ਗੈਜੇਟ ਡੈਸਕ– ਟੈਲੀਕਾਮ ਆਪਰੇਟਰ ਏਅਰਟੈੱਲ ਨੇ ਆਪਣੇ 79 ਰੁਪਏ ਦੇ ਪ੍ਰੀਪੇਡ ਰੀਚਾਰਜ ਪਲਾਨ ਨੂੰ ਰਿਵਾਈਜ਼ ਕੀਤਾ ਹੈ। ਇਹ ਹੁਣ ਡਬਲ ਡਾਟਾ ਦੇ ਨਾਲ ਗਾਹਕਾਂ ਨੂੰ ਚਾਰ ਗੁਣਾ ਜ਼ਿਆਦਾ ਆਉਟਗੋਇੰਗ ਮਿੰਟ ਦੀ ਪੇਸ਼ਕਸ਼ ਕਰ ਰਿਹਾ ਹੈ। ਕੰਪਨੀ ਇਸ ਬਦਲਾਅ ਨਾਲ ਬਿਹਤਰ ਕੁਨੈਕਟੀਵਿਟੀ ਹੱਲ ਪੇਸ਼ ਕਰਨ ’ਤੇ ਫੋਕਸ ਕਰ ਰਹੀ ਹੈ। ਟੈਲੀਕਾਮ ਆਪਰੇਟਰ ਨੇ ਕਿਹਾ ਕਿ ਐਂਟਰੀ ਲੈਵਲ ਰੀਚਾਰਜ ’ਤੇ ਏਅਰਟੈੱਲ ਦੇ ਗਾਹਕ ਹੁਣ ਆਪਣੇ ਅਕਾਊਂਟ ਬੈਲੇਂਸ ਦੀ ਚਿੰਤਾ ਕੀਤੇ ਬਿਨਾਂ ਲੰਬੇ ਸਮੇਂ ਤਕ ਜੁੜੇ ਰਹਿ ਸਕਦੇ ਹਨ। ਤਾਂ ਕੰਪਨੀ ਦੇ ਪ੍ਰੀਪੇਡ ਪੈਕ ਹੁਣ 79 ਰੁਪਏ ਦੇ ਸਮਾਰਟ ਰੀਚਾਰਜ ਪਲਾਨ ਤੋਂ ਸ਼ੁਰੂ ਹੁੰਦੇ ਹਨ। ਇਹ 200 ਐੱਮ.ਬੀ. ਡਾਟਾ ਅਤੇ 64 ਰੁਪਏ ਦਾ ਟਾਕਟਾਈਮ ਦਿੰਦਾ ਹੈ। ਇਹ ਪਲਾਨ 28 ਦਿਨਾਂ ਲਈ ਯੋਗ ਰਹੇਗਾ।
ਇਸ ਤੋਂ ਇਲਾਵਾ ਏਅਰਟੈੱਲ ਨੇ ਆਪਣੇ 49 ਰੁਪਏ ਦੇ ਐਂਟਰੀ ਲੈਵਲ ਪ੍ਰੀਪੇਡ ਰੀਚਾਰਜ ਨੂੰ ਵੀ ਬੰਦ ਕਰ ਦਿੱਤਾ ਹੈ। 49 ਰੁਪਏ ਦੇ ਏਅਰਟੈੱਲ ਸਮਾਰਟ ਰੀਚਾਰਜ ਪਾਲਨ ’ਚ ਗਾਹਕਾਂ ਨੂੰ 38.52 ਰੁਪਏ ਦਾ ਟਾਕਟਾਈਮ ਅਤੇ 100 ਐੱਮ.ਬੀ. ਡਾਟਾ ਮਿਲਦਾ ਸੀ। ਇਕ ਵਾਰ ਪ੍ਰਦਾਨ ਕੀਤਾ ਗਿਆ 100 ਐੱਮ.ਬੀ. ਡਾਟਾ ਖਤਮ ਹੋ ’ਤੇ ਗਾਹਕਾਂ ਤੋਂ 0.50 ਰੁਪਏ ਪ੍ਰਤੀ ਐੱਮ.ਬੀ. ਭੁਗਤਾਨ ਲਿਆ ਜਾਵੇਗਾ। ਇਹ ਪਲਾਨ 28 ਦਿਨਾਂ ਦੀ ਮਿਆਦ ਨਾਲ ਆਉਂਦਾ ਹੈ। ਇਹ ਨਵਾਂ ਪਲਾਨ 29 ਜੁਲਾਈ ਤੋਂ ਲਾਗੂ ਹੋਵੇਗਾ।
ਇਸ ਤੋਂ ਇਲਾਵਾ ਕੰਪਨੀ ਨੇ ਹਾਲ ਹੀ ’ਚ ਇਕ ਨਵਾਂ 456 ਰੁਪਏ ਦਾ ਪ੍ਰੀਪੇਡ ਪਲਾਨ ਲਾਂਚ ਕੀਤਾ ਹੈ, ਜੋ ਕੁਲ 50 ਜੀ.ਬੀ. ਡਾਟਾ, ਅਨਲਿਮਟਿਡ ਵੌਇਸ ਕਾਲਿੰਗ ਲਾਭ ਅਤੇ ਰੋਜ਼ਾਨਾ 100 ਐੱਸ.ਐੱਮ.ਐੱਸ. ਦੇ ਨਾਲ ਆਉਂਦਾ ਹੈ। ਇਹ 60 ਦਿਨਾਂ ਦੀ ਮਿਆਦ ਨਾਲ ਆਉਂਦਾ ਹੈ। ਇਹ ਧਿਆਨ ਰੱਖਣਾ ਜ਼ਰੂਰੀ ਹੈ ਕਿ ਡਾਟਾ ’ਤੇ ਕੋਈ ਦੈਨਿਕ ਪਾਬੰਦੀ ਨਹੀਂ ਹੈ, ਇਸ ਲਈ ਤੁਸੀਂ ਇਕ ਦਿਨ ’ਚ ਜਿੰਨਾ ਚਾਹੋ ਓਨਾ ਡਾਟਾ ਇਸਤੇਮਾਲ ਕਰ ਸਕਦੇ ਹੋ।
ਗੂਗਲ ਇਸ ਮਿਠਾਈ ਦੇ ਨਾਂ ’ਤੇ ਰੱਖੇਗੀ ਐਂਡਰਾਇਡ 13 ਦਾ ਕੋਡਨੇਮ
NEXT STORY