ਮਨੋਰੰਜਨ ਡੈਸਕ - ਸੁਨੀਲ ਸ਼ੈੱਟੀ ਦਾ ਪੁੱਤਰ ਅਹਾਨ ਸ਼ੈੱਟੀ ਜਲਦੀ ਹੀ ਆਪਣੀ ਦੂਜੀ ਫਿਲਮ, "ਬਾਰਡਰ 2" ਨਾਲ ਵੱਡੇ ਪਰਦੇ 'ਤੇ ਵਾਪਸੀ ਕਰੇਗਾ। 1971 ਦੀ ਭਾਰਤ-ਪਾਕਿ ਜੰਗ 'ਤੇ ਆਧਾਰਿਤ, ਉਹ ਇਸ ਫਿਲਮ ਵਿਚ ਇਕ ਨੇਵੀ ਅਫਸਰ ਦੀ ਭੂਮਿਕਾ ਨਿਭਾਉਂਦਾ ਨਜ਼ਰ ਆਵੇਗਾ। ਫਿਲਮ ਦਾ ਟ੍ਰੇਲਰ ਰਿਲੀਜ਼ ਹੋ ਗਿਆ ਹੈ ਅਤੇ ਉਸ ਦੇ ਪ੍ਰਦਰਸ਼ਨ ਨੂੰ ਖੂਬ ਪਸੰਦ ਕੀਤਾ ਗਿਆ ਹੈ।
ਇਸ ਦੌਰਾਨ ਹਾਲ ਹੀ ਵਿਚ ਆਪਣੀ ਫਿਲਮ "ਬਾਰਡਰ 2" ਦਾ ਪ੍ਰਚਾਰ ਕਰਦੇ ਹੋਏ, ਅਹਾਨ ਸ਼ੈੱਟੀ ਨੇ ਇਸ ਬਾਰੇ ਗੱਲ ਕੀਤੀ ਕਿ ਹਿੰਦੀ ਫਿਲਮ ਇੰਡਸਟਰੀ ਵਿਚ ਅਦਾਕਾਰਾਂ ਪ੍ਰਤੀ ਲੋਕਾਂ ਦੀ ਧਾਰਨਾ ਕਿਵੇਂ ਬਦਲ ਰਹੀ ਹੈ। ਉਸ ਨੇ ਇਹ ਵੀ ਦੱਸਿਆ ਕਿ ਕਿਵੇਂ ਸੋਸ਼ਲ ਮੀਡੀਆ 'ਤੇ ਲੋਕ ਉਸਦੀ ਤੁਲਨਾ ਦੂਜੇ ਅਦਾਕਾਰਾਂ ਨਾਲ ਕਰਕੇ ਪਾੜਾ ਪਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ।
ਇਸ ਅਦਾਕਾਰ ਨਾਲ ਹੋ ਰਹੀ ਹੈ ਅਹਾਨ ਸ਼ੈੱਟੀ ਦੀ ਤੁਲਨਾ
ਮਿਲੀ ਜਾਣਕਾਰੀ ਅਨੁਸਾਰ ਇਕ ਨਿਊਜ਼ ਏਜੰਸੀ ਨੂੰ ਦਿੱਤੇ ਇਕ ਇੰਟਰਵਿਊ 'ਚ ਗੱਲਬਾਤ ਦੌਰਾਨ ਅਹਾਨ ਸ਼ੈੱਟੀ ਨੇ ਖੁਲਾਸਾ ਕੀਤਾ ਕਿ ਲੋਕਾਂ ਨੇ ਉਸਦੀ ਤੁਲਨਾ "ਸੈਯਾਰਾ" ਦੇ ਅਦਾਕਾਰ ਅਹਾਨ ਪਾਂਡੇ ਨਾਲ ਕਰਨੀ ਸ਼ੁਰੂ ਕਰ ਦਿੱਤੀ ਹੈ। "ਬਾਰਡਰ 2" ਦੇ ਅਦਾਕਾਰ ਨੇ ਕਿਹਾ, "ਅੱਜ ਕੱਲ੍ਹ, ਲੋਕ 2-3 ਸਕਿੰਟ ਦੀ ਕਲਿੱਪ ਦੇਖਣ ਤੋਂ ਬਾਅਦ ਪ੍ਰਤੀਕਿਰਿਆ ਦਿੰਦੇ ਹਨ। ਮੇਰੀ ਪੀੜ੍ਹੀ ਵਿਚ ਇਹੀ ਹੋ ਰਿਹਾ ਹੈ। ਉਹ ਸਾਨੂੰ ਇਕ-ਦੂਜੇ ਦੇ ਵਿਰੁੱਧ ਖੜ੍ਹਾ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ। ਮੈਨੂੰ ਪਤਾ ਹੈ ਕਿ ਮੇਰੇ ਅਤੇ ਅਹਾਨ ਪਾਂਡੇ ਵਿਚਕਾਰ ਤੁਲਨਾ ਕੀਤੀ ਜਾ ਰਹੀ ਹੈ।"
ਇਸ ਦੌਰਾਨ ਉਨ੍ਹਾਂ ਦਾ ਕਹਿਣਾ ਹੈ, "ਮੈਂ ਉਸ ਨੂੰ ਚੰਗੀ ਤਰ੍ਹਾਂ ਜਾਣਦਾ ਹਾਂ। ਮੈਨੂੰ ਪਤਾ ਹੈ ਕਿ ਉਸ ਨੇ ਆਪਣੀ ਫਿਲਮ ਦੀ ਤਿਆਰੀ ਵਿਚ ਕਿੰਨੀ ਮਿਹਨਤ ਕੀਤੀ। ਸਾਡੇ ਵਿਚਾਲੇ ਕੋਈ ਮੁਕਾਬਲਾ ਨਹੀਂ ਹੈ। ਸਾਡੇ ਦੋਵਾਂ ਦਾ ਆਪਣਾ ਕਰੀਅਰ ਹੈ। ਸਾਡਾ ਇਕ-ਦੂਜੇ ਲਈ ਪਿਆਰ ਅਤੇ ਸਤਿਕਾਰ ਹੈ ਅਤੇ ਅਸੀਂ ਚਾਹੁੰਦੇ ਹਾਂ ਕਿ ਲੋਕ ਇਹ ਦੇਖਣ। ਅਸੀਂ ਇਕੋ ਇੰਡਸਟਰੀ ਤੋਂ ਹਾਂ; ਸੋਸ਼ਲ ਮੀਡੀਆ ਨੇ ਸਾਰਿਆਂ ਨੂੰ ਵੰਡ ਦਿੱਤਾ ਹੈ। ਇਸੇ ਲਈ ਤੁਹਾਨੂੰ ਇਕ-ਦੂਜੇ ਲਈ ਸਾਡਾ ਸਮਰਥਨ ਦਿਖਾਈ ਨਹੀਂ ਦਿੰਦਾ।"
ਨੈਪੋਟਿਜ਼ਮ ਦੇ ਮੁੱਦੇ ਦਰਮਿਆਨ ਜਰਨੀ ਸੌਖੀ ਨਹੀਂ
ਦੱਸ ਦਈਏ ਕਿ ਅਹਾਨ ਸ਼ੈੱਟੀ ਨੇ ਇਕ ਵਾਰ ਫਿਰ ਭਾਈ-ਭਤੀਜਾਵਾਦ ਦੇ ਮੁੱਦੇ ਬਾਰੇ ਖੁੱਲ੍ਹ ਕੇ ਗੱਲ ਕੀਤੀ ਅਤੇ ਖੁਲਾਸਾ ਕੀਤਾ ਕਿ 2021 ਵਿਚ "ਤੜਪ" ਰਿਲੀਜ਼ ਹੋਣ 'ਤੇ ਇਸ ਵਿਸ਼ੇ ਕਾਰਨ ਉਸ ਨੂੰ ਕਿੰਨਾ ਕੁਝ ਸਹਿਣਾ ਪਿਆ। ਅਦਾਕਾਰ ਨੇ ਕਿਹਾ, "2021 ਵਿਚ ਮੇਰੀ ਫਿਲਮ "ਤੜਪ" ਰਿਲੀਜ਼ ਹੋਣ ਤੋਂ ਬਾਅਦ ਇਹ ਇਕ ਲੰਮਾ ਸਫ਼ਰ ਰਿਹਾ ਹੈ। ਇਹ ਆਸਾਨ ਨਹੀਂ ਸੀ, ਕਿਉਂਕਿ ਭਾਈ-ਭਤੀਜਾਵਾਦ ਦੀ ਬਹਿਸ ਪੂਰੀ ਦੁਨੀਆ ਵਿਚ ਚੱਲ ਰਹੀ ਸੀ। ਮੇਰੇ ਪਿਤਾ ਇਕ ਅਦਾਕਾਰ ਹਨ ਅਤੇ ਮੈਂ ਵੀ ਇਕ ਬਣਨ ਦੀ ਇੱਛਾ ਰੱਖਦਾ ਹਾਂ। ਮੇਰਾ ਮੰਨਣਾ ਹੈ ਕਿ ਤੁਹਾਨੂੰ ਸਿਰਫ਼ ਆਪਣੇ ਕੰਮ 'ਤੇ ਧਿਆਨ ਕੇਂਦਰਿਤ ਕਰਨਾ ਚਾਹੀਦਾ ਹੈ ਤਾਂ ਜੋ ਆਲੇ ਦੁਆਲੇ ਦਾ ਸ਼ੋਰ ਤੁਹਾਡੇ ਦਿਮਾਗ ਨੂੰ ਪ੍ਰਭਾਵਿਤ ਨਾ ਕਰੇ। ਮੈਂ ਸਿਰਫ਼ ਫਿਲਮਾਂ ਵਿਚ ਆਪਣਾ 200 ਪ੍ਰਤੀਸ਼ਤ ਦੇਣ ਦੀ ਕੋਸ਼ਿਸ਼ ਕਰਦਾ ਹਾਂ।"
ਜੇਕਰ ਫਿਲਮ "ਬਾਰਡਰ 2" ਦੀ ਗੱਲ ਕਰੀਏ ਤਾਂ ਇਹ ਫਿਲਮ 23 ਜਨਵਰੀ, 2026 ਨੂੰ ਸਿਨੇਮਾਘਰਾਂ ਵਿਚ ਰਿਲੀਜ਼ ਹੋਵੇਗੀ ਤੇ ਇਸ ਤੋਂ ਇਲਾਵਾ ਇਸ ਵਿਚ ਸੰਨੀ ਦਿਓਲ, ਦਿਲਜੀਤ ਦੋਸਾਂਝ ਅਤੇ ਵਰੁਣ ਧਵਨ ਵੀ ਹਨ।
ਪ੍ਰਿਯੰਕਾ ਚੋਪੜਾ ਨੇ 2016 ਦੀਆਂ ਯਾਦਾਂ ਕੀਤੀਆਂ ਤਾਜ਼ਾ: ਪਦਮ ਸ਼੍ਰੀ ਤੋਂ ਲੈ ਕੇ ਹਾਲੀਵੁੱਡ ਤੱਕ ਦੇ ਸਫ਼ਰ ਨੂੰ ਕੀਤਾ ਯਾਦ
NEXT STORY 
