ਗੈਜੇਟ ਡੈਸਕ - ਤਕਨੀਕੀ ਦਿੱਗਜ ਐਪਲ ਵਲੋਂ ਅੱਜ ਯਾਨੀ ਸੋਮਵਾਰ (10 ਜੂਨ) ਨੂੰ ਆਪਣਾ ਸਭ ਤੋਂ ਵੱਡਾ ਇਵੈਂਟ ਵਰਲਡਵਾਈਡ ਡਿਵੈਲਪਰਸ ਕਾਨਫਰੰਸ 2024 (WWDC 2024) ਆਯੋਜਿਤ ਕੀਤਾ ਜਾ ਰਿਹਾ ਹੈ। ਐਪਲ ਦਾ WWDC 2024 10 ਜੂਨ ਤੋਂ ਸ਼ੁਰੂ ਹੋ ਕੇ 14 ਜੂਨ ਤੱਕ ਚੱਲੇਗਾ। ਇਸ ਸਾਲ ਵੀ ਐਪਲ ਦੇ WWDC 2024 ਈਵੈਂਟ 'ਚ iPhone, iPad, Apple Watch, Apple TV, HomePod, AirPods, Apple Vision Pro ਅਤੇ Mac ਲਈ ਨਵੇਂ ਆਪਰੇਟਿੰਗ ਸਿਸਟਮ ਦੇ ਲਾਂਚਿੰਗ ਦੀ ਉਮੀਦ ਹੈ। ਇਸ ਈਵੈਂਟ 'ਚ ਕਿਸੇ ਹਾਰਡਵੇਅਰ ਪ੍ਰੋਡਕਟ ਦੇ ਲਾਂਚ ਹੋਣ ਦੀ ਉਮੀਦ ਨਹੀਂ ਹੈ ਪਰ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਨੂੰ ਲੈ ਕੇ ਕੋਈ ਵੱਡਾ ਐਲਾਨ ਹੋ ਸਕਦਾ ਹੈ।
ਇਹ ਵੀ ਪੜ੍ਹੋ - ਜੇ ਤੁਹਾਡੇ ਘਰ ਵੀ ਲੱਗਾ ਹੈ AC ਤਾਂ ਸਾਵਧਾਨ, ਇਸ ਖ਼ਬਰ ਨੂੰ ਪੜ੍ਹਨ ਤੋਂ ਬਾਅਦ ਉੱਡਣਗੇ ਹੋਸ਼
ਇਨ੍ਹਾਂ ਥਾਵਾਂ 'ਤੇ ਚੈਕ ਕਰੋ ਇਵੈਂਟ ਦੀ ਜਾਣਕਾਰੀ
ਦੱਸ ਦੇਈਏ ਕਿ ਪਿਛਲੇ 3 ਸਾਲਾਂ ਤੋਂ ਇਸ ਸਮਾਗਮ ਦਾ ਆਯੋਜਨ ਸਿਰਫ਼ ਆਨਲਾਈਨ ਹੀ ਕੀਤਾ ਜਾ ਰਿਹਾ ਸੀ ਪਰ ਇਸ ਵਾਰ ਇਹ ਮੈਦਾਨ 'ਤੇ ਆਯੋਜਿਤ ਕੀਤਾ ਜਾਵੇਗਾ। ਹਾਲਾਂਕਿ, ਇਵੈਂਟ ਸਿਰਫ਼ ਆਨਲਾਈਨ ਹੀ ਟੈਲੀਕਾਸਟ ਕੀਤਾ ਜਾਵੇਗਾ। ਕੰਪਨੀ ਦੀ ਘੋਸ਼ਣਾ ਦੇ ਅਨੁਸਾਰ, WWDC 2024 10 ਜੂਨ ਨੂੰ ਭਾਰਤੀ ਸਮੇਂ ਅਨੁਸਾਰ ਰਾਤ 10:30 ਵਜੇ ਸ਼ੁਰੂ ਹੋਵੇਗਾ। ਦੁਨੀਆ ਭਰ ਦੇ ਲੋਕ ਐਪਲ ਦੀ ਅਧਿਕਾਰਤ ਵੈੱਬਸਾਈਟ ਅਤੇ ਯੂਟਿਊਬ ਚੈਨਲ ਰਾਹੀਂ ਆਨਲਾਈਨ ਇਸ ਈਵੈਂਟ ਵਿੱਚ ਸ਼ਾਮਲ ਹੋ ਸਕਦੇ ਹਨ। ਤੁਹਾਨੂੰ ਇਵੈਂਟ ਨਾਲ ਜੁੜੀ ਸਾਰੀ ਜਾਣਕਾਰੀ developer.apple.com/wwdc24 ‘ਤੇ ਮਿਲੇਗੀ। ਇਸ ਤੋਂ ਇਲਾਵਾ ਐਪਲ ਦੇ ਅਧਿਕਾਰਤ ਚੈਨਲ ‘ਤੇ ਲਾਈਵ ਕੀਨੋਟਸ ਦੇ ਵੇਰਵੇ ਵੀ ਉਪਲਬਧ ਹੋਣਗੇ।
ਇਹ ਵੀ ਪੜ੍ਹੋ - ਪਾਕਿਸਤਾਨ 'ਚ ਵਾਪਰੀ ਵੱਡੀ ਘਟਨਾ, ਬੱਚਿਆਂ ਦੇ ਵਾਰਡ ’ਚ ਅੱਗ ਲੱਗਣ ਕਾਰਨ 4 ਨਵਜੰਮੇ ਬੱਚਿਆਂ ਦੀ ਮੌਤ
WWDC 2024 'ਚ ਹੋ ਸਕਦੇ ਹਨ ਇਹ ਵੱਡੇ ਐਲਾਨ
WWDC 2024 'ਚ ਸਾਰੇ ਲੋਕਾਂ ਦੀਆਂ ਨਜ਼ਰਾਂ iOS 18 'ਤੇ ਹੋਣਗੀਆਂ। ਐਪਲ ਦੇ ਇਸ ਇਵੈਂਟ 'ਚ iOS 18 ਨੂੰ ਲੈ ਕੇ ਐਲਾਨ ਕੀਤਾ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ iPadOS 18. macOS 15, watchOS 11, tvOS 18 ਅਤੇ visionOS 2 ਵੀ ਲਾਂਚ ਹੋਵੇਗਾ। ਆਈਫੋਨ ਯੂਜ਼ਰਸ ਲਈ ਟੈਕਸਟ ਆਧਾਰਿਤ ਇਮੋਜੀ, ਮੈਪਸ 'ਚ ਕਸਟਮ ਰੂਟ, ਨੋਟਸ 'ਚ ਵਾਈਸ ਰਿਕਾਰਡਿੰਗ ਟੂਲ ਵਰਗੀਆਂ ਸੁਵਿਧਾਵਾਂ ਪੇਸ਼ ਕੀਤੀਆਂ ਜਾ ਸਕਦੀਆਂ ਹਨ। ਇਸ ਤੋਂ ਇਲਾਵਾ, ਕੰਪਨੀ ਐਪਲ ਮਿਊਜ਼ਿਕ ਦੇ ਨਾਲ Spotify ਦੀ ਤਰ੍ਹਾਂ OpenAI ਪਾਵਰਡ ਆਟੋ ਜਨਰੇਟ ਪਲੇਲਿਸਟ ਫੀਚਰ ਨੂੰ ਵੀ ਪੇਸ਼ ਕਰ ਸਕਦੀ ਹੈ। ਨਵੇਂ ਆਪਰੇਟਿੰਗ ਸਿਸਟਮ ਦੇ ਨਾਲ ਕਈ ਤਰ੍ਹਾਂ ਦੇ ਬਦਲਾਅ ਦੇਖਣ ਨੂੰ ਮਿਲ ਸਕਦੇ ਹਨ। ਨਵੇਂ ਓ.ਐੱਸ. ਦੇ ਨਾਲ ਏ.ਆਈ. ਦਾ ਵੀ ਕਮਾਲ ਦੇਖਣ ਨੂੰ ਮਿਲ ਸਕਦਾ ਹੈ। ਹਾਲ ਹੀ 'ਚ ਕਈ ਰਿਪੋਰਟਾਂ 'ਚ ਦਾਅਵਾ ਕੀਤਾ ਗਿਆ ਸੀ ਕਿ ਐਪਲ ਏ.ਆਈ. ਲਈ ਓਪਨ ਏ.ਆਈ. ਅਤੇ ਗੂਗਲ ਵਰਗੀਆਂ ਕੰਪਨੀਆਂ ਨਾਲ ਗੱਲ ਕਰ ਰਹੀ ਹੈ।
ਇਹ ਵੀ ਪੜ੍ਹੋ - ਨਾ ਕੋਈ ਦਵਾਈ, ਨਾ ਡਾਈਟ ਪਲਾਨ! ਸ਼ੂਗਰ ਨੂੰ ਕੰਟਰੋਲ 'ਚ ਕਰਨ ਲਈ ਮਰੀਜ਼ ਰੋਜ਼ਾਨਾ ਕਰਨ ਇਹ ਕੰਮ, ਹੋਵੇਗਾ ਫ਼ਾਇਦਾ
ਇਸ ਪ੍ਰਕਾਰ ਹੈ WWDC 2024 ਦਾ ਪੂਰਾ ਪ੍ਰੋਗਰਾਮ
ਐਪਲ ਦੇ ਕਾਨਫਰੰਸ 'ਚ 100 ਟੈਕਨੀਕਲ ਸੈਸ਼ਨ ਹੋਣਗੇ ਜਿਸ ਵਿਚ ਐਪਲ ਦੇ ਡਿਜ਼ਾਈਨਰ, ਇੰਜੀਨੀਅਰ ਅਤੇ ਮਾਹਿਰ ਸ਼ਾਮਲ ਹੋਣਗੇ। ਇਸ ਵਿਚ ਐਨੁਅਲ ਸਵਿਫਟ ਸਟੂਡੈਂਟ ਚੈਲੇਂਜ ਦੇ 50 ਜੇਤੂਆਂ ਦਾ ਵੀ ਐਲਾਨ ਹੋਵੇਗਾ। ਇਸ ਵਿਚ ਐਪਲ ਡਿਜ਼ਾਈਨਰ ਅਵਾਰਡ ਦੇ ਜੇਤੂਆਂ ਦਾ ਵੀ ਐਲਾਨ ਹੋਵੇਗਾ।
ਇਹ ਵੀ ਪੜ੍ਹੋ - ਕੰਗਨਾ ਦੇ ਥੱਪੜ ਮਾਰਨ ਵਾਲੀ ਕੁਲਵਿੰਦਰ ਤੋਂ ਬਹੁਤ ਖੁਸ਼ ਅੱਤਵਾਦੀ ਪੰਨੂ, 8 ਲੱਖ ਰੁਪਏ ਇਨਾਮ ਦੇਣ ਦਾ ਕੀਤਾ ਐਲਾਨ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
OnePlus ਦਾ ਬੰਪਰ ਆਫਰ, ਫੋਨ ਖ਼ਰੀਦਣ 'ਤੇ ਫ੍ਰੀ ਮਿਲੇਗੀ 27,999 ਰੁਪਏ ਵਾਲੀ ਸਮਾਰਟਵਾਚ
NEXT STORY 
