ਮੁੰਬਈ (ਬਿਊਰੋ) - ਪੂਰੇ ਦੇਸ਼ 'ਚ ਕੋਰੋਨਾ ਦੇ ਕੇਸ ਵੱਧਦੇ ਜਾ ਰਹੇ ਹਨ। ਅਜਿਹੀ ਸਥਿਤੀ 'ਚ ਕਈ ਮਹੱਤਵਪੂਰਨ ਚੀਜ਼ਾਂ ਦੀ ਘਾਟ ਵੀ ਸਾਹਮਣੇ ਆ ਗਈ ਹੈ। ਹਸਪਤਾਲਾਂ 'ਚ ਮਰੀਜ਼ਾਂ ਨੂੰ ਦਵਾਈ ਅਤੇ ਬੈੱਡ ਵੀ ਨਹੀਂ ਮਿਲ ਰਹੇ। ਬਹੁਤ ਸਾਰੇ ਲੋਕ ਮਰੀਜ਼ਾਂ ਦੀ ਸਹਾਇਤਾ ਲਈ ਇਕੱਠੇ ਹੋਏ ਹਨ। ਇਸ 'ਚ ਬਾਲੀਵੁੱਡ ਅਦਾਕਾਰ ਸੋਨੂੰ ਸੂਦ ਦਾ ਨਾਂ ਵੀ ਸ਼ਾਮਲ ਹੈ। ਸੋਨੂੰ ਸੂਦ ਲੋਕਾਂ ਨੂੰ ਰੇਡੀਮੇਸਿਵਿਰ ਟੀਕੇ ਤੱਕ ਦਿਵਾਉਣ 'ਚ ਮਦਦ ਕਰ ਰਹੇ ਹਨ। ਇਹੀ ਵਜ੍ਹਾ ਹੈ ਕਿ ਲੋਕ ਆਪਣੇ ਵੱਖ-ਵੱਖ ਅੰਦਾਜ਼ 'ਚ ਉਸ ਦਾ ਧੰਨਵਾਦ ਕਰ ਰਹੇ ਹਨ।
ਹਾਲ ਹੀ 'ਚ ਇਕ ਵੀਡੀਓ ਸਾਹਮਣੇ ਆਇਆ ਸੀ, ਜਿਸ 'ਚ ਬਹੁਤ ਸਾਰੇ ਲੋਕ ਸੋਨੂੰ ਸੂਦ ਦੀ ਤਸਵੀਰ 'ਤੇ ਦੁੱਧ ਚੜ੍ਹਾ ਕਰ ਰਹੇ ਹਨ। ਇਸ ਦਾ ਵਿਰੋਧ ਕਰਦਿਆਂ ਕਵਿਤਾ ਕੌਸ਼ਿਕ ਨੇ ਟਵਿੱਟਰ 'ਤੇ ਲਿਖਿਆ, 'ਅਸੀਂ ਸਾਰੇ ਸੋਨੂੰ ਸੂਦ ਨੂੰ ਪਿਆਰ ਕਰਦੇ ਹਾਂ। ਉਨ੍ਹਾਂ ਦੇ ਇਮਾਨਦਾਰ ਕੰਮ ਲਈ ਦੇਸ਼ ਹਮੇਸ਼ਾਂ ਸ਼ੁਕਰਗੁਜ਼ਾਰ ਰਹੇਗਾ ਪਰ ਮੈਨੂੰ ਵਿਸ਼ਵਾਸ ਹੈ ਕਿ ਸੋਨੂੰ ਸੂਦ ਇਸ ਮੂਰਖ ਅਤੇ ਨਿਰਾਸ਼ਾਜਨਕ ਕੰਮ ਤੋਂ ਖੁਸ਼ ਨਹੀਂ ਹੋਣਗੇ। ਇਕ ਸਮੇਂ ਜਦੋਂ ਲੋਕ ਭੁੱਖ ਨਾਲ ਮਰ ਰਹੇ ਹਨ, ਉਥੇ ਦੁੱਧ ਦੀ ਬਰਬਾਦੀ ਕੀਤੀ ਜਾ ਰਹੀ ਹੈ। ਅਸੀਂ ਹਮੇਸ਼ਾ ਹੀ ਚੀਜ਼ਾਂ ਦੀ ਜ਼ਿਆਦਾ ਜ਼ਰੂਰਤ ਕਿਉਂ ਕਰਦੇ ਹਾਂ?'
ਸੋਨੂ ਸੂਦ ਲਈ ਇਸ ਲੋਕਾਂ ਦਾ ਪਿਆਰ ਪਹਿਲੀ ਵਾਰ ਸਾਹਮਣੇ ਨਹੀਂ ਆਇਆ ਹੈ। ਪਿਛਲੇ ਸਾਲ ਲੋਕਾਂ ਨੇ ਸੋਨੂੰ ਸੂਦ ਨੂੰ ਮੰਦਰ ਤੱਕ ਬਣਾਉਣ ਦੀ ਇੱਛਾ ਜ਼ਾਹਰ ਕੀਤੀ ਸੀ। ਹਾਲਾਂਕਿ, ਸੋਨੂੰ ਸੂਦ ਇਸ ਮਾਮਲੇ 'ਤੇ ਕਦੇ ਸਹਿਮਤ ਨਹੀਂ ਹੋਇਆ ਸੀ। ਕੁਝ ਦਿਨ ਪਹਿਲਾਂ ਹੀ ਲੋਕ ਸੋਨੂੰ ਸੂਦ ਤੋਂ ਮਦਦ ਮੰਗਣ ਲਈ ਉਸ ਦੇ ਮੁੰਬਈ ਦੇ ਘਰ ਪਹੁੰਚੇ ਸਨ। ਉਸ ਨੇ ਲੋਕਾਂ ਦੀ ਅਪੀਲ ਸੁਣੀ ਸੀ ਅਤੇ ਪੂਰੀ ਸਹਾਇਤਾ ਦਾ ਵਾਅਦਾ ਕੀਤਾ ਸੀ।
ਸੋਨੂੰ ਸੂਦ ਨੇ ਹਾਲ ਹੀ 'ਚ ਡਾਕਟਰਾਂ ਨੂੰ ਲਿਖ ਕੇ ਪੁੱਛਿਆ, 'ਇੱਕ ਸਧਾਰਣ ਜਿਹਾ ਪ੍ਰਸ਼ਨ ਹੈ, ਜਦੋਂ ਹਰ ਕੋਈ ਜਾਣਦਾ ਹੈ ਕਿ ਇਹ ਖ਼ਾਸ ਟੀਕਾ ਕਿਤੇ ਵੀ ਉਪਲਬਧ ਨਹੀਂ ਹੈ ਤਾਂ ਡਾਕਟਰ ਲੋਕਾਂ ਨੂੰ ਕਿਉਂ ਇਸ ਨੂੰ ਲਗਾਉਣ ਦੀ ਸਲਾਹ ਦੇ ਰਹੇ ਹਨ? ਜਦੋਂ ਹਸਪਤਾਲ ਇਹ ਦਵਾਈ ਪ੍ਰਾਪਤ ਨਹੀਂ ਹੋ ਰਹੀ ਹੈ ਤਾਂ ਆਮ ਆਦਮੀ ਕਿੱਥੋਂ ਲਿਆਏਗਾ? ਅਸੀਂ ਲੋਕਾਂ ਨੂੰ ਬਚਾਉਣ ਲਈ ਕੋਈ ਹੋਰ ਦਵਾਈ ਕਿਉਂ ਨਹੀਂ ਵਰਤ ਸਕਦੇ?'
'ਬਿੱਗ ਬੌਸ' ਤੋਂ ਚਮਕੀ ਜੈਸਮੀਨ ਭਸੀਨ ਦੀ ਕਿਸਮਤ, ਹੱਥ ਲੱਗੇ ਕਈ ਵੱਡੇ ਪ੍ਰਾਜੈਕਟ
NEXT STORY 
