ਨਵੀਂ ਦਿੱਲੀ (ਭਾਸ਼ਾ) - ਬਜਾਜ ਆਟੋ ਨੇ ਮੰਗਲਵਾਰ ਨੂੰ ਕਿਹਾ ਕਿ ਉਸਨੇ ਆਪਣੀ 102 ਸੀਸੀ ਬਾਈਕ ਪਲੈਟੀਨਾ 100 ਇਲੈਕਟ੍ਰਿਕ ਸਟਾਰਟ (ਈਐਸ) ਦਾ ਨਵਾਂ ਸੰਸਕਰਣ ਲਾਂਚ ਕੀਤਾ ਹੈ। ਦਿੱਲੀ ਵਿਚ ਇਸਦੀ ਕੀਮਤ 53,920 ਰੁਪਏ ਹੋਵੇਗੀ। ਬਾਈਕ ਸਵਾਰਾਂ ਦੀ ਸਹੂਲਤ ਲਈ ਇਸ ਵਿਚ ਉੱਨਤ ਸਪਰਿੰਗ ਟੈਕਨਾਲੋਜੀ ਨੂੰ ਅਪਣਾਇਆ ਗਿਆ ਹੈ। ਇਸ ਵਿਚ ਸਵਾਰੀ ਦੌਰਾਨ ਨਾ ਸਿਰਫ ਬਾਈਕ ਸਵਾਰ, ਸਗੋਂ ਪਿਛਲੀ ਸੀਟ 'ਤੇ ਬੈਠਣ ਵਾਲੇ ਨੂੰ ਵੀ ਇਕ ਆਰਾਮਦਾਇਕ ਸਵਾਰੀ ਦਾ ਤਜਰਬਾ ਮਿਲੇਗਾ। ਬਾਈਕ ਵਿਚ ਟਿਊਬ ਰਹਿਤ ਟਾਇਰ ਹਨ ਜੋ ਇਕ ਸੁਰੱਖਿਅਤ ਅਤੇ ਮੁਸ਼ਕਲ ਰਹਿਤ ਸਫ਼ਰ ਦਾ ਭਰੋਸਾ ਦਿੰਦੇ ਹਨ। ਬਜਾਜ ਆਟੋ ਦੇ ਮਾਰਕੀਟਿੰਗ ਦੇ ਮੁਖੀ ਨਾਰਾਇਣਨ ਸੂਦਰਮਨ ਨੇ ਇਕ ਬਿਆਨ ਵਿਚ ਕਿਹਾ, 'ਬ੍ਰਾਂਡ ਪਲੇਟੀਨਾ ਕੋਲ ਉੱਤਮ ਰਾਈਡ ਦਾ ਬੇਮਿਸਾਲ ਤਜ਼ਰਬਾ ਹੈ ਜੋ ਇਸ ਦੇ 70 ਲੱਖ ਤੋਂ ਵੱਧ ਸੰਤੁਸ਼ਟ ਗਾਹਕਾਂ ਵਿਚ ਝਲਕਦਾ ਹੈ।' ਉਨ੍ਹਾਂ ਨੇ ਅੱਗੇ ਕਿਹਾ ਕਿ ਨਵੀਂ ਪਲੈਟੀਨਾ 100 ਈਐਸ ਗਰਾਊਂਡ-ਬਰੇਕਿੰਗ ਕੀਮਤ 'ਤੇ ਇਕ ਵਧੀਆ ਪੇਸ਼ਕਸ਼ ਹੈ ਜੋ ਕਿੱਕ-ਸਟਾਰਟ ਰਾਈਡਰਾਂ ਨੂੰ Self Start ਵਿਚ ਅਪਗ੍ਰੇਡ ਕਰਨ ਦਾ ਵਿਕਲਪ ਪ੍ਰਦਾਨ ਕਰਦੀ ਹੈ।
ਨਵਾਂ ਪਲੈਟੀਨਾ 100 ਇਲੈਕਟ੍ਰਿਕ ਸਟਾਰਟ (ਈ.ਐਸ.) ਇੰਜਣ
ਇਸ ਵਿਚ ਤੁਹਾਨੂੰ ਇੱਕ 102 ਸੀਸੀ ਫੋਰ ਸਟ੍ਰੋਕ ਸਿੰਗਲ ਸਿਲੰਡਰ ਐਸ.ਓ.ਐਚ.ਸੀ. ਏਅਰ ਕੂਲਡ ਇੰਜਣ ਮਿਲੇਗਾ ਜੋ 7,500 ਆਰ.ਪੀ.ਐਮ. 'ਤੇ 7.9 ਪੀ,ਐਸ, ਦੀ ਵੱਧ ਤੋਂ ਵੱਧ ਪਾਵਰ ਅਤੇ 5,500 ਆਰ.ਪੀ.ਐਮ. 'ਤੇ 8.34 ਐਨ.ਐਮ. ਦਾ ਪੀਕ ਟਾਰਕ ਜੈਨਰੇਟ ਕਰਦਾ ਹੈ। ਇਸਦੇ ਨਾਲ ਤੁਹਾਨੂੰ ਇੱਕ ਚਾਰ-ਸਪੀਡ ਮੈਨੁਅਲ ਟਰਾਂਸਮਿਸ਼ਨ ਯੂਨਿਟ ਮਿਲੇਗਾ।
ਇਹ ਵੀ ਪੜ੍ਹੋ : ਟਾਟਾ ਦੀ ਇਸ ਕਾਰ ਨੂੰ ਦਿੱਲੀ ਸਰਕਾਰ ਦਾ ਝਟਕਾ, ਬੰਦ ਹੋਵੇਗੀ ਸਬਸਿਡੀ
ਨਵੀਂ ਪਲੈਟੀਨਾ 100 ਇਲੈਕਟ੍ਰਿਕ ਸਟਾਰਟ (ਈ.ਐਸ.) ਵਿਸ਼ੇਸ਼ਤਾਵਾਂ
ਐਕਸਟੀਰੀਅਰ ਦੀ ਗੱਲ ਕਰੀਏ ਤਾਂ ਇਸ ਵਿਚ ਬਿਹਤਰ ਦਿੱਖ ਅਤੇ ਸਮੁੱਚੀ ਦਿੱਖ ਲਈ ਨਵਾਂ ਰੀਅਰਵਿਊ ਮਿਰਰ(ਸ਼ੀਸ਼ਾ) ਦਿੱਤਾ ਗਿਆ ਹੈ। ਇਸਦੇ ਨਾਲ ਇਸ ਨੂੰ ਕਾੱਕਟੇਲ ਵਾਈਨ ਰੈਡ ਅਤੇ ਸਿਲਵਰ ਡੇਕਲਸ ਦੇ ਨਾਲ ਈਬੋਨੀ ਬਲੈਕ ਕਲਰ ਆਪਸ਼ਨ ਵਿਚ ਲਾਂਚ ਕੀਤਾ ਗਿਆ ਹੈ। ਇਸ ਬਾਈਕ ਨੂੰ ਭਾਰਤ ਵਿਚ ਆਧਿਕਾਰਤ ਬਜਾਜ ਆਟੋ ਡੀਲਰਾਂਸ਼ਿਪ ਤੋਂ ਖਰੀਦਿਆ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ ਇਸ ਦੀਆਂ ਕੁਝ ਹੋਰ ਵਿਸ਼ੇਸ਼ ਵਿਸ਼ੇਸ਼ਤਾਵਾਂ ਦੀ ਗੱਲ ਕਰੀਏ ਤਾਂ ਇਸ ਵਿਚ 20 ਪ੍ਰਤੀਸ਼ਤ ਲੰਬਾ ਫਰੰਟ ਅਤੇ ਰੀਅਰ ਸਸਪੈਂਸ਼ਨ, ਵੱਡੀ ਸੀਟ, ਐਲਈਡੀ ਡੀ.ਆਰ.ਐਲ ਹੈੱਡਲੈਂਪਸ ਅਤੇ ਵਿਆਪਕ ਰਬੜ ਫੁਟਪੈਡ ਦਿੱਤੇ ਗਏ ਹਨ।
ਇਹ ਵੀ ਪੜ੍ਹੋ : ਮੁਕੇਸ਼ ਅੰਬਾਨੀ ਦੀ ਦੌਲਤ ਇਸ ਸਾਲ 24 ਫ਼ੀਸਦੀ ਵਧੀ, ਅਡਾਨੀ ਦੀ ਜਾਇਦਾਦ ਹੋਈ ਦੁੱਗਣੀ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਜੇ ਤੁਸੀਂ ਕਾਰ 'ਤੇ ਲੰਬੇ ਸਫ਼ਰ ਦੀ ਤਿਆਰੀ ਕਰ ਰਹੇ ਹੋ, ਤਾਂ ਇਨ੍ਹਾਂ ਚੀਜ਼ਾਂ ਦਾ ਜ਼ਰੂਰ ਰੱਖੋ ਧਿਆਨ
NEXT STORY 
