ਮੁੰਬਈ (ਬਿਊਰੋ) : ਬਾਲੀਵੁੱਡ ਅਦਾਕਾਰਾ ਉਰਵਸ਼ੀ ਰੌਤੇਲਾ ਨੇ ਮਿਲਖਾ ਸਿੰਘ ਨਾਲ ਇਕ ਵੀਡੀਓ ਸਾਂਝਾ ਕੀਤਾ ਹੈ। ਇਸ ਵੀਡੀਓ 'ਚ ਉਰਵਸ਼ੀ ਰੌਤੇਲਾ ਮਿਲਖਾ ਸਿੰਘ ਦੇ ਪੈਰੀਂ ਹੱਥ ਲਾਉਂਦਿਆਂ ਨਜ਼ਰ ਆ ਰਹੀ ਹੈ। ਵੀਡਿਓ ਨੂੰ ਸਾਂਝਾ ਕਰਦਿਆਂ ਉਰਵਸ਼ੀ ਨੇ ਲਿਖਿਆ, 'ਖ਼ੁਦ ਦੌੜਾਕ ਹੋਣ ਕਰਕੇ ਦੰਤਕਥਾ ਮਿਲਖਾ ਸਿੰਘ ਸਰ ਨੂੰ ਮਿਲਣ ਦਾ ਤਜਰਬਾ ਬਹੁਤ ਹੀ ਅਵਿਸ਼ਵਾਸ਼ਯੋਗ ਅਤੇ ਚਮਤਕਾਰੀ ਸੀ।' ਉਰਵਸ਼ੀ ਫ਼ਿਰ ਮਿਲਖਾ ਸਿੰਘ ਨਾਲ ਤਸਵੀਰਾਂ ਕਲਿੱਕ ਕਰਵਾਉਂਦੀ ਹੈ। ਇਸ ਸਮੇਂ ਦੌਰਾਨ ਉਰਵਸ਼ੀ ਨੇ ਇਕ ਐਨੀਮਲ ਪ੍ਰਿੰਟ ਜੰਪਸੂਟ ਅਤੇ ਨੀਲੇ ਰੰਗ ਦੀ ਜੈਕੇਟ ਪਾਈ ਹੋਈ ਸੀ।
ਦੱਸ ਦੇਈਏ ਕਿ ਮਿਲਖਾ ਸਿੰਘ ਨਾਲ ਉਰਵਸ਼ੀ ਰੌਤੇਲਾ ਦੀਆਂ ਇਹ ਤਸਵੀਰਾਂ ਕਾਫ਼ੀ ਵਾਇਰਲ ਹੋ ਰਹੀਆਂ ਹਨ ਅਤੇ ਲੋਕ ਵੀ ਇਨ੍ਹਾਂ ਤਸਵੀਰਾਂ ਦੇ ਥੱਲੇ ਖ਼ੂਬ ਕੁਮੈਂਟ ਵੀ ਕਰ ਰਹੇ ਹਨ। ਹਾਲ ਹੀ 'ਚ ਉਰਵਸ਼ੀ ਅਰਬ ਫੈਸ਼ਨ ਵੀਕ 'ਚ ਸ਼ੋਅਸਟੋਪਰ ਬਣਨ ਵਾਲੀ ਪਹਿਲੀ ਭਾਰਤੀ ਮਹਿਲਾ ਬਣੀ।
ਰਿਤਿਕ ਰੌਸ਼ਨ ਨਾਲ ਨਾਮ ਜੋੜੇ ਜਾਣ 'ਤੇ ਹੋਈ ਸੀ ਦੁੱਖੀ
ਕੁਝ ਦਿਨ ਪਹਿਲਾਂ ਉਰਵਸ਼ੀ ਰੌਤੇਲਾ ਨੇ ਰਿਤਿਕ ਨਾਲ ਨਾਮ ਜੁੜਨ 'ਤੇ ਕਿਹਾ ਸੀ, 'ਮੇਰੇ 'ਤੇ ਬਹੁਤ ਸਾਰੇ ਝੂਠੇ ਇਲਜ਼ਾਮ ਲੱਗੇ ਸਨ ਕਿ ਮੈਂ ਰਿਤਿਕ ਰੋਸ਼ਨ ਨਾਲ ਦੁਪਹਿਰ 2 ਵਜੇ ਤੋਂ 4 ਵਜੇ ਤਕ ਫੋਨ 'ਤੇ ਗੱਲ ਕਰਦੀ ਸੀ। ਇਹ ਝੂਠੇ ਇਲਜ਼ਾਮ ਮਸ਼ਹੂਰ ਹਸਤੀਆਂ ਨੂੰ ਨੁਕਸਾਨ ਪਹੁੰਚਾਉਂਦੇ ਹਨ। ਭਾਵੇਂ ਉਹ ਸਟਾਰ ਕਿਡ ਹੋਵੇ ਜਾਂ ਬਾਹਰਲਾ ਵਿਅਕਤੀ।
ਮਹੱਤਵਪੂਰਨ ਗੱਲ ਜੋ ਮੈਂ ਵੇਖਦੀ ਹਾਂ ਉਹ ਇਹ ਹੈ ਕਿ ਇਸ ਕਿਸਮ ਦੀਆਂ ਕਹਾਣੀਆਂ ਸਟਾਰ ਕਿਡਜ਼ ਲਈ ਕਦੇ ਨਹੀਂ ਹੁੰਦੀਆਂ ਹਨ। ਮੈਂ ਰਿਤਿਕ ਅਤੇ ਉਸ ਦੇ ਕੰਮ ਦੀ ਪ੍ਰਸ਼ੰਸਕ ਹਾਂ ਪਰ ਇਸ ਦਾ ਮਤਲਬ ਇਹ ਨਹੀਂ ਹੈ ਕਿ ਮੇਰੇ ਕੋਲ ਉਨ੍ਹਾਂ ਲਈ ਪਿਆਰ ਦਾ ਐਂਗਲ ਹੈ। ਇਹ ਚੀਜ਼ਾਂ ਮਾਨਸਿਕ ਸਿਹਤ ਵਾਲੇ ਲੋਕਾਂ ਨੂੰ ਪ੍ਰਭਾਵਿਤ ਕਰਦੀਆਂ ਹਨ ਅਤੇ ਸ਼ਾਇਦ ਸੁਸ਼ਾਂਤ ਨਾਲ ਵੀ ਇਹ ਹੀ ਵਾਪਰੀਆਂ ਹੋਣ।'
ਉਰਵਸ਼ੀ ਰੌਤੇਲਾ ਦੀ ਪੇਸ਼ੇਵਰ ਜ਼ਿੰਦਗੀ ਬਾਰੇ ਗੱਲ ਕਰੀਏ ਤਾਂ ਉਹ ਆਖ਼ਰੀ ਵਾਰ 'ਵਰਜਿਨ ਭਾਨੂਪ੍ਰਿਆ' ਨਾਮ ਦੀ ਇਕ ਕਾਮੇਡੀ-ਡਰਾਮੇ ਫ਼ਿਲਮ 'ਚ ਨਜ਼ਰ ਆਈ ਸੀ। ਗੌਤਮ ਗੁਲਾਟੀ ਅਤੇ ਅਰਚਨਾ ਪੂਰਨ ਸਿੰਘ ਨੇ ਵੀ ਇਸ 'ਚ ਅਹਿਮ ਭੂਮਿਕਾਵਾਂ ਨਿਭਾਈਆਂ। ਫਿਲਹਾਲ ਉਰਵਸ਼ੀ ਆਪਣੀ ਆਉਣ ਵਾਲੀ ਤੇਲਗੂ ਫ਼ਿਲਮ 'ਬਲੈਕ ਰੋਜ਼' ਦੀ ਸ਼ੂਟਿੰਗ 'ਚ ਰੁੱਝੀ ਹੋਈ ਹੈ।
ਕੁਸ਼ਤੀ 'ਚ ਦੁਨੀਆ ਦੇ ਪਹਿਲਵਾਨਾਂ ਨੂੰ ਧੂੜ ਚਟਾ ਕੇ 'ਰੁਸਤਮ-ਏ-ਹਿੰਦ' ਦਾ ਖ਼ਿਤਾਬ ਪਾਉਣ ਵਾਲੇ ਦਾਰਾ ਸਿੰਘ ਦਾ ਰੌਚਕ ਸਫ਼ਰ
NEXT STORY 
