ਗੈਜੇਟ ਡੈਸਕ - ਐਪਲ ਆਪਣੇ ਵਰਚੁਅਲ ਅਸਿਸਟੈਂਟ Siri ਨੂੰ ਪਹਿਲਾਂ ਨਾਲੋਂ ਕਿਤੇ ਜ਼ਿਆਦਾ ਸਮਝਦਾਰ ਅਤੇ ਤੇਜ਼ ਬਣਾਉਣ ਲਈ ਇਕ ਵੱਡੀ ਯੋਜਨਾ 'ਤੇ ਕੰਮ ਕਰ ਰਿਹਾ ਹੈ। ਤਾਜ਼ਾ ਰਿਪੋਰਟਾਂ ਅਨੁਸਾਰ, ਐਪਲ ਆਪਣੀ ਅਗਲੀ ਪੀੜ੍ਹੀ ਦੀ AI-ਅਧਾਰਤ ਸਿਰੀ ਲਈ ਦਿੱਗਜ ਕੰਪਨੀਆਂ ਗੂਗਲ ਅਤੇ ਐਨਵੀਡੀਆ ਨਾਲ ਹੱਥ ਮਿਲਾ ਰਿਹਾ ਹੈ।
ਗੂਗਲ ਅਤੇ ਐਨਵੀਡੀਆ ਦੀ ਮਿਲੇਗੀ ਤਾਕਤ
ਇਸ ਸਾਂਝੇਦਾਰੀ ਤਹਿਤ, ਨਵੀਂ ਸਿਰੀ ਗੂਗਲ ਦੇ ਜੈਮਿਨੀ (Gemini) AI ਮਾਡਲ 'ਤੇ ਅਧਾਰਤ ਹੋਵੇਗੀ। ਇਸ ਨੂੰ ਪਾਵਰ ਦੇਣ ਲਈ ਗੂਗਲ ਆਪਣੇ ਡਾਟਾ ਸੈਂਟਰਾਂ 'ਚ ਐਨਵੀਡੀਆ ਦੇ ਸ਼ਕਤੀਸ਼ਾਲੀ ਬਲੈਕਵੈਲ ਬੀ200 (Blackwell B200) ਚਿਪਸ ਦੀ ਵਰਤੋਂ ਕਰੇਗਾ। ਇਹ ਚਿਪਸ ਬਹੁਤ ਵੱਡੇ ਪੱਧਰ 'ਤੇ AI ਡਾਟਾ ਨੂੰ ਸੰਭਾਲਣ ਦੀ ਸਮਰੱਥਾ ਰੱਖਦੇ ਹਨ, ਜਿਸ ਨਾਲ ਸਿਰੀ ਦੀ ਕੰਮ ਕਰਨ ਦੀ ਰਫ਼ਤਾਰ ਅਤੇ ਸਮਝ ਕਾਫ਼ੀ ਵਧ ਜਾਵੇਗੀ।
ਨਵੀਂ ਸਿਰੀ ਦੇ ਖਾਸ ਫੀਚਰਜ਼ :-
ਐਡਵਾਂਸਡ ਚੈਟਬੋਟ - ਨਵੀਂ ਸਿਰੀ ਇਕ ਉੱਨਤ ਚੈਟਬੋਟ ਵਾਂਗ ਕੰਮ ਕਰੇਗੀ।
ਨਿੱਜੀ ਸੰਦਰਭ ਦੀ ਸਮਝ - ਇਹ ਯੂਜ਼ਰਸ ਦੀਆਂ ਪੁਰਾਣੀਆਂ ਗੱਲਾਂ ਅਤੇ ਨਿੱਜੀ ਸੰਦਰਭ ਨੂੰ ਯਾਦ ਰੱਖਣ ਦੇ ਯੋਗ ਹੋਵੇਗੀ।
ਸਕ੍ਰੀਨ ਜਾਗਰੂਕਤਾ - ਸਿਰੀ ਹੁਣ ਸਕ੍ਰੀਨ 'ਤੇ ਮੌਜੂਦ ਕੰਟੈਂਟ ਨੂੰ ਵੀ ਸਮਝ ਸਕੇਗੀ ਅਤੇ ਉਸ ਅਨੁਸਾਰ ਜਵਾਬ ਦੇਵੇਗੀ।
ਪ੍ਰਾਈਵੇਸੀ ਦਾ ਰੱਖਿਆ ਜਾਵੇਗਾ ਖਾਸ ਧਿਆਨ
ਹਾਲਾਂਕਿ ਸਿਰੀ ਦੀਆਂ ਕੁਝ ਰਿਕਵੈਸਟਾਂ ਗੂਗਲ ਕਲਾਊਡ ਰਾਹੀਂ ਪ੍ਰੋਸੈਸ ਕੀਤੀਆਂ ਜਾਣਗੀਆਂ, ਪਰ ਐਪਲ ਦਾ ਦਾਅਵਾ ਹੈ ਕਿ ਯੂਜ਼ਰਸ ਦੀ ਪ੍ਰਾਈਵੇਸੀ ਅਤੇ ਸੁਰੱਖਿਆ
ਨਾਲ ਕੋਈ ਸਮਝੌਤਾ ਨਹੀਂ ਕੀਤਾ ਜਾਵੇਗਾ। ਐਨਵੀਡੀਆ ਦੇ ਚਿਪਸ 'ਚ 'ਕਾਨਫੀਡੈਂਸ਼ੀਅਲ ਕੰਪਿਊਟ' ਫੀਚਰ ਹੈ, ਜੋ ਡਾਟਾ ਨੂੰ ਪ੍ਰੋਸੈਸਿੰਗ ਦੌਰਾਨ ਵੀ ਐਨਕ੍ਰਿਪਟਡ ਰੱਖਦਾ ਹੈ।
ਕਦੋਂ ਹੋਵੇਗੀ ਲਾਂਚ?
ਰਿਪੋਰਟਾਂ ਮੁਤਾਬਕ, ਇਸ ਨਵੀਂ AI ਸਿਰੀ ਦੀ ਪਹਿਲੀ ਝਲਕ ਸਤੰਬਰ ਮਹੀਨੇ 'ਚ ਦੇਖਣ ਨੂੰ ਮਿਲ ਸਕਦੀ ਹੈ। ਇਹ ਕਦਮ ਐਪਲ ਦੀ ਰਵਾਇਤੀ ਰਣਨੀਤੀ ਤੋਂ ਵੱਖਰਾ ਮੰਨਿਆ ਜਾ ਰਿਹਾ ਹੈ, ਕਿਉਂਕਿ ਕੰਪਨੀ ਆਮ ਤੌਰ 'ਤੇ ਆਪਣੀ ਤਕਨੀਕ ਖੁਦ ਵਿਕਸਤ ਕਰਨ ਲਈ ਜਾਣੀ ਜਾਂਦੀ ਹੈ। ਹੁਣ ਦੇਖਣਾ ਹੋਵੇਗਾ ਕਿ ਗੂਗਲ ਅਤੇ ਐਨਵੀਡੀਆ ਦੀ ਮਦਦ ਨਾਲ ਐਪਲ AI ਦੀ ਰੇਸ 'ਚ ਕਿੰਨੀ ਅੱਗੇ ਨਿਕਲਦਾ ਹੈ।
ਕਿਤੇ ਤੁਹਾਡਾ WhatsApp ਵੀ ਤਾਂ ਨਹੀਂ ਹੋ ਗਿਆ ਹੈਕ! ਤੁਰੰਤ ਬਦਲੋ ਇਹ ਸੈਟਿੰਗ, ਨਹੀਂ ਤਾਂ...
NEXT STORY 
