ਮੁੰਬਈ : ਹਿੰਦੀ ਸਿਨੇਮਾ ਅਤੇ ਸੰਗੀਤ ਦੀ ਮਸ਼ਹੂਰ ਗਾਇਕਾ ਅਨੁਰਾਧਾ ਪੋਡਵਾਲ ਨੇ ਇਕ ਤੋਂ ਵੱਧ ਕੇ ਇਕ ਗਾਣੇ ਗਾਏ ਹਨ। ਉਹ ਹੁਣ ਭਜਨ ਅਤੇ ਭਗਤੀ ਵਾਲੇ ਗਾਣੇ ਗਾਉਂਦੀ ਹੈ ਪਰ ਇਕ ਸਮਾਂ ਅਜਿਹਾ ਸੀ, ਜਦੋਂ ਅਨੁਰਾਧਾ ਪੋਡਵਾਲ ਨੇ ਆਪਣੀ ਆਵਾਜ਼ ਦਾ ਜਾਦੂ ਹਿੰਦੀ ਫਿਲਮਾਂ ’ਚ ਵੀ ਦਿਖਾਇਆ ਸੀ। ਉਨ੍ਹਾਂ ਨੇ ਕਈ ਸਦਾਬਹਾਰ ਹਿੰਦੀ ਗਾਣੇ ਗਾਏ ਹਨ, ਜਿਨ੍ਹਾਂ ਨੂੰ ਸੰਗੀਤ ਪ੍ਰੇਮੀ ਅੱਜ ਵੀ ਖ਼ੂਬ ਪਸੰਦ ਕਰਦੇ ਹਨ। ਅਨੁਰਾਧਾ ਪੋਡਵਾਲ ਦਾ ਜਨਮ 27 ਅਕਤੂਬਰ, 1954 ਨੂੰ ਮੁੰਬਈ ’ਚ ਹੋਇਆ ਸੀ।
ਅਨੁਰਾਧਾ ਪੋਡਵਾਲ ਦਾ ਬਚਪਨ ਮੁੰਬਈ ’ਚ ਬੀਤਿਆ, ਜਿਸ ਕਾਰਨ ਉਨ੍ਹਾਂ ਦਾ ਰੁਝਾਨ ਸ਼ੁਰੂਆਤ ਤੋਂ ਫਿਲਮਾਂ ਵੱਲ ਰਿਹਾ ਸੀ। ਉਨ੍ਹਾਂ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਸਾਲ 1973 ਦੀ ਫਿਲਮ ‘ਅਭਿਮਾਨ’ ਨਾਲ ਕੀਤੀ ਸੀ। ਇਸ ਫਿਲਮ ’ਚ ਉਨ੍ਹਾਂ ਨੇ ਇਕ ਸ਼ਲੋਕ ਗੀਤ ਗਾਇਆ ਸੀ। ਇਸ ਸ਼ਲੋਕ ਨੂੰ ਆਰਡੀ ਬਰਮਨ ਨੇ ਕੰਪੋਜ਼ ਕੀਤਾ ਸੀ। ਇਸ ਤੋਂ ਬਾਅਦ ਅਨੁਰਾਧਾ ਪੋਡਵਾਲ ਨੇ ਸਾਲ 1976 ’ਚ ਫਿਲਮ ‘ਕਾਲੀਚਰਣ’ ’ਚ ਵੀ ਕੰਮ ਕੀਤਾ ਪਰ ਸਿੰਗਲ ਗਾਣੇ ਦੀ ਸ਼ੁਰੂਆਤ ਉਨ੍ਹਾਂ ਨੇ ਫਿਲਮ ‘ਆਪ ਬੀਤੀ’ ਨਾਲ ਕੀਤੀ ਸੀ। ਇਸ ਫਿਲਮ ਦਾ ਸੰਗੀਤ ਲਕਸ਼ਮੀਕਾਂਤ-ਪਿਆਰੇਲਾਲ ਨੇ ਦਿੱਤਾ, ਜਿਨ੍ਹਾਂ ਨਾਲ ਅਨੁਰਾਧਾ ਨੇ ਹੋਰ ਵੀ ਕਈ ਗਾਣੇ ਗਾਏ।
'ਜ਼ੀਰੋ' ਤੋਂ ਸ਼ੁਰੂ ਹੋ ਕੇ ਅਨੁਰਾਧਾ ਪੋਡਵਾਲ ਨੇ ਸਫ਼ਲਤਾ ਦਾ ਜੋ ਸ਼ਿਖ਼ਰ ਹਾਸਿਲ ਕੀਤਾ ਉਹ ਬਿਹਤਰੀਨ ਹੈ। ਉਹ ਸਾਲ 1987 ’ਚ ਟੀ-ਸੀਰੀਜ਼ ਅਤੇ ਸੁਪਰ ਕੈਸਿਟ ਮਿਊਜ਼ਿਕ ਕੰਪਨੀ ਨਾਲ ਜੁੜੀ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਸੰਗੀਤ ’ਚ ਸਫ਼ਲਤਾਵਾਂ ਦੇ ਨਵੇਂ ਸਾਧਨ ਹਾਸਿਲ ਕੀਤੇ। ਅਨੁਰਾਧਾ ਪੋਡਵਾਲ ਨੇ ਫਿਲਮ ‘ਸੜਕ’, ਆਸ਼ਿਕੀ', 'ਲਾਲ ਦੁਪੱਟਾ ਮਲਮਲ ਦਾ', 'ਬਹਾਰ ਆਨੇ ਤਕ', 'ਆਈ ਮਿਲਨ ਕੀ ਰਾਤ', 'ਦਿਲ ਹੈ ਕਿ ਮਾਨਤਾ ਨਹੀਂ', ਜਿਹੀਆਂ ਫਿਲਮਾਂ ਲਈ ਕਈ ਹਿੱਟ ਗਾਣੇ ਗਾਏ ਅਤੇ ਉਹ ਰਾਤੋ-ਰਾਤ ਮਸ਼ਹੂਰ ਹੋ ਗਈ।
ਹਿੰਦੀ ਸਿਨੇਮਾ ’ਚ ਔਰਤ ਗਾਇਕਾ ਦੇ ਨਾਮ ’ਤੇ ਸਿਰਫ਼ ਲਤਾ ਜੀ ਅਤੇ ਉਨ੍ਹਾਂ ਦੀ ਭੈਣ ਆਸ਼ਾ ਭੋਂਸਲੇ ਆਉਂਦੀਆਂ ਸਨ, ਪਰ ਬੈਕਗਰਾਊਂਡ ਸਿੰਗਰ ਅਨੁਰਾਧਾ ਪੋਡਵਾਲ ਨੇ ਵੀ ਆਪਣੀ ਖ਼ਾਸ ਥਾਂ ਬਣਾਈ। ਹਾਲਾਂਕਿ ਹੁਣ ਉਹ ਭਜਨ ਅਤੇ ਭਗਤੀ ਦੇ ਗੀਤ ਗਾਉਂਦੀਆਂ ਹਨ। ਬੀਤੇ ਮਹੀਨੇ 'ਦਿ ਕਪਿਲ ਸ਼ਰਮਾ' ਸ਼ੋਅ ’ਚ ਅਨੁਰਾਧਾ ਨੇ ਇਹ ਵੀ ਦੱਸਿਆ ਕਿ ਉਨ੍ਹਾਂ ਨੇ ਫਿਲਮਾਂ ’ਚ ਗਾਣੇ ਗਾਉਣਾ ਕਿਉਂ ਛੱਡ ਦਿੱਤਾ। ਉਨ੍ਹਾਂ ਨੇ ਕਿਹਾ, ਫਿਲਮ ਇੰਡਸਟਰੀ ’ਚ ਹਮੇਸ਼ਾ ਡਾਇਰੈਕਟਰਸ, ਪ੍ਰਡਿਊਸਰਸ ਜਾਂ ਕਿਸੀ ਫਿਲਮ ਦੇ ਹਿੱਟ ਹੋਣ ’ਤੇ ਜਾਂ ਹੀਰੋ-ਹਿਰੋਇਨ, ਉਨ੍ਹਾਂ ਦੇ ਮੂਡ ’ਤੇ ਗਾਣੇ ਮਿਲਦੇ ਹਨ ਤਾਂ ਥੋੜ੍ਹਾ ਜਿਹਾ ਮੈਨੂੰ ਇਹ ਇਨਸਕਿਓਰ ਲੱਗ ਰਿਹਾ ਸੀ ਅਤੇ ਭਗਤੀ-ਭਜਨ ਮੈਨੂੰ ਹਮੇਸ਼ਾ ਤੋਂ ਚੰਗਾ ਲੱਗਦਾ ਸੀ। ਇਸ ਲਈ ਮੈਂ ਬਾਲੀਵੁੱਡ ਨੂੰ ਛੱਡ ਕੇ ਭਜਨ, ਭਗਤੀ ਗੀਤ ਗਾਉਣੇ ਸ਼ੁਰੂ ਕਰ ਦਿੱਤੇ।
ਅਨੁਰਾਧਾ ਪੋਡਵਾਲ ਨੇ ਅੱਗੇ ਕਿਹਾ, ‘ਭਗਤੀ-ਭਜਨ ’ਚ ਸਾਡੇ ਕੋਲ ਬਹੁਤ ਸਾਰਾ ਮਟੀਰੀਅਲ ਹੈ। ਜੋ ਤੁਸੀਂ ਡੈਡੀਕੇਸ਼ਨ ਦੇ ਨਾ ਕਰੋ ਤਾਂ ਇੰਨਾ ਸਮਾਂ ਨਹੀਂ ਦੇ ਪਾਉਂਦੇ। ਮੇਰੇ ਹਿਸਾਬ ਨਾਲ ਪਾਪੂਲੈਰਿਟੀ ਦਾ ਪੀਕ ਜਿਸ ਸਮੇਂ ਸੀ, ‘ਆਸ਼ਕੀ', 'ਦਿਲ ਹੈ ਕਿ ਮਾਨਤਾ ਨਹੀਂ', ਇਹ ਸਾਰੀਆਂ ਫਿਲਮਾਂ ਹਿੱਟ ਹੋਈਆਂ। ਉਸ ਤੋਂ ਬਾਅਦ ਮੈਂ ਭਗਤੀ ਸੰਗੀਤ ਵੱਲ ਮੁੜ ਗਈ।’
ਐਮੀ ਵਿਰਕ ਤੇ ਜਗਦੀਪ ਸਿੱਧੂ ਵਲੋਂ ਨਵੇਂ ਪ੍ਰਾਜੈਕਟ ਦਾ ਐਲਾਨ, ਸਾਂਝੀ ਕੀਤੀ ਪਹਿਲੀ ਝਲਕ
NEXT STORY 
