ਨਵੀਂ ਦਿੱਲੀ (ਏਜੰਸੀ)- ਅਦਾਕਾਰ ਅਨਿਲ ਕਪੂਰ ਨੇ ਮੰਨਤ ਵਿਖੇ ਫਿਲਮ "ਤੇਜ਼ਾਬ" ਦੀ ਸ਼ੂਟਿੰਗ ਨੂੰ ਯਾਦ ਕਰਦੇ ਹੋਏ ਬੰਗਲੇ ਦੇ ਮਾਲਕ ਸ਼ਾਹਰੁਖ ਖਾਨ ਨਾਲ ਆਪਣੇ ਰਿਸ਼ਤੇ ਬਾਰੇ ਵੀ ਗੱਲ ਕੀਤੀ। ਸਟਾਰ ਪਲੱਸ ਦੇ ਰਿਐਲਿਟੀ ਸ਼ੋਅ "ਇੰਡੀਆ ਕੇ ਟਾਪ 1%" ਦੀ ਮੇਜ਼ਬਾਨੀ ਕਰ ਰਹੇ ਕਪੂਰ ਨੇ ਪ੍ਰਤੀਯੋਗੀਆਂ ਨਾਲ ਗੱਲਬਾਤ ਕੀਤੀ। ਇਸ ਦੌਰਾਨ ਉਹ ਚਰਚਾ ਕਰ ਰਹੇ ਸਨ ਕਿ 1 ਕਰੋੜ ਰੁਪਏ ਜਿੱਤਣ 'ਤੇ ਕੀ ਕਰਨਗੇ। ਇੱਕ ਪ੍ਰਤੀਯੋਗੀ ਨੇ ਕਿਹਾ ਕਿ ਉਹ ਸ਼ਾਹਰੁਖ ਦੇ ਬੰਗਲੇ ਮੰਨਤ ਵਰਗਾ ਘਰ ਖਰੀਦਣਾ ਚਾਹੇਗੀ। ਇਸ 'ਤੇ ਅਨਿਲ ਕਪੂਰ ਨੇ ਯਾਦ ਕੀਤਾ ਕਿ 1991 ਦੀ ਫਿਲਮ "ਬੇਨਾਮ ਬਾਦਸ਼ਾਹ" ਦੀ ਸ਼ੂਟਿੰਗ ਦੌਰਾਨ ਸ਼ਾਹਰੁਖ ਉਨ੍ਹਾਂ ਨੂੰ ਮਿਲਣ ਆਏ ਸਨ।
ਕਪੂਰ ਨੇ ਕਿਹਾ, "ਸ਼ਾਹਰੁਖ ਅਤੇ ਮੈਂ ਕਈ ਸਾਲਾਂ ਤੋਂ ਬਹੁਤ ਕਰੀਬੀ ਦੋਸਤ ਹਾਂ। ਜਦੋਂ ਮੈਂ 'ਬੇਨਾਮ ਬਾਦਸ਼ਾਹ' ਦੀ ਸ਼ੂਟਿੰਗ ਕਰ ਰਿਹਾ ਸੀ ਤਾਂ ਉਹ ਮੈਨੂੰ ਮਿਲਣ ਆਏ ਸਨ।" ਉਨ੍ਹਾਂ ਨੇ ਉਸ ਸਮੇਂ ਨੂੰ ਯਾਦ ਕੀਤਾ ਜਦੋਂ ਸ਼ਾਹਰੁਖ ਇਹ ਬੰਗਲਾ ਖਰੀਦਣਾ ਚਾਹੁੰਦੇ ਸਨ। ਕਪੂਰ ਨੇ ਕਿਹਾ, "ਅਸੀਂ ਕਾਰਟਰ ਰੋਡ 'ਤੇ ਮਿਲਦੇ ਸੀ, ਜਿੱਥੇ ਉਨ੍ਹਾਂ ਦਾ ਇੱਕ ਫਲੈਟ ਸੀ। ਉਨ੍ਹਾਂ ਦਾ ਵੀ ਸਮੁੰਦਰ ਦੇ ਕਿਨਾਰੇ ਇੱਕ ਸ਼ਾਨਦਾਰ ਬੰਗਲਾ ਖਰੀਦਣ ਦਾ ਸੁਪਨਾ ਸੀ ਅਤੇ ਉਨ੍ਹਾਂ ਨੇ ਆਪਣਾ ਉਹ ਸੁਪਨਾ ਪੂਰਾ ਕੀਤਾ। ਮੈਨੂੰ ਯਾਦ ਹੈ ਕਿ ਮੈਂ ਉਨ੍ਹਾਂ ਨੂੰ ਆਪਣੀਆਂ ਅੱਖਾਂ ਦੇ ਸਾਹਮਣੇ ਮੰਨਤ ਖਰੀਦਦੇ ਦੇਖਿਆ ਸੀ। ਮੰਨਤ ਨੂੰ ਸ਼ਾਹਰੁਖ ਦੇ ਖਰੀਦਣ ਤੋਂ ਪਹਿਲਾਂ ਅਸੀਂ ਉੱਥੇ 'ਤੇਜ਼ਾਬ' ਦੀ ਸ਼ੂਟਿੰਗ ਕਰ ਚੁੱਕੇ ਸੀ।" ਕਪੂਰ ਅਤੇ ਸ਼ਾਹਰੁਖ ਨੇ ਸੁਭਾਸ਼ ਘਈ ਦੀ 1995 ਦੀ ਫਿਲਮ 'ਤ੍ਰਿਮੂਰਤੀ' ਵਿੱਚ ਵੀ ਇਕੱਠੇ ਕੰਮ ਕੀਤਾ ਸੀ।
35,000 ਫੁੱਟ 'ਤੇ ਚੰਨ ਦਾ ਦੀਦਾਰ ! ਪਰੀਨੀਤੀ ਚੋਪੜਾ ਤੇ ਰਾਘਵ ਚੱਢਾ ਨੇ ਇੰਝ ਮਨਾਇਆ ਕਰਵਾ ਚੌਥ (ਵੀਡੀਓ)
NEXT STORY 
