ਗੈਜੇਟ ਡੈਸਕ– ਐਪਲ ਨੇ ਇਕ ਨਵੇਂ ਐਜੁਕੇਸ਼ਨ ਆਫਰ ਦਾ ਐਲਾਨ ਕੀਤਾ ਹੈ। ਇਸ ਤਹਿਤ ਗਾਹਕਾਂ ਨੂੰ ਨਵਾਂ ਮੈਕ ਜਾਂ ਆਈਪੈਡ ਖਰੀਦਣ ’ਤੇ ਏਅਰਪੌਡਸ ਮੁਫ਼ਤ ’ਚ ਮਿਲਣਗੇ। ਇਹ ਪੇਸ਼ਕਸ਼ ਭਾਰਤੀ ਗਾਹਕਾਂ ਲਈ ਆਨਲਾਈਨ ਐਪਲ ਸਟੋਰ ’ਤੇ ਲਾਈਵ ਕਰ ਦਿੱਤੀ ਗਈ ਹੈ। ਦੱਸ ਦੇਈਏ ਕਿ ਐਪਲ ਦੀ ਇਹ ਪੇਸ਼ਕਸ਼ ਸਿਰਫ਼ ਵਿਦਿਆਰਥੀਆਂ ਜਾਂ ਉਨ੍ਹਾਂ ਦੇ ਮਾਪਿਆਂ ਅਤੇ ਅਧਿਆਪਕਾਂ ਲਈ ਹੀ ਹੈ।
ਇਹ ਵੀ ਪੜ੍ਹੋ– ‘ਗੂਗਲ ਮੀਟ’ ’ਤੇ ਵੀਡੀਓ ਕਾਲਿੰਗ ਲਈ ਲੱਗਣਗੇ ਪੈਸੇ, ਹੁਣ ਸਿਰਫ਼ ਇੰਨੀ ਦੇਰ ਹੋਵੇਗੀ ਮੁਫ਼ਤ ਗੱਲ
ਇਹ ਪੇਸ਼ਕਸ਼ MacBook Air, MacBook Pro, iMac, Mac Pro, Mac mini, iPad Pro ਅਤੇ iPad Air ਦੀ ਖਰੀਦਦਾਰੀ ਕਰਨ ’ਤੇ ਲਾਗੂ ਹੋਵੇਗੀ। ਇਸ ਤੋਂ ਇਲਾਵਾ 4,000 ਰੁਪਏ ’ਚ ਏਅਰਪੌਡਸ ਵਾਇਰਲੈੱਸ ਚਾਰਜਿੰਗ ਅਤੇ 10,000 ਰੁਪਏ ’ਚ ਏਅਰਪੌਡਸ ਪ੍ਰੋ ’ਚ ਅਪਗ੍ਰੇਡ ਕਰਨ ਦਾ ਵੀ ਮੌਕਾ ਮਿਲੇਗਾ। ਤੁਸੀਂ ਇਸ ਪੇਸ਼ਕਸ਼ ਲਈ ਯੋਗ ਹੋ ਜਾਂ ਨਹੀਂ ਇਸ ਲਈ ਤੁਸੀਂ 000800 040 1966 ’ਤੇ ਕਾਲ ਕਰ ਸਕਦੇ ਹੋ।
ਇਹ ਵੀ ਪੜ੍ਹੋ– ਸੈਮਸੰਗ ਤੇ ਟੈਸਲਾ ’ਚ ਹੋਈ 3249 ਕਰੋੜ ਰੁਪਏ ਦੀ ਡੀਲ, ‘ਸਾਈਬਰ ਟਰੱਕ’ ਬਣਾਉਣ ’ਚ ਮਿਲੇਗੀ ਮਦਦ
ਇਸ ਪੇਸ਼ਕਸ਼ ਦਾ ਫਾਇਦਾ ਚੁੱਕਣ ਲਈ ਇਕ ਆਨਲਾਈਨ ਵੈਰੀਫੇਕਸ਼ਨ ਹੋਵੇਗਾ ਜੋ ਕਿ ਤੁਸੀਂ ਐਪਲ ਦੇ ਆਨਲਾਈਨ ਐਜੁਕੇਸ਼ਨ ਸਟੋਰ ’ਤੇ ਕਰ ਸਕਦੇ ਹੋ। ਇਸ ਪੇਸ਼ਕਸ਼ ਦੇ ਨਾਲ ਐਪਲ ਕੇਅਰ ’ਤੇ 20 ਫੀਸਦੀ ਤਕ ਦੀ ਛੋਟ ਮਿਲ ਰਹੀ ਹੈ। ਨਾਲ ਹੀ ਐਪਲ ਪੈਨਸਿਲ ਅਤੇ ਕੀਬੋਰਡ ’ਤੇ ਐਜੁਕੇਸ਼ਨਲ ਡਿਸਕਾਊਂਡ ਦਿੱਤਾ ਜਾ ਰਿਹਾ ਹੈ। ਐਪਲ ਤਿੰਨ ਮਹੀਨਿਆਂ ਲਈ ਆਪਣੀ ਗੇਮਿੰਗ ਸਰਵਿਸ Apple Arcade ਦਾ ਸਬਸਕ੍ਰਿਪਸ਼ਨ ਦੇ ਰਹੀ ਹੈ।
ਇਹ ਵੀ ਪੜ੍ਹੋ– 3 ਅਗਸਤ ਤੋਂ ਬੰਦ ਹੋ ਜਾਵੇਗੀ ਟਵਿਟਰ ਦੀ ਇਹ ਸੇਵਾ, ਜਾਣੋ ਕੰਪਨੀ ਨੇ ਕਿਉਂ ਲਿਆ ਇਹ ਫੈਸਲਾ
ਦੱਸ ਦੇਈਏ ਕਿ ਸਤੰਬਰ ’ਚ ਆਈਫੋਨ 13 ਦੀ ਲਾਂਚਿੰਗ ਹੋਣ ਵਾਲੀ ਹੈ ਜਿਸ ਨੂੰ ਲੈ ਕੇ ਕੁਝ ਲੀਕ ਰਿਪੋਰਟਾਂ ਵੀ ਸਾਹਮਣੇ ਆ ਰਹੀਆਂਹਨ। ਐਪਲ ਆਪਣੀ ਨਵੀਂ ਆਈਫੋਨ ਸੀਰੀਜ਼ ਆਈਫੋਨ 13 ਨੂੰ 14 ਸਤੰਬਰ ਨੂੰ ਲਾਂਚ ਕਰਨ ਜਾ ਰਹੀ ਹੈ, ਹਾਲਾਂਕਿ, ਐਪਲ ਨੇ ਇਸ ਸੰਬੰਧ ’ਚ ਅਧਿਕਾਰਤ ਐਲਾਨ ਨਹੀਂ ਕੀਤਾ ਪਰ ਲੀਕ ਰਿਪੋਰਟਾਂ ’ਚ ਅਜਿਹਾ ਦਾਅਵਾ ਕੀਤਾ ਜਾ ਰਿਹਾ ਹੈ।
Netflix ’ਤੇ ਜਲਦ ਮੁਫ਼ਤ ’ਚ ਖੇਡ ਸਕੋਗੇ ਵੀਡੀਓ ਗੇਮ, ਸ਼ਾਮਲ ਹੋਣਗੇ ਇਹ ਸ਼ਾਨਦਾਰ ਫੀਚਰ
NEXT STORY 
