ਮੁੰਬਈ (ਏਜੰਸੀ)- ਐਮਾਜ਼ਾਨ MGM ਸਟੂਡੀਓਜ਼ ਨੇ ਆਪਣੀ ਆਉਣ ਵਾਲੀ ਥੀਏਟਰ ਫਿਲਮ 'ਵਾਈਬ' ਦਾ ਨਵਾਂ ਟੀਜ਼ਰ ਪੋਸਟਰ ਜਾਰੀ ਕਰ ਦਿੱਤਾ ਹੈ। ਕੁਨਾਲ ਖੇਮੂ ਦੁਆਰਾ ਨਿਰਦੇਸ਼ਤ, ਇਹ ਹਾਈ-ਸਟੇਕਸ ਐਕਸ਼ਨ-ਕਾਮੇਡੀ ਫਿਲਮ ਆਪਣੇ ਅਨੋਖੇ ਕਿਰਦਾਰਾਂ ਅਤੇ ਦਿਲਚਸਪ ਕਹਾਣੀ ਦੇ ਨਾਲ ਦਰਸ਼ਕਾਂ ਵਿਚਕਾਰ ਉਤਸ਼ਾਹ ਪੈਦਾ ਕਰ ਰਹੀ ਹੈ। ਨਵੇਂ ਪੋਸਟਰ ਵਿੱਚ ਪ੍ਰੀਤੀ ਜ਼ਿੰਟਾ ਇੱਕ ਦਮਦਾਰ ਬੌਸ-ਲੇਡੀ ਦੇ ਅੰਦਾਜ਼ ਵਿੱਚ ਨਜ਼ਰ ਆ ਰਹੀ ਹੈ, ਜਦੋਂ ਕਿ ਕੁਨਾਲ ਖੇਮੂ, ਸਪਰਸ਼ ਸ਼੍ਰੀਵਾਸਤਵ ਅਤੇ ਵੰਸ਼ਿਕਾ ਧੀਰ ਕਾਫੀ ਪਰੇਸ਼ਾਨ ਦਿਖਾਈ ਦੇ ਰਹੇ ਹਨ।
'ਵਾਈਬ' ਦੀ ਕਹਾਣੀ 2 ਸਭ ਤੋਂ ਚੰਗੇ ਦੋਸਤਾਂ ਦੇ ਆਲੇ-ਦੁਆਲੇ ਘੁੰਮਦੀ ਹੈ, ਜਿਨ੍ਹਾਂ ਦੀ ਸਾਦੀ ਜ਼ਿੰਦਗੀ ਅਚਾਨਕ ਇੱਕ ਹਾਈ-ਐਨਰਜੀ ਐਡਵੈਂਚਰ ਵਿੱਚ ਬਦਲ ਜਾਂਦੀ ਹੈ। ਇਹ ਸਫਰ ਨਾ ਸਿਰਫ਼ ਉਨ੍ਹਾਂ ਦੀ ਜਾਨ ਬਚਾਉਣ ਦੀ ਕਾਬੀਲੀਅਤ ਦੀ ਪਰਖ ਕਰਦਾ ਹੈ, ਸਗੋਂ ਉਨ੍ਹਾਂ ਦੀ ਦੋਸਤੀ ਦੀ ਵੀ ਪਰਖ ਕਰਦਾ ਹੈ। ਕੁਨਾਲ ਖੇਮੂ ਨੇ ਫਿਲਮ ਲਿਖੀ ਅਤੇ ਨਿਰਦੇਸ਼ਤ ਕੀਤੀ ਹੈ। ਇਹ ਫਿਲਮ ਡ੍ਰੋਂਗੋ ਫਿਲਮਜ਼ ਦੇ ਬੈਨਰ ਹੇਠ ਕੁਨਾਲ ਖੇਮੂ ਅਤੇ ਚਿਰਾਗ ਨਿਹਲਾਨੀ ਦੁਆਰਾ ਬਣਾਈ ਗਈ ਹੈ। ਇਸ ਫਿਲਮ ਵਿੱਚ ਕੁਨਾਲ ਖੇਮੂ ਦੇ ਨਾਲ ਪ੍ਰੀਤੀ ਜ਼ਿੰਟਾ, ਸਪਰਸ਼ ਸ਼੍ਰੀਵਾਸਤਵ ਅਤੇ ਵੰਸ਼ਿਕਾ ਧੀਰ ਮੁੱਖ ਭੂਮਿਕਾਵਾਂ ਵਿੱਚ ਹਨ। ਐਮਾਜ਼ਾਨ MGM ਸਟੂਡੀਓਜ਼ ਦੀ ਇਹ ਫਿਲਮ 18 ਸਤੰਬਰ ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ।
ਟੁੱਟਣ ਤੋਂ ਬਚ ਗਿਆ 40 ਸਾਲ ਪੁਰਾਣਾ ਰਿਸ਼ਤਾ, ਸੁਨੀਤਾ ਆਹੂਜਾ ਨੇ ਤਲਾਕ ਦੀ ਅਰਜ਼ੀ ਲਈ ਵਾਪਸ
NEXT STORY 
