ਐਂਟਰਟੇਨਮੈਂਟ ਡੈਸਕ : ਪੰਜਾਬੀ ਫ਼ਿਲਮ 'ਬੰਬੂਕਾਟ' ਦੀ ਮਸ਼ਹੂਰ ਅਦਾਕਾਰਾ ਸ਼ੀਤਲ ਠਾਕੁਰ ਦੇ ਘਰ ਬਹੁਤ ਜਲਦ ਬੱਚੇ ਦੀਆਂ ਕਿਲਕਾਰੀਆਂ ਗੂੰਜਣ ਵਾਲੀਆਂ ਹਨ। ਹਾਲ ਹੀ 'ਚ ਸ਼ੀਤਲ ਦੀ ਗੋਦ ਭਰਾਈ ਦੀ ਰਸਮ ਕੀਤੀ ਗਈ, ਜਿਸ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਕਾਫ਼ੀ ਵਾਇਰਲ ਹੋ ਰਹੀਆਂ ਹਨ। ਇਸ ਦੌਰਾਨ ਸ਼ੀਤਲ ਤੇ ਪਤੀ ਵਿਕਰਾਤ ਮੈਸੀ ਦੇ ਚਿਹਰੇ 'ਤੇ ਮਾਪੇ ਬਣਨ ਦਾ ਨੂਰ ਸਾਫ਼ ਨਜ਼ਰ ਆ ਰਿਹਾ ਸੀ।
ਦੱਸ ਦਈਏ ਕਿ ਮਾਪੇ ਬਣਨ ਦੀ ਖ਼ੁਸ਼ਖਬਰੀ ਵਿਕਰਾਂਤ ਮੈਸੀ ਤੇ ਸ਼ੀਤਲ ਠਾਕੁਰ ਨੇ ਸਤੰਬਰ ਮਹੀਨੇ 'ਚ ਸੋਸ਼ਲ ਮੀਡੀਆ 'ਤੇ ਫੈਨਜ਼ ਨਾਲ ਸਾਂਝੀ ਕੀਤੀ ਸੀ। ਉਨ੍ਹਾਂ ਨੇ ਇਕ ਪੋਸਟ ਸ਼ੇਅਰ ਕਰਕੇ ਇਸ ਖ਼ੁਸ਼ਖਬਰੀ ਦਾ ਐਲਾਨ ਕੀਤਾ ਸੀ।
ਦੱਸ ਦਈਏ ਕਿ ਵਿਕਰਾਤ ਮੈਸੀ ਤੇ ਸ਼ੀਤਲ ਠਾਕੁਰ ਜਲਦ ਹੀ ਆਪਣੇ ਆਉਣ ਵਾਲੇ ਪਹਿਲੇ ਬੱਚੇ ਦੀ ਤਿਆਰੀ ਕਰ ਰਹੇ ਹਨ। ਇਸ ਨਾਲ ਹੀ ਉਨ੍ਹਾਂ ਦਾ ਇਹ ਬੱਚਾ ਕਦੋ ਦੁਨੀਆ ’ਚ ਆਉਣ ਵਾਲਾ ਹੈ, ਇਸ ਗੱਲ ਦੀ ਵੀ ਜਾਣਕਾਰੀ ਦਿੱਤੀ ਹੈ।
ਪੋਸਟ ਸ਼ੇਅਰ ਕਰਦੇ ਹੋਏ ਵਿਕਰਾਂਤ ਨੇ ਕੈਪਸ਼ਨ 'ਚ ਲਿਖਿਆ ਸੀ,‘ਅਸੀਂ ਆਪਣਾ ਪਹਿਲਾ ਬੇਬੀ ਸਵੀਕਾਰ ਕਰ ਰਹੇ ਹਨ। ਬੇਬੀ 2024 ’ਚ ਆਵੇਗਾ। ਇਸ ਪੋਸਟ ਨਾਲ ਹੀ ਉਨ੍ਹਾਂ ਨੇ ਆਪਣੀ ਤੇ ਸ਼ੀਤਲ ਠਾਕੁਰ ਦੇ ਵਿਆਹ ਵਾਲੀ ਤਸਵੀਰ ਤੇ ਉਸ ਨਾਲ ਸੈਫਟੀ ਪਿਨ ਨਾਲ ਬਣਾਈ ਗਈ ਇਕ ਸੁੰਦਰ ਜਿਹੀ ਤਸਵੀਰ ਸ਼ੇਅਰ ਕੀਤੀ ਸੀ।
ਦੱਸਣਯੋਗ ਹੈ ਕਿ ਵਿਕਰਾਂਤ ਤੇ ਸ਼ੀਤਲ ਨੇ ਵਿਆਹ ਤੋਂ ਪਹਿਲੇ ਕਰੀਬ ਸੱਤ ਸਾਲ ਤਕ ਇਕ-ਦੂਜੇ ਨੂੰ ਡੇਟ ਕੀਤਾ ਸੀ। ਇਸ ਤੋਂ ਬਾਅਦ ਦੋਵਾਂ ਨੇ ਸਾਲ 2019 ’ਚ ਕੁੜਮਾਈ ਕਰਵਾਈ ਤੇ ਫਰਵਰੀ 2022 ’ਚ ਵਿਆਹ ਕਰਵਾਇਆ ਸੀ।
ਇਨ੍ਹਾਂ ਦੋਵਾਂ ਦੀ ਮੁਲਾਕਾਤ ਵੈੱਬ ਸ਼ੋਅ ‘ਬ੍ਰੋਕਨ ਬਟ ਬਿਊਟੀਫੁਲ’ ਦੇ ਸੈੱਟ ’ਤੇ ਹੋਈ ਸੀ।
ਰਿਤਿਕ, ਦੀਪਿਕਾ ਤੇ ਅਨਿਲ ਤੋਂ ਬਾਅਦ ‘ਫਾਈਟਰ’ ਤੋਂ ਕਰਨ ਸਿੰਘ ਗਰੋਵਰ ਦੀ ਲੁੱਕ ਆਈ ਸਾਹਮਣੇ
NEXT STORY 
