਾਂਤ ਰਹਿਣਾ ਮੁਸ਼ਕਲ ਹੁੰਦਾ ਹੈ। ਮੇਰਾ ਚਿਹਰਾ ਕੋਈ ਨਿਸ਼ਾਨਾ (Bullseye) ਨਹੀਂ ਹੈ।"
ਗਲਤੀ ਦਾ ਅਹਿਸਾਸ ਪਰ ਸੁਰੱਖਿਆ 'ਤੇ ਸਵਾਲ
ਅਰਪਿਤ ਨੇ ਮੰਨਿਆ ਕਿ ਉਨ੍ਹਾਂ ਦਾ ਪ੍ਰਤੀਕਰਮ ਜਲਦਬਾਜ਼ੀ ਵਾਲਾ ਸੀ। ਉਨ੍ਹਾਂ ਕਿਹਾ, "ਮੈਨੂੰ ਪਤਾ ਹੈ ਕਿ ਮੈਨੂੰ ਅਜਿਹਾ ਨਹੀਂ ਕਰਨਾ ਚਾਹੀਦਾ ਸੀ, ਪਰ ਜਦੋਂ ਕੋਈ ਹੱਦਾਂ ਪਾਰ ਕਰਦਾ ਹੈ, ਤਾਂ ਤੁਸੀਂ ਮੇਰੇ ਤੋਂ ਚੁੱਪ ਰਹਿਣ ਦੀ ਉਮੀਦ ਨਹੀਂ ਕਰ ਸਕਦੇ। ਇਹ ਸਿਰਫ਼ ਨਿਰਾਦਰ ਦੀ ਗੱਲ ਨਹੀਂ, ਸਗੋਂ ਸੁਰੱਖਿਆ ਦਾ ਵੀ ਮਸਲਾ ਹੈ।"
ਕੌਣ ਹੈ ਅਰਪਿਤ ਬਾਲਾ?
ਅਰਪਿਤ ਬਾਲਾ (ਪੂਰਾ ਨਾਮ ਅਰਪਿਤ ਬਾਲਾਬੰਤਰੇ) ਸਾਲ 2025 ਵਿੱਚ ਆਪਣੇ ਵਾਇਰਲ ਗੀਤ 'ਬਰਗਦ' ਨਾਲ ਸੁਰਖੀਆਂ ਵਿੱਚ ਆਏ ਸਨ। ਇਸ ਤੋਂ ਇਲਾਵਾ ਉਹ 'ਰੱਖਲੋ ਤੁਮ ਛੁਪਾ ਕੇ', 'ਇੱਕ ਕੁੜੀ', 'ਨਹਾਨੀ' ਅਤੇ 'ਪਿਆਰੀ ਅਮਾਨਤ' ਵਰਗੇ ਗੀਤਾਂ ਲਈ ਜਾਣੇ ਜਾਂਦੇ ਹਨ।
ਮਮੂਟੀ ਤੇ ਮੋਹਨਲਾਲ ਦੇ ਪ੍ਰਸ਼ੰਸਕਾਂ ਲਈ ਨਿਰਾਸ਼ਾ ਵਾਲੀ ਖ਼ਬਰ, ਫਿਲਮ 'Patriot' ਦੀ ਰਿਲੀਜ਼ ਟਲੀ
NEXT STORY 
