ਮੁੰਬਈ (ਬਿਊਰੋ)– ‘ਦਿ ਕਪਿਲ ਸ਼ਰਮਾ ਸ਼ੋਅ’ ਨੂੰ ਲੈ ਕੇ ਲੋਕਾਂ ਦੀ ਦਿਲਚਸਪੀ ਹੁਣ ਘੱਟ ਹੁੰਦੀ ਜਾ ਰਹੀ ਹੈ। ਇਸ ਦੇ ਪਿੱਛੇ ਕਈ ਤਰ੍ਹਾਂ ਦੇ ਕਾਰਨ ਹਨ। ਪਹਿਲਾ ਕਾਰਨ ਇਹ ਹੈ ਕਿ ਸੁਪਰਸਟਾਰ ਅਰਚਨਾ ਪੂਰਨ ਸਿੰਘ ਨੂੰ ਲਗਾਤਾਰ ਟਾਰਗੇਟ ਕੀਤਾ ਜਾਂਦਾ ਹੈ। ਉਨ੍ਹਾਂ ਨੂੰ ਮਰਦਾਨਾ ਦੱਸਿਆ ਜਾਂਦਾ ਹੈ। ਉਨ੍ਹਾਂ ਨੂੰ ਕਈ ਵਾਰ ਪੈਸੇ ਲਈ ਟਰੋਲ ਕੀਤਾ ਜਾਂਦਾ ਹੈ।
ਇਸ ਤੋਂ ਇਲਾਵਾ ਇਹ ਵੀ ਕਿਹਾ ਜਾਂਦਾ ਹੈ ਕਿ ਉਹ ਕਾਊਚ ’ਤੇ ਬੈਠੇ ਰਹਿਣ ਦੇ ਪੈਸੇ ਲੈਂਦੀ ਹੈ। ਇਸ ਤੋਂ ਇਲਾਵਾ ਕਪਿਲ ਸ਼ਰਮਾ ਦੇ ਨਾਲ ਅਦਾਕਾਰੀ ਕਰਨ ਵਾਲੇ ਕੀਕੂ ਸ਼ਾਰਦਾ ਤੇ ਕ੍ਰਿਸ਼ਨਾ ਅਭਿਸ਼ੇਕ ਨਵਜੋਤ ਸਿੰਘ ਸਿੱਧੂ ਦਾ ਨਾਂ ਲੈ ਕੇ ਵੀ ਉਨ੍ਹਾਂ ਨੂੰ ਖਿਜਾਉਂਦੇ ਰਹਿੰਦੇ ਹਨ, ਜਦਕਿ ਅਰਚਨਾ ਪੂਰਨ ਸਿੰਘ ਇਨ੍ਹਾਂ ਸਾਰਿਆਂ ਨੂੰ ਹਲਕੇ ’ਚ ਲੈਂਦੀ ਹੈ। ਦੂਜੇ ਪਾਸੇ ਕ੍ਰਿਸ਼ਨਾ ਅਭਿਸ਼ੇਕ ਤੇ ਗੋਵਿੰਦਾ ਦੀ ਲੜਾਈ ਦਾ ਹੁਣ ਪ੍ਰਤੀਯੋਗੀ ਜੋਕ ਬਣਾਉਣ ਲੱਗੇ ਹਨ।
ਇਹ ਖ਼ਬਰ ਵੀ ਪੜ੍ਹੋ : ਰੇਡੀਓ 'ਚ ਇਸ ਕਾਰਨ ਰਿਜੈਕਟ ਹੋਏ ਸਨ ਅਮਿਤਾਭ ਬੱਚਨ, ਪਹਿਲੀ ਫ਼ਿਲਮ ਤੋਂ ਕਮਾਏ ਸੀ 5 ਹਜ਼ਾਰ ਰੁਪਏ
ਸ਼ੋਅ ’ਤੇ ਕਈ ਵਾਰ ਕ੍ਰਿਸ਼ਨਾ ਅਭਿਸ਼ੇਕ ਨੂੰ ਉਨ੍ਹਾਂ ਦੇ ਮਾਮਾ ਗੋਵਿੰਦਾ ਦਾ ਨਾਂ ਲੈਂਦੇ ਹੋਏ ਵੇਖਿਆ ਜਾਂਦਾ ਹੈ। ਇਸ ’ਤੇ ਕੀਕੂ ਸ਼ਰਦਾ ਤੇ ਕਪਿਲ ਕ੍ਰਿਸ਼ਨਾ ਨੂੰ ਕਹਿੰਦੇ ਹਨ ਕਿ ਉਹ ਖ਼ੁਦ ਹੀ ਪਛਾਣ ਬਣਾਉਣ ’ਚ ਅਸਫਲ ਹੈ ਤੇ ਉਹ ਆਪਣੇ ਮਾਮੇ ਦਾ ਨਾਂ ਵਰਤ ਰਹੇ ਹਨ। ਅਜਿਹਾ ਲੱਗਦਾ ਹੈ ਕਿ ਕਪਿਲ ਸ਼ਰਮਾ ਸ਼ੋਅ ’ਚ ਗੋਵਿੰਦਾ ਤੇ ਕ੍ਰਿਸ਼ਨਾ ਦੀ ਲੜਾਈ ਹੁਣ ਉਨ੍ਹਾਂ ਦੇ ਸ਼ੋਅ ਦਾ ਹਿੱਸਾ ਬਣ ਗਈ ਹੈ। ਉਥੇ ਸ਼ੋਅ ’ਚ ਚੰਦਨ ਪ੍ਰਭਾਕਰ ਨੂੰ ਟਰੋਲ ਕਰਕੇ ਉਨ੍ਹਾਂ ਨੂੰ ਨੈਪੋਟਿਜ਼ਮ ਦਾ ਪ੍ਰੋਡਕਟ ਦੱਸਿਆ ਜਾਂਦਾ ਹੈ। ਚੰਦਨ ਪ੍ਰਭਾਕਰ ਸ਼ੋਅ ’ਚ ਚੰਦੂ ਚਾਹ ਵਾਲਾ ਦੀ ਭੂਮਿਕਾ ਨਿਭਾਉਂਦੇ ਹਨ, ਜੋ ਕਿ ਕਪਿਲ ਸ਼ਰਮਾ ਦੇ ਬਚਪਨ ਦੇ ਦੋਸਤ ਹਨ। ਅਕਸ਼ੇ ਕੁਮਾਰ ਸ਼ੋਅ ’ਚ ਅਕਸਰ ਆਉਂਦੇ ਹਨ ਤੇ ਚੰਦਨ ਦੀ ਕੰਮ ਨਾ ਲੱਭ ਸਕਣ ਦੀ ਪ੍ਰਤਿਭਾ ’ਤੇ ਸਵਾਲੀਆ ਨਿਸ਼ਾਨ ਲਾਉਂਦੇ ਹਨ। ਕ੍ਰਿਸ਼ਨਾ ਅਭਿਸ਼ੇਕ ਤੇ ਕੀਕੂ ਸ਼ਾਰਦਾ ਵੀ ਉਨ੍ਹਾਂ ਨੂੰ ਇਸ ਗੱਲ ਨੂੰ ਲੈ ਕੇ ਪਰੇਸ਼ਾਨ ਕਰਦੇ ਹਨ।
ਇਹ ਖ਼ਬਰ ਵੀ ਪੜ੍ਹੋ : ‘ਹੌਂਸਲਾ ਰੱਖ’ ਦਾ ਗੀਤ ‘ਸ਼ੇਰ’ ਰਿਲੀਜ਼, 15 ਅਕਤੂਬਰ ਨੂੰ ਰਿਲੀਜ਼ ਹੋਵੇਗੀ ਫ਼ਿਲਮ
‘ਦਿ ਕਪਿਲ ਸ਼ਰਮਾ ਸ਼ੋਅ’ ’ਚ ਕਈ ਕਲਾਕਾਰਾਂ ਦੇ ਨਾਲ ਬਾਡੀ ਸ਼ੇਮਿੰਗ ਕੀਤੀ ਜਾਂਦੀ ਹੈ। ਇਸ ’ਚ ਕੀਕੂ ਸ਼ਾਰਦਾ ਤੇ ਸੁਮੋਨਾ ਚਕਰਵਰਤੀ ਦੀ ਬਾਡੀ ਸ਼ੇਮਿੰਗ ਵੀ ਸ਼ਾਮਲ ਹੈ। ਉਨ੍ਹਾਂ ਦੇ ਡ੍ਰੈਸਿੰਗ ਸੈਂਸ ਨੂੰ ਲੈ ਕੇ ਟਾਰਗੇਟ ਕੀਤਾ ਜਾਂਦਾ ਹੈ। ਇਸ ਤੋਂ ਪਹਿਲਾਂ ਮੁਕੇਸ਼ ਖੰਨਾ ਨੇ ਸ਼ੋਅ ਨੂੰ ਔਰਤਾਂ ਪ੍ਰਤੀ ਮੰਦਭਾਵਨਾ ਰੱਖਣ ਵਾਲਾ ਤੇ ਵਲਗਰ ਦੱਸਿਆ ਸੀ। ਕਪਿਲ ਸ਼ਰਮਾ ਦੇ ਜੋਕ ਵੀ ਕਾਫ਼ੀ ਰਿਪਿਟੇਟਿਵ ਨਜ਼ਰ ਆਉਂਦੇ ਹਨ। ਦੀਪਿਕਾ ਪਾਦੂਕੋਣ ਦਾ ਨਾਂ ਲਿਆ ਜਾਂਦਾ ਹੈ। ਇਸ ਕਾਰਨ ਕਈ ਵਾਰ ਕਪਿਲ ਸ਼ਰਮਾ ਪੁਰਾਣੇ ਜੋਕ ਸੁਣਾਉਂਦੇ ਨਜ਼ਰ ਆਉਂਦੇ ਹਨ।
ਉਥੇ ਸ਼ੋਅ ’ਚ ਕੋਈ ਵੀ ਔਰਤ ਮਹਿਮਾਨ ਆਉਣ ’ਤੇ ਕਪਿਲ ਸ਼ਰਮਾ ਫਲਰਟ ਕਰਦੇ ਨਜ਼ਰ ਆਉਂਦੇ ਹਨ। ਇਹ ਵੀ ਸ਼ੋਅ ਦਾ ਲਗਾਤਾਰ ਹਿੱਸਾ ਬਣਿਆ ਹੋਇਆ ਹੈ। ਇਸ ਕਾਰਨ ਅਜਿਹਾ ਮਾਲੂਮ ਹੁੰਦਾ ਹੈ ਕਿ ‘ਦਿ ਕਪਿਲ ਸ਼ਰਮਾ ਸ਼ੋਅ’ ਹੁਣ ਬੋਰੀਅਤ ਦੇ ਰਸਤੇ ਵੱਲ ਵੱਧ ਚੁੱਕਾ ਹੈ ਤੇ ਆਪਣੀ ਚਮਕ ਗੁਆ ਰਿਹਾ ਹੈ।
ਨੋਟ– ਇਸ ਖ਼ਬਰ ’ਤੇ ਤੁਹਾਡੀ ਕੀ ਰਾਏ ਹੈ? ਕੁਮੈਂਟ ਕਰਕੇ ਜ਼ਰੂਰ ਦੱਸੋ।
ਰੇਡੀਓ 'ਚ ਇਸ ਕਾਰਨ ਰਿਜੈਕਟ ਹੋਏ ਸਨ ਅਮਿਤਾਭ ਬੱਚਨ, ਪਹਿਲੀ ਫ਼ਿਲਮ ਤੋਂ ਕਮਾਏ ਸੀ 5 ਹਜ਼ਾਰ ਰੁਪਏ
NEXT STORY 
