ਗੈਜੇਟ ਡੈਸਕ- ਦੀਵਾਲੀ ਦਾ ਤਿਉਹਾਰ ਨੇੜੇ ਆਉਂਦੇ ਹੀ ਲੋਕ ਆਪਣੇ ਘਰ ਨੂੰ ਸਜਾਉਣ ਦੇ ਨਾਲ-ਨਾਲ ਨਵੀਂ ਕਾਰ ਖਰੀਦਣ ਦੀ ਯੋਜਨਾ ਵੀ ਬਣਾ ਰਹੇ ਹਨ। ਇਸ ਵਾਰ ਕਾਰ ਖਰੀਦਣ ਵਾਲਿਆਂ ਲਈ ਸਰਕਾਰ ਵੱਲੋਂ ਵੱਡੀ ਛੋਟ ਦਿੱਤੀ ਗਈ ਹੈ। ਕੇਂਦਰ ਸਰਕਾਰ ਨੇ ਛੋਟੇ ਅਤੇ ਮਾਸ ਮਾਰਕੀਟ ਸੈਗਮੈਂਟ ਦੀਆਂ ਕਾਰਾਂ 'ਤੇ ਲਾਗੂ GST ਦੀ ਦਰ 28% ਤੋਂ ਘਟਾ ਕੇ 18% ਕਰ ਦਿੱਤੀ ਹੈ। ਇਸ ਕਦਮ ਨਾਲ ਛੋਟੇ ਬਜਟ ਵਾਲੀਆਂ ਪਾਪੁਲਰ ਹੈਚਬੈਕ ਅਤੇ ਐਂਟਰੀ-ਲੇਵਲ ਕਾਰਾਂ ਹੁਣ ਪਹਿਲਾਂ ਨਾਲੋਂ ਕਾਫ਼ੀ ਕਿਫਾਇਤੀ ਹੋ ਗਈਆਂ ਹਨ।
ਕੁਝ ਪ੍ਰਸਿੱਧ ਵਿਕਲਪ
Maruti Suzuki Alto K10
ਭਾਰਤ ਦੀ ਸਭ ਤੋਂ ਪਸੰਦੀਦਾ ਬਜਟ ਹੈਚਬੈਕ Alto K10 ਹੁਣ ਤਕਰੀਬਨ 3.70 ਲੱਖ ਰੁਪਏ ਦੀ ਸ਼ੁਰੂਆਤੀ ਕੀਮਤ 'ਤੇ ਉਪਲਬਧ ਹੈ। ਪੈਟਰੋਲ ਅਤੇ CNG ਵਿਕਲਪਾਂ ਨਾਲ ਇਹ ਸ਼ਹਿਰਾਂ 'ਚ ਪਹਿਲੀ ਵਾਰੀ ਕਾਰ ਖਰੀਦਣ ਵਾਲਿਆਂ ਲਈ ਬਿਹਤਰੀਨ ਵਿਕਲਪ ਹੈ।
ਇਹ ਵੀ ਪੜ੍ਹੋ : ਛਾਤੀ 'ਚ ਦਰਦ ਹੀ ਨਹੀਂ, ਇਹ 5 ਲੱਛਣ ਵੀ ਹੋ ਸਕਦੇ ਹਨ ਹਾਰਟ ਅਟੈਕ ਦੇ ਕਾਰਨ, ਸਮੇਂ ਰਹਿੰਦੇ ਕਰੋ ਪਛਾਣ
Maruti Suzuki S-Presso
ਉੱਚੀ ਸਟਾਂਸ ਅਤੇ ਬੋਲਡ ਡਿਜ਼ਾਈਨ ਵਾਲੀ S-Presso ਜੀਐੱਸਟੀ ਕਟੌਤੀ ਤੋਂ ਬਾਅਦ ਤਕਰੀਬਨ 3.50 ਲੱਖ ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ। ਇਹ ਕਾਰ ਪ੍ਰੈਕਟਿਕਲ ਹੋਣ ਦੇ ਨਾਲ-ਨਾਲ ਸਟਾਈਲਿਸ਼ ਵੀ ਹੈ ਅਤੇ ਉੱਚੀ ਡਰਾਈਵਿੰਗ ਪੋਜ਼ੀਨ ਨਾਲ ਬਿਹਤਰ ਵਿਜ਼ਨ ਦਿੰਦੀ ਹੈ। ਪੈਟਰੋਲ ਅਤੇ ਸੀਐੱਜੀ ਦੋਵੇਂ ਵਿਕਲਪ ਉਪਲੱਬਧ ਹਨ, ਜੋ SUV ਵਰਗਾ ਅਨੁਭਵ ਦਿੰਦੇ ਹਨ।
Maruti Suzuki Wagon R
ਪਰਿਵਾਰਾਂ ਦੀ ਮਨਪਸੰਦ Wagon R ਹੁਣ ਤਕਰੀਬਨ 5 ਲੱਖ ਰੁਪਏ ਦੀ ਸ਼ੁਰੂਆਤੀ ਕੀਮਤ 'ਤੇ ਮਿਲ ਰਹੀ ਹੈ। ਇਸ ਦੀ ਟਾਲ ਬਾਏ ਡਿਜ਼ਾਈਨ, ਸਪੇਸ਼ੀਅਸ ਕੇਬਿਨ ਅਤੇ ਮਜ਼ਬੂਤ ਸਰਵਿਸ ਨੈੱਟਵਰਕ ਇਸ ਨੂੰ ਖਾਸ ਬਣਾਉਂਦੇ ਹਨ।
Tata Tiago
ਮਜ਼ਬੂਤ ਬਿਲਡ ਕੁਆਲਿਟੀ, ਬਿਹਤਰ ਸੇਫ਼ਟੀ ਫੀਚਰ ਅਤੇ ਮਾਡਰਨ ਡਿਜ਼ਾਈਨ ਵਾਲੀ Tata Tiago ਹੁਣ 4.57 ਲੱਖ ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ। ਇਹ ਕਾਰ CNG ਅਤੇ ਆਟੋਮੈਟਿਕ ਗੀਅਰਬਾਕਸ ਨਾਲ ਉਪਲਬਧ ਹੈ।
ਇਹ ਵੀ ਪੜ੍ਹੋ : Activa ਅਤੇ Splendor ਦੀਆਂ ਕੀਮਤਾਂ 'ਚ ਆਈ ਭਾਰੀ ਗਿਰਾਵਟ, ਜਾਣੋ ਕਿੰਨੇ ਹੋਏ ਸਸਤੇ
Renault Kwid
Renault Kwid ਛੋਟੇ ਬਜਟ 'ਚ SUV ਵਰਗਾ ਲੁੱਕ ਅਤੇ ਫੀਚਰ ਦਿੰਦੀ ਹੈ। ਇਹ ਕੀਮਤ ਤਕਰੀਬਨ 4.30 ਲੱਖ ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ। 1.0 ਲੀਟਰ ਪੈਟਰੋਲ ਇੰਜਣ ਅਤੇ ਟਚਸਕਰੀਨ ਇੰਫੋਟੇਨਮੈਂਟ ਸਿਸਟਮ ਦੇ ਨਾਲ ਇਹ ਸ਼ਹਿਰ 'ਚ ਚਲਾਉਣ ਲਈ ਬਿਹਤਰੀਨ ਹੈ।
ਦੀਵਾਲੀ 'ਤੇ ਕਾਰ ਖਰੀਦਣ ਦਾ ਮੌਕਾ
GST ਕਟੌਤੀ ਨਾਲ ਦੀਵਾਲੀ ਦਾ ਤਿਉਹਾਰ ਕਾਰ ਖਰੀਦਣ ਲਈ ਬਿਹਤਰੀਨ ਸਮਾਂ ਬਣ ਗਿਆ ਹੈ। ਛੋਟੇ ਬਜਟ 'ਚ ਭਰੋਸੇਮੰਦ, ਫਿਊਲ-ਐਫੀਸ਼ੈਂਟ ਅਤੇ ਚੰਗੇ ਫੀਚਰ ਵਾਲੀਆਂ ਕਾਰਾਂ ਖਰੀਦ ਕੇ ਇਸ ਦੀਵਾਲੀ ਨੂੰ ਖਾਸ ਬਣਾਇਆ ਜਾ ਸਕਦਾ ਹੈ। ਪਹਿਲੀ ਕਾਰ ਹੋਵੇ ਜਾਂ ਪਰਿਵਾਰ ਲਈ ਦੂਜੀ, ਇਹ ਮੌਕਾ ਕਾਰ ਖਰੀਦਣ ਵਾਲਿਆਂ ਲਈ ਸੁਨਹਿਰੀ ਹੈ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Aadhaar Card ਅਪਡੇਟ ਕਰਵਾਉਣਾ ਹੋਇਆ ਮਹਿੰਗਾ, ਜਾਣੋ ਕਿੰਨੀ ਵਧੀ ਫੀਸ
NEXT STORY 
