ਅੰਮ੍ਰਿਤਸਰ (ਨੀਰਜ)- ਹੈਰੋਇਨ ਸਮੱਗਲਿੰਗ ਦੇ ਮਾਮਲੇ ਵਿਚ ਡੀ. ਆਰ. ਆਈ. ਦੇ ਇੰਸਪੈਕਟਰ ਮਨਜੀਤ ਸਿੰਘ ਦੀ ਗ੍ਰਿਫ਼ਤਾਰੀ ਅਪ੍ਰੈਲ 2025 ਦੌਰਾਨ ਹੋਈ ਸੀ। ਇਸੇ ਦੌਰਾਨ ਕਸਟਮ ਵਿਭਾਗ ਦੇ ਇੰਸਪੈਕਟਰ ਪ੍ਰਸ਼ਾਂਤ ਕੁਮਹਾਰ ਦਾ ਨਾਂ ਵੀ ਸਾਹਮਣੇ ਆਇਆ, ਕਿਉਂਕਿ ਪੁਲਸ ਨੂੰ ਜਾਂਚ ਦੌਰਾਨ ਪਤਾ ਲੱਗਿਆ ਕਿ ਪ੍ਰਸ਼ਾਂਤ ਕੁਮਾਰ ਨੇ ਹੀ ਕਸਟਮ ਵਿਭਾਗ ਦੇ ਮਾਲਖਾਨੇ ਵਿਚੋਂ 4 ਕਿਲੋ ਹੈਰੋਇਨ ਕੱਢ ਕੇ ਇੰਸਪੈਕਟਰ ਮਨਜੀਤ ਨੂੰ ਦਿੱਤੀ ਸੀ, ਤਾਂ ਜੋ ਇਸ ਨੂੰ ਮਾਰਕੀਟ ਵਿਚ ਵੇਚ ਕੇ ਕਰੋੜਾਂ ਰੁਪਏ ਕਮਾਏ ਜਾ ਸਕਣ। ਪਰ ਇਸ ਘਟਨਾ ਤੋਂ 14 ਮਹੀਨੇ ਦਾ ਸਮਾਂ ਬੀਤਣ ਤੋਂ ਬਾਅਦ ਵੀ ਇੰਸਪੈਕਟਰ ਪ੍ਰਸ਼ਾਂਤ ਪੁਲਸ ਦੇ ਹੱਥ ਨਹੀਂ ਆ ਰਿਹਾ ਹੈ, ਜਦਕਿ ਕਸਟਮ ਵਿਭਾਗ ਨੇ ਇੰਸਪੈਕਟਰ ਪ੍ਰਸ਼ਾਂਤ ਨੂੰ ਨੌਕਰੀ ਤੋਂ ਡਿਸਮਿਸ ਕਰ ਦਿੱਤਾ ਹੈ ਅਤੇ ਉਸ ਦੀ ਭਾਲ ਵਿਚ ਲਗਾਤਾਰ ਛਾਪੇਮਾਰੀ ਕੀਤੀ ਜਾ ਰਹੀ ਹੈ।
ਇਹ ਵੀ ਪੜ੍ਹੋ- ਪੰਜਾਬ ਪੁਲਸ ਦੇ ASI ਦੀ ਡਿਊਟੀ ਦੌਰਾਨ ਮੌਤ
ਇਸ ਮਾਮਲੇ ਵਿਚ ਕਸਟਮ ਵਿਭਾਗ ਦੇ ਹੀ ਇਕ ਸੁਪਰਡੈਂਟ ਨੂੰ ਵੀ ਚਾਰਜਸ਼ੀਟ ਕੀਤਾ ਗਿਆ ਹੈ। ਹਾਲਾਂਕਿ ਮੰਨਿਆ ਜਾ ਰਿਹਾ ਹੈ ਕਿ ਸੁਪਰਡੈਂਟ ਦਾ ਇਸ ਮਾਮਲੇ ਵਿਚ ਕੋਈ ਕਸੂਰ ਨਹੀਂ ਹੈ, ਕਿਉਂਕਿ ਮਾਲਖਾਨੇ ਦੀ ਚਾਬੀ ਇੰਸਪੈਕਟਰ ਪ੍ਰਸ਼ਾਂਤ ਕੋਲ ਰਹਿੰਦੀ ਸੀ। ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਡੀ. ਆਰ. ਆਈ. ਦਾ ਇੰਸਪੈਕਟਰ ਮਨਜੀਤ ਸਿੰਘ ਤੇ ਕਸਟਮ ਇੰਸਪੈਕਟਰ ਪ੍ਰਸ਼ਾਂਤ ਇਕੋ ਕਮਰੇ ਵਿਚ ਰਹਿੰਦੇ ਸਨ ਅਤੇ ਦੋਵੇਂ ਹੀ ਹਰਿਆਣਾ ਰਾਜ ਨਾਲ ਸਬੰਧਤ ਸਨ, ਜੋ ਰਾਤੋ-ਰਾਤ ਮਾਲਾਮਾਲ ਹੋਣ ਦੇ ਚੱਕਰ ਵਿਚ ਸਮੱਗਲਿੰਗ ਕਰਨ ਲੱਗ ਪਏ।
ਇਹ ਵੀ ਪੜ੍ਹੋ- ਅੰਮ੍ਰਿਤਸਰ ਏਅਰਪੋਰਟ 'ਤੇ ਪੈ ਗਿਆ ਭੜਥੂ, ਫਲਾਈਟ 'ਚੋਂ ਉਤਰੇ ਯਾਤਰੀ ਦੀ ਤਲਾਸ਼ੀ ਲੈਣ 'ਤੇ ਉਡੇ ਹੋਸ਼
2.67 ਕਰੋੜ ਦੀ ਹਵਾਲਾ ਰਾਸ਼ੀ ਮਾਮਲੇ ’ਚ ਫੜਿਆ ਜਾ ਚੁੱਕੈ ਫਰਾਸ਼ ਸੁਖਦੇਵ
ਹੈਰੋਇਨ ਦੀ ਸਮੱਗਲਿੰਗ ਵਿਚ ਹੀ ਨਹੀਂ, ਬਲਕਿ ਐੱਸ. ਜੀ. ਆਰ. ਡੀ. ਏਅਰਪੋਰਟ ’ਤੇ ਡੀ. ਆਰ. ਆਈ. ਵੱਲੋਂ 2.67 ਕਰੋੜ ਰੁਪਏ ਦੀ ਹਵਾਲਾ ਰਾਸ਼ੀ ਫੜੇ ਜਾਣ ਦੇ ਮਾਮਲੇ ਵਿਚ ਕਸਟਮ ਵਿਭਾਗ ਦਾ ਇਕ ਫਰਾਸ਼ ਸੁਖਦੇਵ ਵੀ ਗ੍ਰਿਫ਼ਤਾਰ ਹੋ ਚੁੱਕਾ ਹੈ, ਜਿਸ ਨੂੰ ਨੌਕਰੀ ਤੋਂ ਕੱਢਿਆ ਜਾ ਚੁੱਕਾ ਹੈ।
ਸੁਖਦੇਵ ਦੇ ਮਾਮਲੇ ਵਿਚ ਇਹ ਚਰਚਾ ਜ਼ੋਰਾਂ ’ਤੇ ਹੈ ਕਿ ਇਕੱਲਾ ਸੁਖਦੇਵ ਵਿਭਾਗ ਦੇ ਕਿਸੇ ਵੱਡੇ ਅਧਿਕਾਰੀ ਦੇ ਸਾਥ ਤੋਂ ਬਿਨਾਂ ਇੰਨਾ ਵੱਡਾ ਕੰਮ ਨਹੀਂ ਕਰ ਸਕਦਾ। ਸੁਖਦੇਵ ਦੇ ਪਿੱਛੇ ਕਸਟਮ ਵਿਭਾਗ ਦਾ ਕੋਈ ਨਾ ਕੋਈ ਵੱਡਾ ਅਧਿਕਾਰੀ ਜ਼ਰੂਰ ਹੈ, ਜਿਸ ਦੇ ਕਹਿਣ ’ਤੇ ਸੁਖਦੇਵ ਸਮੱਗਲਰਾਂ ਨਾਲ ਮਿਲੀਭੁਗਤ ਕੀਤੇ ਹੋਏ ਸੀ। ਹਾਲਾਂਕਿ ਇਹ ਵੱਡਾ ਅਧਿਕਾਰੀ ਕੌਣ ਹੈ ਅਤੇ ਕਸਟਮ ਵਿਭਾਗ ਵਿਚ ਕਿਹੜੀ ਪੋਸਟ ’ਤੇ ਤਾਇਨਾਤ ਹੈ, ਇਸ ਬਾਰੇ ਜਾਂ ਤਾਂ ਸੁਖਦੇਵ ਜਾਣਦਾ ਹੈ ਜਾਂ ਫਿਰ ਇਸ ਮਾਮਲੇ ਦੀ ਜਾਂਚ ਕਰ ਰਹੀ ਕੇਂਦਰੀ ਏਜੰਸੀ ਡੀ. ਆਰ. ਆਈ. ਜਾਣਦੀ ਹੈ। ਪਰ ਇਹ ਸੱਚ ਹੈ ਕਿ ਇਸ ਸਮੇਂ ਸੁਖਦੇਵ ਦਾ ਕੋਈ ਵੀ ਸਾਥ ਨਹੀਂ ਦੇ ਰਿਹਾ ਹੈ, ਜਦਕਿ ਸੁਖਦੇਵ 21 ਸਾਲਾਂ ਤੋਂ ਜਾਂ ਇਸ ਤੋਂ ਵੀ ਵੱਧ ਸਮੇਂ ਤੋਂ ਕਸਟਮ ਵਿਭਾਗ ਵਿਚ ਬਤੌਰ ਫਰਾਸ਼ ਕੰਮ ਕਰ ਰਿਹਾ ਸੀ। ਅਜਿਹੇ ਵਿਚ ਜੇਕਰ ਕੋਈ ਵੱਡਾ ਅਧਿਕਾਰੀ ਕਿਸੇ ਫਰਾਸ਼ ਨੂੰ ਕੋਈ ਸਾਮਾਨ ਇੱਧਰ-ਉੱਧਰ ਪਹੁੰਚਾਉਣ ਲਈ ਕਹਿੰਦਾ ਹੈ ਤਾਂ ਫਰਾਸ਼ ਉਸ ਨੂੰ ਮਨਾਂ ਨਹੀਂ ਕਰ ਸਕਦਾ।
ਇਹ ਵੀ ਪੜ੍ਹੋ- ਅੰਮ੍ਰਿਤਸਰ ਦੀ ਕੇਂਦਰੀ ਜੇਲ੍ਹ 'ਚ ਚੱਲ ਰਿਹਾ ਸੀ ਹੈਰਾਨੀਜਨਕ ਕਾਰਾ, ਜੇਲ੍ਹ ਵਾਰਡਰ ਹੋਇਆ ਗ੍ਰਿਫ਼ਤਾਰ
ਵੱਡੇ ਅਧਿਕਾਰੀ ਦਾ ਨਾਂ ਨਹੀਂ ਦੱਸੇਗਾ ਤਾਂ ਸੁਖਦੇਵ ਦਾ ਕਰੀਅਰ ਖ਼ਤਮ
ਮੰਨਿਆ ਜਾ ਰਿਹਾ ਹੈ ਕਿ ਮੌਜੂਦਾ ਸਮੇਂ ਵਿਚ ਸੁਖਦੇਵ ਨੂੰ ਨਾ ਤਾਂ ਹੁਣ ਕਸਟਮ ਵਿਭਾਗ ਕੰਮ ’ਤੇ ਰੱਖੇਗਾ ਅਤੇ ਨਾ ਹੀ ਕੋਈ ਦੂਜਾ ਵਿਭਾਗ ਜਾਂ ਕੋਈ ਪ੍ਰਾਈਵੇਟ ਫਰਮ, ਕਿਉਂਕਿ ਸੁਖਦੇਵ ’ਤੇ ਇਸ ਸਮੇਂ ਸੋਨੇ ਦੀ ਸਮੱਗਲਿੰਗ ਦਾ ਕੇਸ ਬਣ ਚੁੱਕਾ ਹੈ। ਅਜਿਹੇ ਵਿਚ ਜੇਕਰ ਸੁਖਦੇਵ ਆਪਣੇ ਉਸ ਵੱਡੇ ਅਧਿਕਾਰੀ ਦਾ ਨਾਂ ਨਹੀਂ ਦੱਸਦਾ ਹੈ ਤਾਂ ਸਾਰਾ ਭਾਂਡਾ ਸੁਖਦੇਵ ਦੇ ਸਿਰ ਹੀ ਭੱਜੇਗਾ ਅਤੇ ਵੱਡਾ ਅਧਿਕਾਰੀ ਬਚ ਜਾਵੇਗਾ, ਜਦਕਿ ਸੁਖਦੇਵ ਦਾ ਕਰੀਅਰ ਮਿੱਟੀ ਵਿਚ ਮਿਲ ਜਾਵੇਗਾ।
ਡੀ. ਆਰ. ਆਈ. ਨੂੰ ਅੰਮ੍ਰਿਤਸਰ ਦੇ ਦੋ ਹੋਰ ਲੋਕਾਂ ਦੀ ਭਾਲ
2.67 ਕਰੋੜ ਦੀ ਹਵਾਲਾ ਰਾਸ਼ੀ ਫੜੇ ਜਾਣ ਤੇ ਫਰਾਸ਼ ਸੁਖਦੇਵ ਦੇ ਫੜੇ ਜਾਣ ਦੇ ਮਾਮਲੇ ਵਿਚ ਡੀ. ਆਰ. ਆਈ. ਨੂੰ ਅੰਮ੍ਰਿਤਸਰ ਦੇ ਦੋ ਹੋਰ ਲੋਕਾਂ ਦੀ ਭਾਲ ਹੈ, ਜੋ ਵਿਕਾਸ ਛਾਬੜਾ (ਜਿਸ ਤੋਂ ਹਵਾਲਾ ਰਾਸ਼ੀ ਫੜੀ ਗਈ ਸੀ) ਦਾ ਸਾਥ ਦੇ ਰਹੇ ਸਨ। ਮੰਨਿਆ ਜਾ ਰਿਹਾ ਹੈ ਕਿ ਇਨ੍ਹਾਂ ਦੋ ਲੋਕਾਂ ਦੇ ਫੜੇ ਜਾਣ ਨਾਲ ਇਸ ਕੇਸ ਦੀਆਂ ਹੋਰ ਪਰਤਾਂ ਵੀ ਖੁੱਲ੍ਹ ਸਕਦੀਆਂ ਹਨ, ਜੋ ਅਜੇ ਤੱਕ ਦੱਬੀਆਂ ਹੋਈਆਂ ਹਨ।
ਸਮੱਗਲਿੰਗ ਰੋਕਣ ਲਈ ਪਰਦੇ ਦੇ ਪਿੱਛੇ ਵਾਲੀ ‘ਕਾਲੀ ਭੇਡ’ ਦਾ ਫੜਿਆ ਜਾਣਾ ਜ਼ਰੂਰੀ
ਐੱਸ. ਜੀ. ਆਰ. ਡੀ. ਏਅਰਪੋਰਟ ’ਤੇ ਸੋਨੇ ਦੀ ਸਮੱਗਲਿੰਗ ਕਈ ਸਾਲਾਂ ਤੋਂ ਚੱਲੀ ਆ ਰਹੀ ਹੈ, ਪਰ ਇਸ ’ਤੇ ਪੱਕੀ ਲਗਾਮ ਨਹੀਂ ਲਗਾਈ ਜਾ ਸਕੀ। ਆਏ ਦਿਨ ਸਮੱਗਲਰ ਕੋਈ ਨਾ ਕੋਈ ਨਵਾਂ ਤਰੀਕਾ ਸੋਨੇ ਦੀ ਸਮੱਗਲਿੰਗ ਲਈ ਅਪਣਾਉਂਦੇ ਹਨ, ਅਜਿਹੇ ਵਿਚ ਸੋਨੇ ਦੀ ਸਮੱਗਲਿੰਗ ਵਿਚ ਪਰਦੇ ਦੇ ਪਿੱਛੇ ਰਹਿ ਕੇ ਕੰਮ ਕਰਨ ਵਾਲੀ ਕਾਲੀ ਭੇਡ ਨੂੰ ਫੜਿਆ ਜਾਣਾ ਅਤਿ ਜ਼ਰੂਰੀ ਹੈ ਤਾਂ ਜੋ ਸਾਰੀ ਸਥਿਤੀ ਸਪਸ਼ਟ ਹੋ ਸਕੇ।
ਡੌਗ ਹੈਂਡਲਰ ਪਾਲ ਵੀ ਹੋ ਚੁੱਕਾ ਹੈ ਗਾਇਬ
ਕਈ ਸਾਲ ਪਹਿਲਾਂ ਐੱਸ. ਜੀ. ਆਰ. ਡੀ. ਏਅਰਪੋਰਟ ’ਤੇ ਹੀ ਡੌਗ ਹੈਂਡਲਰ ਪਾਲ, ਜੋ ਕਿ ਕਸਟਮ ਵਿਭਾਗ ਵਿਚ ਠੇਕੇ ’ਤੇ ਕੰਮ ਕਰਦਾ ਸੀ, ਉਸ ਨੂੰ ਵੀ ਸੋਨੇ ਦੀ ਸਮੱਗਲਿੰਗ ਵਿਚ ਹੀ ਫੜਿਆ ਗਿਆ ਸੀ। ਪਰ ਫੜੇ ਜਾਣ ਤੋਂ ਬਾਅਦ ਉਹ ਗਾਇਬ ਹੋ ਗਿਆ ਅਤੇ ਦੁਬਾਰਾ ਕਸਟਮ ਵਿਭਾਗ ਦੇ ਆਸ-ਪਾਸ ਨਜ਼ਰ ਨਹੀਂ ਆਇਆ। ਉਸ ਸਮੇਂ ਵੀ ਪਾਲ ਨਾਲ ਮਿਲੀਭੁਗਤ ਕਰਨ ਵਾਲੇ ਇਕ ਵੱਡੇ ਅਧਿਕਾਰੀ ਦਾ ਨਾਂ ਉਛਲਿਆ ਸੀ, ਪਰ ਸਾਰਾ ਭਾਂਡਾ ਪਾਲ ’ਤੇ ਇਸ ਲਈ ਭੰਨ ਦਿੱਤਾ ਗਿਆ ਕਿਉਂਕਿ ਪਾਲ ਨੇ ਉਸ ਅਧਿਕਾਰੀ ਦਾ ਨਾਂ ਨਹੀਂ ਦੱਸਿਆ ਸੀ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Whatsapp Channel: https://whatsapp.com/channel/0029Va94hsaHAdNVur4L170e
ਪੰਜਾਬ ਪੁਲਸ ਦੇ ASI ਦੀ ਡਿਊਟੀ ਦੌਰਾਨ ਮੌਤ
NEXT STORY 
