ਮੁੰਬਈ- ਆਪਣੇ ਦਮਦਾਰ ਡਾਇਲਾਗ ਅਤੇ ਅਦਾਕਾਰੀ ਨਾਲ ਬਾਲੀਵੁੱਡ ਵਿੱਚ ਖਾਸ ਪਛਾਣ ਬਣਾਉਣ ਵਾਲੇ ਸੰਨੀ ਦਿਓਲ ਸੋਸ਼ਲ ਮੀਡੀਆ ਉੱਤੇ ਕਾਫੀ ਸਰਗਰਮ ਰਹਿੰਦੇ ਹਨ। ਉਨ੍ਹਾਂ ਨੂੰ ਆਪਣੇ ਪਰਿਵਾਰ ਅਤੇ ਦੋਸਤਾਂ ਦੇ ਨਾਲ ਖਾਸ ਲਗਾਅ ਹੈ। ਜਿਸ ਕਰਕੇ ਉਹ ਆਪਣੇ ਪਰਿਵਾਰ ਦੀਆਂ ਤਸਵੀਰਾਂ ਅਕਸਰ ਸੋਸ਼ਲ ਮੀਡੀਆ ਉੱਤੇ ਸ਼ੇਅਰ ਕਰਦੇ ਰਹਿੰਦੇ ਹਨ। ਇਸ ਵਾਰ ਉਨ੍ਹਾਂ ਨੇ ਇੱਕ ਪਿਆਰੀ ਜਿਹੀ ਵੀਡੀਓ ਆਪਣੀ ਮਾਂ ਪ੍ਰਕਾਸ਼ ਕੌਰ ਦੇ ਨਾਲ ਸ਼ੇਅਰ ਕੀਤੀ ਹੈ।
ਇਸ ਵੀਡੀਓ ਵਿੱਚ ਸੰਨੀ ਦਿਓਲ ਪਹਾੜਾਂ ਵਿੱਚ ਬਰਫ ਵਿੱਚ ਆਪਣੀ ਮਾਂ ਨਾਲ ਖੇਡਦੇ ਹੋਏ ਨਜ਼ਰ ਆ ਰਹੇ ਹਨ। ਸੰਨੀ ਦਿਓਲ ਅਤੇ ਉਸ ਦੀ ਮਾਂ ਪ੍ਰਕਾਸ਼ ਕੌਰ ਦੀ ਇਸ ਖ਼ੂਬਸੂਰਤ ਵੀਡੀਓ ਨੂੰ ਸੋਸ਼ਲ ਮੀਡੀਆ 'ਤੇ ਖੂਬ ਪਸੰਦ ਕੀਤਾ ਜਾ ਰਿਹਾ ਹੈ। ਸੰਨੀ ਦਿਓਲ ਨੇ ਇਹ ਵੀਡੀਓ ਇੰਸਟਾਗ੍ਰਾਮ 'ਤੇ ਸਾਂਝਾ ਕੀਤਾ ਹੈ। ਇਸ ਵੀਡੀਓ ‘ਚ ਉਹ ਆਪਣੀ ਮਾਂ ਦੇ ਨਾਲ ਬਰਫ ਦਾ ਗੋਲੇ ਬਣਾ ਕੇ ਖੇਡਦੇ ਹੋਏ ਨਜ਼ਰ ਆ ਰਹੇ ਹਨ। ਦਰਸ਼ਕਾਂ ਨੂੰ ਮਾਂ-ਪੁੱਤ ਦਾ ਇਹ ਵੀਡੀਓ ਖੂਬ ਪਸੰਦ ਆ ਰਿਹਾ ਹੈ।
ਸੰਨੀ ਦਿਓਲ ਨੇ ਮਾਂ ਪ੍ਰਕਾਸ਼ ਕੌਰ ਨਾਲ ਵੀਡੀਓ ਸ਼ੇਅਰ ਕਰਦੇ ਹੋਏ ਲਿਖਿਆ ਹੈ- ‘ਅਸੀਂ ਜਿੰਨੇ ਮਰਜ਼ੀ ਵੀ ਵੱਡੇ ਹੋ ਜਾਈਏ, ਇਨ੍ਹਾਂ (ਮਾਪਿਆਂ) ਲਈ ਹਮੇਸ਼ਾ ਬੱਚੇ ਹੀ ਰਹਾਂਗੇ। ਮਾਤਾ-ਪਿਤਾ ਦਾ ਪਿਆਰ ਅਣਮੋਲ ਅਤੇ ਸੱਚਾ ਪਿਆਰ ਹੈ, ਇਨਾਂ ਦੀ ਕਦਰ ਕਰੋ। ਇਹ ਪਲ, ਮੇਰੇ ਯਾਦਗਾਰੀ ਪਲਾਂ ‘ਚੋਂ ਇੱਕ ਹਨ। ਜਿੱਥੇ ਮੈਂ ਆਪਣੀ ਮਾਂ ਦੇ ਨਾਲ ਆਪਣਾ ਬਚਪਨ ਇੱਕ ਵਾਰ ਫਿਰ ਤੋਂ ਮਹਿਸੂਸ ਕੀਤਾ। ਇਸ ਇੰਸਟਾ ਰੀਅਲ ਉੱਤੇ ਵੱਡੀ ਗਿਣਤੀ ‘ਚ ਲਾਈਕਸ ਅਤੇ ਕਮੈਂਟ ਆ ਚੁੱਕੇ ਹਨ।
ਪ੍ਰਭਾਸ ਨੇ ਸੈਫ ਲਈ ਭੇਜੀ ਬਰਿਆਨੀ, ਤਸਵੀਰ ਸਾਂਝੀ ਕਰ ਕਰੀਨਾ ਨੇ ਕੀਤਾ ਧੰਨਵਾਦ
NEXT STORY 
