ਗੈਜੇਟ ਡੈਸਕ- ਭਾਰਤੀ ਸਮਾਰਟਫੋਨ ਬ੍ਰਾਂਡ Ai+ ਨੇ ਅਧਿਕਾਰਤ ਤੌਰ 'ਤੇ ਭਾਰਤ 'ਚ ਆਪਣੀ ਨੋਵਾ 2 ਸੀਰੀਜ਼ ਦਾ ਲੇਟੈਸਟ ਜੋੜ, Nova 2 Power 5G ਲਾਂਚ ਕੀਤਾ ਹੈ। ਕੰਪਨੀ ਨੇ ਇਸ ਸਮਾਰਟਫੋਨ ਨੂੰ ਨਵੀਂ ਦਿੱਲੀ ਦੇ ਇਕ ਫੈਸ਼ਨ ਰਨਵੇਅ 'ਤੇ ਇਕ ਰਵਾਇਤੀ ਸਮਾਗਮ ਦੀ ਬਜਾਏ ਪੇਸ਼ ਕੀਤਾ, ਜਿਸ 'ਚ ਤਕਨਾਲੋਜੀ ਅਤੇ ਸ਼ੈਲੀ ਦਾ ਇਕ ਵਿਲੱਖਣ ਮਿਸ਼ਰਣ ਦਿਖਾਇਆ ਗਿਆ। "ਡਿਜ਼ਾਈਨ ਟੂ ਇੰਸਪਾਇਰ। ਪਾਵਰ ਟੂ ਆਊਟਲਾਸਟ" ਦੇ ਵਿਜ਼ਨ 'ਤੇ ਬਣਾਇਆ ਗਿਆ, ਇਹ ਸਮਾਰਟਫੋਨ ਆਪਣੇ ਡਿਊਲ-ਟੋਨ 'ਕਲਰ ਫਿਊਜ਼ਨ' ਬੈਕ ਪੈਨਲ (ਬਲੂ ਗੋਲਡ ਫਿਊਜ਼ਨ, ਬਲੂ ਫਿਊਜ਼ਨ, ਓਸ਼ੀਅਨ ਗ੍ਰੀਨ, ਡੀਪ ਪਰਪਲ, ਅਤੇ ਮਿਡਨਾਈਟ ਬਲੈਕ) ਨਾਲ ਸ਼ਾਨਦਾਰ ਦਿਖਾਈ ਦਿੰਦਾ ਹੈ।
ਲਾਂਚ ਦੌਰਾਨ, NxtQuantum Shift Technologies ਦੇ CEO ਮਾਧਵ ਸੇਠ ਨੇ ਕਿਹਾ ਕਿ ਸਮਾਰਟਫੋਨ ਹੁਣ ਸਿਰਫ਼ ਇਕ ਜ਼ਰੂਰਤ ਨਹੀਂ ਰਹੇ ਹਨ, ਸਗੋਂ ਨਿੱਜੀ ਪਛਾਣ ਦਾ ਇੱਕ ਸਾਧਨ ਹਨ। ਇਸ ਲਈ, Nova 2 Power 5G ਨੂੰ ਸ਼ਾਨਦਾਰ ਦਿੱਖ ਅਤੇ ਸ਼ਕਤੀਸ਼ਾਲੀ ਪ੍ਰਦਰਸ਼ਨ ਨੂੰ ਜੋੜਨ ਲਈ ਧਿਆਨ ਨਾਲ ਤਿਆਰ ਕੀਤਾ ਗਿਆ ਹੈ। ਤਕਨੀਕੀ ਫੀਚੀਰਜ਼ ਦੇ ਮਾਮਲੇ 'ਚ, Ai+ Nova 2 Power 5G 'ਚ 120Hz ਰਿਫਰੈਸ਼ ਰੇਟ ਦੇ ਨਾਲ 6.75-ਇੰਚ HD+ ਪੰਚ-ਹੋਲ IPS ਡਿਸਪਲੇਅ ਹੈ। ਇਹ ਸਮਾਰਟਫੋਨ MediaTek Dimensity 7100 (6nm) ਪ੍ਰੋਸੈਸਰ ਦੁਆਰਾ ਸੰਚਾਲਿਤ ਹੈ ਅਤੇ ਭਾਰਤ ਦੇ ਪਹਿਲੇ ਸਵਦੇਸ਼ੀ ਮੋਬਾਈਲ ਓਪਰੇਟਿੰਗ ਸਿਸਟਮ, 'NxtQuantum OS' 'ਤੇ ਚੱਲਦਾ ਹੈ। ਫੋਟੋਗ੍ਰਾਫੀ ਲਈ, ਇਸ 'ਚ 48MP AI ਮੁੱਖ ਕੈਮਰਾ, 8MP ਅਲਟਰਾ-ਵਾਈਡ ਲੈਂਸ, ਅਤੇ 13MP ਫਰੰਟ ਸੈਲਫੀ ਕੈਮਰਾ ਹੈ।
ਇਸ ਤੋਂ ਇਲਾਵਾ, ਇਸ ਫੋਨ ਦੀ ਸਭ ਤੋਂ ਵੱਡੀ ਖਾਸੀਅਤ ਇਸਦੀ ਵਿਸ਼ਾਲ 7000mAh ਬੈਟਰੀ ਅਤੇ 33W ਫਾਸਟ ਚਾਰਜਿੰਗ ਸਪੋਰਟ ਹੈ। IP65 ਰੇਟਿੰਗ, ਡਿਊਲ 5G ਸਿਮ, Wi-Fi 6 ਅਤੇ ਬਲੂਟੁੱਥ 5.4 ਵਰਗੇ ਫੀਚਰਜ਼ ਨਾਲ ਲੈਸ, ਇਹ ਸਮਾਰਟਫੋਨ 6GB+128GB ਅਤੇ 8GB+128GB ਵੇਰੀਐਂਟ 'ਚ ਉਪਲਬਧ ਹੋਵੇਗਾ। ਬੈਂਕ ਆਫਰ ਦੇ ਨਾਲ ਇਸਦੀ ਸ਼ੁਰੂਆਤੀ ਕੀਮਤ ₹15,999 ਰੱਖੀ ਗਈ ਹੈ, ਜਿਸਦੀ ਪਹਿਲੀ ਵਿਕਰੀ 24 ਸਤੰਬਰ 2026 ਤੋਂ ਈ-ਕਾਮਰਸ ਪਲੇਟਫਾਰਮ ਫਲਿੱਪਕਾਰਟ 'ਤੇ ਸ਼ੁਰੂ ਹੋਣ ਜਾ ਰਹੀ ਹੈ।
Realme ਨੇ ਲਾਂਚ ਕੀਤਾ Harry Potter Edition ਫ਼ੋਨ ! ਮਿਲ ਰਿਹੈ 9,000 ਤੱਕ ਦਾ ਡਿਸਕਾਊਂਟ
NEXT STORY 
