ਗੈਜੇਟ ਡੈਸਕ - ਭਾਰਤੀ ਏਅਰਟੈੱਲ ਨੇ ਆਪਣੇ ਗਾਹਕਾਂ ਲਈ ਇਕ ਵਿਸ਼ੇਸ਼ 1599 ਰੁਪਏ ਵਾਲਾ ਬ੍ਰੌਡਬੈਂਡ ਪਲਾਨ ਪੇਸ਼ ਕੀਤਾ ਹੈ, ਜਿਸ ਨੂੰ ਇਕ 'ਟੋਟਲ ਪੈਕੇਜ' ਮੰਨਿਆ ਜਾ ਰਿਹਾ ਹੈ। ਇਸ ਪਲਾਨ ਦੀ ਸਭ ਤੋਂ ਵੱਡੀ ਖਾਸੀਅਤ ਇਸਦੀ 300 Mbps ਦੀ ਤੇਜ਼ ਡਾਊਨਲੋਡ ਸਪੀਡ ਅਤੇ ਇਸ 'ਚ ਮਿਲਣ ਵਾਲੇ ਅਣਗਿਣਤ ਮਨੋਰੰਜਨ ਦੇ ਸਾਧਨ ਹਨ।
ਪਲਾਨ ਦੇ ਮੁੱਖ ਫਾਇਦੇ :-
ਹਾਈ-ਸਪੀਡ ਡਾਟਾ
- ਇਸ ਪਲਾਨ 'ਚ ਗਾਹਕਾਂ ਨੂੰ 300 Mbps ਦੀ ਸਪੀਡ ਨਾਲ ਅਨਲਿਮਟਿਡ ਡਾਟਾ ਮਿਲਦਾ ਹੈ। ਫਾਈਬਰ ਦੀ ਵਰਤੋਂ ਕਰਨ ਵਾਲੇ ਗਾਹਕਾਂ ਲਈ ਹਾਈ-ਸਪੀਡ ਡਾਟਾ ਦੀ ਸੀਮਾ 3.3TB ਹੈ, ਜਦੋਂ ਕਿ ਏਅਰਫਾਈਬਰ ਗਾਹਕਾਂ ਲਈ ਇਹ ਸੀਮਾ 1TB ਰੱਖੀ ਗਈ ਹੈ।
OTT ਐਪਸ ਦਾ ਖਜ਼ਾਨਾ
- ਗਾਹਕਾਂ ਨੂੰ ਇਸ ਪਲਾਨ 'ਚ 22 ਤੋਂ ਵੱਧ OTT ਪਲੇਟਫਾਰਮਾਂ ਦਾ ਲਾਭ ਮਿਲੇਗਾ, ਜਿਨ੍ਹਾਂ 'ਚ Netflix, Apple TV+, Prime Video, JioHotstar ਅਤੇ ZEE5 ਵਰਗੇ ਵੱਡੇ ਨਾਮ ਸ਼ਾਮਲ ਹਨ। ਇਹ ਸਾਰੇ ਏਅਰਟੈੱਲ ਐਕਸਸਟ੍ਰੀਮ ਪਲੇ ਪ੍ਰੀਮੀਅਮ (Airtel Xstream Play Premium) ਰਾਹੀਂ ਇਕੋ ਲਾਗਇਨ ਨਾਲ ਚਲਾਏ ਜਾ ਸਕਦੇ ਹਨ।
ਲਾਈਵ ਟੀਵੀ ਅਤੇ ਹੋਰ ਸੇਵਾਵਾਂ
- ਇਸ ਪੈਕੇਜ 'ਚ 350 ਤੋਂ ਵੱਧ ਲਾਈਵ ਟੀਵੀ ਚੈਨਲ ਵੀ ਸ਼ਾਮਲ ਹਨ। ਇਸ ਤੋਂ ਇਲਾਵਾ, ਗਾਹਕਾਂ ਨੂੰ ਇਕ ਸਾਲ ਲਈ Adobe Express Premium (ਜਿਸਦੀ ਕੀਮਤ 4,000 ਰੁਪਏ ਹੈ) ਅਤੇ Google One ਦਾ ਸਬਸਕ੍ਰਿਪਸ਼ਨ ਵੀ ਮੁਫ਼ਤ ਦਿੱਤਾ ਜਾ ਰਿਹਾ ਹੈ।
ਕਿੱਥੇ ਹੈ ਉਪਲਬਧ?
ਏਅਰਟੈੱਲ ਦਾ ਇਹ ਪਲਾਨ ਦੇਸ਼ ਦੇ ਹਰ ਟੈਲੀਕਾਮ ਸਰਕਲ 'ਚ ਉਪਲਬਧ ਹੈ। ਕੰਪਨੀ ਮੁਤਾਬਕ ਇਹ ਪਲਾਨ ਫਾਈਬਰ ਅਤੇ ਏਅਰਫਾਈਬਰ ਦੋਵਾਂ ਉਪਭੋਗਤਾਵਾਂ ਲਈ ਹੈ, ਪਰ ਮਾਹਰਾਂ ਦਾ ਸੁਝਾਅ ਹੈ ਕਿ ਜਿੱਥੇ ਫਾਈਬਰ ਦੀ ਸਹੂਲਤ ਹੋਵੇ, ਉੱਥੇ ਫਾਈਬਰ ਨੂੰ ਹੀ ਪਹਿਲ ਦੇਣੀ ਚਾਹੀਦੀ ਹੈ ਕਿਉਂਕਿ ਇਹ ਵਧੇਰੇ ਭਰੋਸੇਮੰਦ ਹੈ ਅਤੇ ਇਸ 'ਚ ਡਾਟਾ ਦੀ ਮਾਤਰਾ ਵੀ ਜ਼ਿਆਦਾ ਮਿਲਦੀ ਹੈ।
ਧਿਆਨ ਦੇਣ ਯੋਗ ਹੈ ਕਿ ਇਸ 1599 ਰੁਪਏ ਦੀ ਕੀਮਤ 'ਚ 18% GST ਵਾਧੂ ਜੋੜਿਆ ਜਾਵੇਗਾ। ਹਾਲਾਂਕਿ ਇਹ ਪਲਾਨ ਕਾਫੀ ਮਹਿੰਗਾ ਲੱਗ ਸਕਦਾ ਹੈ, ਪਰ ਭਾਰੀ ਇੰਟਰਨੈੱਟ ਵਰਤੋਂ ਅਤੇ OTT ਦੇ ਸ਼ੌਕੀਨਾਂ ਲਈ ਇਹ ਇਕ ਬਿਹਤਰੀਨ ਚੋਣ ਸਾਬਤ ਹੋ ਸਕਦਾ ਹੈ।
ਸਿਰਫ਼ 469 'ਚ 84 ਦਿਨ ਅਨਲਿਮਿਟਿਡ ਕਾਲਿੰਗ ! Airtel ਨੇ ਲਾਂਚ ਕੀਤਾ ਸਭ ਤੋਂ ਸਸਤਾ ਪਲਾਨ
NEXT STORY 
