ਮੁੰਬਈ (ਏਜੰਸੀ)- ਨੌਜਵਾਨ ਅਦਾਕਾਰ ਵਿਵਾਨ ਸ਼ਰਮਾ ਹਾਲ ਹੀ ਵਿੱਚ ਆਈ ਸੀਰੀਜ਼ "ਰਾਖ" ਵਿੱਚ ਸਾਹਿਲ ਦੀ ਭੂਮਿਕਾ ਲਈ ਸੁਰਖੀਆਂ ਵਿੱਚ ਹੈ। ਸਿਰਫ਼ 14 ਸਾਲ ਦੀ ਉਮਰ ਵਿੱਚ, ਵਿਵਾਨ ਨੇ ਆਪਣੇ ਪ੍ਰਭਾਵਸ਼ਾਲੀ ਪ੍ਰਦਰਸ਼ਨ ਨਾਲ ਦਰਸ਼ਕਾਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ ਹੈ। ਸ਼ਰਮਾ ਪਹਿਲਾਂ "ਚੱਲ ਜ਼ਿਦੰਗੀ," "ਸੋਸ਼ਲ ਮੰਡੀਆ," ਅਤੇ ਵੈੱਬ ਸੀਰੀਜ਼ "ਸ਼ਹਿਰ ਲਖੋਟ" ਵਿੱਚ ਆਪਣੀ ਅਦਾਕਾਰੀ ਦਾ ਹੁਨਰ ਦਿਖਾ ਚੁੱਕਾ ਹੈ। ਉਹ ਕਈ ਵੱਕਾਰੀ ਬ੍ਰਾਂਡ ਮੁਹਿੰਮਾਂ ਦਾ ਹਿੱਸਾ ਵੀ ਰਿਹਾ ਹੈ। ਉਸਦੀ ਸ਼ਾਰਟ ਫਿਲਮ "ਟੈੱਲ ਮੀ ਵ੍ਹਾਇ?" ਨੂੰ ਵੱਖ-ਵੱਖ ਫਿਲਮ ਫੈਸਟੀਵਲਾਂ ਵਿੱਚ ਪ੍ਰਸ਼ੰਸਾ ਮਿਲੀ ਸੀ।
1978 ਦੇ ਬਦਨਾਮ ਰੰਗਾ-ਬਿੱਲਾ ਕੇਸ ਤੋਂ ਪ੍ਰੇਰਿਤ ਸੀਰੀਜ਼ "ਰਾਖ" ਵਿੱਚ ਵਿਵਾਨ ਸਾਹਿਲ ਦਾ ਕਿਰਦਾਰ ਨਿਭਾਇਆ ਹੈ। ਕਹਾਣੀ ਇੱਕ ਅਜਿਹੇ ਮਾਸੂਮ ਬੱਚੇ ਦੇ ਆਲੇ-ਦੁਆਲੇ ਘੁੰਮਦੀ ਹੈ, ਜੋ ਆਪਣੀ ਭੈਣ ਦੇ ਨਾਲ, ਇੱਕ ਅਣਜਾਣ ਵਾਹਨ 'ਤੇ ਸਵਾਰ ਹੋਣ ਤੋਂ ਬਾਅਦ ਭਿਆਨਕ ਘਟਨਾਵਾਂ ਦਾ ਸਾਹਮਣਾ ਕਰਦਾ ਹੈ। ਵਿਵਾਨ ਨੇ ਇਸ ਚੁਣੌਤੀਪੂਰਨ ਭੂਮਿਕਾ ਨੂੰ ਸੰਵੇਦਨਸ਼ੀਲਤਾ ਨਾਲ ਨਿਭਾਇਆ ਹੈ। ਰਿਲੀਜ਼ ਤੋਂ ਬਾਅਦ "ਰਾਖ" ਨੂੰ ਦਰਸ਼ਕਾਂ ਤੋਂ ਸਕਾਰਾਤਮਕ ਹੁੰਗਾਰਾ ਮਿਲਿਆ ਹੈ। ਵਿਵਾਨ ਦੇ ਕਈ ਦ੍ਰਿਸ਼ ਸੋਸ਼ਲ ਮੀਡੀਆ 'ਤੇ ਚਰਚਾ ਦਾ ਵਿਸ਼ਾ ਬਣ ਗਏ ਹਨ, ਜਿੱਥੇ ਦਰਸ਼ਕ ਉਸਦੀ ਅਦਾਕਾਰੀ ਦੀ ਪ੍ਰਸ਼ੰਸਾ ਕਰ ਰਹੇ ਹਨ। ਇਸ ਸੀਰੀਜ਼ ਵਿੱਚ ਵਿਵਾਨ ਨੇ ਅਲੀ ਫਜ਼ਲ, ਸੋਨਾਲੀ ਬੇਂਦਰੇ, ਆਮਿਰ ਬਸ਼ੀਰ ਅਤੇ ਰਾਕੇਸ਼ ਬੇਦੀ ਵਰਗੇ ਤਜ਼ਰਬੇਕਾਰ ਕਲਾਕਾਰਾਂ ਨਾਲ ਕੰਮ ਕਰ ਰਿਹਾ ਹੈ।
ਹਾਰਰ ਫਿਲਮ 'ਰੂਹ' 'ਚ ਨਜ਼ਰ ਆਉਣਗੇ ਇਮਰਾਨ ਹਾਸ਼ਮੀ
NEXT STORY 
